影片
更多
2021-09-25
36 浏览
對於星馬泰食物好多人會即時聯想到喇沙同咖央多士，但其實新加坡飲食除咗反映咗新加坡同馬來西亞兩國文化，亦有被華裔同印度文化影響。今次就想介紹下呢間我响香港暫時都未試過呢種特色麵類但卻有種情意結的 a.t.a.s呢到無記錯前生係銅鑼灣咖啡弄，轉眼間已經改裝到一條樓梯就可直達 A.T.A.S 辣椒板面Chilli Ban Mee 🔺$88hkd 來自馬來西亞辣椒板面最重要係辣椒醬！呢到嘅辣椒醬並不是死辣，而係食到好多材料惹味嘅香帶些少甜味。麵以醬油撈起就有不同配菜鋪面，例如:小魚仔，半熟蛋，菜同花生碎。一啖麵加些少辣椒醬變得超級好味，而乾撈亦非常適合而氣炎熱嘅香港或者星馬泰地區，職員話平時個辣椒醬會撈埋响麵度，怕辣就用蛋黃撈緩解番個辣度。麵粉湯粿Mee Hoon Kueh (Soup)🔺 $78hkdMee Hoon Kueh係新加坡傳統手工食物之一，而佢哋亦有分湯麵同乾撈。最有特色嘅係呢款麵嘅麵條係純手工製作，一塊大約一隻手指長，厚度不一。食起嚟口感同機械製作嘅都唔一樣，加埋鮮甜高湯帶有些少香菇，魚仔，蝦米真係超有特色。客家釀豆腐拼盤Hakka Yong Tau Foo🔺$128hkd呢
呢到無記錯前生係銅鑼灣咖啡弄，轉眼間已經改裝到一條樓梯就可直達 A.T.A.S
辣椒板面Chilli Ban Mee 🔺$88hkd
來自馬來西亞辣椒板面最重要係辣椒醬！呢到嘅辣椒醬並不是死辣，而係食到好多材料惹味嘅香帶些少甜味。麵以醬油撈起就有不同配菜鋪面，例如:小魚仔，半熟蛋，菜同花生碎。一啖麵加些少辣椒醬變得超級好味，而乾撈亦非常適合而氣炎熱嘅香港或者星馬泰地區，職員話平時個辣椒醬會撈埋响麵度，怕辣就用蛋黃撈緩解番個辣度。
麵粉湯粿Mee Hoon Kueh (Soup)🔺 $78hkd
Mee Hoon Kueh係新加坡傳統手工食物之一，而佢哋亦有分湯麵同乾撈。最有特色嘅係呢款麵嘅麵條係純手工製作，一塊大約一隻手指長，厚度不一。食起嚟口感同機械製作嘅都唔一樣，加埋鮮甜高湯帶有些少香菇，魚仔，蝦米真係超有特色。
客家釀豆腐拼盤Hakka Yong Tau Foo🔺$128hkd
呢份客家豆腐貌似煎釀三寶，但原來卻係招牌菜之一。以新鮮魚肉打到爽加埋豬肉同咸魚製作，比起平日食的三寶多咗幾個層次。炸透嘅食材又完全唔油膩，撈埋甜醬同辣醬一齊食，原來咁簡單食材背後都咁多心機。
咖椰多士🔺$38hkd
咖椰多士應該係最據代表新加坡代表之一，佢哋嘅咖椰多士麵包比起平時見到嘅啡，而入面嘅醬有超獨有嘅椰香味得嚟又唔會偏甜。唯一可惜嘅係我掛住影相搞到個包涼晒，如果襯熱食一定超級好味。
班蘭薏米水(凍)🔺$28hkd/ 蜜糖羅漢果(凍)🔺$28hkd 兩杯都唔會偏甜又生津潤燥止渴飲品。
未响香港試過呢類型食物，但點解我又會話係情意結嘅原因係屋企人响我細時曾經煮過類似食物比我食，但而家已經再食唔到了，所以發掘到呢間可以搵番回憶嘅餐廳，好值得再光顧。
📍銅鑼灣邊寧頓街9-11號登龍閣地下C2號舖
7 浏览
0 赞好
0 留言
10 浏览
0 赞好
0 留言
张贴
