8鍋臭臭鍋 (金巴利道) (已結業)

星期六下午時間唔需要排隊，一入餐廳門口已經聞到好大陣臭豆腐味。餐廳一共有9款鍋套餐，午餐時間$88，晚餐好似要$108，有鍋+飯或粉絲+紅茶或綠茶。我同朋友都點左招牌臭臭鍋，可以選擇辣度，因為第一次食所以我揀咗小辣🌶。材料好豐富，有臭豆腐、大腸、豬紅、貢丸、豬肉片、米血糕等等，好有台灣風味。仲有大量嘅蔬菜，感覺上健康啲。一上鍋已經聞到好大陣「香」味湯底有少少臭豆腐味，辣度溫和，煮到啲料好入味，唔需要點醬都已經好好食。另外加左＄5轉珍珠奶茶，味道不錯！個鍋其實好大個，加上成碗白飯同一杯飲品，真係超飽肚。下次會想試下臺式麻辣鍋同芝士牛奶鍋。

星期六、日經過8鍋臭臭鍋，都有好多人排隊，想試但又唔想排隊，所以一直都未食過。甘岩上午打完8號風球，夜晚又落雨，所以決定黎睇下會唔會少d人排隊。果然，唔駛得位就有得食。我同朋友一人點一左一個鍋。我揀左牛奶芝士鍋，朋友揀左限定版既黑麻油雞。未食個鍋，先講下醬汁，枱面有豆辦醬、沙茶醬、蒜蓉&鼓油。我自己溝左豆板醬、沙茶醬加鼓油，覺得味道唔錯，幾好味。牛奶芝士鍋個湯底有牛奶味，上面有d芝士，同埋一隻生雞蛋，湯底黎講，不過不失，可能我自己期望芝士會再多d，但實物又唔係好多芝士，所以有d落差。配料方面，其實無咩特別，蛋餃唔算好好食、豚肉ok(點左醬好食d)。黑麻油雞鍋湯底幾香，有面線做配菜，感覺台灣左。麻油雞無咩特別，其他配料都係不過不失。整體黎講，OK啦，價錢只係$108加一，唔算貴；不過我自己就黎過一次就夠喇！

Taiwan "smelly" hotpot 😍台式臭臭鍋😜每次經過都一定見到好大條長龍等左大概1個鐘終於坐低叫左招牌臭臭鍋同沙茶牛肉鍋😋------------------------------招牌臭臭鍋 $108有15樣材料 係有少少臭臭嘅感覺但愈臭愈想食😂特別推介：臭豆腐、米血糕、大腸、 豬紅👍👍------------------------------沙茶牛肉鍋 $108有15樣材料成個湯底沙茶味超級濃😋特別推介：米血糕、牛丸、鳴門卷、 花枝丸👍👍一個鍋+$12可將粉絲升級做滷肉飯😎

知道香港開了一家台式臭臭鍋, 剛開業的時候人太多未有前來一試, 今天是個平日的晚上又較早下班, 就約了兩位朋友來一試。這裡主要供應9款鍋, 另亦可加錢多要一些配料, 小食及飲品。冬瓜茶: 吃鍋當然要一杯凍飲, 台灣冬瓜茶解渴也清熱。招牌臭臭鍋: 來到這裡當然要叫招牌臭臭鍋, 因為內裡有臭豆腐! 雖然叫臭臭鍋但我覺得很香, 而且內裡有相當多配料, 台式米血糕, 大腸, 貢丸等, 最岀色當然是臭豆腐, 真有當地湯臭豆腐的風味!台式麻辣鍋: 友人的麻辣鍋未有很辣但也風味十足, 湯底是臭臭鍋的較岀色。沙茶牛肉鍋: 另一位友人未能吃辣, 選了沙茶牛肉鍋, 沙茶味也很香濃。跟鍋可選白飯或粉絲, 我們當然是選了粉絲, 吸盡湯中精華啦!吃時別忘了跟店家配方調個沙茶沾醬, 沾鍋中的肉吃能提升風味!中間貪吃叫了一個小食麻辣臭豆腐, 但這臭豆腐味道古怪, 亦不像台灣的臭豆腐, 不太合我和友人。雖說有限時90分鐘, 但今天人不多店員也沒有趕我們離開, 可以慢慢吃完再聊天, 不錯👍。

做出台灣口味既一人一鍋我地㨂左1.招牌臭臭鍋同5.藥膳羊肉鍋 再追加左麻辣臭豆腐。每鍋都會跟一小碗米粉⬆️1.臭臭鍋 叫左小辣，辣真的太少變得有點淡（可以叫中辣或大辣應該會比較好味），鍋已有不同既肉，海鮮蔬菜既配料，一人食岩岩好推介⬆️5.羊肉鍋 對比之下 湯底濃郁，食出台灣口味，羊肉 有些小羊騷味 但出奇地同藥膳湯底非常夾。我連湯都飲埋真係好好味開頭以為係炸臭豆腐， 黎到係濕既，原來又幾好食喎，有麻辣既香味，好開胃一人一鍋分量足夠，亦有不少人二人一鍋 再追加滷肉飯

已經聽過呢間臭臭鍋好耐，但一路見到好多人排隊，所以未試過。今日見到冇乜人，所以就入去食咗個晚飯。本身都想試吓招牌臭臭鍋，可惜見佢有好多內臟嘅材料，所以就決定試麻辣鍋啦。麻辣鍋的確有台灣嘅風味，套餐會配一個粉絲或者飯，＄108，一個女仔食都算飽，但男仔可能未必夠。飲品就要另外加錢。

本人係好中意食臭豆腐 開頭覺得一定唔會臭得去邊甚至係冇 但食左係ok wo！冇失望仲有d粉絲，菜索曬d湯嘅味 勁濃勁好味豚肉都好正 唔會特別肥 又爽口！正 呢個價係值 不過要預早d去到 平日6點幾去到都已經就full曬 當入座後d人就慢慢多 到7點就出面開始要排隊人多係有原因的！

朋友結婚啦, 真係好感動, 介紹左佢去我間婚紗舖到試衫, 之後沿路搵野食見到呢間8鍋臭臭鍋, 之前去台灣見過, 不過因為當時食到太飽就冇食到. 難得係香港見到, 就食呢間啦有蒜頭, 沙茶醬同埋, 有豆板醬. 餐廳建議是三匙沙茶醬/豆板醬+兩匙豉油+一匙蒜蓉), 個配搭好特別, 點肉食一流跟餐唔包野飲, 嗌左杯金桔檸檬梳打同埋茉香奶綠，兩杯嘢飲甜度適中， 咁大杯野飲啱曬打邊爐用嗌咗個限定嘅南瓜煲: 一黎冇咁肥，二來係總店嘅鎮店之寶， 第三個原因，梗係因為佢限定啦! 哈哈， 南瓜湯底，食得出真係用成個南瓜去做， 入面有好多南瓜蓉而家好甜。 入面除咗南瓜之外， 所選嘅配料都比較健康: 娃娃菜，珍珠筍，西蘭花，芋頭，金菇菜... 當然仲有我最鍾意嘅赤目魷魚啦， 仲有豬肉，點醬食一流。 個鍋入面本身已經有粉絲， 另外跟餐再要多咗碗粉絲， 粉絲吸盡湯底精華，好好味而我嘅新娘子朋友就點左做台式麻辣鍋。 朋友嗌左個小辣。 個湯底好夠味，而且下面有舊蠟烘住個鍋，就算慢慢食， 成碗麵都係熱辣辣。鍋入面麻辣餃，米血糕, 呢兩樣都比較特別, 正宗台灣野呢間臭臭鍋好特別, 好鍾意佢有舊蠟可以整熱個爐入面嘅嘢食,

第一次寫見咁多like就試下話說排左1hr，入到去原來搭枱，無所謂啦之後冷氣勁大，可能未食野見到有2人枱，我男友行去問女receptionist可吾可以掉(因見佢忙，所以過去) 話吾可以之後我問 好簡單？佢叫我"體諒飲食業" Are u kidding me？有邊個行業吾辛苦？我自己做過，但幾忙自己都會滿足客(合理要求)，因為知道做CS，why not？加上店吾大，改單or通知傳菜2個人一定好容易，定你自己怕煩？坐我旁既人都感到無奈，咁簡單都比人reject以為台灣會好service？No吾講服務食物湯底一般，材料普通，吾太值108加1，貴價d幾片肉（吾滑，偏鞋) ，幾個蜆，之後就係丸，娃娃菜，其實份量真係不多，個鍋好淺，但見有評論話多希望有所改善，無論服務定食物 Thanks for watching

真係未食過一間餐廳可以服務態度咁差，仲要係打正台灣招牌，如果你問我我真係俾10個差。尋晚見男朋友day off，諗住搵下好西食。上次同朋友食過都ok，就諗住帶男朋友去食，點知惡夢就開始。六點入去得兩三台客，我哋就叫咗兩個鍋，一個鍋黎左之後另一個遲遲都未黎，我哋就問下一個男員工啦，點知個男員工睇完之後當件事冇去問廚房點解仲未有，我睇住佢行返去櫃檯繼續同其他同事吹水。我哋睇一睇張單原來係漏咗單，都唔緊要我哋直接行過去同佢地講，佢哋先知原來漏咗單，仲要一句sorry都冇，仲話係我哋冇叫到。果下我真係火都黎！本身得兩台客都可以漏單，我哋話俾佢同事知就當無件事繼續吹水，最尾要我地自己行過去問究竟發生乜嘢事咁耐都未有先知漏單。好！都算！第一個鍋等咗咁耐火都熄埋，我哋叫嗰個金色頭髮冬菇頭女同事幫我地點一點返個火，佢喺隔離應都唔應下，我男朋友以為佢聽唔到咁就再講多次啦，個冬菇頭竟然勁大聲語氣勁差咁講話: 先生！未有個膏我點幫你點呀！？嘩果下真係有史以來未見過一個餐廳員工可以差到咁！我哋兩個都呆左！好啦到食完我男朋友諗住投訴返佢哋啲態度同服務，走去櫃檯到問經理喺邊佢哋話唔喺度，我以前都做過呢行，我都知經

雖然係夏天 但都依然想食火鍋聽聞呢間台灣臭臭鍋都幾好味一到夜晚時段通常有好多人排隊不過好彩我地早去 所以唔洗等位入面環境好舒服 唔會坐到好迫好熱我同朋友一人一鍋一飲品仲加多咗個鹽酥雞飲品方面都係叫咗金桔檸檬梳打酸酸地幾清新開胃之後就叫咗招牌臭臭鍋湯底係我十分喜歡嘅味道唔會太濃 食到好頸渴仲要加上好多餸 而且鍋之外會包埋粉絲 真係好滿足好飽架至於朋友叫咗牛奶芝士都不錯呀鹽酥雞都好脆好好味 不過就唔好擺太耐 會變淋整體黎講真係值得再試

聽聞呢間餐廳好好食，昨晚一行四人試一試呢間餐廳，我哋叫咗臭臭鍋同埋麻辣鍋各兩份，味道好好，尤其麻辣鍋更好食。但食到後期，突然有一隻好大隻曱甴「從天而降」！跌落我座位旁（我坐梳化位，隻曱甴正正跌落我和旁邊嘅客人中間，而唔係跌落地下），隻曱甴返左肚但未死。其實食肆有曱甴係正常嘅事，但係喺上面跌落黎我個人就覺得有啲問題，因為真係想避都避唔到，想即時踩死佢都唔得。如果隻曱甴行早幾步跌落嚟，可能正正跌落我個頭度😰。我望一望個天花，原來都好多渠，所以會有曱甴跌落黎😑

又到星期六喇 今次幫朋友去韓國街買啲野 見佢未收工 自己行到又攰又餓 就周圍去搵下野食先！行行下 發現有間一人一鍋既餐廳 就入去試下口味。入面既環境好多 坐得好舒服 枱與枱之間能夠保持大大既空間 可以減少爭執店員好快就幫我安排坐位 睇睇menu 原來星期六晏就黎食只系$88 有個鍋+飯/粉絲+$5在menu中$28以下飲品。快快就order左一鍋同飲品。芝士牛奶鍋：由於個人食吾到辣味 所以叫左芝士。首先講講湯底 湯底既芝士味不太濃 (個人不太喜歡濃 因怕太漏的感覺) 咸味較為多 所以配料吸入湯底後 不需加上醬油已經夠味道今次我揀左粉絲 將粉絲加落熱辣辣既湯底 粉絲完全吸收晒 湯汁 食起黎 好入味每條粉絲帶有湯汁 好滿足！同樣菜類 菇類 炸枝竹 鳴門卷 吸入湯汁 更加和味！丸類方面 比到小驚喜我 估吾到甘彈牙仲爽口添！讚另外讚一讚的系 心型魚豆腐 外觀靚之餘 真的好爽口呢！雞蛋可以比佢hold一陣子 然後先攪 可以慢慢形成蛋花白豚肉片數量有數片，大大塊！食落仲帶有肉汁添。總括黎講，吾好睇佢細細鍋 其實佢既份量足以夠一個人食 真的很飽 如果吾夠飽 亦可以加其他送菜！價錢方面$88 仲要星期

每個鍋已經有足夠一人份，起碼七八片的豚肉，勁多菜，丸蟹柳，超有台灣風味飲食另計不過價錢合理大大杯，一杯紅茶配牛奶芝士鍋十級正，隨鍋有白飯/粉絲/麵，少食既女仔可能一個食唔唒

上星期日， 啊囡提議想食打邊爐， 於是便上 openrice search 一下， 因為我想找一間比較有特色的火鍋食店， 見到8鍋臭臭鍋都頗受歡迎， 再望下啲食評，見有好多正評都講得佢好唔錯， 於是我哋就出發去尖沙咀， 為咗唔想等位太耐，我哋六點左右已經到達門口， 原來時間啱啱好，佢哋正在安排入座中， 入到去發現座位已經坐得七七八八， 轉眼就已經全店滿座。原本好想試佢哋嘅出名《招牌臭臭鍋》，但因為我個囡唔食得辣，所以我哋就order 一個《芝士牛奶鍋》。 總算冇揀錯，芝士真係好香好滑， 鍋入面有各類嘅丸子、腐竹仲有好多蔬菜，真係既健康又美味。 每個鍋都可以跟一個白飯或者一碗粉絲，我哋就揀咗要飯，因為感覺比粉絲更加飽肚。最後仲加埋個科學麵真係食到好滿足。另外我哋仲加咗一碟小食《炸花枝丸》，顏色金黃外皮脆內軟，加埋個酸甜醬汁，真係好味道。 飲品方面我哋叫咗兩杯柸特色嘅台式飲品，《多多綠》和《盆栽奶茶》， 《多多綠》味道似少甜嘅益力多，而《盆栽奶茶》就好似加咗oreo朱古力餅嘅奶茶，兩柸都好好飲。一邊食一邊聞到附近枱嘅火鍋香味，真係好想盡快試晒佢哋嘅所有火鍋湯底， 呢間8鍋我哋一定會再enc