8鍋臭臭鍋 (金巴利道) (已結業)

天氣凍凍地就好想打邊爐，但同朋友2個女仔食唔到太多野， 所以揀左食8鍋，可以1人1鍋，自己控制份量加送。Total 有8種鍋揀，朋友揀左芝士牛奶，我揀左沙茶牛肉，夠惹味。每鍋都有有多配料， 而且牛肉份量都好多，唔會太肥或太瘦。加左幾粒蜆，好鮮甜同個湯好夾。另外有個長型花枝丸幾特別，食落都好彈牙。每個鍋配白飯或粉絲，加$12可以轉成鹵肉飯。我見鍋本身會有少量粉絲，所以想試下鹵肉飯。份量好大，而且好足料，本來以為只有面頭有肉，但原來肉量好多，肉汁都去到飯底，好吸引！唔會太咸，飯同肉比例岩岩好！每餐可以配$28 或以下飲品，我揀左檸檬冬瓜茶，想解下油膩同消濟。 味道好清新，最緊要係唔會太多糖太甜，打邊爐飲就最岩。另外有調味料，但我地覺得湯底好夠味好入味，如果唔食辣就唔需要加調味已經夠。整體黎講，呢個價食到咁豐富既邊爐真係超值，性價比夠高。

呢個天賜既機會, 冇理由5去食架事因上次太多人排隊, 最後屈服係肚餓之下今次終於食到啦喇, 當日未入夜並未有人排隊,入去坐左約10分鐘, 外面已經排滿晒人喇太好彩 呵呵呵~迅即拎起 Menu 昅下有咩食Menu 內有數款湯底, 雖然想試臭臭鍋,不過都係揀左麻辣鍋, 同埋黑麻油雞鍋注意,1鍋可配飯或者粉絲 都係 HK$108 左右想轉滷肉飯又得, 不過 Menu 內既台式飲品就要另計囉第1款鍋出場喇~攝影師技術需要提高先得先介紹臺式麻辣鍋配料包括牛肉片, 麻辣餃, 沙白, 娃娃菜, 同埋泡麵等等,..仲有米血糕湯底帶點麻麻辣辣, 可揀少辣因為少辣, 睇落冇紅卜卜咁第2款鍋黑麻油雞鍋配料包括雞肉, 淮山, 台灣米線, 貢丸, 同埋枸杞等等,..仲有米血糕 heheee湯底帶點麻油味, 有枸杞, 老薑, 淮山等, 成個鍋都好補咁最後, 食野時想試下配 d 醬料黎食既話, 可以試下點枱上4款醬注意喎, 食用時間有限制仲有加一服務啵

一個男人可以做啲乜🕴🏻，一個人打邊爐又有乜好怕喎，男人既浪漫就一個人打邊爐，呢間原來係台灣黎既火鍋店羊肉，okay la, 唔太騷，唔多肥膏鹽酥雞，其實幾惹味既😋不過就比較林同黑左啲？！同埋乾，冇乜肉汁，返炸？🤔但啲鹽酥真係好好味，開胃👍🏻主角出場，9號限量供應：黑麻油雞鍋🐔湯底好好味，好香，但就飲唔到米酒味，可能唔多？！個鍋有枸杞、淮山、米血糕，第一次食，好「煙銀」，仲有玉子豆腐，至愛，🤤

星期六一個咁繁忙的假日去到全港其中一個食野熱點緊係非常之多人啦所以呢排隊食野基本是常識吧今晚黎到呢個人氣火鍋店係尖東賣婚紗店個條街由地鐵站行過去都唔近不過又因爲呢個原因我等位都唔洗咁耐餐廳入面主打一人一鍋我初頭都以為係連鎖式餐廳個D一人一鍋但估唔到整出黎又真係幾好食啊食物質素方面 真係唔會話特別新鮮但係個湯底同個味真係吸引舌頭有八種湯底選擇最拿手的就係臭臭鍋啦當然而我都緊係叫呢個啦一食 又真係幾過癮啊大家真係要去試完先知 我講的係有幾特別真係會刺激到您的味雷 有種新的味道至於入面的料就都唔錯有大腸呀菜呀 有D似SHABUSHABU套餐就會送多您一個粉絲或者係魯肉飯我就要左魯肉飯 味道中上啦埋單加埋一都唔洗$150如果我下次黎 我都會想試其他湯底 因為真係唔錯

尋晚同老公去咗呢間台式鍋，去到差唔多7點，場內已差唔多滿席，但好在唔使排隊即有位，點餐後才發覺門外已出現人龍。好在我地早過來開飯。係台灣食左一次一人一鍋的臭臭鍋後，好想再食過，同老公講完知道香港都有，就即刻決定黎試下！同港式邊爐唔同，佢係一鍋上，但內已經有齊材料，如果覺得唔夠就另買火鍋配料。我點左個招牌臭臭煱加粉絲，中辣，老公叫麻辣煱，另加錢轉肉燥飯，再加杯蜜桃茶。煱內每樣食材都簡單，但個湯底有特色，而且一人一煱，方便快捷。 本身所有食材已經煮熟，味道香濃，好入味，正！我地叫左既野飲，都好有台灣風味，比起係貢茶買既好飲！

有個朋友係外國返左黎香港，梗係要帶距食餐好！知距鐘意食新嘢！一早搵定資料，帶距黎試下呢間台灣一臭臭鍋！行左陣街就肚餓，1830就黎食啦！地點係尖沙咀mtr附近，超方便！環境乾淨又舒適。見到咁多鍋真係心大心細呀！！好彩menu有提到鍋嘅配料。其實每人一鍋係岩岩好的，不過我食量細，我就決定叫一鍋酸辣羊肉鍋再加多點配料。我地叫左酸菜羊肉鍋，小辣。 見到滿滿不同嘅料好興奮。仲有隻生雞蛋係入面滾緊。湯底少少酸，帶有甜味，同平時食米線嘅湯底唔同。羊肉片帶有少少羊膻味，大概有5-6塊，我朋友同我都好鐘意！所以加多左一客羊肉同一客牛肉，一客肉都有10幾塊。娃娃菜、豆腐都好入味！另可揀飯/粉絲，或加錢升級做滷肉飯，我揀左粉絲。粉絲落左一陣就淋晒，加少少湯，好好味！飲品叫左幾得意嘅盆栽奶茶，有好多orea 餅碎，飲落唔錯！唔會太甜。

好耐之前食過一次台式臭臭鍋，突然好想再去食。星期六同老公去尖沙咀金巴利道既8鍋臭臭鍋食午餐，之後再去行街有少少聖誕佈置🎄有9款鍋選擇～又係心大心細既時候🤔我雖然唔係好食得辣，但每次見到麻辣都心思思；但最後都係想食羊肉，叫左酸辣，老公叫左芝士牛奶鍋。另外想講個侍應又靚女又好人，服務好好。我地揀飲品個時，佢好有禮貌地答我地咩係盆栽奶茶，原來係朱古力oreo奶茶，老公即刻落單，但要正價。我都係+$5要普通招牌奶茶😄佢有幾款醬汁提供，仲有建議完美比例 - 3匙沙茶醬/豆瓣醬+2匙豉油+1蒜，我地貪得意試下凍招牌奶茶 和 熱盆栽奶茶酸辣羊肉鍋我叫左小辣，酸酸辣辣好好味最鍾意一鍋食有好多材料，有羊肉片、豆腐、酸菜、米血糕、豆乾、木耳、炸枝竹，鳴門卷。。。對我黎講都真係有d辣，好在有招牌奶茶幫我解解辣😅芝士牛奶鍋老公個芝士牛奶鍋都好好味，有白豚肉、魚豆腐、台灣貢丸、娃娃菜、蕃茄、蟹柳、金針菇、雞蛋、炸枝竹、鳴門卷。。。我地一個叫飯一個叫粉絲，兩款都有得食🤗呢餐好滿足，食飽同老公去行街😊😊

火鍋係我嘅至愛之一，不過最近驚肥所以吾多點食啦，今晚同朋友難得約到，就一齊食火鍋，吾好再諗減肥先啦！一去到見到人龍好長，不過實在好想食既關係，決定等到有得食為止，結果等左一個鐘左右先入到去，結果都算值得既。鍋方面，我哋叫咗一個香蒜牛肉鍋及一個芝士牛奶鍋。每一個鍋野食都好多，個人黎講食一個鍋就已經夠哂飽。但我朋友話唔夠飽，就再加多碟肥牛同鹽穌雞，質素都幾好嫁。芝士牛奶鍋 - 好香芝士味，配料好多。D菜吸收晒D湯既精華超好味又唔會溜。香蒜牛肉鍋 - 雖然配料普通，但佢嘅湯底先係靈魂,呢鍋勁香蒜味，配埋D配料就變得不一樣，好好味！依餐真係食得好飽，比起出面打邊爐質素好，又可以自己選返自己想食既湯底，幾唔錯，值得試！好味嘅一人一鍋，今餐食得吾貴，價錢合理，不過有個地方同朋友眾下食下吾同嘅野都好開心。

入得來試，當然係為咗一個臭字，相信好多人都會同我一樣比呢個臭字吸引到，究竟臭臭鍋係咩呢？去到門口，都幾多人排隊，但係點解臭又會有咁多人食呢，唔通真係出名臭！一打開餐牌，其實食物嘅選擇唔算多，但係佢嘅鍋物有不同口味嘅配搭，一於就叫返個招牌臭臭鍋，睇吓點樣臭法。而飲品都有唔少選擇，一般台式飲品都可以喺度搵到。等咗大概10分鐘，主角終於都黎喇！個鍋裏面有好多配料，有台式嘅肉丸、豬肉片、臭豆腐、娃娃菜、腐竹等等，以我個人最鍾意就係入面嘅豬紅同埋大腸，依兩樣野配合臭臭地嘅獨特湯底，食完後有一種非常特別嘅餘韻，齒頰留「香」。每個套餐都可以選擇跟飯或者粉絲，加＄12仲可以有一大碗滷肉飯添。滿滷肉飯都幾好食，肉汁都幾多！我仲叫咗杯熱嘅香芋奶茶，味道OK。如果嫌唔夠配料同小食，可以另外加單，不過其實食埋個滷肉飯，已經覺得好滿足了。我另外加左甜不辣，配上臭臭火鍋原來幾好食！

呢個週未適逢天氣凍左，心思思想打個邊爐，呢間個名好特別丫，叫「臭臭鍋」，原本係台灣空降黎，非常期待😍顧名思義，同鋪頭名一樣，有8款鍋揀，包你揀到🤤店鋪設計好raw, 好特別，幾型🕶我幾中意呢種設計🎊我揀左人氣第一既「招牌臭臭鍋」啦🥇有豚肉，招牌臭豆腐，大腸，豬紅，粉絲，米血糕，等等，非常豐富🤤，啲臭豆腐好正，食慾大增😂😍加上酸菜柞菜，好開胃😍招牌奶茶，唔會好像市面個啲太甜，茶味濃👍🏻

有好幾個晚上行過見到長長嘅人龍，其實一直都好想試下係唔係咁正，不過又唔想排咁耐隊難得星期日下午同朋友經過，午餐應該無咁多人食火鍋啦！所以終於都可以一嘗臭臭鍋嘅風味，彌補我去臺灣無試過嘅遺憾一入門口，我地已經聞到成間餐廳洋溢住一陣臭豆腐味，對於中意食臭豆腐嘅我地，真係聞到都興奮一坐低，我地毫不猶豫當然點一個招牌臭臭鍋，另外點左餐廳推薦嘅臺式麻辣鍋。我原本以為咁豐富嘅鍋一定要過百蚊一位，點知成個鍋連飲品連加一都係$97咋，抵到爛臭臭鍋一上，我即刻就試試個臭豆腐同米血糕，因為係全鍋最特別嘅食物臭豆腐水準唔錯，而米血糕都完全無血嘅腥味，煙煙韌韌，口感幾得意而我最中意嘅就係豬紅，佢同坊間一般食到嘅豬紅唔同，有一陣獨特嘅香料味，好正至於麻辣鍋，個湯底真係香氣四溢，特別係當鍋中d即食麵同凍豆腐索曬d湯汁時，真係食唔停口飲品方面，我地都叫左綠茶，味道清新解渴唔太甜，幾好下次再黎時一定要試下其他各有特色嘅湯底同配料

呢排天氣凍🌀🌀🌀咁凍既日子最適合打邊爐😀😀起尖沙咀 咁多餐廳裡面 竟然有間叫「臭臭鍋」未免太搞笑吧😂😂原來因爲鍋裡有配菜 臭豆腐 所以有呢個名😆當然 唔喜歡臭豆腐既朋友 都有好多選擇❤️❤️餐廳坐位闊落 完全唔會感覺到好迫👍🏻👍🏻哇😱好多鍋物選擇🤤🤤我揀左黑麻油雞鍋上枱時熱辣辣 侍應會為你細心加火 如果有需要加餸打邊爐 仲會為你定時加火😍😍打邊爐既醬料選擇多可以跟餐廳建議既醬料比例 或者自己加辣亦可以☺️跟餐白飯飲品選擇左香芋奶茶奶味香濃 但帶點芋味既清甜👍🏻👍🏻加左配料 前者係鵪鶉蛋 後者係羊肉羊肉味濃厚 食完真係成個人暖哂☺️

今晚特登去尖沙咀，為嘅就係要試下呢個臭臭鍋，啲朋友介紹同埋見到網上好多正評，同埋我哋自己都好鍾意食台灣野，尤其是滷肉飯，所以今晚黎試下。佢鍋既種類都幾多，有唔同嘅主題，有辣有唔辣，另外佢嘅加點食材都幾多，我哋兩個人嘅適量唔係好多，所以我哋叫咗一個餐兩份食。飲品方面，我哋叫咗百香果紅茶，佢同一般嘅台式飲品都係差唔多，最特別就係佢會外賣杯上，因為都好大杯，我哋食完之後都未飲晒成杯野，方便我哋可以拎走一邊行一邊飲。佢叫一個鍋＄108再＋1個粉絲或者飯，我叫咗個芝士牛奶鍋，佢嘅芝士香味好濃，佢有好多唔同種嘅配菜，有雞蛋、芝士年糕、魚蛋、枝竹、牛丸、蟹柳、豬肉、好多娃娃菜，佢個湯真係好好飲，其實基本上一個鍋兩份食都已經半飽，因為其實佢配一個飯或者粉絲，你仲可以加＄12升級個飯做滷肉飯。呢個滷肉飯真係不得了，距啲滷肉唔係剩係得啲瘦肉，係半肥瘦，再加上佢嘅醬油，食落口一啲都唔鹹，同埋勁香，我飽飽地嘅時候都忍唔住差唔多食晒一碗，呢個我覺得係真心推介。我哋五點幾去到食食到大概七點左右就走， 7點鐘嗰時門口已經大排長龍，我哋五點幾去食嗰陣時餐廳已經坐咗一半人，所以如果大家星期六日去食嘅話最好就預早少少時間

去佐敦見完客都兩點幾，行過見到平時門口排長龍嘅台式火鍋店，唔駛排長龍，即時入去醫肚。呢間台式火鍋店，裝修都幾台灣風味，主打一人一鍋台式臭臭鍋。店內頗闊落，無一般火鍋店果陣味，裝修都幾有台灣風味。檯面放左豉油，蒜蓉，沙茶醬，豆瓣醬等。餐牌後面仲教埋你混醬 3+2+1 完美比例。有9款唔同套餐，除左招牌臭臭鍋以外，仲有牛奶鍋、沙茶鍋、連我最愛嘅藥膳羊肉鍋都有。第一次來試臭臭鍋，唔食臭豆腐，又好似差左啲野。所以先order左藥膳羊肉鍋跟飯同綠茶，再另加麻辣臭豆腐同埋麻辣鴨血。招牌臭豆腐唔係油炸，臭味唔太濃，我覺得做火鍋嘅臭豆腐呢個味道已經好夠，點少少豆瓣醬，非常惹味，餸食一流。麻辣鴨血，上檯仲好熱，鴨血口感滑嫩，少少麻辣，相當好味。再將鴨血放入火鍋滾一滾，食落仲好食。主角藥膳羊肉鍋出場，火鍋入面放滿配料，已經全部加熱，鍋下面再用蠟火慢慢加熱。配料包括豆卜，大白菜， 羊肉片，台灣貢丸，香菇，炸枝竹，粉絲，粟米，鳴門卷等。藥膳味唔算太濃，但都幾香，感覺有啲似淡淡肉骨茶的味道，羊肉片騷味唔算太濃，但我幾鍾意。當火鍋食到一半，湯料濃左，好香嘅藥膳味果時先至出黎。 配料其實都好夠味，唔需要加醬已經好好

見到呢到有間8鍋 就傷入去食啦 呢到個好處係一人一個鍋 唔使再要就人地揀咩野湯底 我就叫左個肥牛鍋 夠穩陣 通常我第一次去食既餐廳都會叫穩陣既野食 因為怕中伏 肥牛都鮮甜 好食 湯底都夠濃