Amitie Kitchen

营业中

休息中

首先會有餐包配果醬 牛油竹炭餐包和牛角包🥐香煎意大利煙肉大啡菇芝士牛肉漢堡配炸薯條 $168漢堡肉厚身充滿肉汁 份量十足的大啡菇 加上煎到焦香意大利煙肉 每一口都有不同口感的配搭附上香脆的幼薯條烤燒大啡菇 焗釀鮑魚 北海道帶子 虎蝦意大利飯 伴龍蝦汁 $238擺盤相當特別 好適合朋友之間share每一份意大利飯都配上大啡菇 一切開非常Juicy龍蝦汁非常濃郁 飯粒軟硬適中鮑魚彈牙 帶子新鮮嫩滑 蝦肉爽口焗藍芝士煙肉風琴馬鈴薯$48薯仔吸了滿滿牛油 加上濃郁香氣的藍芝士和酥脆的煙肉令到薯仔更加香 可口

Sunday Night朋友特登book咗間由前五星酒店主廚主理嘅樓上西餐廳,要預早少少時間因為好多人排隊等搭lift😭餐廳佔9/F全層,裝修偏簡約設計,燈光好柔和,邊食嘢邊聽住外國音樂,出窗口位仲可以見到下面城景,俾人感覺好relax—————————————————————📍 Amitie Kitchen地址: 尖沙咀厚福街8號H8 9樓✍🏻/食評/◍餐包餐包係dinner附送,分別有牛角麵包,意式香草麵包同竹炭麵包,尤其鍾意牛角麵包,微溫之餘麵包好鬆軟,仲提供咗牛油同士多啤梨醬俾客人!◍ 松葉蟹味噌蟹羔鵪鶉蛋意大利麵伴白酒忌廉汁 $188超多蟹膏!加咗鵪鶉蛋冇咁膩,紅椒黃椒爽口得黎同意大利麵好夾,白酒忌廉汁亦都煮得好creamy！◍ 烤燒大啡菇、焗釀鮑魚、北海道帶子、虎蝦意大利飯伴龍蝦汁 $248鍾意食海鮮嘅推薦叫呢個意大利飯!三樣海鮮都唔會煮到過硬或者過熟,意大利飯煮得恰到好處,唔會一patpat🥰

👧🏻充滿美食厚福街既探險之唔知第幾回🤣-今次同朋友去左Amitie Kitchen食西餐🤩餐廳光線較暗 而每張枱都會有一盞小枱燈 有d浪漫既感覺🤣2人Share左一個晚市餐廳同d小食💁🏻‍♀️🍴餐前包麵包焗得好鬆軟 配埋士多啤梨醬食 味道唔錯😆另外仲有個牛角包同香脆既餅乾👍🏻🍴前菜: 檸汁醃蝦伴牛油果將牛油果同檸汁醃蝦再加埋沙律醬 砌成好似一個餅咁 口感幾有趣😆🫕餐湯: 是日餐湯係白蘿蔔忌廉湯一上枱仲出緊煙🤭忌廉幾綿滑 飲完暖粒粒🍴主菜: 香煎北海道帆立貝伴蟹膏意大利飯 $258意大利飯口感煙韌 再配埋大大粒既帆立貝、蟹膏同三色椒 另外仲有d芝士係面 令口感更豐富❤️🍴烤大啡菇配黑醋汁 $58 烤大啡菇本身已經好juice 另外仲吸左d黑醋汁 味道比較特別 唔錯👍🏻🍹(凍) 蜂蜜蘆薈 (跟餐+$15)清甜潤喉 蜂蜜幾清甜👍🏻🍮伯爵茶奶凍 (跟餐+$30)賣相唔錯👍🏻😆伯爵茶味幾香濃 另外仲有d玖瑰係面 另個香味更升級✨奶凍既質感都唔錯 係一個幾唔錯既飯後甜品📍Amitie Kitchen @尖沙咀厚福街H8 9樓

小師妹搵到份新工啦! \(^0^)/當然替佢開心啦! 佢話新工作性質唔錯，起碼唔洗好似之前份物流工日日 OT，天光返工天黑收工，所以未過 Probation 已經話請我食飯，多謝我幫佢搵到份好工.新工係尖沙咀，所以約我去厚福街請食晚飯，餐廳名叫 Amitie Kitchen.一早已知 H8 有好多餐廳，今日終於有機會見識吓，睇吓咩環境.上到去餐廳唔算太大，但環境有格調，望埋去 OL 居多.打開 Menu ，睇啱不少菜式，但肥肚腩只得一個，點咗 dinner set，北海道帆立貝磨菇意大利飯，黑毛豬火腿黑菘露茄汁蝴蝶粉，dessert 係朱古力心太軟，宇治金時抹茶蛋糕.飲品有我大愛嘅沙冰，芒果味亦都係我喜歡，成為不二之選.雖然意大利飯無註明黑菘露，但入口穩穩若若有黑菘露味，帆立貝係原隻上枱，入口鬆軟又鮮甜.黑毛豬有驚喜，望埋去不單只外貌似牛柳，居然連口感都似牛柳! 肉質超鬆軟! 一向唔鍾意粗長條意粉，但更愛長通蝴蝶粉同天使麵，配上茄汁嘅蝴蝶粉夾自己口味，𠵱呀! 一時間忘記咗問餐廳攞芝士粉𠻹.甜品心太軟內朱古力味濃郁，配上草莓味雪糕，草莓味屬於果醬味唔係藥水味，試咗少少宇治金時抹茶蛋糕，抹

人人都知厚福街多嘢食，其實除咗厚福街兩邊之外，街尾有棟H8，層層都有唔同style既餐廳。企喺lift思考咗一陣，決定今晚試吓呢間西餐。lift門一打開就見到好eyecatching既大光燈招牌，下面仲有個好打卡able嘅座位❤️餐廳好有氣氛，一上到去店員都好殷勤招呼我入座，餐廳嘅燈光主要來源都係靠牆嘅你個燈牌，成間餐廳比我嘅感覺好適合開party🥂落咗order之後，店員送上咗三款餐包。竹炭餐包拎上手質感好硬，都有少少擔心會唔會好似法包咁好難咬，點知好脆身，而且本身包已經有鹹味，味道唔錯牛角酥好酥脆，有牛油鹹香味麵包條本來以為佢平平無奇，原來入邊加咗迷迭香，未咬都聞到好香，最好食係呢個❤️叫咗款法國藍青口伴白酒忌廉汁配蒜蓉多士，藍青口個頭雖然唔算大，但份量取勝，都有將近20隻白酒忌廉汁好濃厚，有湯感，而且加咗好多洋蔥蕃茄同埋香草，調味唔錯餐廳嘅麵包真係好出色，旁邊嘅蒜蓉多士真係好好味，又夠脆另外仲叫咗個原個菠蘿豬鞍配鮮果甜酸汁，嚟到嘅時候我即刻諗起中式嘅咕嚕肉。豬鞍切成咗一粒粒連埋唔同嘅水果一齊烹煮，水果都有好多款，除咗菠蘿仲有蘋果士多啤梨同埋藍莓。豬鞍同菠蘿既配合下口感變得更juicy

Amite Kitchen今日咁岩同朋友去尖沙咀行街咁岩想食下西餐 係openrice search到呢間意大利菜 就book左呢間見到好多好評就決定試試佢!一上到餐廳 鋪頭唔算好大星期六黎食都好Full 建議要book位!裝修都幾有feel 見好多人都有係到慶祝生日!Waiter好快就安排左位置比我地坐我同朋友就叫左一人一個set 每個Set 都跟一個appetizer 同餐湯而且仲有餐包提供 Croissant bake得好脆口!首先我地叫左一個 帶子蟹膏Risotto份量適中 帶子都新鮮兩個人share咁食會好D另外叫左澳洲和牛既burger 同薯角一黎到比個burger size嚇親胃口細都真係食唔曬!Burger和牛味好出!包都有烘過 好香脆薯角都炸得岩岩好!最後食到太飽 食唔到個甜品有D可惜

今日嚟到尖沙咀嘅西式餐廳。阿根廷紅蝦刺身伴柚子醬油 $98第一次食紅蝦刺身，估唔到佢味道咁鮮甜！刺身嘅醬汁有橄欖油、酸酸地嘅醬油，食落特別開胃！松葉蟹味增蟹鵪鶉蛋意大利麵 $178意大利麵嘅醬汁可以揀白酒忌廉汁或者龍蝦汁，我哋揀咗白酒忌廉汁。醬汁十分creamy，撈埋蟹殼入面嘅蟹膏味道更加昇華。烤燒大啡菇、焗釀鮑魚、北海道帶子、虎蝦意大利飯伴龍蝦汁意大利飯分咗做三份，每份下面都有個大啡菇，而上面就分別係鮑魚、帶子、虎蝦。大啡菇烤至香軟，入面超多汁，十分juicy。特別要讚一讚個虎蝦，真係好爽口彈牙！

氣氛有情調 食物有質素厚福街出名多嘢食，今日嚟到H8 9樓就試吓呢一間Amitie Kitchen既Fusion西餐，食物種類選擇多，而且份量都唔少！餐包(附送）麵包有溫度，牛角包有酥香，黑色餐包質感軟綿，脆餅有羅勒葉香味，配有果jam同牛油，唔錯唔錯！本身想食埋佢啲甜品，但因為實在太飽，唯有下次再試！加拿大海膽松葉蟹膏蟹肉忌廉汁意大利麵 $238⭐️⭐️⭐️⭐️海膽肥美有鮮味，大約有三塊。蟹膏完美融合忌廉汁，醬汁質地幼滑creamy又鮮甜。意大利麵軟硬適中，有口感，好掛汁，而且配有大量香菇、蟹肉、洋蔥等，每啖都真係可以充滿着唔同食材，啖啖滿足！BBQ蜜糖醬燒美國豬仔骨配炸番薯條 $268⭐️⭐️⭐️⭐️⭐️份量超驚人，咪以為豬仔骨冇肉食，超級多肉，火候控制剛好，肉質軟腍又juicy，蜜味香濃，bbq醬汁味道夠惹味，但唔會死鹹，味道一流！炸番薯條亦十分香脆可口，配上嘅醬汁估計應該係蘋果乳酪醬，清新得來又解膩！回頭率🤡🤡🤡🤡性價比🤰🏻🤰🏻🤰🏻🤰🏻

一入到餐廳就覺得呢度環境好好，好適合情侶黎拍拖。Menu 既款式選擇好豐富，搞到我有啲選擇困難，最後揀左一個前菜，兩個主菜，兩個女仔食，份量岩岩好。上菜前，首先送左盤餐包，啲包仲係暖既，讚！前菜叫左焗田螺，我比較鍾意連殼焗，可以自己叉舊肉出黎，有啲餐廳唔會架淨係粒得肉，田螺入口滿滿牛油同香草汁，作為前菜絕對冇揀錯。主菜就叫左波士頓龍蝦意粉，慢煮低溫羊脾扒(5成熟)。波龍肉質夠紮實，夠新鮮，意粉掛滿哂龍蝦汁，好滿意的一碟意粉。羊脾扒跟左廚師建議叫左5成熟，煮到出黎岩岩好，唔覺得生，脾肉好夠淋，整體高質。

有一日收工後，想同男朋友去厚褔街食晚餐，最後去了位於H8的Amitie Kitchen，聽聞更是由前五星級大廚所開！🌟餐包等候上菜前先來了一碟餐包，備有多款款式選擇，而且配上牛油/ 果醬，十分貼心。🌟酥皮龍蝦湯零售價：$88 (+$10酥皮)香脆的酥皮配上creamy龍蝦湯，賣相十分精緻，濃郁湯汁與酥皮相互交纏，形成豐富的口感！🌟松葉蟹味噌蟹羔鵪鶉蛋意粉零售價：$178賣相吸引 份量十足即使員工貼心再三提醒白忌廉汁很膩最後還是全碟清光😬蟹羔上有滿滿的鮮甜蟹膏再混上creamy 鵪鶉蛋完美融入意粉裡在濃厚的白汁卻散發陣陣鮮味是一道很有驚喜的菜式(⁎⁍̴̛ᴗ⁍̴̛⁎)🌟咸蛋黃醬煙肉蘑菇意大利粉零售價：$138 爽口彈牙意粉配上香滑濃郁的咸蛋黃醬味道特別 但又意外的合襯同時加上煙肉本身的油脂和鹹香足以令辦一碟普通意粉升級！

尖沙咀嘅厚福街餐廳選擇眾多，朋友同我今日都想食西餐，揀咗一輪決定去Amitie Kitchen 食。餐牌選擇都幾多，最後叫左咸蛋黃醬汁煙肉蘑菇意大利麵同BBQ蜜糖醬燒美國豬仔骨配脆炸蕃薯條，飲品叫左水蜜桃果粒茶、紅柚四季春。菜式未上台之前，侍應為我地提供餐包。餐包種類有三種，仲有附上牛油同埋草莓醬，餐包送上嚟嘅時候熱辣辣，用心十足！咸蛋黃醬汁煙肉蘑菇意大利麵咸蛋黃醬汁配上切碎咗嘅煙肉、蘑菇、洋蔥，口感creamy，味道鹹香，配上意大利麵，呢個配搭冇得輸，麵條軟硬適中，唔會太淋而且有彈性！。BBQ蜜糖醬燒美國豬仔骨配脆炸蕃薯條食豬仔骨最重要肉質要軟爛、易起骨，呢個豬仔骨符合要求，用刀可以骨肉分離得好乾淨！BBQ蜜糖醬味道鹹鹹甜甜，配豬仔骨一流！仲有炸蕃薯條，見到都流晒口水，而且份量都好多，2百幾有呢個質素，性價比好高！。我冬天都會鍾意叫熱飲，呢個水蜜桃果粒茶，水蜜桃味香，飲落甜甜哋又暖身，好好飲，而且侍應都好好人咁幫我加熱水，變相我可以飲多杯茶🤣！我朋友叫紅柚四季春，令我驚喜係雖然係凍飲，但係一粒冰都冇，啖啖都飲到少少紅柚的果粒同茶香，兩杯飲品都令人好滿意！

昨天和同事到呢間餐廳食lunch，諗住Openrice 高分 打算試下，但中哂伏，人唔多都Serve 得勁慢，全間餐廳得3 / 4 台客，等左成個鐘先上Main。叫左牛扒 $158 ，揀Medium Rare 但都煮到7成+。肉質偏硬，前菜叫左三文魚沙津感覺唔係好fresh，同事叫湯就幾好。我們用1 小時 15分鐘先來齊野食，再叫野飲又係要等，餐牌上面有同事明明寫免加一，但最後又收咗我哋(唔小心俾咗），唔老實，整體而言唔太認同餐廳的評分。

尖沙咀店舖林立，要搵間有質素嘅好野食未必咁容易，所以約朋友尖沙咀聚餐都真係要做足功課先😉尖沙咀厚福街係美食集中地，而H8亦岀名多野食，梗係集中呢度搵 見呢間係OPENRICE熱門食店，仲要主廚曾於五星級酒店任職多年，一定要試試😗 餐牌上算比一般西餐多選擇，而且配搭安排特別和新鮮，有點花多眼亂嘅感覺🤪🤪🥐🥨首先有麵包盤做頭盤，上到枱面前係暖笠笠同好香軟😍😍第一款係望落黑媽媽嘅餐包，唔知係咪黑碳麵包，但食落亦有少少芝麻香 牛角包好有香好蘇脆，食時要慢慢食，因為蘇脆到好多包碎跌出黎 最後一款係長形嘅餅干條，有淡淡香蔥味😌 鹹蛋黃醬汁煙肉磨菇意大利麵，醬汁好creamy ，香滑忌廉並帶有少少鹹🤤🤤初初諗煙肉同鹹蛋黃兩樣都鹹，以為好濃味，但忌廉嘅香滑加強了鹹蛋黃嘅香味，但又唔會好鹹，味道適中😋仲有意粉口感不錯，軟韌度性中，即使有咁多醬汁，都唔會軟稔稔👍🏾 BBQ蜜糖醬燒美國豬仔骨配脆炸蕃薯條，十分大份，可以分到7-8條骨出嚟，切開每一件都係啖啖肉，而且骨肉容易分離。配上份量都幾多嘅蕃薯條，好味🤗

失望的2月14日 服務很差兩個人（身兼水吧）照顧廿張檯。平均一人負責十張檯。真係替做口個個慘情。環境唔評論。因為本身已知唔寬落。1300蚊一餐食到茶記feel仲要食完主菜冇人理，前菜已經慢。但起初都係慶祝心態冇理喇。不停催兩三次先肯上甜品（起碼等左廿分鐘）最後頂唔順唔等餐飲埋單走。去第二度慶祝好過。因為真係冇慶祝feel野食整體來講得碟主菜叫得真係一次難忘的體驗如應付唔到，真係唔好擺咁多檯会弄巧反拙！

烤燒大啡菇、焗釀鮑魚、北海道帶子、虎蝦意大利飯伴龍蝦汁$238有三大嚿大啡菇，每款上面都配咗一道主食，賣相令人好有食慾，啲海鮮燒得好靚仔，焦位啱啱好，食落都鮮甜，醬汁我好鍾意，所有野搭配好夾。BBQ蜜糖醬燒美國豬仔骨配脆炸蕃薯條$268豬仔都幾大份，可以分到6-7條骨出嚟，調味好充足，啲肉一咬就脫骨，煮得啱啱好。我鐘意個餐配蕃薯條，平時成日食薯條食到厭晒，都算比得多蕃薯條，食極仲有好滿足😋法式香草牛油焗田螺$118一拎上枱就聞到好香牛油味👃🏻旁邊有附埋工具比你食，田螺肉都幾大粒，仲有啲薯蓉喺面頭，焗到有少少燶，啲香草味令到成個田螺同薯蓉昇華。加拿大海膽松葉蟹膏蟹肉忌廉汁意大利麵 ＄218最鐘意個意粉🫶🏻掛汁得嚟唔會覺得膩，係會令你食唔停嗰種，加咗彩椒睇落色彩繽紛啲但我本身唔太鍾意食，啲雜菇同洋蔥就不錯，不過佢寫蟹肉上到嚟其實係蟹棒，感覺上就cheap咗好多，始終價錢唔係平🫢