8鍋臭臭鍋 (金巴利道) (已結業)

呢間餐廳雖然系尖沙咀，不過位置比較遠離地鐵同旺區，出左閘都要行一段路先到。餐廳地方都幾闊落，坐得吾逼，幾舒服。lunch set系88蚊一鍋自選湯底加飯或者粉絲，包嘢飲。麻油滑雞鍋好多配料，有雞件，魚蛋，豬肉丸，粟米，蜆，娃娃菜，麵等等湯底幾濃幾鮮，所以d嘢食就咁食都已經好夠味，吾洗再點豉油醬汁。荔枝梳打餐飲系得紅茶同綠茶揀，加錢可以要特式飲品。呢杯荔枝梳打既好就系真系有荔枝肉，不過味道都系正正常常，吾算話好特別。