8鍋臭臭鍋 (金巴利道)

去咗尖沙咀食飯， 最近天氣好凍所以好想食啲暖嘅嘢。 經過呢一間好多客人喺出面排緊隊，就知一定好嘢食呢，原來係食一人一鍋，立即又試下先。

入到去，暖粒粒，出面凍凍地，入到嚟好舒服，嗌左蕃茄白豚鍋，入面好多材料， 有娃娃菜，白豚肉，淮山，粉絲，蕃茄，金菇，粟米等等，所以個鍋超多料又鮮甜，個湯仲要好濃蕃茄味，好正丫。

佢可以配飯或者粉絲，我見好多人都係配粉絲，我就鍾意食飯，碗飯吾算好大碗，不過都係熱辣辣嘅，食完個鍋其實都好飯，最後食吾晒d飯。

佢嘅服務仲好好，例如上碟嘅時候，店員會提我哋小心熱，而且上碟都好快，吾錯，難怪咁多客，好食又平，會再嚟。