Amitie Kitchen

营业中

休息中

食物無特別驚喜，不過不失。出野食好快，1730就未有其他人，1800開始有人，餐廳比較暗。服務比較麻麻，加水倒到檯都係水，一個鐘都未到就話夠鐘，問完唔係一個半鐘咩？仲問返我地幾點到，當時18:20，間舖開1730，我地可以幾點到？之後過左十五分鐘左右就俾單我地埋。趕做生意都唔洗咁呀？ 你收得都唔係平嫁！真係無下次。成座大廈咁多餐廳都試過呢間真係連無咩客都趕人走咁款。 坐都坐得唔舒服，有個女仔又無咩禮貌。

行過厚福街H8搵食 見到一間餐廳標榜住係前酒店五星級總廚主理所以就去試吓啦叫咗一個晚餐 $258晚餐嚟之前先上一個麵包拼盤啲麵包令人驚艷 上枱嘅時候仲係熱辣辣仲送埋有牛油同埋士多啤梨果醬好好食😋前菜叫咗檸汁醃蝦牛油果佢配上啲沙律菜 前菜份量適中 三樣材料切成碎粒 好易入口 味道都幾夾 幾開胃是日餐湯係白蘿蔔忌廉湯 味道幾清新用白蘿蔔都係第一次見主菜叫咗香煎北海道帆立貝伴蟹膏意大利飯帆立貝都幾大粒 煎得好香蟹膏鮮味意大利飯仲加入咗紅椒黃椒去炒都幾特別另外朋友仲單點左一個紐西蘭肉眼扒 $258肉眼扒叫咗七成熟幾香牛味配菜有燒過嘅蕃茄 豆角 粟米仔

♡每一篇都係很用心寫的食評♡⑅◡̈*！！✿ฺ ♡ ✿ฺ ♡ ✿ฺ ♡ ✿ฺ ♡✿ฺ ♡✿ฺ ♡ ✿ฺ ♡📍尖沙咀區：Amitie Kitchen ✿呢間餐廳入選左OpenRice熱門餐廳❤️‍🔥梗係要來試試佢😚😚✿✨！！菜式推介！！✨🍝加拿大海膽松葉蟹膏蟹肉忌廉汁意粉 $238係好大嚿好鮮甜嘅海膽❤️😎而且有好大條嘅蟹肉～食落口淡淡汁🫶🏻🫶🏻🫶🏻🥔焗藍芝士煙肉風琴薯仔 $48薯仔都幾大嚿～第一次食呢種藍芝士嘅味道有啲特別🙈🙈🥬炒煙肉椰菜花仔 $48覺得幾香口❤️‍🔥❤️‍🔥而且食飯有幾條菜真係冇咁油膩！🍹蜂蜜蘆薈 $30呢個真係太甜啦。。如果鍾意甜嘅人，應該會好鍾意～但對於我來講就過咗少少✿ฺ ♡ ✿ฺ ♡ ✿ฺ ♡ ✿ฺ ♡✿ฺ ♡✿ฺ ♡ ✿ฺ ♡✨小編食評✨👧🏻： 餐廳好靚，好適合慶祝！👦🏻：I love the spaghetti so muchhh✿ฺ ♡ ✿ฺ ♡ ✿ฺ ♡ ✿ฺ ♡✿ฺ ♡✿ฺ ♡ ✿ฺ ♡📍餐廳評分：味道：💗💗💗💗價錢：💗💗💗地點方便：💗💗💗💗💗餐廳服務：💗💗💗💗餐廳整潔：💗💗💗💗CP值：💰💰💰💰回頭率：80%✿ฺ ♡ ✿ฺ ♡ ✿ฺ ♡ ✿ฺ ♡✿ฺ ♡✿ฺ ♡ ✿ฺ ♡地址📍尖沙咀厚福街H8 9樓✿ฺ ♡ ✿ฺ ♡ ✿ฺ

今日同朋友喺尖沙咀行完街，諗唔到食咩就去左厚福街。見到呢間Amitie Kitchen 就入去試下。佢個menu有好多食物可以揀，選擇困難嘅我都揀左一陣。最後決定揀左法式香草牛油焗田螺、香煎北海道帆立貝伴蟹膏意大利飯、咸蛋黃醬汁煙肉蘑菇意大利麵、伯爵茶奶凍、400 次美綠波波同埋套餐配埋嘅Parma ham 沙律、麵包同埋南瓜湯。法式香草牛油焗田螺，牛油味好香濃，田螺好大粒，好入味，口感彈牙，好味呀😍下面仲有薯蓉，都非常軟滑有牛油味。香煎北海道帆立貝伴蟹膏意大利飯，帆立貝有三大粒，每粒都好鮮甜。意大利粉真係有好濃郁嘅蟹膏味！咸蛋黃醬汁煙肉蘑菇意大利麵，有濃郁嘅蛋黃同芝士味，好creamy!套餐配嘅麵包好好味呀！暖暖地，趁熱食，好鬆軟。400 次美綠波波同埋伯爵茶奶凍，賣相睇得又好味🥰唔會太甜

厚福街真係好多野食,成日都係唔同餐廳搵到正野。呢間都唔錯。叫左個DINNER SET,前菜有沙律、牛油果蝦小食,唔錯!仲有餐湯,係南瓜湯,好濃,好似食到南瓜蓉咁,而餐包款式多,又有果JAM同BUTTER有青口蒜香意粉,相當惹味,青口份量都唔少,好快就食曬成碟。餐飲跟凍檸茶,相當美觀既檸檬片。甜品叫左個MATCHA CHEESECAKE,好味道。整體滿意呢度既食物質素,唔會太貴,而且樣樣食物都有驚喜。

最近跟朋友到了一家西餐廳用餐，這裡的環境舒適，燈光昏暗氣氛很放鬆。店內裝潢簡約時尚，音樂柔和，讓人感到非常愜意。前點麵包日式芝士年糕外皮炸得酥脆，內裡卻非常軟嫩，一咬開還有濃郁的芝士流出來😍😍脆炸蕃薯條外皮炸得非常酥脆，內裡卻非常軟嫩，搭配上店家特製的醬料，味道更加美味👍🏻👍🏻香煎西牙墨魚仔沙伴辣腸沙律西牙墨魚仔鮮嫩，配上辣腸和沙拉，讓整道菜的口感非常豐富😋😋咸蛋黃醬煙蘑意大利麵醬汁帶有濃郁的咸蛋黃味道，而且口感非常滑順，麵條煮得剛好，口感非常好，讓我吃完一口又接一口😆😆😆

頭盤已經有麵包，唔會乾，連牛角包都有少少脆，幾好食的～法式香草牛油焗田螺法式田螺用香草醬醃製，唔單止好入味，而且好清新，配合薯蓉都唔會好滯。田螺嘅嘅處理都好乾淨，而且都好多汁唔乾，青醬油混落薯蓉，好滋味～炸蕃薯條有得食番薯條係正嘅，整咗個特別嘅醬，少少鹹鹹地又有少少甜，出面比較少見，可能係手工整嘅醬，有啲心思～蒲燒特長鰻魚流心意大利飯一上菜見到大大塊鰻魚，真係嚇咗一跳，咁抵食，一個人真係食唔晒，食落去有少少骨，但係都可以接受，啖啖肉為主。鰻魚燒汁味好夠，令到意大利飯都好入味，略為少少鹹。鰻魚飯來講真係超級抵食。蛋糕拼盤四款唔同種類嘅蛋糕，有藍莓cheese cake，Tiramisu，柚子cheese cake，伯爵茶mousse cake。蛋糕嘅切餅份量都唔細，食足咁多款，而且有啲仲有餅底，不過不失，可以滿足食完主菜小食仲有甜品蛋糕！

厚福街多地舖餐廳個個都知但其實位於厚福街 H8呢座大廈都有好多餐廳選擇今日就同老公黎H8 9樓食個lunch 《Lunch set》🔸沙律三文魚沙律伴日式洋蔥汁🔸餐湯♥️南瓜忌廉湯🔸手撕雞凱撒沙律♥️沙律菜好新鮮 凱撒沙律醬既份量啱啱好 成個沙律唔會覺得好膩 手撕雞好滑 沙律入面仲見到有芝士片 難怪食落會有芝士味♥️🔸烤燒西班牙栗飼豬鞍扒伴蜜桃莎莎+意粉豬鞍扒超大塊，見到都覺得飽😂賣相好吸引。意粉好彈牙同好香，質地煮得岩岩好🔸甜品橙味Brownie 另額外加左周打蜆湯🔸周打蜆湯蜆既味道好出，湯又滑又香濃🍀總結環境唔錯既西餐廳 湯同凱撒沙律出色

位於尖沙咀厚福街8號H8 9樓的Amitie Kitchen，雖然餐廳規模不大，但座位足夠，環境舒適。每枱客人在餐前都能品嚐三款餐前包包括有碳包、牛角包和長條餅乾，滿足各位饕客的味蕾。配有牛油及士多啤梨果醬供選擇重。餐廳有套餐選擇也可以單點，而且內容是不一樣的。晚市套餐前菜可選檸檬蝦配牛油果沙律，清新爽口，再配濃郁的南瓜湯，為接下來的美食之旅做好準備。主食部分，北海帶子蘑菇意大利飯伴黑松露絕對是一道令人驚艷的創意料理。新奇地加入了三色椒，讓這道意大利菜焕發出獨特的風采，令人耳目一新。餐飲方面，熱情果芒果橙紅茶口感滑順，為美食體驗畫上完美句點。另外，還有一道值得一提的美食，那就是蒲燒長鰻魚流心意大利飯。超長超大條的鰻魚令人印象深刻，而意大利飯裡的芝士與溫泉流心蛋更是絕妙的搭配，讓人陶醉其中。在Amitie Kitchen，您將品嚐到讚不絕口的美食，絕對值得一試！👍

疫情好轉，約左好耐冇見既舊同事食晚飯，佢介紹去呢間餐廳，聽講係由一個前任五星酒店主廚主理，一於試下。餐廳唔算大，但位置尚算舒適。時值6:30，都已經7成滿，平日黎講，都算幾滿座，所以都建議預先訂座。每台會送餐包，呢個餐包套餐都好有誠意，有3款，又暖又脆，睇得食得！亦在等待食物時，可以先充肌，傾下計！等候主菜的來臨，貼心BBQ蜜醬豬仔骨配炸蕃薯條（$278）份量非常大，豬仔骨既醬汁恰到好處，好怕食太多醬汁又淋pat pat 既豬仔骨，呢個剛好，唔會太膩，亦焗得唔錯，豬仔骨既肉汁仍在！讚個番薯條，用脆漿揸過嘅番薯條非常美味可口，食唔停口鹹蛋黃醬煙肉磨菇意大利麵（$148）醬汁非常多，面條掛滿漿汁，好豐富呀！不太食出有咸蛋黃的味道，但融合一起又好夾。400次咖啡（$38）曾經瘋魔一時嘅400次咖啡做得非常濃郁，一口香醇嘅咖啡泡沫，超讚，就好似飲溶咗嘅咖啡雪糕，好值得一試！仲有400次美祿，我唸都唔錯一間氣氛好熱鬧既餐廳，高水準食物，帶來愉快滿足既一晚

最近和朋友到尖沙咀的厚福街Amitie kitchen食午餐、平日去感覺寧靜舒適、可以坐低慢慢傾。Lunch Set包沙律/湯、主菜、甜品及飲品、好抵食。點了一客明太子雞翼，新鮮熱辣炸起好香脆、飽滿的雞翼裡面有滿滿的明太子、濃郁的明太子鹹香、好好食！旁邊仲有沙律菜伴碟。主菜我們選擇了辣蕃茄汁軟殼蟹意大利麵、軟殼蟹的外脆內軟、加上辣蕃茄汁的調味，讓整道菜更加開胃。煎阿拉斯加比目魚柳賣相不錯、比目魚柳外皮煎得香脆，內裡鮮嫩多汁，搭配薯菜調味剛好。午餐奉送這個像朱古力mochi的甜品、軟軟糯糯。熱榛子咖啡和熱玫瑰咖啡，兩者都非常美味。榛子咖啡口感濃郁，但不會太甜膩，榛子味道也很突出。玫瑰咖啡香氣怡人，看那綿密的咖啡泡沫好療癒。另外、凡於下午2:30之前結帳，可免加一服務費、好抵食！

之前跟過朋友去食過一間西餐廳，叫左一份意粉，一份豬肋骨，2個餐配左份麵包，其實味道都唔錯，尤其個豬肋骨，燒到好入味又林林地，不過服務態度就差啲啦，果日6點咁早食，食到7:30，明明仲有半個場都係吉枱，都要編左我地坐門口果張，啲位又窄，個fd 好瘦都要屈住個身先坐到埋去咯。。

位於尖沙嘴樓上的西餐廳Amitie Kitchen，簡約木系裝潢配合昏暗燈光，營造浪漫情調，讓人感覺舒適放鬆，氣氛很適合三五知己/同事或戀人前來。前菜選擇了阿根廷粉紅天使蝦刺身伴柚子醬油和法式田螺，阿根廷粉紅天使蝦刺身伴柚子醬油味道非常驚艷。天使蝦本身肉質非常鮮甜，配合帶微酸的柚子和微鹹香的醬油，層次非常豐富！法式田螺鹹香十足，配合薯仔蓉，口感豐富。不得不提附送的餐包，有牛角包和黑色餐包和長脆條。主菜選擇了主菜松葉蟹味噌蟹膏鵪鶉蛋義大利麵伴白酒忌廉汁和加拿大豬胺，松葉蟹味噌蟹膏鵪鶉蛋義大利麵伴白酒忌廉汁，將濃郁蟹膏味噌和鵪鶉蛋混合，口感更濃厚柔滑，完美融合，將它加入掛滿白酒忌廉汁的意粉裏面，海鮮鮮味濃郁口味實在是對味蕾的最佳衝擊和享受。加拿大豬胺肉質多汁鮮嫩。總體來說，Amitie 的菜色絕對值得一試。菜品豐富多樣，味道精彩絕倫，加上浪漫的氛圍和舒適的環境，讓人感覺非常愜意。推薦給喜歡西餐的朋友們。

麵包普普通通～自家製美黃金蟹餅 $168個蟹餅同平時其他地方食果D唔同，入面唔係碎濕濕既蓉，而係啖啖蟹肉，中間見到有舊小小流心既蛋黃。不過要連埋舊蛋黃食先會有蛋黃味，但係就咁食都係好味既。美國封門柳 $268叫左五成熟，外面賣相唔錯，但係入面好似有小小生過頭，理想中係再熟多小小，不過味道同口感都唔錯。加膽松蟹高蟹肉忌廉汁意面 $238舊海膽有D太水，感覺唔係話好新鮮，不過海膽同蟹膏份量係OK的，而舊蟹肉都好大舊。雖然係忌廉汁，但係都唔會覺得太漏。菠蘿青檸梳打 $38伯爵茶奶凍 $38

餐廳環境佈置不錯，座位適服，令人有放鬆既感覺。午餐包括餐湯或沙律、主菜、飲品和甜品，而且2:30前結賬可免收加一，真心抵食。是日餐湯係周打魚湯：喝一口就知道用料十足，因為有好豐富既海鮮味道，味道濃郁，非常好飲。三文魚沙律伴日式洋蔥汁：沙律菜新鮮爽口，用作前菜真係開胃又醒神。餐包午餐無跟，不過加$15就有兩片餐包+1塊餅乾：牛角包充滿牛油香；香草麵包焗得很鬆軟；長型麵包條脆卜卜，配餐湯一齊食好夾，還有牛油和士多啤梨醬給你配搭，值得加錢品嚐。烤燒紐西蘭牛扒：入口有陣炭火燒肉嘅香味，即時令到牛肉香味更加提升，我叫左七成熟都好鮮嫩多汁，配意粉軟硬適中、夠彈牙。烤燒西班牙栗飼豬鞍扒伴蜜桃莎莎：豬鞍扒好厚身，肉質鮮嫩，配薯菜有西蘭花、椰菜花、紅蘿蔔、薯仔，感覺很健康。是日精選甜品係芒果芝士蛋糕：蛋糕甜而不膩，一小件已經相當滋味。最後我們都點了熱檸茶，因為實在太飽了。整體來說，食物質素令人喜出望外，性價比高西餐廳。