A.T.A.S

营业中

休息中

銅鑼灣有一間星加坡菜，我覺得幾特別，佢哋保留到傳統的菜式，亦都不斷創新！鹹蛋軟殼蝦 ：呢個極之邪惡，通常鹹蛋黃整嘅嘢都好好食！軟殼蟹食得多，軟殼蝦就係第一次，鹹蛋香味一放枱已經聞得到。成隻蝦比啲金黃嘅鹹蛋黃包住，唔使剝殼，可以連殼食埋，好有鹹香味，亦都好惹味！辣椒蟹肉醬配炸饅頭 ：呢個醬我覺得幾特別，以前食開炸饅頭跟煉奶，呢個辣椒肉蟹醬好鮮味，有好多蟹肉係裏面，少少辣味，大大擗醬搽落個炸到外脆內軟嘅饅頭度，一啖食落口，滿足感爆燈五香卷 ：呢道是傳統的菜式，炸到好脆的腐皮包住啲豬肉碎、蔬菜、馬蹄..啲五香味好出，點甜酸汁更加好味辣椒蟹膏闊條麵 ：闊條麵麵質好彈牙，好有咬口又掛汁，個蟹膏醬好鮮味，微辣。面頭仲有大大隻嘅煎開邊蝦，都係好新鮮彈牙。班蘭薏米水 ：好香班蘭味， 薏米都幾淋，幾軟糯，又可以飲又可以食玫瑰青檸水 ：用咗玫瑰糖漿加青檸水，好香玫瑰花味，飲落好清新，酸酸甜甜幾好飲

ATAS銅鑼灣邊寧頓街9-11號燈籠閣地下C2號舖經開銅鑼灣，老友推介地道新加坡菜，環境舒適，食材新鮮，果然冇介紹錯。😋喇沙香濃湯底，辣度適中，可以直接飲用。面層放了香草提升層次，配料有蝦仁、魚丸、豆卜和熟蛋。米粉爽口彈牙，吸收了湯底的精華，推薦！😘叁岜蟹肉炒飯香氣四溢，炒得勻循，蟹肉彈牙，鮮味十足，炒飯口感煙韌， 配料有魚子、雞蛋和香蔥，好惹味，必食！😍燒春雞咖哩燒春雞外層香脆，烹調得恰到好處，雞肉新鮮嫩滑，肉汁豐富，粟米香甜，薯肉口感鬆軟，配咖哩好正！😽咖椰爆醬即叫即製，三層爽脆的烤麵包，加了咖椰醬汁、牛油、花生醬和巧克力醬，面層佈滿了美祿粉，好邪惡，喜歡甜品的朋友不能錯過。😻柑桔水酸酸甜甜，濃度適中，冰底夠凍，好飮！🐱班蘭薏米水清香的班蘭味，薏米口感煙韌，甜度適中，飲完好舒暢。😚ATAS 環境舒適氣氛好，食材新鮮高質，喇沙、炒飯、燒雞甜品正，侍應服務態度好，回頭率高。😎🤘🏻

週末三五知己聚會又黎到銅鑼灣，特登提早小小 6點左右walk in入座。剛好仲有一張圓枱未被reserve😍 座位唔太多，晚市都爆場 。 待應們服務很不錯，主動為無叫飲品既朋友遞上清水。叁巴蟹肉炒飯 炒飯夠乾身，加上叁巴醬同蟹肉非常惹味。除咗叁巴醬嘅鹹香味，亦都食到蟹肉嘅鮮味。辣椒蟹忌廉醬意大利蛋麵 星加坡菜及西餐嘅fusion。香濃嘅忌廉加上辣蟹肉有少少似喇沙醬嘅味道，但係比喇沙醬多咗一份細滑既感覺。配上兩隻大海蝦非常新鮮爽口彈牙。媽密咯咯雞 蜜糖醬封面嘅炸雞。 表皮香脆，內裏嫩滑仲保留小小肉汁。 用蜜糖包裹但又唔會係得個甜味。

新加坡餐廳ATAS位於CWB邊寧頓道罕見的新加坡餐廳🍴，位處旺市但自成一閣，精緻樓梯上到去，見到環境光猛窗戶夠開揚，三兩知己享受餐飲，讓人精精神飽滿容光煥發！先來2杯特飲：🥤玫瑰露：星馬出名的紅彤彤飲品，酸酸尾尾好醒胃!🥛薏米水：當時得令的飲料，健脾開胃去水腫，女士至愛！🍜炒福建麵蛋絲+中蝦🍤+魷魚 和米粉油麵炒成一碟，不油不膩，夠清爽shiok!😄附加辣椒醬，照顧埋辣人一族。🦐黑椒蝦望落去好似非洲蝦咁樣，原來可以連殼一齊食，而且卜卜脆蝦肉肥厚，醬汁有啲甜甜哋，幾開胃🤤！🥬炒通菜通菜翠綠唔韌，加上鹹香肉燥，仲有粒粒豬油渣，香口！幾特別！🤤🍞咖椰爆醬多士 Kaya Overload多士切成6件，面頭佈滿朱古力，中間夾住奶油，成個感覺好rich 好繁華！銅鑼灣邊寧街9- 11號登龍閣地下C2舖

最近銅鑼灣呢間A.T.A.S新加坡風味餐廳好多讚賞，所以今次同朋友專程過嚟試一試🌟！叁岜蟹肉炒飯🍚，飯粒炒得乾爽，每粒都分開，味道好濃郁，頂級水準🦀。辣椒蟹配饅頭🦐🥟，之前喺新加坡試過辣椒蟹後一直回味，見Menu有即刻落單！五粒炸饅頭，外層脆口唔油膩，辣椒蟹醬汁香濃，蟹肉滿滿鮮甜，帶點辣味超開胃😋！淨係識嗰醬都覺得好好食咖啡排骨☕🍖，頭一次試咖啡香嘅豬肋排，每件份量夠大，肉質 juicy，表皮香脆，咖啡味恰到好處，唔會太重或苦，好有新意。美祿爆炸🍫，美祿味濃得誇張，冰溶咗都保持風味，上層滿滿美祿脆粒，食到好過癮！斑斕奶茶🍵，斑斕香氣撲鼻，甜度零，清爽解渴，飲落好舒服。裝修簡單樸實，但菜式充滿特色🌟。食完覺得呢度係一間被忽略嘅隱世美食天堂，絕對值得一試💖！

❤️Singapore Fried Carrot Cake 新加坡炒蘿蔔糕有兩款口味：XO醬和蛋炒。落左蔥花落去增添清新感👍🏻。❤️Coffee Pork Ribs 咖啡排骨呢款菜式好特別，用咖啡☕️調味，飲到，唔係，係食到好香濃嘅咖啡味👍🏻～❤️Crab Meat Wanton in Laksa Cream Sauce 雲吞配喇沙忌廉醬雲吞上有黑色飛魚子，更添口感～喇沙忌廉醬香口惹味～😽😋嗌左兩杯野飲：❤️Milo Explosion 美祿爆炸呢款飲品真係睇得又食得！😍勁多美祿脆脆，重有一塊美祿餅😋，鍾意飲美祿嘅朋友千祈唔好錯過！👏🏻😍❤️Rose Limau玫瑰青檸水青檸🍋‍🟩酸酸的開胃又解膩～👍🏻

其實喺銅鑼灣，ATAS真係一間值得去試下嘅新加坡菜餐廳。佢主打麵食，但其他傳統料理都好掂。成間餐廳以白色為主調，再加上木材同綠植圖案，簡約休閒feel，坐得舒服。食物方面，蒜蓉炒通菜真係唔錯，炒得啱啱好，保持住菜心嘅爽口，蒜香味撲鼻，簡單但唔失精緻，真心推介。老虎蝦喇沙就更加值得一讚，湯底既濃郁又香辣，老虎蝦大隻又彈牙，配埋喇沙麵，亦都食到停唔到口。鹹蛋排骨亦都係招牌之一，鹹蛋黃嘅香濃同排骨嘅肉香完美結合，食落唔會過鹹，啱啱好。至於叁岜魔鬼魚，係一個好特別嘅選擇，魚肉嫩滑，加上特別o既叁岜醬，真係冇得彈。飲品方面，叫佐杯凍青檸茶，清新解渴，啱晒配搭呢啲重口味嘅菜式。甜品推介咖椰吐司，濃厚o既咖椰醬同朱古力醬，夾住脆脆嘅吐司，一食難忘。

位於銅鑼灣嘅新加坡菜ATAS，餐廳係一間樓上舖，入到去環境清新簡潔，大玻璃可以俯視銅鑼灣人來人往嘅街道，喺鬧市入邊有呢間餐廳真係好唔錯😌👍🏻Sambal Crab Meat Fried Rice ($168)蟹肉炒飯，飯粒粒粒分明，蟹肉豐富，同時配合埋叁巴醬，非常出色。Butter Cereal Soft Shell Prawns ($188)甜甜地嘅Cereal令到呢個軟殼蝦味道變得好特別，同時軟殼蝦非常鮮味👍🏻Crab Meat Wanton in Laksa Cream Sauce ($98)呢個fusion菜望落似中式嘅雲吞，但食落又有馬來西亞嘅味道，雲吞入面有豐富嘅蟹肉，配埋忌廉醬，非常惹味。Milo Explosion ($58)呢杯美祿爆炸，無論樣同個名都好吸引，美祿香濃，面頭鋪滿朱古力可可，大人小朋友都一定會鍾意Pandan Barley ($30)清新嘅斑蘭配搭薏米，清甜又煙靭，推薦🫶🏻🫶🏻

Sambal Crab Meat Fried Rice呢碟炒飯一上枱已經嗅到陣陣嘅蝦醬香，份量唔算太大，但蟹肉分量算係幾足嘅，食落去每啖都可以咬到啲細絲嘅蟹肉。米飯炒得夠乾身，粒粒分明，但唔會太硬，火候掌握得幾好。Coffee Pork Ribs呢道咖啡豬排真係幾有趣，啲肉質煮得好嫩滑，咬落去完全唔覺得柴。咖啡醬味道幾濃郁，有少少帶焦糖嘅甜香，配埋豬排嘅鹹香味，係一個幾新鮮嘅味覺組合。Singapore Fried Carrot Cake呢個新加坡蘿蔔糕應該係鹹版嘅，啲糕煎到外層有啲焦香，內裡就保持到綿軟嘅質感。蛋香味幾足，蘿蔔糕嘅鹹度啱啱好，唔會太搶味。Rose Limau呢杯飲品帶有淡淡嘅玫瑰香，唔會太濃烈，配埋檸檬嘅酸味，幾清新解膩。甜度方面控制得幾好，唔會太甜，但飲多幾啖會開始覺得玫瑰味有啲單一。Milo Explosion呢杯Milo真係幾足料，表面有厚厚一層Milo粉，飲落去係非常濃郁嘅朱古力味，甜度都幾高。底層仲有啲碎冰，增加咗口感。

喺附近行完街屋企人話附近有間推薦嘅新加坡菜所以走嚟試試我自己本來就唔係咖啡愛好者不過呢個排骨唔係好重苦味可以接受同埋口感真係唔錯呢個麵湯底十分濃郁而且麵亦都好有口感唔會過硬或者過淋呢個粉同嗰汁嘅味真係好夾真係無停口小朋友一開始話用叉拮唔到本來以為會好硬但其實只係小朋友無力入面有牛油同埋分咗6舊 唔會太大舊放唔落口飲品無影相不過好適合一家大小嚟食環境舒適 唔會話要背貼背好迫服務好好 店員好貼心廁所要走入大廈去 同其他餐廳共用 所以廁所就一般

今日專登出咗銅鑼灣同朋友食晏，佢帶左我黎呢間佢既愛店Lunch menu都幾多選擇👍⭐️羅惹Rojak 呢款沙律好特別！有瓜菜，有菠蘿，仲有我最估佢唔到既油炸鬼，搭配花生碎同埋甜甜地嘅汁，口感豐富得黎幾得意😂⭐️鴨腿粿汁湯底係肉骨茶底，好飲😋鴨腿入味，五花肉有啲韌粿汁似陳村粉，好滑溜，比較闊身，個人黎講幾中意👍⭐️新加坡排骨蝦麵湯底微辣幾惹味，排骨唔韌麵底係摻摻（油麵+米粉），感覺正宗#銅鑼灣美食 #atas #新加坡菜推介 #喇沙 #肉骨茶 #海南雞飯

行過餐廳門口，見到係食新加坡🇸🇬菜，就諗起上星期睇臥底旅行團4.0去咗星馬🤭突然好想食吓新加坡嘢，食咗當去咗！👏🏻👏🏻Duck Leg Kway Chap《鴨腿粿汁》大大隻鴨腿、豬腩肉片、蛋半隻、豆卜，湯底係我好鍾意嘅肉骨茶湯，河粉和豆卜都非常索汁 正正🤤肉骨茶味道沉穩細緻而溫婉，淡雅之餘又不失肉骨茶應有嘅元素，甘香順喉！Singapore Prawn Mee w/ Pork Ribs《新加坡排骨蝦麵》材料非常豐富，有鮮蝦、排骨同蔬菜，湯底係超濃嘅蝦湯，味道鮮美，味蕾瞬間被喚醒！麵底係摻摻即米粉加油麵，雙重口感，吸收咗蝦湯非常好味。Teh Halia 《薑味奶茶》Pandan Milk Tea 《班蘭奶茶》有別於港式奶茶，茶味比較偏淡，質地順滑帶點幽香，點了少甜。

A.T.A.S.以新加坡風味為主打，裝潢充滿特色。由樓梯開始，已經感受到其獨特設計，令人對用餐體驗充滿期待。到達餐廳後，店員親切熱情地迎接，令氣氛倍添溫暖。菜式選擇繁多，無論視覺還是味覺都能滿足。Chicken Satay (4 Pcs) 沙嗲雞串配上花生醬，香氣濃郁而不膩口，雞串與沙嗲味道交相輝映，每口都充滿層次感。🍢Fried Hokkien Mee 炒福建面福建炒面炒得乾爽得宜，既帶有濃厚的鑊氣，亦有鮮美的海鮮及蔬菜點綴，調味恰到好處，口感豐富。🍜🦐Singapore fried carrot cake蘿蔔糕外層煎得香脆金黃，內裡柔軟細膩，入口帶有微微焦香，值得一試。🥢Milo Explosion 美祿爆炸顧名思義，這款甜品極其豐富，由美祿脆脆、濃厚美祿粉及香脆餅乾層疊而成。每一口都濃郁而飽滿，堪稱恐龍版的奢華享受。🍫✨Lime juice 青檸汁酸甜比例恰當，清新怡人，為整體味蕾帶來解膩的舒緩感覺。🍹

前排嚟過ATAs 食新加坡菜，好滿意。今次約外國朋友食Lunch,再次嚟到Atas。鍾意呢度環境闊落開揚，空間感十足。店員有善，食物有水準，下次都會再嚟囉喏以新鮮水果、酥脆油條和豆卜，淋上自家製的囉喏醬，在面上灑碎花生和芝麻。有特色有滋味新加坡排骨蝦麵新加坡排骨蝦麵湯底濃郁，鮮蝦爽口彈牙，排骨肉骨幼嫩，麵質彈牙，非常不錯新加坡海南雞飯一向好鍾意食海南雞飯，atas海南雞肉幼滑啖啖肉，很不錯斑蘭奶茶斑蘭奶茶飲落好特別，口感又滑熱咖啡咖啡味濃，口感幼滑，個人很喜歡

【灣仔區】【A.T.A.S】好耐冇拍真正哥做嘢，今次同佢去銅鑼灣呢邊，就試一間新加坡菜。佢喺利園二期後面嘅渣甸街嗰頭，要上樓嘅。間嘢喺網上都幾多好評，上到去發現都幾清靜，似 cafe 多啲，有啲鬧市中的綠洲咁嘅 feel。真正哥試 $98 嘅「新加坡排骨蝦麵」，我都有試。碗嘢嘅蝦都排骨都突出，麵係摻摻，即係油麵加米粉，雙重享受。嘢飲佢加 $20 飲「Rose Limau」，即係玫瑰青檸水，佢覺得 okay 呀，幾特別。我就試 $128 嘅「辣椒蟹忌廉醬義大利蛋麵」，勁邪惡嘅蟹醬，仲有蟹肉喺入面，加埋幾隻蝦，成件事勁滿足。我都係加 $20 要「班蘭薏米水」少甜，淡淡嘅班蘭香氣，配合薏米水，好高質。我仲加 $48 試「羅惹」，一齊食呢種撈埋菠蘿、蘋果、芽菜、豆卜和油條等等嘅沙律，加醬汁再灑花生碎、薑絲吊味，有晒甜鹹酸辣味道，正。埋單 $314，係幾有特色嘅一餐。。。（地址：銅鑼灣邊寧頓街9-11號登龍閣地下C2號舖）