8鍋臭臭鍋 (金巴利道) (已結業)

同朋友去尖沙咀行街，經過呢間8鍋臭臭鍋，有d似以前美國讀書時食過嘅台式臭臭鍋店，所以諗住試下。之所以叫8鍋原來因爲餐廳有8款火鍋套餐，有一款係期間限定，仲係每日限量供應。同朋友每人都各自揀左個鍋，再一齊開心share，我揀左蒜香牛肉鍋，朋友揀嘅係酸辣羊肉鍋，有牛又有羊，火鍋必備。套餐價錢唔貴，一個餐有火鍋，有飯、粉絲同野飲。可以揀飯或者粉絲，建議揀飯食，因為火鍋入面都有粉絲。火鍋份量幾多，有唔少配料，牛肉片幾多，牛肉肉嫩，厚薄適中，唔會韌，娃娃菜煮耐d，索左湯汁好好食，蟹籽丸都好正，一咬爆哂d蟹籽出黎，仲有好多其他配料，牛丸、魚豆腐、金針菇、枝竹，全部都好好味。鹽酥雞好香口，熱辣辣，啱啱炸起，外層香脆，雞肉鮮嫩多汁。招牌奶茶，果然係招牌奶茶，茶香奶滑，臨走都忍唔住叫多左杯黎飲

發現尖沙咀呢間叫8鍋臭臭鍋嘅台式火鍋店，同以前響美國食過一間台灣火鍋店好相似，唔知係咪同一間呢，所以約埋朋友一齊去回味下。呢度嘅火鍋都幾多選擇，有9款套餐，$88包火鍋、飯或粉絲、飲品，呢個價錢比美國平好多。另外，亦都可以加火鍋配料同小食、飲品。我就揀左我至愛嘅酸辣羊肉鍋，以前去臭臭鍋我都必定叫呢個鍋架，黎到原來好大鍋，配菜非常多，有魚蛋、魚豆腐、金針菇、枝竹、蔬菜等等，我叫左小辣，所以湯底有少少麻辣，加埋酸菜，酸酸辣辣，好惹味，羊肉片份量都幾多，羊肉香又冇羊羶味，半肥瘦肉質嫩好正，仲叫多左隻滷水蛋，放埋落鍋度滾下，咬落好有蛋香味。茉香奶綠，茉莉綠茶清香，奶味香濃，非常好飲。小食鹽酥雞，九層塔伴碟，鹽香酥脆，雞塊外脆內軟，雞肉肉質幾嫩。

去台灣旅遊果陣，間唔中都見到有鋪頭食臭臭鍋，我果陣好好奇，究竟臭臭鍋係咩，點解話明臭臭，都有咁多人食。見到香港都開咗間臭臭鍋，即管去睇下係乜東東。原來臭臭鍋裡面有臭豆腐，大腸，豬紅等重口味野食，所以形成咗臭臭鍋味，我就冇揀重口味，反而揀咗台灣人都成日食嘅黑麻油雞鍋，貪入面啲餸清淡啲同養生啲！入面有准山，枸杞，雞肉，老薑，米酒等等，見到都覺得好補！首先試下個湯，我以為麻油鍋會好油，但原來唔係，仲飲到陣薑味，又幾清甜。啲雞又唔會拾到好鞋，如果雞味重啲會更好！值得一提係鍋入面仲有啲台灣特色食物，米血糕同台灣面線，感覺好似真係喺台灣食緊咁！另外我仲加錢叫咗魯肉飯，好香好好吃，不過真係飽到痴線，建議兩個人share,因為個鍋已經好大鍋！最後叫咗個巨峰提子梳打消消滯，好在唔太甜，幾好！佢仲有好多台式野飲好似珍珠奶茶，沙冰等，選擇都算多！呢間值得再嚟，下次我會挑戰招牌臭臭鍋！

Happy Friday 約左好友食飯，7點鐘左右黎到唔使等位✌🏻已經聞到一陣陣臭豆腐味，但都唔算太強烈。自問唔食臭豆腐所以都無諗住食招牌鍋，決定試下另一招牌麻辣牛肉鍋，同埋期間限定既黑蒜雞肉鍋。上菜時侍應會即場點火，個火隨時間再慢慢自己熄滅，90分鐘交台時間預得剛剛好。麻辣牛肉鍋有泡面、豬血糕、麻辣餃、年糕各一舊等等材料，湯底黎講味道其實幾普通。黑蒜雞肉湯就有d准山、魚蛋做配菜，湯底都似出前一丁味粉咁，最可取就係個魯肉飯同自選調味料，味道算唔錯，飲品不過不失但嫌太貴$30一杯。總結點解比喊喊，係因為性價比低，呢個價錢用料太普通，只有少量娃娃菜、魚蛋、枝竹，肥牛仲要係勁多白色肥膏，肥膏多過肉，呢個價錢食到兩次吉野家，仲要吉野家牛肉好食d。食完出面仲有廿幾人排隊...對我黎講食一次就夠...

成日打邊爐 湯底嚟嚟去去都係清湯 芫荽 麻辣 等等 其實真係食到有啲悶有時又怕一班人食 一個食辣一個唔食辣 意見分歧多多 想避免呢個情況 可以試下嚟8鍋臭臭鍋鍋底創意十足 有9款咁多 梗有一款啱你口味 而且仲係一人一鍋 配料餐廳已選好 可以避免心大心細 或浪費食物的情況出現材料包括娃娃菜 白豚肉 心形魚豆腐 台灣貢丸 麻吉燒 沙白 香菇 蟹柳 金針菇 炸支竹 鳴門卷雞蛋 烏冬 芝士片 蛋餃一個一人鍋分量嘅臭臭鍋 已經包含咗十五種食材在內 但係每款只係一兩舊 好處就係可以試多啲唔同嘅款式 如果擔心唔夠飽 可以付費追加食物或小食芝士牛奶鍋作為芝士控嘅我 必定點算這個 芝士味奶味香濃 奶白色嘅湯底 已經激發起我無限嘅食慾鍋裹的食物 有用心配合過 例如蟹柳 烏冬 這類食材可以吸收湯底嘅味道充滿台灣特色的配料 入面包住嘅係年糕 食落去煙煙韌韌心形魚蛋豆腐 芝士湯底越食越濃 芝士絲掛在我的心型魚蛋豆腐上 成件事變得非常邪惡台灣食店 又豈能錯過台灣有名嘅滷肉飯呢平時食開嘅滷肉飯係肉碎 但呢碗滷肉飯加埋豬腩肉 份量十足 香噴噴滷肉與醬汁蓋滿白飯上 非常惹味食完個一人鍋 加埋碗滷肉飯 已經飽到不行了 因

8鍋臭臭鍋 個名真係改得好得意 相信一聽之後 腦海中都會留下深刻印象 心裏都會有個疑問 點解會叫臭臭鍋 是臭的嗎?今日試完之後 可以話畀大家聽係唔臭嘅一到晚飯時間 人潮洶湧 門口大排長龍 我當然唔執輸啦 人牌我又排 等咗十分鐘就有位坐啦 都算快叫得8鍋 即係有8個鍋底可以提供選擇另外仲有一款係數量限定(黑麻油雞煲) 共9款價錢全部劃一$108餐廳係一人一鍋嘅形式 鍋入面嘅食物已經固定 另外可以配飯或者粉絲(免費) 亦有另一選擇 加12蚊 可升級魯肉飯在開餐前先調製配料餐牌上有教你如何調配完美比例嘅醬料 就跟着做吧 這樣調配 味道確實不錯天天氣凍凍地點返個藥膳羊肉鍋色香味俱全 陣陣藥材味從鍋裹散發出來 濃淡道適中 完全冇藥材嘅苦澀味鍋裹的羊肉片 羊騷味幾重 但是我非常喜歡 吃羊就是要吃這種騷味食到七七八八 可以加埋粉絲落湯底之中 吸收湯底嘅精華一個臭臭鍋嘅份量 我覺得啱啱好 有菜有肉均衡飲食 全部給我吃光光 叫咗份小食鹽酥雞和朋友分享 正宗嘅台灣風味 表層有油鹽嘅香味 粉漿薄薄的 雞肉依然嫩滑多汁另外點選咗一杯 芒果鮮奶沙冰 對住個熱辣辣嘅火爐 飲住杯冰凍嘅嘢飲 有種冰火交融嘅感覺

Dayoff都要返去做project，當然要食好啲慰勞自己肥人唔等於唔怕凍，呢幾日我已經戴頸巾出街聞得出臭臭（對鍾意臭豆腐嘅人當然係香）見到白雪雪咁以為會好淡味，食落先知佢充滿臭豆腐嘅發酵豆香因為唔食豬紅，所以去台灣都冇食到血米糕估唔到完全冇血腥味，反而係血增強咗米嘅甜味黏黏地質地好正好奇之下加咗麻吉燒，原來係魚蛋包年糕肉都好大片吸晒湯汁，唔點醬都好食油香滷肉飯～不過高估咗自己，配本身油嘅湯底真係好飽足料！個底有好多薑母，桂圓都有四五粒大杯過凍飲懷胎十月咁走大鑊！增脂保暖喇今次

見到呢間餐廳的名好特別＂臭臭鍋＂，於是入來試下。個餐牌都幾多款式的鍋，開頭好想叫個臭臭鍋，但最終都係叫左個黑麻油雞鍋同香蒜牛肉鍋。黑麻油雞鍋的湯底好香，好有藥膳的味道，可能有白酒再配黑麻油特別。呢個鍋呢架冬天食就好岩了。還有個米血糕質感幾彈牙，我幾中意。我地另外叫左個香蒜牛肉鍋，本人都幾中意食蒜溶，所以就叫左呢個。個湯底有濃濃的香蒜味，加左粉絲落去「索」左個湯底特別好味！另外加錢叫左杯盆栽奶茶，覺得個名好新奇，所以叫來試下，原來是裡面加左曲奇碎的台式奶茶，但味道唔錯，飲落好有質感。走的時候聞到隔離枱的臭臭鍋又真系臭得幾特別，下次要試下。今次2人食左2百幾，價錢ok, 唔貴。

天氣開始入秋，有啲涼凍，打邊爐最岩，最近食左呢一人一鍋店，幾正，要介紹下。佢叫8鍋臭臭鍋，聽個名好似吾太吸引，但就多料又多選擇，我選了芝士牛奶鍋。吾洗好耐就有得食啦，奶白色嘅湯底，鮮甜香滑，加左隻蛋係面，正，材料仲好多，有蛙蛙菜，白豚肉，心型魚豆腐，金菇，冬菇，蟹柳， 貢丸，烏冬，芝士丸等，我覺得蛙蛙菜最正，因為吸晒個湯底，好味丫。另外可以加飯或者粉絲，我點了粉絲，份量適中，個鍋太大，食完勁飽，飲品係好似台式飲品咁，包左個封口嘅，覺得好衛生。差啲唔記得咗講個小食，我嗌咗個麻辣臭豆腐，幾香，鹵水再加咗少少辣，好惹味，加$46，有6大件，都幾抵食，吾錯丫。整體感覺都好好，又平又好食，食到又飽又暖，天氣凍食完暖粒粒一流。

由於上次食過招牌臭臭鍋同麻辣鍋好好味，詳情可以睇返我上一篇post!!! 都預左要排，一去到勁多人，等左半個鐘左右先有位!!!今次諗住搞搞新意思，試下另外既鍋，於是試左沙茶牛肉鍋同藥膳羊肉鍋，咁就出事啦!!!等食其間搞搞醬先!根據官方教學👉1茶匙蒜+2茶匙豉油+3茶匙沙茶醬or豆瓣醬，完全遮左蒜味，要加多茶匙蒜囉本身個鍋就跟粉絲或者飯(本身個鍋都有粉絲or公仔面or烏冬)，但可以加$12要滷肉飯!上次盛讚既滷肉飯今次完全唔得，唔夠汁又冇油香👉👉👉failed沙茶牛肉鍋冇味囉要自己外置4茶匙沙茶醬先掂囉藥膳羊肉鍋，一句講曬👉聞就有味食就冇味，又少羊肉，食完仲好空虛仲偷聽到隔離台要加湯竟然係加水囉😱p.s.如果真係要食，一定只可以食招牌臭臭鍋同麻辣鍋

又好想食火鍋啦, 搵下有咩一人鍋先, Openrice見到呢間'8鍋臭臭鍋', 好似唔錯咁, 馬上去臭臭鍋呢樣野早就聽聞, 坐底Menu都唔睇就叫左個招牌臭臭鍋 ($88), 不過鍋係跟豬肉, 二話不說加份牛肉 ($48), 再upgrade 埋白飯做滷肉飯 ($12)不得了, 個鍋勁正又足料, 有豬紅, 大腸, 臭豆腐, 米糕, 台灣味十足共9款鍋選擇可以另加配料, 飲品午餐時間坐得舒服餐飲 $5 upgrade做menu $28以下飲品招牌臭臭鍋 ($88)牛肉 ($48)滷肉飯 ($12)

去咗尖沙咀食飯， 最近天氣好凍所以好想食啲暖嘅嘢。 經過呢一間好多客人喺出面排緊隊，就知一定好嘢食呢，原來係食一人一鍋，立即又試下先。入到去，暖粒粒，出面凍凍地，入到嚟好舒服，嗌左蕃茄白豚鍋，入面好多材料， 有娃娃菜，白豚肉，淮山，粉絲，蕃茄，金菇，粟米等等，所以個鍋超多料又鮮甜，個湯仲要好濃蕃茄味，好正丫。佢可以配飯或者粉絲，我見好多人都係配粉絲，我就鍾意食飯，碗飯吾算好大碗，不過都係熱辣辣嘅，食完個鍋其實都好飯，最後食吾晒d飯。佢嘅服務仲好好，例如上碟嘅時候，店員會提我哋小心熱，而且上碟都好快，吾錯，難怪咁多客，好食又平，會再嚟。

出面好多餐廳都有d特別湯底既邊爐，今次呢間臭臭爐就系用臭豆腐做賣點，用臭豆腐做湯底用打邊爐既材料。但本人對臭豆腐吾系太著迷，所以就無揀臭臭鍋湯底。芝士牛奶鍋芝士味都尚算濃郁，d菜吸晒d湯汁，食落去都幾重芝士味，但牛奶味就吾系好特出。個餐有得揀白飯或者粉絲，不過個鍋入面其實已經好多吾同材料，仲有烏冬，所以食完個鍋已經好飽，個粉絲最後都無乜點食到。茉香奶綠睇英文系寫green tea latte，以為系鮮奶抹茶既味道，但系飲落同奶茶差吾多，系多左茉莉花既香。

呢間餐廳雖然系尖沙咀，不過位置比較遠離地鐵同旺區，出左閘都要行一段路先到。餐廳地方都幾闊落，坐得吾逼，幾舒服。lunch set系88蚊一鍋自選湯底加飯或者粉絲，包嘢飲。麻油滑雞鍋好多配料，有雞件，魚蛋，豬肉丸，粟米，蜆，娃娃菜，麵等等湯底幾濃幾鮮，所以d嘢食就咁食都已經好夠味，吾洗再點豉油醬汁。荔枝梳打餐飲系得紅茶同綠茶揀，加錢可以要特式飲品。呢杯荔枝梳打既好就系真系有荔枝肉，不過味道都系正正常常，吾算話好特別。

其實有時經過都唔明呢間野做咩咁多人排隊，今次食完就知點解了！個名都叫得係臭臭鍋，又點會唔試下佢個招牌臭臭鍋呢，試下係咪真係好臭架先！我諗揀小辣係最好，始終有少少辣係惹味啲，可以試到真正既臭臭鍋，唔會俾辣味蓋哂原有既味道！我就加錢試埋佢個滷肉飯，而女朋友就叫左個番茄白豚鍋。其實佢最大既特色係一人一個鍋，咁樣一個人黎食又得，2個人黎食又食到唔同既湯底。招牌臭臭鍋其實又唔係真係好臭，怕臭既人都可以試下。一睇個鍋就知多料，大致有娃娃菜、白豚肉、貢丸、豬大腸、豬紅、米血糕、金菇、榨菜等等。當然唔少得主角個臭豆腐！嘩～正到呢，鍾意食臭豆腐既人真係必食！好香好香！滷肉飯其實都幾肥下，但係唔肥又點會好味呢！哈～其實呢＄12真係要俾，好好食，必推！番茄白豚鍋金桔檸檬梳打食火鍋就當然要飲凍飲啦，呢個好，解哂渴！整體黎講，真心不錯，下次一定要試埋佢其他鍋！