A.T.A.S

营业中

休息中

A.T.A.S放工口淡淡，想食啲濃味野，就喺銅鑼灣食埋晚飯先返歸。見到呢間新開無耐嘅新加坡菜，裝修都幾清新，以綠色為主，價錢又合理。同朋友叫左喇沙釀豆腐配鴛鴦米粉加油面，辣椒板面（自家制粉粿），仲有甜既炸彈薄餅🤤喇沙湯底非常濃郁，唔算重椰奶味，味道真係似喺新加坡🇸🇬食既感覺。上面既餸就誇張喇， 超大條紅椒、脆豆卜、茄子，每粒都釀左豬肉，煎得好香，好juicy。仲有得揀咩麵，有米線、米粉同油面，可以揀鴛鴦粉。而家辣椒板面非常惹味，上面舖滿炸蒜、魚乾、菜心粒、香蔥，好香嘅自家制辣椒醬，仲有半生熟蛋，所以野一齊拌埋，好開胃。麵款揀左粉粿，煙煙韌韌，好好食😋炸彈薄餅開初以為好似台灣嘅蔥抓餅，呢隻係煎得好脆好脆，上面有層好似焦糖，再加煉奶，大愛！飲品叫咗美祿恐龍同玫瑰露恐龍，一個字”肥但好滿足”

銅鑼灣新開左間新加坡菜既餐廳，一入到去就好鍾意個環境，簡潔白色同綠色既裝飾，好舒服既視覺☘️ 餐廳食品選擇唔多，但每一道都好地道好特別！我地叫左：..🍜麵粉粿（乾）乾既意思即係無湯，係撈咁解，而且麵粉粿係一塊塊咁，少少似韓國年糕質地但無咁厚，好滑，撈粉既調味一定會重d惹味d，裡面有肉碎、菜粒同蔥，好好食😋..🍲板面一睇就知係手工麵，食落仲驚喜，質地超幼滑！呢碗有溫泉蛋、菜心、銀魚乾同榨菜，口感好豐富，不過湯底就比較清淡，如果會食埋乾既麵粉粿就一定要食左呢碗先！..🥟招牌釀豆腐拼盤其實就好似香港既煎釀三寶咁，魚肉分別釀在豆腐、青椒、紅椒同茄子，啖啖肉好足料，炸得好香口..🧇炸彈薄餅唔好以為係pizza，其實係甜品🤩就係搽滿咖央醬同鍊奶既薄酥餅咁！店員積極建議我地試呢個，因為出面一定無，果然真係！食第一啖已經愛上！真係超邪惡既甜品..🧋美祿炸彈故名思義就係美祿啦！好濃既美祿飲品，仲加左美祿脆脆波同餅，好正！..☕️斑蘭奶茶好特別！茶底濃且香，加埋斑蘭汁又幾特別，幾夾！唔錯..呢間真係唔錯，一定會再來！另外，餐具就要自己去自助區度拎，用餐後都要擺返tray去回收區

單憑個名A.T.A.S真係唔會估到係食星加坡菜。今晚收工就黎左一試。入口係地下，要行樓梯上一樓。入面裝修非常光猛，以綠色同白色為主，好新淨簡潔，感覺舒服。餐廳明顯主打釀豆腐菜式同麵粉粿。餐牌有招牌菜式，小食，麵條，飲品，都頗簡單。第一次黎，梗要叫啲招牌菜黎試吓。招牌釀豆腐拼盤 $128招牌釀豆腐拼盤有釀茄子，釀豆腐，釀苦瓜，同釀冬菇各2件，仲有釀紅辣椒同釀綠辣椒各1件，另外仲有2粒大肉丸。釀茄子好大件，吸左油，味道好好，上面塊釀肉比較實而有少少脆皮。釀豆腐大大件，稔滑豆腐配脆實釀肉好夾。釀紅辣椒帶少少甜，好味。釀綠辣椒就少少辣。釀苦瓜的確有少少苦，入面舊肉好大舊。釀冬菇既冬菇味香濃。大肉丸外脆內實而酸味重，必須點醬食。醬料自助，醬料有酸辣醬，甜醬，豉油同青辣椒。麵粉粿(湯) $78我第一次食麵粉粿。麵粉粿係用麵粉造嘅粿仔，食落有啲似意大利雲吞，其他配料有細細舊豬肉丸，鹹香炸江魚仔，好入味嘅滷冬菇片，温泉蛋一隻，嫩綠菜心，炸蒜同蔥。湯底似魚湯，唔太油，都唔重口味。辣椒螃蟹醬配炸饅頭 $98炸饅頭一客4件，炸得外皮金黃，而入面仲係白雪雪。個醬少少辣，咖哩味濃，蟹肉粒好多，送饅頭食哂都仲淨返

新開的餐廳🍴係樓上舖，裏面坐位好寛敞，好多綠色Sofa，5、6個朋友都可以坐埋一枱， 方便吹水~香港無乜餐廳好似佢地咁正宗，又有咁多充滿地道特色嘅美食！板麵好喜歡個湯底，好清甜！除左麵條夠q彈，仲有不少配料，炸江魚仔最香脆可口，還有肉丸、半熟蛋、蔬菜、香菇，吃完即刻愛上！麵粉粿(乾)第一次吃，感覺很有趣！不會好硬，還很柔軟，而且用了乾拌的做法，更入味！味道會比板面更加濃郁~當然不少得多元化配料，絕對說得上是招牌菜式之一！炸彈薄餅大愛！鬆脆的印度薄餅，每層夾着煉奶和咖央醬，甜甜蜜蜜的，非常美味！班蘭奶茶黑糖奶茶飲得多，斑斕奶茶你試過未？絲滑糯香的斑斓汁完美融合奶茶，綠色同啡色嘅分層，格外美麗。玫瑰露恐龍玫瑰露同美祿嘅配搭，玫瑰味突出，充滿花香，粉紅色的飲料有一個美祿粉嘅小山丘，非常適合女士們打卡！

餐廳採用先購票後取餐形式，餐具及醬料可以係自助區取得，地方非常寬敞，人流唔算多，坐位好坐，好啱邊食邊傾計 喇沙釀豆腐湯麵湯底椰香味濃，朋友話都幾辣同埋份量都幾多，裏面有釀茄子、釀椒、秋葵、豆腐等，辣辣地好惹味 麵粉粿有2款麵條可以選擇，仲可以揀乾定濕食法，碗麵入面有隻流心蛋、魚仔、冬菇絲等，湯底比較清淡，魚仔本身有鹹味，所以我會一啖麵一啖魚仔咁食 豆腐卜配喇沙醬一碟有6大粒，炸物真係好吸引，將豆腐卜炸到好脆口，入面釀入豬肉，再點埋個喇沙醬食又夾又好味 炸彈薄餅個名幾特別就叫嚟試吓，原來係酥皮底上面再塗上咖椰加煉奶，入口甜甜地適合當甜品 飲品班蘭奶茶班蘭意米水

銅鑼灣原來有間樓上新加坡餐廳。樓上真係有雅座！餐廳環境乾淨明亮，有圓位梳化座位，坐得舒適。點餐取餐採用自助形式，食完記得自行將餐具放喺回收處啊。旁邊有齊曬調味料同餐具餐紙，可以按個人需要攞番適當嘅份量，咁就唔驚浪費啦～👍🏻客家釀豆腐可以揀跟唔跟湯。我揀左跟湯同米粉。除左豆腐，重有青椒、紅椒、茄子，最特別係重有苦瓜！同一般煎釀三寶釀魚肉不同，佢地用左豬肉。豆腐、青椒、紅椒、茄子同苦瓜全部都大大件。米粉配紫菜同吃口感更豐富。湯底加上炸蒜食落更香口。豆腐卜配叻沙醬叻沙唔辣但係好香豆卜唔係硬脆，係有空氣感嘅脆。豆腐卜中間重有豬肉。辣椒板面有肉碎、溫泉蛋、冬菇片、菜頭、魚乾等。冬菇多汁，菜頭脆。麵軟硬適中有口感。撈埋d辣椒醬一齊食更惹味😋。飲品都好出色！👍🏻全部都好大杯！👏🏻玫瑰露恐龍好明顯分左三層：由上至下分別係阿華田粉、玫瑰露同花奶。玫瑰露pink pink顏色好靚啊～😍少女心爆發。美祿爆炸簡直係鍾意飲阿華田嘅朋友嘅福音呀！😍有大量阿華田粉、美祿脆脆波同一塊餅乾🍪，有得食又有得飲，阿華田味湧曬出黎！嗌埋個甜品食就完美啦。麻糍有三種口味揀：花生、芝麻同椰子。我同朋友都不約而同揀左花生。麻糍軟得

對於星馬泰食物好多人會即時聯想到喇沙同咖央多士，但其實新加坡飲食除咗反映咗新加坡同馬來西亞兩國文化，亦有被華裔同印度文化影響。今次就想介紹下呢間我响香港暫時都未試過呢種特色麵類但卻有種情意結的 a.t.a.s呢到無記錯前生係銅鑼灣咖啡弄，轉眼間已經改裝到一條樓梯就可直達 A.T.A.S 辣椒板面Chilli Ban Mee 🔺$88hkd 來自馬來西亞辣椒板面最重要係辣椒醬！呢到嘅辣椒醬並不是死辣，而係食到好多材料惹味嘅香帶些少甜味。麵以醬油撈起就有不同配菜鋪面，例如:小魚仔，半熟蛋，菜同花生碎。一啖麵加些少辣椒醬變得超級好味，而乾撈亦非常適合而氣炎熱嘅香港或者星馬泰地區，職員話平時個辣椒醬會撈埋响麵度，怕辣就用蛋黃撈緩解番個辣度。麵粉湯粿Mee Hoon Kueh (Soup)🔺 $78hkdMee Hoon Kueh係新加坡傳統手工食物之一，而佢哋亦有分湯麵同乾撈。最有特色嘅係呢款麵嘅麵條係純手工製作，一塊大約一隻手指長，厚度不一。食起嚟口感同機械製作嘅都唔一樣，加埋鮮甜高湯帶有些少香菇，魚仔，蝦米真係超有特色。客家釀豆腐拼盤Hakka Yong Tau Foo🔺$128hkd呢

新加坡喇沙的奧妙之處去過新加坡旅行的朋友,最印象深刻的,除了是環球影城,當然就有馳名全世界的超級好好味喇沙!在銅鑼灣放工,見到有一間新開乾淨的新加坡菜,當然就去試下!喇沙釀豆腐超級濃郁的喇沙湯底,配上米粉做面底,還有秋葵,魚蛋,釀豆腐(入面有使用豬肉及魚肉混合而成的炸豆腐),很久沒有吃過高質的喇沙,喜歡新加坡口味的您不能夠錯過。釀豆腐拼盤其實就是我吃完喇沙釀豆腐,意猶未盡,想再吃多一次釀豆腐,叫完要等10分鐘左右,熱辣辣上桌,不知道要做多少運動消耗?!咖央多士同樣是我非常喜歡的小食 - 咖央多士,牛油和咖央醬做夾心,極脆的多士,為什麼可以咁好味!班蘭薏米水(走甜)微微的班蘭味配上薏米水.為今天邪惡的晚餐獻上一點祝福,哈哈。A.T.A.S. 新加坡菜銅鑼灣邊寧頓街9-11號登龍閣地下C2號舖#新加坡菜 #銅鑼灣 #登龍閣 #Singapore #晚餐 #熊本熊 #KUMAMON #傻鴨 #雙傻 #喇沙 #LAKSA #薏米水 #班蘭 #咖央多士 #釀豆腐 #奧妙 #環球影城 #Singaporefood #A.T.A.S.

有朋友話銅鑼灣開咗新餐廳，作為經常出現銅鑼灣嘅人士當然要去試啦！小店位於邊寧頓街，遠離少少銅鑼灣最旺嘅鬧市區，所以都安靜。門口有樓梯，行上去就見到寬敞環境，仲有梳化位可以揀，夠哂寫意。小店叫A.T.A.S，即A Taste Above Shiok，主打星加坡菜式，而小食同甜品都好有驚喜！炸彈薄餅 $38以咖央加上練奶，配上薄脆薄餅，餅皮酥脆，甜甜地又唔算膩，好似超薄版西多士，好食。豆腐卜配叻沙醬 $48一客有6件，又熱又脆卜卜，叻沙醬有滿滿香料味，蘸少少已經加了味道層次，或者蘸辣醬都同樣美味。板面 $78有雞蛋、冬菇、小魚乾、肉丸等等，湯頭淡口無負擔，麵條QQ的，食完原味可以加辣更惹味。喇沙釀豆腐 $98辣味喇沙最啱香港人口味，配料有釀茄子、釀辣椒、豆卜及秋葵等，辣得嚟好惹味，份量都幾多。美祿爆炸 $68一杯美觀打卡必備嘅飲品，美祿味濃厚，甜度剛好。斑蘭薏米水 $28淡淡的斑蘭香氣，薏米水仲有袪濕功效，養生之選！

Tried the Yong tau Foo and I must say it’s pretty good ! Pieces are solid and substantive and the bee hoon that comes with it is freshly and deliciously flavoured with seaweed and fried shallots. Tastes thoughtfully homemade! The soup is also lightly flavoured with little traces of MSG. Highly recommended and that’s not only because I am Singaporean and rooting for Singapore food. My only wish is that they can serve belachan chilli at the restaurant. Will be back to try their other dishes. Hope

本來諗住馬來西亞嘢唔會差得去邊，點知食完都覺得冇食過野同埋好難食。我揀咗自選湯，個湯底只係一般清湯乜都冇，盛謂$35，加＄12要肉丸，只係得一粒！加咗＄12要釀豆腐都係得一嚿。另外叫咗Kaya toast但係個麵包好似隔咗十日夜硬到冇朋友，仲要烘到燶晒，食落去係苦嘅🤢kaya醬又唔掂又冇味好失望！老公杯奶茶加煉奶D奶少到冇味，但D staff 話驚太甜，但係可以分開上比人自己落🙄本來想去食餐特別啲東南亞菜，冇諗過馬來西亞點會差成咁，確實令我10分驚訝因為我自己都好鍾意食東南亞野

應我的馬來西亞同事邀約，今日我們幾個人去試一間開業不久的星馬餐廳。餐廳裝修相對新派簡約，快餐店一樣購買食物和一部還有未正式運作的自坐購食機。因為才開業幾天，落單相當慢，店內餐牌不足夠，排隊買需時，等食飯亦需時。但就算你看完餐牌也未必完全明白內容，只有星馬人才會懂的，因為無解釋內容。食物賣相相當不錯，份量也十分足夠，但馬拉華僑同事認為味道還未夠星馬地道，對於香港人就足夠。粉面外貌碗碗差不多，味道也相當容易入口。咖椰多就略嫌包皮大厚。Overall 不過不失！