8鍋臭臭鍋 (金巴利道) (已結業)

見到網媒介紹呢間臭臭鍋。個人本身都幾鍾意食豬紅呀，血米糕呀，臭豆腐呢類型既食物。所以就趁天氣仲凍嘅時候拉咗男朋友去試食。等左大約半個鐘左右。排緊隊嘅時候一路都諗緊要食咩鍋，最後決定叫臭臭鍋唔辣，同埋麻辣鍋中辣啦，話晒都係王牌呀嘛。另外仲叫咗多多綠（益力多綠茶）同埋王牌奶茶。飲品首先嚟到，我想講杯益力多奶茶真係好難飲。冇綠茶味都冇益力多味，我唔知我飲咗啲咩。而杯奶茶就正正常常啦。主角到：臭臭鍋唔辣。臭豆腐少臭，其他配料都普通。麻辣鍋中辣。其實都唔係好辣。都幾多油。佢有建議沾醬，個醬係幾好食不過食物本身都夠鹹，所以我都冇乜點用。個鍋整體份量都幾少。牛肉質素都麻麻哋。老老實實，佢嘅血米糕同埋豬紅都幾好食，但係佔嘅份量極少。如果多啲就好啦。整體感覺普通，呢個價錢我會揀去食吉字頭火鍋，平啲，份量多啲，又可以坐耐啲。

大家係同一日中午放假一齊去打邊爐慶祝下，香港能夠做到中午打邊爐嘅餐廳實在不多，其中一間就係位於尖沙咀金巴利道的八鍋臭臭鍋，除咗主打臭豆腐之外，原來仲有好多台灣特色嘅小食同埋特別湯底。 見到咁多款湯底都幾難選擇諗諗吓都係揀咗牛乳湯底，都幾多選擇喺裏面，例如一隻生蛋，丸物，水餃，仲有好多豚肉。最主要個餐係非常之大對頭，一定夠晒食。 隻蛋要擺一陣先熟，或者可以撈勻佢一齊食，有啲牛奶味都幾香㗎！裏面仲有個烏冬，所以都好快就飽，另外就係包埋一個粉絲/飯，未食粉絲已經飽左九成～ 另外有大部份飲品細細杯都唔需要加錢，不過竟然沒有珍珠飲品就覺得有啲搞笑～所以最尾就正價揀咗飲盆栽奶茶，上邊係類似Oreo嘅食物非常乾爽！奶茶味道都好香，值得一試。

天氣咁凍一定要食返保暖既美食,去到尖沙咀諗起之前一直好想食但因為多人排隊而卻步既台式一人鍋,一於同朋友去試試.入到去lunch time剛剛開店唔洗等就位,set menu一共有9款台式鍋,包一碗粉絲/白飯同飲品.最後決定必點既招牌招牌臭臭鍋同限量供應既黑麻油雞鍋.招牌臭臭鍋一上台就有濃濃既臭豆腐味,鍋滾起既時候臭豆腐味更香,鍋內料都幾多而且幾多款配料,有台式米血糕食落有糯米,口感有小小似烏結糖軟淋淋又有小小煙靭.大腸洗得乾淨清潔食落放心,主角臭豆腐味香👍🏻鍋料既白豚肉份量都幾多而且唔太肥.限量黑麻油雞鍋湯底有重薑同枸杞,飲一啖湯即刻保暖,配料比招牌臭臭鍋多小小蔬菜,粟米鮮甜,而且有新鮮蘑菇,雞肉嫩滑唔鞋,貢丸彈牙爆汁,鍋料本身有小小台式麵線, 配上白飯/粉絲已經好滿足.整體上菜快而且份量同款式多下次會再試下其他特色鍋.

今日慕名而來，加上天氣轉寒，想打邊爐，見識一下臭臭鍋到底有何特色之處。當然我揀咗招牌臭臭鍋，侍應一拎個鍋上嚟，臭味已經撲鼻而來。當中材料好多，有獨家臭豆腐，豬紅，鶴鶉蛋，米血糕，配以粉絲在內。個人比較鍾意食枝竹，因為索晒啲湯汁，其次鍾情於臭豆腐，非常之入味。另外加點了羊肉片，羊肉一啲都唔酥同肥, 不錯。和炸花枝丸做小食，配泰式辣醬絕對係必試！飲品一定要讚，我點了盆裁（oreo）奶茶，同出面貢茶嗰啲一樣咁大杯，非常抵飲，成個餐都只係＄88！

回港第一天，点了招牌臭臭锅，小辣，暖暖的锅有一点臭臭的。里面除了有牛肉丸，切片牛肉之外，还有豆腐，鸭血，粉丝，白菜。配着米饭吃出了东北砂锅的感觉。蜂蜜红茶也好喝。

臭臭鍋係我去台灣例必要食嘅菜，因為可以用幾廿蚊食一餐豐富嘅火鍋，係非常抵食。香港比較少專食臭臭鍋嘅餐廳，今次我就去咗試位於佐敦嘅8鍋臭臭鍋。餐廳有限時嘅，要等齊人先可以入座。招牌臭臭鍋 ($108)鍾意食辣嘅我揀咗中辣嘅臭臭鍋，食落唔算太辣，唔使一路飲水一路食😂雖然佢叫臭臭鍋，但聞落唔臭嘅，有啲香辣味。呢個鍋嘅配料有十幾種，餐牌已經詳細列出。入面有港式火鍋少有嘅臭豆腐、米血糕，餐牌有教點樣調個醬汁去配餸，但我覺得啲餸已吸入湯底的精華，唔加醬都無問題。部份火鍋已經配有粉絲，所以配飯食先係王道✌朋友叫咗芝士牛奶鍋，食落清啲，唔鍾意重口味嘅你可以試呢個！另外，晚餐係唔包飲品嘅，要以原價加飲品，推薦盆栽奶茶整體嚟講，8鍋臭臭鍋價錢稍貴。如果要食好多種餸嘅話，任食火鍋店會適合你啲。如果要平嘅話，揀快餐店火鍋會更好。呢間嘅賣點係：特色湯底台灣獨有的配菜種類多的手調飲品

途經 尖沙咀-金巴利道 , 就順便入去 8鍋臭臭鍋 吃一餐 , 反正有一段時間沒吃 ~Menu ~我點了 招牌臭臭鍋套餐 , 套餐包括 : 熱鍋 + 白飯或粉絲 + 紅/綠茶 = $ 88 我點的飲品是一杯味道輕甜 , 茶味香香的 冰凍古早紅茶 ~ 套餐是包括白飯的 , 但可以另加 $12 升級為 滷肉飯 , 這個滷肉飯的滷肉豐腴甘香 , 味道香濃 , 很不錯吃 ~ 招牌臭臭鍋 : 每次我到這家店使用膳 , 我都照樣點這一個鍋的 , 就是這個才吸引我 , 我選的是小辣 , 這個鍋的食物有 娃娃菜、白豚肉、臭豆腐、台灣貢丸、米血糕、大腸、豬紅、沙白、鵪鶉蛋、蕃茄、榨菜絲、韭菜、金針菇、鳴門卷、炸支竹、粉絲 , 真是超級豐富 , 雖然味道上稱不上是有驚喜 , 但都十分不俗 , 吃得滿意又開心 ~本篇完 ~

之前我生日，我班朋友話要想試下臭臭鍋！但點知我就病鬼左，搞到冇得食😢今次就同男朋友兩個去試吓！！我終於知點解臭臭鍋叫做臭臭鍋啦🤣🤣🤣🤣到鋪頭，已經好大陣臭臭鍋味，我相信應該係臭豆腐嘅味道😂個陣我哋六點幾去到，個場已經滿左一半，我哋食完走嗰陣時，出面已經有人排隊等緊位。我同男朋友決定一人嗌一個唔同嘅臭臭鍋，我就嗌咗個招牌臭臭鍋，佢就嗌咗個芝士牛奶鍋。餐牌寫得好清楚，入面有啲乜嘢材料。有個位我哋疑惑左好耐，就係個鍋入邊有粉絲，但我哋仲可以配多個粉絲食，嘩，咁咪好飽囉！結果，真係可以配😂我哋一個揀咗粉絲，一個加錢加左個滷肉飯。推介大家加錢食滷肉飯，佢啲滷肉唔會太肥唔會太瘦，而且加埋啲飯一齊食個味啱啱好，又唔會太過油膩。我哋都嗌咗杯嘢飲，我就帶咗個茉香奶綠，少甜左，個味道啱啱好。打住邊爐飲凍野，正🤣個煱黎到嘅時候，已經熱辣辣，等多一陣滾起就可以食🤤基本上所有野都有味，我都冇乜點點到啲豉油。豬紅真係好好食🤤而且佢牛肉份量好多，我真係食唔晒，分咗啲比男朋友。不過我就鍾意芝士牛奶嗰個多啲，好香牛奶同芝士味道，配埋啲粉絲食一流！！同埋佢真係有台灣特色，佢連豬血糕都有😂😂😂不過我就麻麻啦，反而豆腐就正👍

今日嚟到附近睇煙花，所以就同男朋友嚟到呢度食晚餐，大家都食臭豆腐嘅，我地反而揀左黑麻油雞窩（ ＄108 )入面有杞子，淮山等中藥補身野，食完好暖和🙆🏻‍♂️🙆🏻‍♂️ 而雞件都幾多，而且夠嫩滑！值得一鑽，仲有幾舊米血糕，點小小沙茶醬食更好味。入面仲有海量蔬菜，好健康！🥗🥗🥗 而我地仲加左份牛肉片($48)🐮🐮 都幾大碟，都算新鮮！可以加d garlic 落去，更惹味同口感豐富。飲品要左百香果綠茶，唔會太甜，夠解渴！主食跟左滷肉飯嘅，好大碗下！唔會好肥，撈下d菜食唔錯

2017咁就完嚕，除夕夜嚟到尖沙咀都幾出名嘅臭臭鍋食晚餐🤓🤓6點左右到都full咁濟🤔🤔 我地揀左個酸辣羊肉鍋($108)🙈🙈要左小辣同跟粉絲👅 小辣都幾辣下，入面有好多酸菜嘅，仲有d蜆肉，令個湯底甜d😍😍 而羊肉都幾騷，個人嚟講都幾中意👍🏻👍🏻 另外入面嘅粉絲仲會吸哂d湯，係好肥但真心惹味🔥🔥 小食加左份炸花枝丸($38)🥗🥗 有5粒咁，上面淋上泰式酸辣醬，好似台灣食嘅咁！花枝都幾彈牙，唔會炸得over jor🙆🏻‍♂️🙆🏻‍♂️

在尖沙咀食午餐時經過"8鍋臭臭鍋",見這裡午飯時間特別多人來吃一人一鍋, 我和朋友早少少到還可有位選擇, 餐牌里面印有九種鍋給享用。芝士牛奶鍋，有娃娃菜‚白豚肉, 心型魚豆腐, 台灣貢丸‚麻吉燒，沙白、香菇, 蟹柳, 金針菇, 炸枝竹, 粉絲，鳴門卷, 雞蛋，芝士片，蛋餃.......有淡淡的芝士味同牛奶味重些的香味，當滾起時候剛剛熟，即刻夾心型魚豆腐來食，好快輪到食蟹樓、白豚肉....覺得價錢合理，如果不夠還可加點食材, 滿足一下。佢地的自家品牌的8鍋好茶, 而紅茶採用精選全發酵阿薩姆, 果香甜而不澀

今次終於有機會在尖沙咀金巴利道77號地舖食到台灣地道的 "8鍋臭臭鍋",了, 喜歡食一人一鍋的真是一個好地方, 不用去到台灣才有得食了。 香蒜牛肉鍋, 吃落有一陣一陣香蒜味, 裡面有娃娃菜‚‚牛肉片, 蟹籽丸‚甜不辣, 牛丸, 凍豆腐, 粟米, 金針菇, 炸枝竹, 粉絲, 沙白, 鳴門卷, 翡翠魚豆腐, 蕃茄十多種配料。 藥膳羊肉鍋很香的藥膳味, 配料有些不同, 娃娃菜‚‚羊肉片, 翡翠魚豆腐, 台灣貢丸‚椎山, 香菇, 粟米, 沙白, 油豆腐, 金針菇, 炸枝竹, 粉絲, 鳴門卷, 素飽魚, 鱈魚丸, 蓮藕。 每種鍋都有其特別的配料, 非常足料抵食。

好好味呀，今次試既係招牌臭臭鍋，d湯好濃郁，啖啖都回味無窮，肥牛係我鐘意既三分一肥，臭豆腐真係冇得頂，臭又香，讓人欲罷不能，加十二蚊仲可以追加滷肉飯，d滷肉肥而不膩，珍珠米滲入肉汁，讓人回味無窮，仲好食過台灣既滷肉飯，更適合香港人口味，嘢飲都幾台式，唔會死甜，有茶味。講返價錢係尖沙咀嚟講就算加埋一都唔算貴，又可以食得飽飽，d樓面都幾靚仔servic又好，飽口服同眼服，希望下次同fd再食過，試埋其他鍋啦！

今晚本身唸住食韓國嘢既 但經過發出誘人香味的8鍋臭臭鍋, 就立即轉左個靚軚要食呢間！見到門口有十幾人排隊等位, 排左大約15分鐘就入到去今次唔記得影餐單：‘（（呢度係一人一鍋，價錢都係劃一HK$108如果冇記錯既係有九款既鍋既，都係由不同湯底同埋食材組合而成既我叫左招牌臭臭鍋而朋友就點左芝士牛奶鍋先講呢個招牌臭臭鍋- 佢特別在於d臭豆腐到，一上個鍋既時候都已經聞到勁濃郁既 -臭味-，最啱d喜愛食臭豆腐既人士選擇- 鍋入面配菜有好多，如牛丸、貢丸、牛肉、血糕等等，份量比較大，食落真係大滿足：）至於友人的芝士牛奶鍋- 沒有臭豆腐，所以就冇左臭味- 相反就有香濃的芝士味啦：0 冇唸鍋個湯底可以食落甘creamy- 呢個配菜都吸引，有鳴門卷、麻吉燒、魚豆腐等係呢度食就唔洗同朋友爭揀咩鍋，一人一鍋唔洗煩，多人既話仲可以試多幾款添～

I was very disappointed for this hotpot tonight, I thought this should be something very tasty since the ranking is quite high OpenRice ,i was totally wrong ,I order the cheese and milk soup ,the soup was nothing special nor the ingredients compared to this price ! They one I have at home is so much better than this ! I could not understand how can this be so popular ! If you go I do not suggest you order this soup base .thats it .but I have to say one of the staff ,a girl is very friendly coz