Amour Corner (已結業)

甘岩今日想食扒，睇下附近有邊間，揾到呢間近近地既。去到門口，企左好耐都冇人望到我地 ，要直接行入去佢先叫我地企喺岀面等一陣。入到去，見到個經典二人套餐幾抵，就叫左。前菜，湯，沙律都正常，重點係個主菜，我地叫左個牛柳扒同菠菜汁煙三文魚意粉，個牛柳我地叫五成熟，嚟到見到全熟甘濟😂😂😂真係唔知講咩好。個意粉啲三文魚都唔係煙三文魚🤷🏻‍♀️係幾飽既，不過你要有質素既呢間真係麻麻囉。

好鐘意食生蠔，但近排睇新聞睇得多，話生蠔食得多好易中毒，所以唔敢去任食去到呢間$130@6隻，法國生蠔，感覺價錢都幾抵，可惜去到時無晒芬大奇，只剩下另外两款，真可惜，不過一場黎到，唯有照食，果两款比較下，小珍珠的味道比較鐘意，喜歡那海水味及口感，不過略嫌細隻頭盤點了鵝肝多士同蜜瓜ham. 超推介，尤其鵝肝多士，鵝肝很肥美，不過配上青蘋果，味道立刻提升，消除了油膩感, 配搭得好好! 主食叫了羊架同意粉，意粉比較一般，羊架也很好食, 有少少羊蘇味，但又唔會太重，正。

見到佢啲情人節裝飾，我以為佢包場仲走去問門口個侍應。120六隻，佢唔係腥我已經好驚喜，雖然全部都細細隻，20蚊隻咋喎，叫多round都底啦，gillardeau為當中海水味同甜味最出的。咩升級二人餐之類，仲有兩位酒，兩杯餐茶包。前菜都三款，帶子為當中最出色，中間半生熟，外面煎得焦脆，鮮甜非常。另外鵝肝同煙三文魚都合格有餘，好味的。沙律爽脆，芝士比得夠慷慨。湯就未夠熱，味道一般，質地為偏水。主菜，我揀羊架，侍應問我幾成熟，我話盡生。但個待應就話吓，咁一成？ 由於我唔知餐廳嘅羊適合咩生熟程度，但又喜生，所以其實廚應該會明。咁我解釋完佢先建議話廚多數建議五成。咁下次可以直接咁答我...羊架上枱係七八成熟，但羊味不錯和肉質唔會柴，係調味未夠，要靠佢配嘅汁食。另外蔬菜有點燶味。最後仲有個奶凍甜品，有驚喜，好好食，奶味香濃，濃稠軟滑，唔會過甜，再配上果醬中和膩感，飽哂價非常底亦質素平均中上的西餐

一踏入2月份，周圍都充滿情人節/新春氣氛, 明嘅明嘅， 一種眼球刺激消費慾模式已啟動。本身冇諗住買新年嘅裝飾品， 見到靚又買啲， 明冇諗住食西餐 ， 見到呢間寫住暖氣開放再加上咁多粉紅色氣球裝飾，就入咗去。佢情人節套餐都好平798兩位， 但今日不是劏死牛嘅日子， 我地只叫左個經典二人餐再加生蠔。130蚊有六隻生蠔價錢算平，但因為嗰種係法國 ，唔會好似美國珍珠蠔咁大，咁甜，但相對地 海水味，礦物味會比較重， 整體嚟講到非常 新鮮， 合格有餘。另外叫了比較特別嘅手工啤 石榴味， 75蚊唔算平,但第二樽會有半價， 除番開都ok。頭盤我哋叫咗青蘋果鵝肝多士，蜜瓜ham。 煎鵝肝配合青蘋果，減少油膩感，而且一份有兩件， 可以平均分到 ，相當抵食。 我點餐之前仲專登問係鵝肝定係鵝肝醬因為本人係非常討厭食鵝肝醬的。個ham都好味，而且都係一人一件主食方面叫咗個烤澳洲牛柳扒，黑松露意大利飯。 因為牛柳扒係比較厚身嘅， 所以我通常都會嗌五成熟，如果叫medium rare怕會過生。 呢個牛柳扒熟度啱啱好，自己再加啲岩鹽會比較惹味， 唔需要點mustard, 薯容同烤菜都好味。 黑松露意大利飯夠香。仲有個

本身book左20:30食飯, 去到門口, 同個職員講book左既, 佢聽到, 冇反應, 問另一組客人, 然後叫我地等佢set枱, 明明近門口有張set好左既枱, 幾分鐘後, 佢都係叫我地坐返門口張枱=_= 唔緊要, 咁入到去, 佢向我地介紹menu, 講得勁快勁細聲, 都算, 咁我地落order啦, 之後等左30分鐘有多都未有野食來, 正覺得唔對路時, 又係門口果個waitress走來問我地: 仲有冇d咩野食未到??? 我地都算, 同佢講: 其實咩野食都未有呀..... 佢就同我地對多次個main course, 咁漏左單都唔緊要, 15分鐘後, 都係咩都未有, 我地同佢講:其實我地係連頭盤都未上呀........去到呢到, 我地已經坐低左1個鐘有多....咁好快, 頭盤, 湯, 沙律來左, 咁我地都諗住冇野啦...點知食完沙律, 係另一個staff來收碟, 佢問我地: 上得甜品未???大佬我地連main course都未上呀!!!!! 你估我地好想坐咁耐咩!!!! 係等緊你上菜呀!!!!!!! 咁我地都好聲好氣地講: 我地既main course未上呀....... 我地牛扒叫5成

這是一間近油麻地鐵站，信和斜對面只隔國條街卻少很多人群的旺中帶靜地帶。餐廳格居有情調，也不會太吵鬧適合朋友情人選擇飯居的地方。因爲愛吃生蠔，又想什麼都試，所以叫了三款各兩隻還真嚐到不同味道的蠔，各具特色。由下邊開始是小珍珠、塔蒂再來是芬大奇。吃生蠔我較少用醬，這才能吃出最真實的鮮味。小珍珠雖小但咬下口感厚，海水味濃但不咸。塔蒂-咬感較薄，口感有點黏黏的甜味卻不失蠔的獨有味道。芬大奇的尺寸較大，蠔味與海鮮味相比下最重但不不會覺腥，咬下肉質彈口。三款味道由輕至重各有特色，最重要新鮮好吃。除了蠔，我們還點了二人餐。看起來以為份量有點少但吃著吃著才知份量可足啦！前菜分別點了哈密瓜火腿及鵝肝多士。火腿肥美，咸度足，但蓋不到水果甜，咸甜配起來很別緻。鵝肝多士的話最讚，多士香脆，鵝肝下有青蘋果所以減了膩感，份量夠但不會是好脂肪肥，咬下有油感配多士剛好。沙律與湯也是餐廳當日定的。忌廉湯的牛奶味香重，蕃茄輕酸開胃，配上餐廳配的檸檬味汁較酸的凱薩沙拉所以更開胃。所以接下來倒是吃著都不會覺太飽太膩的口感。牛柳扒一切開便懂這扒煎得皮香口卻能鎖住肉汁，切牛扒時沾上肉汁極為鮮美。肉扒雖厚但不會硬身，不用沾醬更能吃

今日去旺角行街，行到攰想搵間有啲情調既餐廳飲杯野，食下生蠔！行下行下見到有間街鋪好靚，晚飯時間岩岩開始。入面又未算好多人，所以就即刻入去試下！餐廳入面燈光較暗，有少少似酒窖既擺設，座位都闊落，傾下計飲下野都好岩！坐低左就睇下個menu 啦！一見到佢個生蠔優惠，就即刻叫！佢任選6隻，所以我就叫每款兩隻。之後再叫左個2人餐。生蠔超值！夠肥美，每款既甜味同海水味分佈都唔同，所以上既時候店員有推薦邊隻食先邊隻食後。總括全部都好新鮮，特別係petite pearl ，個甜度最岩我口味！$130六隻仲有依個質素真係唔食唔得！食完蠔之後就食個二人餐！首先黎個頭盤！巴馬火腿蜜瓜同迷你芝士拼盤。火腿厚薄適中，咸香味夠，配埋個蜜瓜既甜味超夾。果香加肉既咸香永遠係絕配！芝士拼盤亦夠濃，唔會太臭，怕太臭既朋友可以試下！之後就黎個傳統凱薩沙拉同餐湯個湯係南瓜濃湯，味道夠濃而且飲得出係南瓜既甜味。飲落仲有少少南瓜蓉！個沙律就唔太特別但勝在羅馬生菜夠新鮮！仲有好多芝士粒係入面。唔錯！之後就到主菜！首先係烤澳州牛枊排牛排我叫左五成熟。入口岩岩好五成，咬落仲有肉汁湧出黎。唔會太油又好重肉香味。牛排夠厚，份量都唔少，推薦

店員好細心咁介紹，仲建議我哋有邊款開始食，我哋按照著店員介紹慨次序，由小珍珠開始，小珍珠肥美而且爽脆，而塔蒂蠔好有海水味。青蘋果鵝肝多士鵝肝非常肥美，加左青蘋果減低左鵝肝慨油膩感，巴馬火腿蜜瓜蜜瓜清甜，同巴馬火腿絕對系經典慨配搭。

今年最後的一餐正在苦惱著時就發現了這家餐廳去年試過彌敦道地庫的那家那今天可以試埋這家基於節日的關係今天只有這個菜單太好了免了選擇困難這回事頭盤是辣吞拿魚沙律配黑醋汁賣相真的不差也不失味道伴碟幾粒蘋果更是讓人口感清新然後乖乖選了杯Amour聖誕特飲是七喜加上紅紅綠綠的啫喱波波隨著氣慢慢上升好得意也好有聖誕氣氛再飲番碗黑松露帶子野菌湯味道不是很濃剛剛好還有大大粒帶子在中間再來就是主餐了選了厚切牛牛和三文魚扒是紅酒汁伴碟的一粒薯仔勁好食皮好脆有薯仔味（當然，他是薯仔。。。）三文魚煎得不會太乾五成熟的牛牛很厚但肉質夠滑真的做得很出色飲過餐茶後再食個聖誕和跨年甜品哇~好得意啊雖然聖誕老人和那隻襪仔不能食的卻完全滿足了在下的眼慾雪人是綿花糖最頂一粒是朱古力衣綿花糖後面是朱古力蛋糕還有桑莓拿破倫超正 正 正

今天約左朋友去旺角shopping，到了晚餐後時間，朋友帶我去位於砵蘭街的Amour Corner，是一間西餐廳，餐廳地方不大，但整潔有情調。法國芬大奇生蠔：朋友知我鍾意食生蠔，就叫了半打法國芬大奇生蠔，味道爽口又大隻，十分美味！我們點了經典二人晚餐，首先是上頭盤：巴馬火腿密瓜，密瓜非常甜，巴馬火腿味道鮮帶咸，兩者好夾。迷你芝士拼盤，芝士好濃味，配餅乾脆卜卜，有口感好惹味！傳統凱撒沙律：沙律菜新鮮，加入脆口的麵包粒，有口感味帶酸，好醒胃。是日餐湯：南瓜湯香草煎封羊西冷：羊架食得多，羊西冷就比少食，羊西冷是厚切的，首先煎封2邊，鎖住肉汁，熟度剛剛好，加上香草和特製醬汁，使味道提升，肉質鮮嫩，很好味！菠菜汁煙三文魚意粉：煙三文魚份量都好多，意粉軟硬適中，菠菜汁creamy，令人食不停口甜品：意式奶凍和雪糕，飯後食些甜品，真的是好享受，滑滑的意式奶凍，奶味香甜度適中，雪糕是芒果味，美味可口1]餐茶：招牌咖啡和檸檬茶

法國生蠔 $130小珍珠 法國芬大奇生蠔 塔蒂蠔為咗提前慶祝聖誕節，特別係一啲人多，出外消費又貴嘅節日。最啱就係提早慶祝！我哋就叫咗一個生蠔拼盤，生蠔十分之鮮甜，待應個個都好有耐性咁講解，比我地知道要由細隻開始食到大，咁就可以慢慢感受佢嘅海水味。經典二人晚餐 $328青蘋果鵝肝多士巴馬火腿蜜瓜我哋就最鍾意個鵝肝，同我哋係歐洲食嘅簡直係一模一樣咁新鮮！南瓜忌廉湯Caesar Salad沙律不過不失，南瓜湯非常之creamy香草煎封羊架冇錯又係食羊扒。呢一個羊扒比較特別嘅就係冇任何嘅調味，佢有一個燒汁，但係羊架嘅香味同埋煮法已經十分之好味，根本就唔需要用個汁 ！烤澳洲牛柳扒牛柳扒唔同牛扒，比較大塊肉質比較林。食開牛扒嘅朋友仔可以試一試依個牛柳扒，亦都相當不錯。芒果雪糕

朋友介绍左位於砵蘭街嘅 AMOUR CORNER西餐廳，聽說生蠔不錯.、今日同妹妹來試試 !來到餐廳侍應熱情招呼積極推介餐飲至介紹怎樣食生蠔的方法,真係有温度嘅服務態度!唔錯!揀咗個經典二人晚餐 $ 328 再加多一份有6隻嘅生蠔 $130 試試 !頭盆: (3選2 ) 一、青蘋果鵝肝多士 二、巴馬火腿蜜瓜沙律&湯主菜 ; (7選2) 黑松露菌意大利飯忌廉海蝦墨鱼汁麵甜品咖啡或茶睇餐牌上介绍啲生蠔喺法國係得到2017農業部金獎喎 !有三款: 塔蒂蠔、芬大奇蠔、小珍珠蠔等。塔芬蠔嘅特點唔係乳白色嘅、一年回季都有出產、口感爽脆!芬大奇蠔是其中最具代表性的法國生蠔之一、蠔身通透、肉質厚實滑順口感请甜、清爽 ! 好有海水味!小珍珠蠔邊爽脆肥美 ! 經員工指導將蠔肉"篤"碎、再啜入口、嘩! 果然 順滑清甜 !好享受咁有質素嘅生蠔、可惜腸胃比較敏感只可淺嚐....凱撒沙律"的菜好爽青蘋果鵝肝多士啲鵝肝甘香軟滑、巴馬火腿蜜瓜都好蜜呀、!今日餐湯係香濃磨菇湯忌廉海蝦墨鱼汁意粉煙韌彈牙蝦爽!黑松露菌意大利飯煙韌度適中、醬汁濃度也剛剛好、菇味濃郁 !唔錯 !甜品係雪糕食完真係飽飽 !好滿足嘅晚餐

來到 砵蘭街，這裡美食林立， 好友建議到[ AMOUR CORNER ]食西餐，從門外看是小小的西餐廳，內進地方也不算大，但樓底算高而燈光微暗牆上設有射燈两種光暗合拼。散發出柔和光線，紅色梳化椅坐得舒適，佈置很有聖誕節日氣氛感覺 很舒服！Menu上推介的法國生蠔很吸引！其中有两份二人晚餐供選擇 ; 經典二人套餐 $ 328尊貴二人套餐 $ 480生蠔 任選六隻 $ 130 (優惠價)我們揀了一份經典二人晚餐 和一份生蠔 巴馬火腿蜜瓜，迷你芝士拼盤，傳統凱撒沙律餐湯 忌廉芝士蕃茄煙肉燴長通粉燒醬烤原味豬肋骨精選甜品餐茶内容很豐富啊~眼前一亮的生蠔首先出場了！令餐枱充满了海洋氣息！盆中三款生蠔分别是 ;( 2017年法國農業部金獎 ) 塔蒂蠔 $ 40/隻法國芬大奇山蠔 Fine De Claire $ 44/隻小珍珠 Petite Pearl $ 36/隻塔蒂蠔~這些蠔 的特點不是乳白色的，它一年四季都有出產，因為餵養專們的天然浮游植物，所以令蠔肉計細滑，口感爽脆，帶有堅果味。芬大奇生蠔~是 其中一款最具代表性的法國生蠔之一 ，其外型修長，蠔身通透，肉質厚實滑順，入口帶微甜滋味，蠔裙邊

經過好幾次都沒有勇氣進場一試，總覺得不夠附近商場的西餐穩妥。是次由朋友發板，終於可以一試。餐廳有兩層，地面一層情調十足，適合情侶用餐，樓上一層自成一閣，適合大顆派對。是次慶祝聖誕，人數較多，因此被安排到樓上。頭盤點了藍青口，非常新鮮。法包可點忌廉汁。水牛城雞翼，微辣！但十分可口！薯條即炸，十分香脆。藍芝士醬有軟軟濃濃的芝士味，可又不會留在口裡太久，不會影響下一道菜的味道。小餐廳來說，牛扒做得很不錯，火喉拿捏恰到好處！意大利飯味道不錯，不過鵝肝太少，也對整個飯的味道沒有什麼幫助。不過當然，這個價格跟鵝肝份量是合理的啦！墨汁意大利麵的汁調得正好，不濃不稀不漿口。羊架是意料之外的好吃，我們還encore 了一輪。豬扒火喉也是拿捏得不錯，不會太硬！而且豬扒肥瘦適中。海鮮意大利麵是想像中的味道，沒有驚喜，也不過不失。甜點心太軟有點細，雪糕不夠濃厚及特色。不建議點這個甜品。我們還點了些別的菜，味道也算可以總括：餐廳位於街中，卻毫不遜於商場食肆，但假如能再延長一點營業時間會更好。

其實砵蘭街近油麻地那邊很多食店都很有人氣。而Amour Corner 在那條街算是少有的西式扒房，人多是想像得到的。但估不到的是，連宵夜時段都這麼多人。我們約了晚上九點，都要等8分鐘左右等有客走了才有位。相信是因為這裏環境很有情調，座位又舒適，加上有蠔食，而二人餐三百幾元就有五道菜，這麼抵食的價錢讓人客接踵而來。12月總是有籍口讓自己吃上一頓好的。大餐吃完一次又一次，那種期待歡樂的聖誕氣氛，真讓人食指大動。所以，我忍不住點了6隻 $130生蠔。這裏有三款生蠔：塔蒂蠔、法國芬大奇生蠔、小珍珠。每隻原價$36-$44不等。所以6隻 $130怎不吸引？我們每款要了兩件，想試試究竟有何分別。上菜時店員細心地介紹三款生蠔及食法。最上兩隻是塔蒂蠔，跟著是小珍珠，底下兩隻是法國芬大奇生蠔。食法也是跟這個次序去吃。餐牌其實有詳細介紹，有興趣可看。但大至上是，塔蒂蠔口感爽脆，法國芬大奇生蠔海水味濃，小珍珠蠔肉肥美。究竟是不是這樣呢？其實我和朋友雖然很喜歡吃生蠔，但都不是專家，也甚少吃(因為太貴了)。今次價錢吸引，所以有得吃已經很滿足。塔蒂蠔，有海水味，口感細滑，可能不肥美，不能仔細嘴嚼，而且差不多一口就