A.T.A.S

营业中

休息中

店舖裏邊不是聽到星加坡控嘅英語， 證明佢哋肯定正宗啦！這就是地道的新加坡。濃郁嘅叻沙香味， 夾雜著椰汁嘅香味同埋辣味 ，配上摻摻（米粉加油麵，一種地道的食法）， 令人彷彿置身新加坡街頭。 配菜有客家釀豆腐 ，釀茄子 ，釀紅椒及秋葵等等， 全部都係叻沙嘅絕配。肉脞麵，$78。 富有特色嘅撈扁麵， 配料豐富包括炸雲吞 ，豬潤，豬肉碎，魚旦，冬菇等， 加上特製嘅辣椒醬， 撈埋一齊非常惹味！配埋新加坡最出名嘅凍美綠， 今晚嘅晚餐 好完滿。

麵粉粿乾 $68麵粉粿一塊圓圓，厚薄不一，口感煙韌，甜醬油配上豬肉碎、冬菇、魚仔、菜心，炸蒜材料豐富，好入味，唔會太咸。喇沙釀豆腐 $98湯底惹味，咖喱味道香濃唔會太辣，用上摻墋（油面加米粉），分量十足，除了釀豆腐、釀茄子、豆卜、秋葵、白魚蛋。炸黃薑雞中翼 $48一小口咬下，炸得非常香脆，雞肉嫩滑肉汁豐富，黃薑粉醃得好入味。囉㘃Rojak $58Rojak是馬來西亞和新加坡常見傳統水果沙律，青蘋果、菠蘿、沙葛、炸豆卜、油炸鬼，醬汁啡色質地杰身，味道咸咸甜甜，鋪滿花生碎，又香又脆。班蘭奶荼 $40帶有斑蘭椰香味，茶味不算太濃。蜜糖羅漢果 $28味道甘甜，羅漢果味重，滋潤喉嚨。

放工去sogo 感謝節，係附近發現咗呢間上樓，新開，感覺幾chill 嘅新加坡餐廳。餐廳形式比較自助，自己落order 再等機通知，場內裝修以白色為主。講下食物先，我地兩個人，一人一碗麵，一個飲品，再加個沙律，其實都好夠，因為佢份量都幾多。新出嘅喇沙釀豆腐，個湯底好濃，但一D都唔油，係健康嘅感覺😅辣醬板麵，麵質ok ge~ 但個人覺得淡左少少，如果再夠味多少少就好啦😝Rojak 呢個沙律叫囉喏，好特別嘅味道，甜甜地，係幾好食嘅，兩個人就食唔晒，3-4人岩岩好👍🏻好靚嘅飲品，美綠爆炸，勁好飲，推介，好濃美綠味👍🏻👍🏻👍🏻大合照一張，哈哈呢個份量真係夠3個人😅

約咗朋友係銅鑼灣行街， 一直都無為意到上樓有間食星加坡菜料理嘅餐廳見價錢都幾親民， 所以決定試吓～餐廳都算開揚有空間感坐得舒服好重要!!點餐係自助形式大多數都係粉麵類我就叫咗個～喇沙釀豆腐濃郁喇沙湯底非常惹味辣得嚟容易接受餸方面有D似煎釀三寶有紅椒，豆卜，茄子三款都好好食仲有我最愛嘅秋葵麵條軟硬適中份量好多， 我係食唔晒嘅酸梅青檸水食完濃味嘢飲呢杯呢個， 清新解膩板麵湯有豬肉丸、炸江魚仔、滷冬菇、蛋同菜芯 等勁多料麵粉粿一塊塊咁， 有D似刀削麵（？）不過就大塊D軟身D又係超級大碗， 又係食唔晒星加坡人都係咁大食㗎咩!!班蘭奶茶勁香， 下次食晏晝我都要叫呢個呀超級好飲！！

銅鑼灣曾經瘋魔一時嘅咖啡弄舊舖已經轉咗做呢間新式嘅新加坡餐廳🇸🇬餐廳喺一樓，需要行幾級樓梯上去，有門口已經覺得好有設計感，餐廳都有幾張半圓卡位，非常舒適，亦都有長枱同埋bar枱任君選擇😆半自助式點餐，店員非常細心介紹主打菜式，亦非常有禮貌，感覺好親切~肉脞哥羅麵🍜聽個名完全係香港冇食過，材料包括炸雲吞、豬潤、白魚蛋、冬菇、花生等等。店員話唔辣就地道啲，微辣就惹味啲，最後就揀咗微辣，似港式嘅撈麵，再配上一碗冇味精嘅湯~好滿足💗板麵湯手打豬肉丸、炸江魚仔、滷冬菇、炸蒜、蔥等好多材料熬製💁🏻‍♀️~我覺得炸江魚仔簡直係精粹，為呢個為清清地嘅湯底增加左焦香味😛美祿炸彈💥好濃郁嘅味道配上好多美祿球、美祿粉，連面頭嗰塊餅都係美祿! 想唔好味都幾難😋😋我見到幾乎每一枱都會叫！酸梅青檸水呢杯就係我私心鍾意飲酸嘢~酸酸甜甜好正🥳

環境敞亮，坐着舒服。🌟🌟🌟🌟自選釀豆腐 $77湯/乾＋米粉/米線/油麵 $25＋金針菇$8＋通菜$8＋三肉丸$12＋釀茄子$12＋釀豆腐$12六個餸$77，好劲抵。三肉丸和豆腐好食，推荐👍我最鍾意的是它有很多蔬菜可以選，湯又很清淡但鮮美，營養健康。會回訪。

✅A.T.A.S.係銅鑼灣居然揾到樓上舖既新加坡菜🤣食既並唔係成日食到海南雞飯而係好有特色既麵食類😝呢到採取自助形式既睇完餐牌落order之後 就可以自己揾位坐等餐啦自助吧有得拎餐具同配料 例如辣椒同甜辣醬🔆Original Mee Hoon Kueh Dry $78中文名叫麵粉粿乾🤣 第一次食 感覺就好似係粉糰咁加入佢哋特別調製既醬 咸咸地好入味仲有冬菇 炸江魚仔 豬肉碎 菜心 炸蒜同蔥粒咁就唔會覺得好dry啦👍🏻味道: 3.7/5賣相: 3.3/5🔆Bak Chor Mee $78呢個係肉脞麵 麵質揀左白身麵加埋秘製辣醬 咸咸辣辣咁佢係撈麵黎 所以配埋撈麵湯 可以加入去食個湯好濃豬味 應該係用左豬肉去烹調而成😝呢個麵既餸又有少少唔同係有魚蛋 炸雲呑 豬潤 肉碎炸雲呑好有驚喜 係即炸所以仲係好脆口而且中間係豬肉碎做餡料 味道都好特別味道: 3.8/5賣相: 3.5/5 🔆Rojak $78呢個小食比較特別 中文叫囉喏佢係用囉喏醬加入青蘋果🍏 沙葛 炸豆卜 炸油炸鬼炸豆卜同油炸鬼都好脆身 不過就真係好掛汁所以食到最後都有少少既咸😂青蘋果加埋落去出奇地夾 酸酸甜甜好開胃要黎

依間樓上餐廳一上到去先知原來都幾闊落，環境幾舒服，望望Menu，覺得啲嘢食都幾特別！首先叫咗個麵粉粿乾（$68），係撈麵黎，餡料好豐富，配搭都好特別，有麵粉粿、白魚蛋、炸雲吞、滷冬菇、豬潤、炸蒜、葱等等。麵粉粿口感好煙韌，有啲似刀削麵！另外就叫咗板麵湯（$78），配料有蛋、炸魚仔、滷冬菇、菜心等等。呢個板麵好特別，係一塊塊圓形咁，但口感都係好煙韌。湯底加埋蛋黃香，濃郁入味。嘢飲方面呢度都有啲特色，朋友叫咗班蘭奶茶($38)我就揀左美祿爆炸($58)，都好飲，尤其係個美祿爆炸超豐富，有埋美祿味嘅餅同美祿波波！簡簡單單嘅餐飯都幾有驚喜！

喇沙釀豆腐🍜喇沙係新加坡特產，油麵加米粉兩種麵，湯底更係重點有小小辣同我係新加坡食到嘅味道係一模一樣，所以好地道好好味😋配料就比較特別用左釀豆腐、茄子、紅椒同秋葵仲有魚蛋吸埋d湯底估唔到咁好食。麵粉粿湯🍜麵粉粿一片片方便放入口，湯底清清地有炸江魚仔脆脆地、滷冬菇、蛋就半熟蛋、炸蒜、蔥同豬肉丸手做好新鮮。酸梅青檸水🥤梅味酸酸地好開胃，我好鐘意呀😬薑汁奶茶☕️加左薑味嘅奶茶原來好好飲👍🏻

🍽A.T.A.S———————————————🐈：初初見到咁西式優雅嘅設計，以為係西餐，細心睇餐牌先知道原來係新加坡菜🤣，諗諗吓又真係無試過新加坡菜，好奇心驅使下決定一試！座位喺樓上，環境舒服乾淨又寧靜，服務態度好好👍🏻👍🏻，店員好靚仔💓🤣🤣！餐廳主張自助形式，有自助餐具及調味料區同埋收餐盤區，大家去食嘅話就記得自己收餐盤啦😆！———————————————🌟肉脞麵我哋問員工有咩推介🤣，佢就介紹咗我哋食呢個！勁多餸勁豐富🤩，有豬潤、白魚蛋、菇片、酥炸雲吞同豬肉碎，全部餸質素都幾好！第一次食呢種麵底，麵質爽口👍🏻，唔錯！會有個湯附送！_🌟辣椒板麵有豬肉丸、炸江魚仔、滷水冬菇、糖心蛋、炸蒜。我覺得呢個好好食！👍🏻尤其個參巴醬辣椒醬，雖然唔知係咩嚟🤣，但個醬真係好惹味，仲有糖心蛋加持，又滑又辣！正！_🌟美祿好好味啊💓💓💓！！我想講我係超鍾意飲美祿，會直接食啲美祿粉🤣。但無論自己沖定係出街飲都係覺得唔好味！我諗係咪因為佢真係落咁好多份量呢🤔？點解可以飲到尾都咁濃郁又滑！？_🌟玫瑰露呢杯我係覺得好驚喜，因為睇隻色我以為佢係超甜！但估唔到味道清香，玫瑰花香味撲鼻，唔錯！好岩配搭重口味嘅辣椒板麵🤣！

這間新加坡式快餐店，於銅鑼灣來說算是經濟，午餐可有加配價錢，晚上單點則比較貴。店內職員主要英語溝通，也可用自助機下單。用餐完需先行交還到回收處。麵粉粿(湯) - $78一片片又厚又大的麵，有點像山西的刀削麵，同樣煙韌彈牙，不過軟身一點；豬肉丸比較像免治肉粒；炸乾魚仔好酥香；滷冬菇好入味鮮甜；水波蛋蛋白嫩滑而蛋黃流心；還有菜心、炸蒜和蔥。咖啡 +$13除了齋啡外，可選較清淡的花奶或者甜味重的煉奶，還可選甜度。咖椰多士 +$10可選加不加牛油，應該無人會走牛油吧。多士烘得好酥脆，咖央醬椰味好重，好邪惡。

見附近開左間新野，同埋好似幾特別，就lunch黎食啦中午時間未算坐滿，佢呢到係自助式既，坐位舒適，間舖都好有空間感我叫左呢個板麵$78，佢個麵係粗身，好滑，但又唔似河粉既，配料就有魚乾、蛋、肉碎同雲耳，湯頭好清，個人建議可以去出面拎少少辣椒，個味道即刻昇華麻糍$10，超級多！有成十幾粒，我以為十蚊得5粒，好抵食。個口感係比糯米糍再林d, 似係用米做而唔係糯米，出面配上花生碎同椰絲，都ok la同場有新加坡人係到食，我諗呢間餐廳都幾正宗

黎緊屋企人會到新加坡就業，為食的我一想之下原來我都唔太了解新加坡菜，好奇之下就上網睇下新加坡菜的餐廳。見到呢間新加坡餐廳裝修好文青，而且我未吃過呢種菜式，就約埋都有興趣試新菜色的朋友黎呢度晚飯順便聚舊。首先要上樓梯到達點餐和用餐區，先去cashier點餐，店員應該係新加坡人，因為係講英文，不過都識少少中文，之後職員就會比部取餐機我地拎返埋位等，響就可以出去取餐，而餐具都係自助形式的。我同朋友就一人一碗麵同飲品，我地share來吃。麵粉粿乾($78)呢款係朋友揀的，我自己對麵粉粿都好有興趣，因為未食過，麵粉粿原來係一塊塊圓圓地，感覺似係人手刀削的，因為每塊的形狀同厚薄都唔同，我好鍾意呢種麵個質感，比較煙韌。呢個係撈麵黎，有豬肉、炸江魚仔、滷冬菇、菜心、炸蒜同蔥等，非常惹味，特別係炸江魚仔，佢令呢個麵的味道更加豐富，不知不覺間就好快食左好多。😛客家釀豆腐($88)另一款我地揀左湯麵，可以選米粉，米線，油麵或者板麵，由於我未食過板麵，所以我就揀左呢款。板麵相對其他麵較扁同粗身，比較有咬口。配料有釀茄子、釀豆腐、釀紅綠辣椒、釀苦瓜、白蘿蔔、紫菜、炸蒜同蔥等等，就好似香港煎釀三寶咁，配料非常多，

A.T.A.S (銅鑼灣)銅鑼灣邊寧頓街9-11號登龍閣地下C2號舖今日收工難得得閒就同老婆周圍去下銅鑼灣睇吓咩好食嘅嘢啦咖啡綠叫咗杯咖啡在加美綠，飲起上嚟果然係好特別，喺出邊絕對未試過飲嘅，新奇有幾特別辣椒板麵板麵食起上嚟都幾特別就好似厚厚嘅刀削麵，仲有加魚蛋都幾特別，仲有老冬菇同埋蛋，成碗麵都幾特別，再配上辣嘅森巴醬辣椒醬，辣起嚟又幾特別好好味Rojak囉喏店長特別推介嘅一到菜式當然要試吓啦，青蘋果加青瓜已經好開胃,仲有好似油炸鬼嘅油條好好味，食得出非常之有層次感，絕對係特色菜之選整體來講餐廳嘅菜式都好與別不同，絕對啱愛新鮮嘅朋友

We were excited to try this new Singapore cafe offering one of my favourite noodle dishes - ban mian 板麵。It is a dish that our family in KL enjoy making from scratch, including the noodles, the broth and the fillings。Inside the restaurant, the upstairs seating environment is very comfortable, service is friendly and service stations are clean。We ordered the Original Ban Mian, both the dry and soup versions。We found the noodles to lack the al dente chewiness of handmade noodles, and cooked too sof