Amour Corner (已結業)

今次喺油麻地經過呢間餐廳，見到餐牌裏面d食物都幾吸引，而且價錢都唔貴，食物選擇又多，所以想入去試下。我地今次叫咗6隻生蠔。講真，6隻只係$130，每隻品種都唔同味道，但係佢地都好鱧鮮甜，海水味都唔會過多，加埋檸檬汁更加可以帶出生蠔嘅味道😋我地今次個頭盤係蜜瓜配pama ham，同埋仲有鵝毛配多士。鵝肝入口即溶，多士厚度啱啱好，配搭鵝肝一流。pama ham嘅咸味又可以同蜜瓜中和，食完好滿足。每人一個湯同沙律之後，我地就有兩個main course，第一個係羊架，五成熟，好嫩口好有羊味，佢同旁邊嘅薯蓉係絕配!第二個係墨魚汁大蝦麵，有好多隻大蝦，而且煎得好有咬口，個墨魚汁個味道都唔錯。甜品有朱古力雪糕，簡直可以為今次晚餐畫上完美句號!

旺角砵蘭街呢度原來有一間甜品舖，唔使等到深夜，我同朋友就急着去食。由於係下午嘅關係，餐廳裏面唔係太多人，叫咗兩個甜品一齊食。分別係蜜糖吐司盒同埋西瓜冰冰。同朋友有傾有講，甜品就好快到咗，蜜糖吐司盒睇得出有花心機做，雪糕甜筒配上士多啤梨和香草，就連個雪糕都係用玫瑰嘅形狀呈現，而且吐司經過精心的處理，已經把麵包割成一個個正方形，整齊的排列着。麵包剛剛烘好，放進口來溫暖又鬆化。配上雪糕，麵包的熱力把雪糕在口內溶化，甜在心頭。令我的西瓜沙冰就製作需時，天口熱食沙冰就最好不過啦。見到它的樣子10分趣怪，好奇為什麼可以做出這樣的形狀。職員解釋西瓜是經過雪藏，所以西瓜內的果肉和變成沙冰狀，再把它切成三角錐體的樣子。當然先拍了個照後再吃！我們兩人一人一口，頓時把炎熱的溫度忘記了。每人＄80，有得影相又有得食環境又唔錯，合理。

終於有時間寫返之前既用餐體驗啦！已經不是第一次去旺角呢間Amour Corner,鐘意餐廳食物有質素，而且價錢大眾化餐廳有格調，適合我同朋友慢慢食住野傾偈我地兩個點在個兩人餐+半打生蠔！最令我期待的是生蠔其實個二人餐連生蠔都只是$500幾兩位，即係每人都唔使$300，但每人都有濃濃可口的蘑菇湯，凱撒沙律，主菜-揀左我最愛的牛扒，而且份量十足，肉質嫩，烹調乘數恰當，沒有overcooked 餐後仲有餐飲及甜品，好滿足喔

放工後,朋友相約在旺角區食晚飯, 於是在砵蘭街眾多食肆搵下有乜好食, 經過宣傳牌有$130 6隻生蠔都幾吸引之下, 就決定來到Amour Corner進餐 。    餐廳環境不錯, 具浪漫氣氛, 用餐飲酒, 是不錯選擇。*  * **【法國生蠔】 6隻 $130  點了三款蠔各二隻, 全都好鮮甜。 圖中最細尺寸蠔是小珍珠有濃濃海水味; 中尺寸蠔是塔蒂蠔味道是我最愛,入口爽滑,有堅果香味; 而大尺寸蠔是法國芬大奇生蠔, 厚肉肥美,帶有微榛子味。** 點了經典二人晚餐 $328 頭盆 【巴馬火腿蜜瓜 及 青蘋果鵝肝多士】  以香甜多汁哈蜜瓜可中和巴馬火腿鹹味; 香脆的多士上放了軟滑脂香豐腴鵝肝, 而中間夾住帶酸青蘋果,可鮮油膩感。**【傳統凱撒沙律】【是日餐湯】  傳統凱撒沙律~青綠爽脆的生菜,配上多士粒, 灑上少許芝士,新鮮健康。蘑菇湯~很濃郁蘑菇湯口感很幼滑,有粒粒口感,飲起來好原味好飲呢!* * 主菜【烤澳洲牛柳扒】  點了五成熟牛柳,切開後呈現粉紅,烤到能肉汁鎖在裡面,肉質鮮嫩,軟嫩適中厚實多汁,牛味十足。* * 【香草煎封羊西冷】  點了7成熟羊西冷,是沒骨羊,煎香到外脆內軟,

今日涼涼地，本來諗住打邊爐，但friend 子話想西餐，就係斜對面見到裝修幾靚既餐廳，就睇下餐牌，見有豬頸骨，意粉等，二話不說入去。由於我地早入，所以人不算多，一到左7點，好多情侶係門口排晒隊，好彩早入。店內氣氛唔錯，樓底高，亦已經布置好聖誕節裝飾。每枱都會有蠟燭，好浪漫，再配埋店內播既最HIT英文情歌，好岩FEEL。 Friend 子話要食生蠔，店員推法國生蠔比我地，好抵，130蚊6隻。有塔蒂蠔，法國芬大奇分蠔同埋珍珠蠔，不得不讚D蠔，即叫即開，好鮮甜，茄汁都唔洗加，咁既價錢非常合理，最貼心係侍應主動比埋濕紙巾我地抹手。亦好細心介紹每一種生蠔。另外我地再order 經典二人晚餐，呢個餐兩個人加埋328加一，有頭盤，湯，沙律，主菜及甜品。飲品我地Order左凍檸茶同埋鮮奶朱古力，飲品黎講呢到都算好多選擇。頭盤我地簡左巴馬火腿蜜瓜同埋迷你芝士拼盤，有南芝士 同埋貝爾芝士等等。然後有凱撒沙律 同埋是日餐湯蘑茹湯，粒粒蘑菇非常可口！凱撒沙律亦都好大碟！主菜有燒醬烤原味豬肋骨豬肋骨煮得岩岩好，肉唔會太老，亦唔會太硬，應該係烤時落左唔小功夫。一切就切到，肉嫩多汁，配埋個BBQ醬汁，味道非常夾。然

餐廳氣氛唔錯，燭光晚餐好浪漫。我地叫左2人餐加半打生蠔。塔蒂蠔、芬大奇同小珍珠3款蠔唔算好肥美，但都幾新鮮，唔會有腥味。Parma ham唔系好油潤，偏韌左少少。芝士份量好慷慨，但奶香就一般，blue cheese太濃烈，有餅乾可以配上就更好。磨菇湯稀稀地，唔會好膩，濃濃菇味，都唔錯。沙律新鮮，酸酸地既沙律醬好開胃。Ribs偏乾左啲，唔夠入味，但醬汁辣辣地都幾惹味。以為系薯蓉但原來系蕃薯蓉，甜甜地幾特別，但我都系鍾意普通薯蓉多啲。黑松露菌意大利飯奇怪地飯粒好細，唔似risotto, 質感淋左啲，欠缺咬口，菌味都幾濃。最後以簡單既奶凍同雪糕作結。

再一次黎食呢間餐廳都無令我失望食完好飽好滿足呢度環境好有情調好岩傾計再一次食生蠔同二人餐今次各款生蠔叫左兩隻食Waitress 好細心提醒我地由下食到上由小珍珠食起 之後到法國芬大奇最後食塔蒂蠔海水味好重好新鮮! 是日餐湯係南瓜湯個湯同沙律不過不失頭盤叫左青蘋果鵝肝多士同巴馬火腿蜜瓜鵝肝味道有啲腥另外個蜜瓜火腿個味道都好夾飲品叫左個Ocean Mocktail 擺係個座上面會發光變成藍色好得意因為有啲檸檬味所以都幾fresh! 另外朋友叫左Amour Corner 有少少菠蘿味不過味道比較淡主菜叫左烤澳洲牛柳排本來想叫七成熟不過waitress 提醒可能會比較韌所以最後叫左五成熟岩岩好! 唔會太生牛肉味好濃另外叫左個燒醬烤原味豬肋骨呢個有少少雪藏味味道一般最後食左個甜品意式奶凍牛奶味好重好好味

入到餐廳燈光有d昏暗營造一個浪漫神秘嘅氣氛平日嘅晚餐時段吾算太多人主要餐牌都係2人餐另外仲有生蠔首先係前菜選2款~青蘋果鵝肝多士鵝肝入口即融配埋青蘋果中和油膩感多士烘到好脆一啖食落口有幾重口感~巴馬火腿蜜瓜甜味 crossover 咸味味道都吾錯跟餐有薯仔湯凱撒沙律菜大大份幾新鮮羊西冷配薯蓉食落羊羶味吾算太重肉質有d韌牛柳扒配薯蓉叫左7成熟味道係ok嘅不過肉質都係有d韌仲有甜品為晚餐畫上句號食到好飽算係平價嘅西餐廳質素普普通通啦

咪以為砵蘭街只有米線同茶餐廳，旺角地膽朋友介紹咗一間西餐廳，講明係條街好雜，入面好靚嘅餐廳！不過就有生蠔食！所以我就帶咗我嘅愛人—媽媽去撐枱腳啦！我地一早未夠六點就到咗！係今晚的第一枱客人！我哋真係為咗生蠔而去，梗係要叫生蠔啦！有個好抵嘅生蠔套餐，＄130有半打法國生蠔！這店一共有三款生蠔，店員就問我地係唔係第一次嚟食，要唔要試晒三款。咁我哋就叫晒三款每款兩隻。食完最終我哋都係覺得Fine de claire 係最好食最有海水味，有平時Ocean three 自己開嘅水準！所以下次一定會叫晒半打都係Fine de claire跟住我哋再叫咗一個二人餐頭盤小食三選二，我哋叫咗煎鵝肝蘋果多士、芝士拼盤！跟餐仲有蘑菇忌廉湯及凱撒沙律主菜我哋揀咗煎羊西冷、大蝦墨魚汁麵，兩款都係水準之作！估唔到個煎羊西冷啲肉咁嫩，冇乜牙力嘅媽媽都食得勁開心！餐後仲有甜品，係士多啤梨奶凍及雪糕球！配上熱咖啡非常滿足！食完都只係七點多d，但餐廳已全場滿座，仲有人等位，我地都識趣埋單讓座！其實係媽媽老人家要早瞓

今晚同朋友去咗旺角睇雷神，睇完已經九點，諗住行下附近搵嘢食...好鬼肚餓！就係砵蘭街見到呢間西餐廳，望落去環境都幾好又好多人食緊，就決定去試一試！坐低見到餐廳推介菜式 ：手工啤酒同埋生蠔，咁就當然要試下生蠔啦！啤酒就唔敢飲...第二朝仲要番工🙈我地最後決定叫一個二人餐 同半打生蠔生蠔$130 6隻，我地叫左每款2隻黎到店員介紹左生蠔既名同食既次序生蠔好新鮮、蠔肉肥美、海水味重....好食之後係2人餐....有蘑菇湯、凱薩沙律小食可以揀兩款：一款係巴拿馬火腿蜜瓜，另一款係青蘋果鵝肝多士因為今日蜜瓜缺貨所以餐廳好好咁俾埋芝士拼盤我地特別一提，香煎鵝肝入口即溶又好香，配上青蘋果抵消油膩感，好正主菜叫左忌廉海蝦墨魚麵 同埋 烤澳洲牛柳扒有4隻大蝦，配埋食到個嘴烏卒卒既墨魚汁麵牛柳扒好大塊又厚身，食時好有牛既肉質感 同埋肉味重最後甜品係一球曲奇妙趣雪糕 同埋 士多啤梨醬牛奶奶凍奶凍好重牛奶味又滑，雪糕當然好食啦！ 為呢餐劃上完美句號～

今晚黎到油麻地買野，買完周圍行買野食，係舊區入面Amour Corner 裝修零舍突出！坐低揀野食，我地兩個揀咗$328經典二人餐，價錢都好合理，有埋頭盤、沙律、餐湯、主食，甜品加飲品。不過就湯無得揀，係是日餐湯。環境不錯我地另外order $130 6隻蠔圖入面每樣揀兩隻，呢間野好好呀，會remind 我地由細隻開始食到大隻，本身對蠔認識唔深，所以唔知點解。食完就明啦，應該係細隻小珍珠蠔味重啲，先食好啲，其他兩款海水味重啲，會蓋過原本小珍珠蠔味👍🏻但三隻都算鮮甜頭盤1：巴馬火煺蜜瓜呢個配搭幾match，咸咸地巴馬火煺搭落甜既蜜瓜，令火煺無咁咸，有趣配搭唔會唔夾頭盤2: 迷你芝士拼盤 有驚喜我本身以為係芝士年糕或者芝士乜乜乜配搭，原來係呢款三款芝士 沙律：凱撒沙律 一項貌似簡單東西，但唔係間間都整得好食，呢間整得啱啱好，醬汁啱啱好，所以都好食餐湯：雜菌磨菇湯味道夠rich 好香主菜1：黑松露菌意大利飯呢個一放低黑松露味已經飄出黎咁好香好香，好好味主菜2: 忌廉海蝦墨魚麵呢個我就覺得不過不失 係我鐘意既硬少少既麵，係食到成咀黑晒😂甜品：意式奶凍加雪糕奶凍都滑，不過係兩個人食就細份咗少少

紀念日想去嘅餐廳full左,臨急臨忙即刻上openrice search 呢間 睇到話最好訂位先,我即日下午打電話去,打咗幾次都無人聽,都知道自己預得太急,冇得怪人😢估唔到呢間餐廳嘅職員竟然會打返電話俾我 感動🙏🏻餐廳嘅格調真係好浪漫,燈光雖暗,但配上枱上的小洋燭, 更顯情調💛 先來一打生蠔,都幾新鮮,呢個價錢接受到呢一個係我全個晚餐至愛,鵝肝真係煎得好香,再配埋多士加薄蘋果,係一種全新享受不過湯有少少浠,個人唔係太喜歡套餐價錢其實唔算好貴,仲有包沙律同甜品,我覺得喺旺角想搵間平平地嘅西餐廳同朋友傾計或者慶祝一啲紀念日子,呢個係一個唔錯嘅選擇

今日同老公去旺角朗豪坊睇戲，我哋決定食咗飯先再去睇戲，老公想食西餐同嘆白酒，我記得Amour Corner可以滿足老公既要求，早一星期前我巳訂定位，晚上六時我倆到埗Amour Corner。一進餐廳，是昏暗既燈光，紅色的梳化，配合枱上既小小爉燭，充滿浪漫既氣氛。看完餐牌，我倆揀選了尊貴二人晚餐($468) : 先來餐前飲料，一杯白酒，老公覺得酒質香濃，配上濃郁主菜，好夾。我不沾酒的，改了飲mocktail ~ 紅莓味， 顏色鮮豔 ，酸酸甜甜，好適合女士喝。頭盤我倆要了香煎帶子配檸檬油醋汁+迷你德國腸拼盤+青蘋果鵝肝多士, 帶子肥大肉厚，鮮甜美味; 兩種德國腸各有特色，外脆內軟，一口咬下，口腔充滿濃濃肉汁; 鵝肝油香軟滑，青蘋果肉質清甜， 多士香脆 ，絕對係perfect match。自選沙律揀咗蜜糖芥末汁，沙律清新，味道融合了芥末嘅微辛及蜜糖嘅香甜還帶點隱約嘅醋酸，非常提神醒胃。是日餐湯係蘑菇湯, 超多蘑菇，香濃又creamy。主菜上場 : 香煎龍脷柳配意大利香草汁，龍脷柳煎得香脆金黄，大啖大啖肉，配合酸甜香草汁，口感一流。 忌廉海蝦墨魚麵， 墨魚汁好濃好稠身，意粉軟硬度適中，海蝦爽滑

今天男朋友安排了一頓晚餐既浪漫又有蠔食的餐廳。位於旺角砵蘭街，由油麻地站A1 出口，行幾步就好快到。餐廳staff 安排我們坐比較入既地方。檯面擺放洋燭很有浪漫的氣氛。餐廳不算太大但沒有迫壓感。我們點了2杯冇酒精成份既mocktail. 一杯 Ocean ,另外一杯Sunset 每杯都是 $58. 杯下配左一個會著燈的底座，影照番上個杯身很美麗。2杯飲料都覺得好fresh,不是太甜。之後點埋個法生蠔。跟著點了一個經典2人套餐 $328 頭盤有青蘋果鵝肝多士、巴馬火腿蜜瓜及迷你芝士拼盤，餐湯當天是南瓜濃湯。主菜我們揀了㘼澳洲牛柳扒，肉汁豐富，不韌，烤程度剛剛好5成合乎我既標準。再加一個黑松露菌意大利飯。黑松露菌味很香配了洋蔥淸甜溶入意大利飯。簡直冇得輸。最後嘆埋意式奶凍同雪糕。之後再嘆埋杯飯後餐熱飲。超滿足啊！不錯的Amour Corner.

印象之前有朋友帶過我到這裡吃東西，那時有套電視劇名和它餐紙上的幾乎一樣，朋友又喜歡食生蠔，於是約了他來這裡!由於餐廳比較暗，裝橫都似為情人而設，卡式座位有鐵塔裝飾靠在牆上的燈光路軌，感覺幾有情調的，但太暗就會影響拍照效果未到7時已經全場爆滿了，幸好我們預訂了6時半，否則遲一步都無機會在此用餐~我們選了經典二人晚餐($328)、法國生蠔半打($130)、Strawberry Kiss($58)和Sunset($58)。首先上枱的是法國生蠔 -朋友全包，每款兩隻，服務員細心提點由左(淡)至右(濃)吃(先是小珍珠，繼而芬大奇，最後塔蒂蠔)，朋友說重海水味鹹鹹的，質感好滑然後頭盤 - 馬火腿蜜瓜 & 青蘋果鵝肝多士蜜瓜清甜且十分爽口，用鹹香的巴馬火腿包著同吃鵝肝煎成金黃色，又香又大塊，入口熔化，配上爽脆青蘋果片和脆卜卜多士同食中和油膩感。是日餐湯和沙律 -南瓜忌廉湯 & 凱薩沙律喝到些南瓜蓉和洋蔥碎，很滑但無落太多調味，原汁原味般，很天然的感覺!十分多芝士碎，沙律汁鹹鹹的，沙律菜新鮮，且有挺多脆脆的麵包粒!主菜一 - 香草煎封羊西冷用黑椒和香草調味，微微羊羶味，不喜歡羊的都可以一試，我們要了7