A.T.A.S

营业中

休息中

銅鑼灣開左間新加坡菜， 鋪頭係樓上鋪， 空間好寬敞坐落舒服。睇menu就會發現呢度嘅菜式十分地道， 其他嘅新加坡餐廳唔容易食得到。辣椒板麵，$88。 用豬肉丸，炸乾魚仔，冬菇， 炸蒜同埋新巴辣椒醬製成， 材料都算豐富。 食法就同撈麵差唔多， 主要係配料同埋醬汁令到佢成為富新加坡色彩嘅麵。Rojak，$78。 去過星馬嘅人應該都會食過呢一個小食， 係一款非常地道嘅小食， 不過喺其他 主打新加坡嘅餐廳唔易搵到。 大概係用唔同嘅水果 配搭油炸鬼加上甜醬製作而成， 呢個風馬牛不相及嘅配搭， 撞出嚟係出奇特別， 鐘意新加坡食物嘅人一定要試！

位於銅鑼灣邊寧頓街既樓上鋪，主打食新加坡野。係香港好少數的新加坡菜。檯與檯之間非常闊落同光鮮，感覺唔錯。呢度落單係自助形式，類似平時去食快餐咁樣。辣椒板面：個賣相望落去有啲似肉醬意粉，面上有一隻溫泉蛋，將佢吉穿然後撈勻，再配上辣椒醬，食落去好惹味。佢呢隻辣椒就唔係好辣，只係有少少辣味，相信唔食得辣嘅人都接受到。麵粉粿（湯）：食落有啲似食粉仔，味道較清淡。麵粉粿湯入面有魚乾仔、肉丸同菜。粿粉幾彈牙，主要係食口感。不過一碗都幾大，好飽肚。豆腐卜配叻沙醬：望落去似肉丸，咬落去就發現入面係有豬肉嘅，佢配上個喇沙醬，好特別。口感係外脆內軟，下次再食嘅話可以再點呢個。斑蘭奶茶：斑蘭好香但唔會太搶，都唔錯。酸梅青檸水：酸酸的，味道偏淡，飯後飲可以消滯。

「A.T.A.S 」位於銅鑼灣邊寧頓街9-11號登龍閣地下C2號舖，經過新開小店，行上樓，簡約裝修，寬闊空間，感覺休閒，就一試地道星加坡風味😍😍Original Ban Mian板麵湯$78這道麵食的最大的特色是現點現做，眼前就有一碗美味可口鮮甜嘅板麵，熱辣辣，香噴噴嘅豬大骨湯底，加入肉燥、豬肉丸、滷冬菇，木耳絲、水波蛋，菜心、炸江魚仔、炸蒜，蔥花等，豐富配料，怪不得板麵是新加坡與馬來西亞華人社區內最常見的麵食料理之一👍👍Bak Chor Kolo Mee肉脞哥羅麵$78店員推介今日新加menu 可以一試，地道傳統砂朥越乾撈麵嘅一種，微卷的細麵條拌入香油，醋，搭配二隻香脆炸雲吞，炒肉碎、魚蛋，脆脆豬油渣，滷冬菇，葱花，趁熱拌勻，看似普通不過的麵條，飄出的蛋香，一口咬下，感覺到麪條的Q彈，咬勁十足，絕對好吃不膩😍😍Stuffed Tau Pok with Laksa Sause$48反轉豆腐卜釀入豬肉，炸成金黃脆卜卜，沾上喇沙醬，另一番滋味😘😘Kopi +煉奶cold $20南洋咖啡☕️十煉奶，地道星加坡口味😚Plume Limau cold $30青檸水，唔太甜，話梅止渴，清新自然😘

2021年10月20日 星期三今晚同老婆嚟到呢一間位於銅鑼灣嘅新加坡餐廳，因為之前經過嘅時候見到佢新開張，一直都想試吓嚟呢度睇吓餐廳位於2樓，一上到去感覺幾舒適，無論係餐枱甚至牆身嘅裝修都有一種柔和嘅感覺，而且用料嘅顏色係綠色，好似置身於大自然餐牌裏面嘅當然係新加坡菜式，不過大部份菜式我都未見過，幸好有店員幫手做介紹，而且餐牌圖文並茂，寫齊晒每一道菜式有乜嘢配料，最後我同老婆每人叫咗一個粉加一杯飲品先到係老婆點既麵粉粿湯，入面有豬肉丸、炸江魚仔、滷冬菇、蛋同菜芯，好足料之餘麵粉粿都有唔少，每一條都好粗身，本身唔算太有味，所以要連埋其他配料一齊食就岩岩好，而且個湯有埋炸蒜同蔥添，豬肉丸好彈牙又夠大粒，味道唔錯至於我就要左客家釀豆腐乾麵，有釀茄子、釀青紅辣椒、釀豆腐等等，感覺好豐富，釀辣椒一咬落去辣味會慢慢滲透出黎，好刺激，啱晒鍾意食辣嘅人士，而個人覺得釀苦瓜整得最出色，因為苦瓜食落去完全冇苦澀味，咬落去又有水份，啱晒唔鍾意苦味嘅我飲品方面分別有酸梅青檸水同青檸茶，兩杯飲品飲落去都酸酸甜甜，可以解辣同解渴，其中酸梅青檸水嘅酸梅仲帶出甘味，可以生津解膩，無得彈

A.T.A.S. 係一間自助快餐式傳統新加坡/馬來餐廳. 菜式大部分係 麵粉粿, 板麵等麵食. 都有唔少新加坡人幫襯可見都算頗正宗.板麵: 傳統新加坡/馬來麵食. 麵身較厚,煙韌,有d似刀削麵. 加上配菜包括: 肉燥, 木耳絲, 薯仔菜, 炸江魚仔, 蔥花等. 味道啱啱好唔會太鹹. 都頗適合香港人口味.客家釀豆腐麵: 釀豆腐係類似香港既煎釀三寶唯一分別係香港係用鯪魚肉而星馬係用豬肉餡. 有青椒,茄子,豆腐包裹豬肉餡,分量十足. 另外釀豆腐麵同另一款喇沙釀豆腐差唔多,唯一分別係釀豆腐麵係清湯唔辣,適合唔食得太辣既朋友.炸豆卜+喇沙醬: 炸豆卜一樣係用豬肉餡炸成球狀. 新鮮熱辣,夠脆. 另外配上喇沙醬口感似沙爹同咖喱醬風味,比較特別.飲品: 美祿爆炸+薏米水美祿爆炸算得上係星馬"國民級"特飲. 濃郁既美祿配上大量美祿粉, 香脆既"恐龍蛋",同曲奇. 熱量高好邪惡但每次去星馬必定要飲一杯~!薏米水比較似傳統祛濕飲品, 味道偏清淡. 配上味道偏濃郁既星馬菜不失未一個平衡飲食既好選擇

新加坡菜在香港都幾難搵到！呢家餐廳開係銅鑼灣，位置都好方便！而且裝修都好舒適以及很具空間感，仲有舒適沙發🛋️位，可以chill 一下！而且嘢食都超班！所有嘢都好好食！服務態度好好！呢間要瘋狂推薦！🌸🌸🌸🌸🌸🌸🌸🌸🌸🌸🌸🌸🍀辣椒板麵$88原來板面係來自馬來西亞客家人，麵條闊身，軟但係有彈性，麵入面有菜心粒、魚乾仔、冬菇、肉碎、而且仲有完美溫泉蛋，震騰騰！原本以為會好辣，辣度隨心😍，但係原來係旁邊放左參巴辣椒醬，新加坡風味十足，朋友一致好評！🍀 炸豆卜配喇沙醬$48 呢個都係我好鍾意嘅😍唔係普通炸豆卜黎，入面釀了滿滿的豬肉，外皮炸得香脆，配上喇沙醬鹹鹹甜甜超正！🍀 玫瑰露恐龍$48美祿恐龍飲得多，第一次試玫瑰🌹味，玫瑰味道相當突出，配上面頭的美祿粉，味道濃郁又打卡！好特別！🍀 薄餅炸彈$38不得了！咖椰醬星馬風味十足，而且餅底係酥皮，醬汁滿溢！一啖一酥脆，同時口腔充滿豐富醬汁！😈邪惡！又係超好食🍀客家釀豆腐$88好似香港的煎釀三寶，但不同的是，呢間餐廳用料很足！超大份，有豆腐、苦瓜、矮瓜等等！每樣都好食，叫左油麵同米粉，油麵較出色！😄🌸🌸🌸🌸🌸🌸🌸🌸🌸🌸🌸🌸呢間真係不得了，價錢唔貴！食物高質

最近開左一間新加坡餐廳，裏面座位好寛敞，有多張圓位梳化座位，就算5、6個朋友都可以坐埋一枱， 方便傾計。香港好少餐廳好似呢度咁正宗，又有咁多充滿星馬特色嘅地道美食選擇。麵粉粿湯($78) - 有冬菇、小魚乾、豬肉丸、大大隻流心溫泉蛋等配料，啖啖都充滿娘惹風味非常香口！湯嘅味道雖然香濃但唔會咸飲多兩啖都冇負擔。麵條嘅口感有少少似刀削麵。份量多到食唔哂😂 友人就點左另一款麵：板麵湯。材料基本上一樣只係個麵底轉咗做幼身啲嘅麵。個人覺得如果加啲辣味會更惹味！呢度嘅飲品都非常有星馬特色，我哋揀咗斑蘭薏米水 ($28) 同埋美祿爆炸 ($58) 薏米水帶着淡淡嘅清甜同斑蘭香味，薏米水更有袪濕功效，絕對係養生之選！另一杯美祿爆炸見到賣相已覺得吸引，打卡一流！小食方面點左一客豆腐卜配叻沙醬，原來係用腐皮包住一大舊豬肉再落油炸，食落啖啖肉，非常之香口嘅一款小食。花生麻磁 ($38) 其實係糯米糍，麻糍有三種口味揀：花生、芝麻同椰子。我同朋友都不約而同揀左花生！麻糍口感軟糯，加上花生碎口感豐富又美味。

今日去咗銅鑼灣見到一間裝修好靚嘅東南亞美食，樓上舖頭，環境好幽靜，Cafe類型好舒適。店員有善有禮，本身都諗唔到食咩，佢哋耐心推介唔同食物比我哋。最終我哋叫咗個辣椒拌麵，同埋客家煎釀豆腐湯麵。辣椒拌麵，雖然睇落去平平無奇又冇乜餸菜，但其實佢裏面嘅材料好豐富，包括菜心粒，特調辣椒醬，鯷魚干，仲加埋隻溫泉蛋，撈拌麵一流，開頭以為會重味，好鹹，但完全冇呢個感覺，反而係味道啱啱好，好特別，好多唔同嘅口感，麵質好彈牙！好推薦！客家釀豆腐湯麵，湯底比較清，少少似港式車仔麵，賣點係佢地嘅煎釀豆腐，有釀豆腐，釀青椒，釀紅椒，釀茄子，同蘿蔔等等，同麵食配搭一流叫咗嘢飲，一杯斑蘭奶茶，特別，有香嘅斑蘭香氣，另一杯就係美祿爆炸，好啱小朋友飲，因為佢外觀好靚，上面仲加咗好多脆卜卜嘅cereal 上去，成杯朱古力都好濃！好喝！最後我哋仲叫咗個小食，辣椒蟹肉醬炸饅頭，炸饅頭點煉奶就食得多，但係呢佢呢個配辣椒蟹醬開頭都有啲驚，點知個醬先係精粹，超好味，蟹肉有好多，東南亞嘅風味！正！

今天在銅鑼灣行街，路過街角口新開了一家新加坡餐廳，價格看起來挺合適於是決定試試～店鋪空間明亮舒適，綠色環保色調清新淡雅，感覺很親切又chill！麵粉粿幹，份量十足，口感軟滑，薄厚適中，與炸魚仔、肉碎、冬菇、菜心、蔥、蒜及醬汁搭配融合在一起，味道非常獨特，感覺跟自己在新加坡吃過的差不多！喇沙釀豆腐非常惹味，可以米粉和油面mix超強滿足感，釀豆腐是第一次吃，軟軟糯糯都幾彈牙，口感好特別，配菜還有茄子秋葵等，都不是一般可以吃到的～炸黃姜雞中翼 ，盤中四塊雞翅炸至金黃，外酥內嫩，肉質鮮美，配上青瓜、車厘茄和酸甜白蘿蔔，真的好好吃哦！酸梅青檸水 ，酸酸甜甜的青檸水，清新入心，開胃爽口，吃完重口味後，喝上一杯即解渴又解膩👍現在疫情大家都無法離境旅行，與新加坡旅遊氣泡一次次破滅，看來A.T.A.S將是品嘗新加坡美食的可到之處，正宗好吃有檔次！

今日同朋友銅鑼灣行街，又搵到間新野未食過，新加坡菜唔係成日遇到，所以就去試試❣️麵粉粿乾麵粉粿、豬肉、炸江魚仔、滷冬菇、菜心、炸蒜、蔥mix 埋一碗正野，好鍾意呢款麵粉粿，口感好特別，煙煙un un有D 年糕feel 咁，碗野一黎就聞到好香，炒得夠哂乾身，好味香口既魚仔撈埋一齊食味就更加濃郁，入面又有菜同菇，D 餸都好豐富❣️班蘭奶茶有別於一般既奶茶，茶味甘厚，飲到底都仲有一陣陣班蘭味❣️客家釀豆腐揀左米粉，餸有好多款，每款都大大件，釀茄子、釀豆腐、釀紅辣椒、釀綠辣椒、釀苦瓜、白蘿蔔、紫菜、炸蒜、蔥、乾蔥頭，好有巨形版煎釀三寶feel，釀肉既口感同平時都有D 唔同，會比較結實❣️玫瑰露恐龍美祿爆炸同玫瑰露恐龍二揀一抉擇左好耐，最後揀左玫瑰露恐龍好有驚喜，除左打卡一流，玫瑰露仲好特別，瘋狂咁食冰粒上面既美祿粉，兒時回憶偷粉食😂D 美祿粉溝埋玫瑰露冰又溶左D，味道就岩岩好唔會咁甜啦❣️炸黃姜雞中翼邪惡既大大隻炸中翼，熱辣辣炸到金黃香脆，裡面仲好juicy，仲有伴碟既青瓜酸蘿蔔就可以清下熱❣️花生麻糍甜品掙扎左好耐最後揀左呢個，份量都唔少，暖暖既麻糍，口感軟淋淋，花生味好香，味道一流，吉吉下就食左成碗呢

見到好多朋友都去咗銅鑼灣依間新開嘅新加坡風味料理，啲相實在太吸引喇，攪到我都忍唔住要去會一會佢。餐廳運作模式有點似快餐文化，需要自己搵位，櫃面落餐、拎餐，同交餐托盤。環境唔錯，地方寬敞同好乾淨。麵粉粿湯除咗手打嘅麵粉粿，仲有豬肉丸、炸江魚仔、滷冬菇、流心蛋。 份量都多都豐富。 湯底非常鮮甜。豬肉丸當然唔係凍肉鋪買返去打邊爐果隻啦，而真係豬肉㧻嘅肉丸，真真實實嘅豬肉嚟。客家釀豆腐依個超豐富，有釀豆腐、茄子、紅尖椒、綠尖椒、苦瓜、白蘿蔔。 每一件煎釀都好大件，而唔同平時食嘅煎釀三寶，釀入嘅係豬肉，雖然無釀魚肉咁彈牙，味道絕對無比下去。依款可自選麵食，我就要咗乾麵，所以跟埋一碗好鮮味嘅湯。玫瑰露惡龍玫瑰味好突出，而頂頭嘅美綠粉，濕咗後可以慢慢一啖啖咁食。邪惡得嚟好正。班蘭奶茶奶茶香滑，配合清淡嘅班蘭香味。

銅鑼灣新開左間以新加波菜為主打嘅餐廳🥳用餐區位於二層，行上樓梯即到～.採用自助模式，係Counter落完單即有一個取餐器，食物準備好就可以去拎😎方便又快捷，仲免加一添😘.【餐牌】.【辣椒板麵 $88】板麵出自馬來西亞客家人，口感柔軟富彈性。搭配上炸江魚仔，滷冬菇，菜心粒，炸蒜，蔥，參巴醬辣椒醬，肉碎，水波蛋等，再拌勻而食，香氣十足之餘，極富層次感添！另外，仲有自助吧醬料區，有特製辣椒醬，同自己調味的辣椒豉油，沾上少少醬汁食，辣味更突出，更惹味呢😎.【釀豆腐拼盤 $128】出自新加坡的釀豆腐拼盤，同香港嘅煎釀三寶有異曲同工之妙😘不同嘅係，選用肉餅代替魚餅，雖然沒有魚餅嘅彈牙，但更富肉汁，口感亦相對上感到更飽滿👍拼盤有茄子，肉丸，豆腐，紅辣辣，青辣椒，苦瓜同冬菇，每款各二呢～建議配埋辣椒豉油就更Perfect 😆.【美祿爆炸 $58】極為澎湃嘅爆炸美祿，美祿味超正濃厚😂仲有脆脆波波做咬口，大人小朋友都一定都愛上😎.【Plume Limau $30】以酸梅同青檸為主角，味道酸酸甜甜又帶點微鹹～

#atashk 新加坡美食，都算係我覺得最接近新加坡味道的餐廳，全餐廳是自助形式，都寛敞，而且職員相當有禮貌，用餐愉快💗🔹麵粉粿乾 $78 一大碗熱炒，有麵粉粿，豬肉，炸江魚仔，滷冬菇，菜心粒等炒起來，首先味道不會很咸，而麵粉粿很彈和麵粉香味，由於麵粉粿淡味，所以配合咁多餡料一去吃是非常好味😍😍😍🔹辣椒板麵 $88 用上參巴醬和辣椒醬炒，香辣勁惹味，麵很新鮮，仲有隻溫泉蛋，撈入一齊食，好味到爆😋😋😋ATAS 地址: 銅鑼灣邊寧頓街9-11號登龍閣地下C2號舖

📍 A.T.A.S📍 銅鑼灣 • 邊寧頓街9-11號登龍閣地下C2號舖-銅鑼灣邊寧頓街這邊新開張了這家《A.T.A.S》，主打正宗新加坡菜🇸🇬「Atas」在新加坡話裡原來是「高檔」／「高級」的意思🧐-沒記錯的話，這邊以前是人氣台灣咖啡廳《咖啡弄》室內空間蠻大，主調用上樹林綠色，帶點清新風🌱有數張圓桌，還有相互相隔不近的其他二人餐桌，坐的好舒服～採用自助服務形式，先到下單處點餐付款，然後拿著取餐通知機，響起就可以去取餐啦～用餐後記得要自行清理餐桌哦😉雖然是自助服務，但都感受得到店員們的熱情～熱情的招呼客人、介紹餐點、歡迎下次光臨🤣 好溫馨❤️-《A.T.A.S》提供地道新加坡菜式，比如說是「麵粉粿」、「板麵」、「玫瑰露」等這些很少見的菜式🇸🇬這晚嚐的菜式都非常合口味，也看見不少貌似是新加坡/馬拉人來吃，印證了這裡的地道！肯定要再訪‼️-餐廳應該是知道客人未必知道什麼是「麵粉粿」跟「板麵」吧，就乾脆在收銀處放了兩盤樣本🤣「麵粉粿」為則是扁平的小塊；而「板麵」則是扁長形的麵條-板麵 Original Ban Mian ($78)上網查了一下，原來「板麵」源自於客家人做的「刀麻切」🍜這碗板麵的質感

So far most Singaporean restaurants in Hong Kong focuses on chicken rice, laksa and bak kut teh. This restaurant however, focuses on the other well loved but underrated Singaporean favourites which I was absolutely ecstatic to hear about! Dishes like ban main, Yong tau foo and bandung are just some of the classic favourites that I’ve missed so much and I’m so glad that they finally have it in Hong Kong as well! We ordered the dry mee hoon Kueh, soup Yong tau foo, turmeric chicken wings, prata bo