Amitie Kitchen

营业中

休息中

今日放工約咗朋友去尖沙咀厚福街嗰度搵食，厚福街勁多餐廳，今日就揀咗間樓上西餐廳，見網上呢間評語唔錯餐廳牆上面有3塊黑板，有推介主食同小食，睇落好似好吸引唔叫黑板上面嘅都有其他餐牌可以揀前菜會有牛角包同埋類似饅頭嘅黑色麵包同芝士條，仲有牛油同士多啤梨醬食完都飽肚叫咗個黑松露炸薯條小食，炸得幾香脆，加埋個黑松露醬超正我同朋友叫咗兩個Main course share, 有香煎紐西蘭鱈魚柳鮮果沙律伴青蘋果油醋汁，啲魚都煎得幾香，質感滑溜，加埋新鮮蔬果就好健康另外叫咗個加拿大海膽松葉蟹膏蟹肉忌廉汁意大利麵，呢個賣相超正，啱晒鍾意食海鮮既我，仲有菇同三色椒，見到流晒口水，海膽幾新鮮唔腥，蟹膏好有蟹味，仲有好大件蟹棒，個意粉好creamy, 好好味不過就比較漏飲品就叫咗熱水果茶，好香濃嘅水果味甜品有芝士蛋糕同埋慕絲蛋糕，好多口味叫咗開心果蛋糕同埋抹茶cheese cake，味道香濃，上面仲寫住毋忘初心埋單差唔多$600，不過$500可以減$50，食物質素唔錯，價錢合理

我嘅好識搵食嘅朋友又帶我去食好野😏😏當然我完全相信佢啦。。佢話去邊食就去邊食㗎啦。。去到我地叫左個海膽意粉。。睇到個賣相。。超級出色‼️食落去有海膽之餘仲有埋蟹膏味。。簡直襯到絕‼️仲要令人回味。。雖然餐廳唔算多人。。但最好ᗷOOK定位去啦👍🏼👍🏼🍞自家製麵包拼盤🍝加拿大海膽松葉蟹膏忌廉汁意麵🍝西班牙原隻紅蝦意大利麵🥩烤燒8安士美國頂級無骨牛小排配香草燒馬鈴薯、南瓜蓉📍 Amitie Kitchen (尖沙咀)尖沙咀厚福街8號H8 9樓=•=•=•=•=•=•=•=•=•=•=•=•=•=•=•=•=•=•=•=•=•=•=#cafe#cafehopping#cafehoppinghk#coffeeshop#coffeeshopcorner#coffeeshopvibes#discoverhongkong#foodiesofinstagram#foodstagram#hkcafe#hkcoffee#hkdessert#hkfood#hkfoodie#hkfoodlover#hkfoodstagram#hkig#hkstyle#hongkong#hongkongcafe#hongkongfo

⭐️Amitie Kitchen⭐️尖沙咀⭐️精緻西餐同大家分享下一間野食幾有特色的西餐廳，雖然環境唔算好grand，但食物質素絕對值得一試😋前菜麵包麵包上枱嘅時候係熱嘅，而且識落好鬆軟，仲可以配合埋我之後叫嘅牛骨髓😎燒牛骨髓配法式多士我都係第一次食牛骨髓，以這個價錢來講質素應該算唔錯，識落好似鵝肝咁樣嘅質地，配合法式多士的確好香，但我覺得可以用前菜麵包配，因為本身個麵包冇乜味，牛骨髓嘅香味會更加突出。法式油封鴨腿香粗馬蓉平時食開的鴨腿好少會用炸嘅方法，通常都係烤，用炸嘅方法會令到鴨腿嘅皮食落更加香脆，不過鴨腿唔算好入味，這個略遜色，但個薯蓉整得好好食，唔會太鹹之餘，亦都有啲位食到脆身，值得一試。

又喺尖沙咀覓食🐷今日比我地揾到間好surprise嘅西餐廳😍//🦀加拿大海膽松葉蟹膏蟹肉忌廉汁意大利麵 $218呢個係佢地嘅招牌菜🙈一上菜就聞到好香嘅蟹味🤤意大利麵麵質啱啱好之外忌廉汁嘅蟹味真係好濃好creamy!!😍配埋舖係面大大條蟹肉同新鮮嘅海膽一齊食超滿足☺️🥘烤燒大啡菇、焗釀鮑魚、北海道帶子、虎蝦意大利飯伴龍蝦汁 $218比佢嘅賣相吸引左🙈🥰三個大啡菇上面塞滿左risotto仲分別放左鮑魚虎蝦同帶子喺上邊，risotto龍蝦味道好濃，虎蝦同帶子都好新鮮，推薦~~🤤🥔焗藍芝士煙肉風琴馬鈴薯 $48馬鈴薯啱啱焗好所以外皮好脆好夠熱🤭同藍芝士煙肉一齊食別有一番風味，芝士控一定好鍾意食😍

在尖沙咀，如果要找吃的話，又不想選擇連鎖店，厚福街必定是很好的選擇， H8這大廈基本上是每一層都有餐廳，今次來這間店，想簡簡單單吃一餐有品質的晚餐。我一坐下就把餐具不小心撥到地上，侍應很醒目地快速拿一支新的餐具給我，已經感受到這小店的無微不至，基本上服務都是很周到的。裝潢是親民的，沒有太多誇張的裝修，相信是把成本都放在食材上。不得不讚一下美國牛腹膜柳，我們吃五成熟，覺得剛剛好，有口感之餘又不會太硬實，一點點的烤焦襯托牛香味，配菜例如南瓜蓉也是很特別的口味，感覺是放了一些蜜糖，香甜可口，這個餸菜非常合我口味。另外點了蟹肉牛油果話梅蕃茄沙律， 貪他的組合有趣得意，口味清新，跟我想像的有點不同，那話梅真的是原粒未去核的一種，所以如果不喜歡要處理核的朋友，可能選其他沙律比較好。還有值得一提的是，就算不點晚餐，單點也會奉上麵包盤，有三款麵包，兩個人的話總共六件，配上牛油和果醬，大食的朋友也不用太擔心，西餐也可以吃得飽。

昨晚試了這間意大利菜，如網上所説食物果然不錯，服務都好好，侍應有禮，細心講解，值得一讚👍🏻。首先講下餐湯非常足料，不是水汪汪哪種口感，味道出色！另主菜嘅牛非常好食，牛嘅質素不錯，肉質烹調得外脆內軟非常juicy！可惜另外一款羊架就有點失望🙁，脂肪太多，肉質有點靭，可能要求7成熟關係；但前菜味道令我好開胃，甜品亦非常吸引！自問不是一個愛吃甜品的人，也想再多點幾款試試！論到環境方面就一般，不是浪漫的地方，但整體今晚都非常滿意

女朋友連續三日放假，梗係要餵飽佢個肚啦，依間餐廳之前同朋友食過，覺得質素唔錯，今日就帶佢嚟品嚐一下啦！餐廳好快就送上左三款餐包，各有驚喜，而且唔係坊間常見嘅款式，明顯睇得出有用心製作！法式焗田螺呢啲菜式屋企真係整唔到，梗係用錢買享受😎$118一共六大粒，每隻田螺嘅開口位都鋪上薄薄一層薄荷醬，味道唔會太濃烈，無蓋過田螺原有嘅味道，亦唔會有怪味。最抵讚係每粒都幾大隻，肉地又厚身，軟硬度適中。加埋旁邊蒜味濃郁嘅薯蓉一同送入口會更夾～見到每一台都點嘅加拿大海膽松葉蟹膏蟹肉忌廉汁意大利麵，賣相相當吸引，梗係叫咗一份啦。食落醬汁好濃郁，啖啖鮮味，同網上見到嘅食評一樣，的確出色！甜品方面叫咗伯爵茶奶凍，估唔到係用好精美嘅杯具去盛載住，奶凍大大杯，好滑好滑。伯爵味道都幾出，好鍾意佢面頭加上數片玫瑰花瓣，享用時額外增添一種玫瑰香氣，好清幽，令餐飯完美作結。最後夏日炎炎忍唔住仲叫咗嘢飲，呢杯芒果沙冰相對清淡，沙冰打得綿密，芒果味道都夠，勝在唔會太甜，一邊飲一邊解膩降溫，如果有啲粒粒芒果肉就更滿足了～

久違連假出尖沙嘴閒逛，到晚飯時間友人表示想食西餐，於是上網搵下見到有間評論唔錯，性價比好似都幾高，決定試試佢。上到去環境簡約，昏黃燈光，氣氛都幾好。下單後好快就送上餐包，是次有三款，一種帶點微微番茄味，面頭有啲燕麥粒；另一款係相對較硬身有咬口嘅香草包；最後係好特別，香脆得來帶點竹炭氣息嘅黑色麵包條，口感如同餅乾，沾點牛油同果醬食確實幾夾。泰式青木瓜大蝦軟殼蟹沙律 用上蘿蔔絲、木瓜絲、青瓜絲、生菜、蕃茄仔等等多種蔬菜製作而成，味道清新怡人。最驚喜係用上原隻軟殼蟹，啖啖肉，旁邊仲配搭幾隻大蝦，同埋好新鮮嘅檸檬汁，開胃消暑食佢都唔錯，唔怕有負擔。加拿大海膽松葉蟹膏蟹肉忌廉汁意大利麵 擺盤精緻，迎面而來係厚厚一條蟹棒、搭上蟹膏同不少海膽。用叉捲起時已見每條幼身意粉都掛住滿滿醬汁。一食入口，麵質十分有嚼頭，最驚喜係個種蟹鮮味真係好出！食得到醬汁上用咗心思熬製而成，配搭點忌廉，十分香滑又唔過鹹。另外，意粉間仲夾雜唔少洋蔥、三色椒、菇菌，增加口感，果然必食之選！最後叫埋一個伯爵茶奶凍，餐廳做得非常滑溜，伯爵茶幽幽嘅香氣非常突出，而且賣相好靚，作為晚餐嘅總結真係剛剛好！餐單如下

/ /尖沙咀超足料西餐廳🤩成日見啲人去呢間西餐廳今日終於book到位，環境都好舒適平日晚上嚟都好多人，記得訂定枱！麵包拼盤🥯麵包作為餐前小食，仲有幾款唔同嘅麵包超有心思，仲好脆口好好食加拿大海膽松葉蟹膏蟹肉意大利粉🍝超足料呀！係我最愛嘅松葉蟹同海膽🤩係真係成條松葉蟹，食落超鮮甜( ´▽｀)夾埋海膽一齊食，超creamy!西班牙紅蝦意大利粉🦐淨係隻紅蝦都夠做啦😆😆😆超級大隻！仲有超多蝦膏，蝦肉食落好彈牙係新鮮嘅蝦😍😍意粉好濃郁吸哂蝦嘅鮮味，值得一試！📍 Amitie Kitchen (尖沙咀)尖沙咀厚福街8號H8 9樓

好耐之前已經嚟過呢間一次 覺得都唔錯 近排又再想食呢間人氣餐廳 唔知水準有冇下降呢😚👅法式香草牛油焗田螺 $118田螺好大隻 食落都幾新鮮🤤香草味幾突出 同埋女小編好鍾意食佢哋嘅薯蓉 焗到脆脆地 好食😍👅加拿大海膽松葉蟹膏蟹肉忌廉汁意大利麵 $218呢個果然係佢哋嘅招牌菜‼️食落好creamy 加拿大海膽食落甜甜地 松葉蟹膏都唔錯😋同埋都有幾多蟹肉 而佢哋嘅蟹柳好厚 整得幾香 整體好好味🥰👅烤燒大啡菇、焗釀鮑魚、北海道帶子、虎蝦意大利飯伴龍蝦汁 $218呢個啱晒鍾意食海鮮嘅人 帶子煎得啱啱好 唔會好乾 虎蝦都係爽彈嘅🤩鮑魚唔會好細隻 意大利飯唔會煮得太淋 幾正😛總括嚟講 呢間西餐廳嘅食物質素果然唔錯😋大家要嚟呢度一試😙😋 好味：8.32/10🤑 價錢：7.79/10🤗 服務：7.65/10😝 環境：7.43/10😚 衞生：7.23/10🤩 整體：8.27/10

同伴侶約會嘅時候首選一定係食西餐廳浪漫環境同埋美食兼備嘅餐廳必然會係呢一間. -黑毛豬漢堡配蕃薯條- 黑毛豬扒好大件，兩面煎得好香脆，外層香口，入面好軟腍，上枱嘅時候有一刻以為係牛扒😳漢堡包除咗有黑毛豬，仲配埋青瓜蕃茄，中和油膩感，番薯味甜香十足，點上蜜糖醬簡直絕配.-美國牛腹膜柳-牛腹擺盤好細緻，兩塊厚厚牛柳交錯，配搭蔬菜，非常適合浪漫約會。牛柳五成熟，肉嫩多汁，以炭燒烹調方式處理，切開好juicy ，粉粉嫩嫩，食落去都非常滋味。.🥂Amitie Kitchen📍尖沙咀厚福街8號H8 9樓📞 3104 9234.#尖沙嘴 #西餐

同伴侶浪漫約會慶祝周年紀念煙三文魚凱撒沙律習慣咗前菜一定要食沙律 為之後嘅大餐先墊胃，沙律大大盤，三文魚卷做一朵玫瑰花放咗喺中間，而且沙律醬好均勻，加埋啲芝士碎，好開胃。配埋餐廳牛角包🥐，就可以開始食大餐。美國牛柳 牛肉狂迷一定唔可以錯過通常去餐廳食牛扒都係食斧頭扒或者肉眼，原來牛柳都好出色，牛肉切得比較厚身，食落去口感都好豐富，牛肉汁鎖住喺裏面，好Juicy黑毛豬漢堡漢堡包都真係好少係配豬肉，通常牛肉居多，估唔到黑毛豬漢堡包，都可以咁好食。加埋裏面嘅種種蔬菜，新鮮之餘絕不帶有油膩。

由於疫情冇咁嚴重,🤩即刻同老婆去尖沙咀行街睇戲食飯,😊去尖沙咀行街，又多嘢買，又多嘢睇，😚最重要係好多好嘢食。👍🏻行到攰攰地上OpenRice望下附近有咩好食。Amitie Kitchen 西餐廳，地址係厚福街8號 H8 9樓 。😄餐廳地方雖然唔大，👍🏻但係都好整潔，一大片落地玻璃望出去環境都幾浪漫。感覺都好舒適。首先有餐包，餐包都有三種，而我最鍾意食牛角包，熱辣辣香噴噴，入口非常香脆鬆軟，加少少牛油落去真係完美龍蝦湯喝一口，濃濃的龍蝦味，味道鮮甜突出，龍蝦湯入口甘香，味道在口腔內徘徊。蟹肉牛油果話梅蕃茄沙律，沙律菜清新爽口，牛油果新鮮，加上話梅蕃茄入口酸酸甜甜， 十分醒胃，表面的蟹肉鮮甜， 10分不錯腹膜柳，牛味濃郁，入口軟林，10分好味

同幾位朋友係Amitie Kitchen食dinner，因為book左位所以唔駛等可以直入，不過食左成晚發現佢翻枱唔多，見佢性價比咁高好擔心佢做唔住😂🙈所以黎寫篇食評推薦一下！先上嘅有麵包拼盤，無諗到有咁多選擇😍牛角包熱辣辣好鬆脆，另一個應該係竹炭麵包，都好好味😋 美中不足係盒牛油啱啱係雪櫃攞出黎，好難融😂個油封鴨髀啲肉煮到好軟，不過個皮依然脆卜卜，正👍🏻👍🏻👍🏻 蒜味薯蓉都係一大亮點，個味唔會太搶，不過同個鴨髀一齊食味道豐富左好多！蟹羔超級超級足料！！！而且非常建議各位揀伴白酒忌廉汁，因為龍蝦汁有可能會cover左蟹羔啲味，不過白酒忌廉汁就啱啱好👍🏻大啡菇係底呢個擺盤都幾特別，而且分盤好容易🤣👍🏻個菇雖然睇落扁扁地，食黎先知好juicy！同龍蝦汁意大利飯一齊食就更正😋 三種topping入面鮑魚係最令我驚訝嘅，因為之前食過好多鮑魚都係一係無味一係好乾，不過呢隻又淋又有味！佢個汁唔係普通個啲鮑魚汁味，好好味😋😋最後甜品係香蕉朱古力金寶，經典配搭，上枱個時仲出緊煙🔥　啲金寶脆卜卜，朱古力同香蕉味超濃郁，完美配搭👍🏻👍🏻👍🏻飲品方面我地叫左宇治抹茶紅豆冰同蜂蜜蘆薈，都好好飲❤️ 紅豆冰嘅

難得平日早少少收工，揾到尖沙咀人氣西餐，俾menu吸引左！好可愛嘅menu！先選左海膽松葉蟹膏蟹肉意粉。有set選擇，不過我地選單點嘅牛：8oz頂級西冷。麵包拼盤精緻意粉來到，賣相好靚，色彩鮮艷，海膽非常新鮮鮮美，上面嘅大蟹柳好厚，配上蟹肉蟹膏為基礎嘅意粉，鮮甜、濃郁，一邊夾起，香味一邊撲鼻而來，未食已經好享受。菇菌適當配搭，鮮味更突出！$218 ，抵食！8oz5成熟，$288煮得剛剛好，牛肉味濃，口感實在而不過熟過硬，中間保持軟滑，底下的薯菜好岩我口味，係蕃薯同菇，外脆內軟，比馬鈴薯更香，唔會太甜！甜品選擇好多，榴蓮、柚子、抹茶、朱古力辣椒等等，但食到呢度已經飽左，唯有留翻下次（2個大人唔算細食）侍應服務好好，主動收碟不時加水，點菜時都有不同推介，加上環境好簡約溫馨，輕快嘅音樂，上菜速度快，好舒服嘅一次用餐，適合朋友傾計聚會/情侶。食食下已經天黑，夜晚坐窗邊位，另一種感覺。