18樓雞煲火鍋專門店

营业中

休息中

今日出咗荃灣行街，行行吓突然想食雞煲，於是急call個姊妹出黎陪我，之前聽有個住荃灣嘅朋友提過呢間十八樓雞煲幾正，所以今日順路就去試下。未夠六點就上去，唔洗等位即刻入座。有卡位坐，座位算寬敞。仼點任食最啱我尼啲大胃王，閒日早段$178，兩個半鐘任食任飲，如果7點半埋單仲減$10，幾抵咁喎。首先食雞煲，叫咗微辣。侍應放低雞煲跟手幫我地兜幾兜，跟住就食得唔洗點等。啱晒一坐低就想即刻食嘢嘅人，哈哈。雞煲啲汁都幾香濃，好夠味，叫微辣所以唔太辣但麻味十足好正喎。兩個人好快就食晒啲雞，點埋火煱配料就打個邊爐啦。自助式去拎湯加落煲，其實幾鍾意自助，唔洗好似一般食店起勢想叫人加湯但冇人理你。點完配料都好快上，原來全部都細細碟，正呀！咁就可以食多啲不同款嘅料。牛肉叫咗兩款，肉質嫩滑、有口感蟹子墨魚滑彈牙好食。叫咗豬皮同花膠，補充下啲骨膠原。花膠雖然細細舊，但係厚身，有咬口爽脆墨魚鬚，係真係好爽好脆，好食。炸魚皮脆卜卜，炸芋頭夠粉。叫埋響鈴，一個波咁幾得意，夠脆！食物多種類，最啱我呢啲又貪食，又鍾意食多多種類嘅人！

一向唔點食得辣野，但係同朋友食雞煲緊係廢時掃興啦。叫左個微辣雞煲，佢好惹味入味，我覺得怕辣人士都岩食。雞件好多之餘又嫩滑，唔乾身/完左雞煲後，緊係打邊爐時間到啦！好多配料任君選擇，瘋狂叫鱔魚同脆鯇魚😂😂😂好中意食，好爽口特別嘅味道。而且配料索哂頭先雞煲嘅精華，濃味之餘又唔會蓋過配料原身味道。/食完邊邊，緊係甜品時間啦，可以自製雪糕。同埋，又好多種唔多款式嘅飲品滿足大家嘅口味。同朋友吹水聚會呢間係個好選擇👍🏻

今晚約左朋友出荃灣大鴻輝食晚餐，全棟大廈大量食肆應有盡有，我地今晚就揀左經濟實惠既「18樓雞煲」$200有找，食足兩個半鐘，比起平時既兩個鐘時間更充裕，可以不急不趕慢慢嘆餐廳寬敞舒適，乾淨衛生，冷氣足，可以舒舒服服嘆雞煲火鍋配料選擇甚多，基本打邊爐食開既都有！如果唔夠喉，加錢可以食豪d除左任飲任食，重有乳酪雪糕飲品選擇👇落單無耐雞煲好快就到，上枱香味十足，入味又惹味火鍋配料新鮮，質素唔錯！非常推介佢自家製既響玲同粟米餃，有驚喜Round two😎😎竟然有陳皮魚蛋台灣腸亦都賣飛佛即食麻辣雞粒，新鮮即炸！

放工約左朋友去荃灣食飯，突然想食雞煲，於是上網搵呢間18樓，即刻打去問有無位，因為呢間雞煲成日都full booking，所以都係賭下運氣打電話去，竟然有一張枱臨時爽約，二話不說就衝上去！入到去個場好大，座位又寬敞舒適，一坐就叫左個微辣雞煲，而侍應亦好貼心介紹左胡椒豬肚湯底比我雞煲一到，香味十足而且食落啖啖肉無咩骨，d肉完全吸哂d汁食得咁興起，於是叫左碟豬皮放入雞煲，豬皮望落晶瑩剔透，放入雞煲一陣，已經吸收哂入面嘅精華，絕對係雞煲嘅最佳拍擋食咁咁上下，都有少少口乾，就去拎枝竹蔗茅根下吓火先，雪櫃入面仲有好多各式各樣嘅汽水任飲！之後就加入湯底，但由於剛才的雞煲份量頗大，所以火鍋配料都係叫左幾樣；雪花牛肉望落好新鮮、響鈴即叫即炸、仲有好多唔款式嘅丸子彈牙得黎又無雪味、餃子皮薄饀靚，仲有一個值得讚嘅係加湯真係會因應您嘅湯底而加，唔似其他地方一係加水，一係唔知加左咩湯其實仲有好多好多野想食，只可惜個胃已裝不下去，所以下次要再約好友黎大戰

同媽媽到荃灣去食晚餐，這間雞煲是我一直想食的！所以5點開始晚餐時段，我們就早早來取票等待入場，已經滿滿客人了，同等待這限時2小時的雞煲火鍋放題！環境好寬闊，全18樓一整層的雞煲火鍋放題，有光亮舒適的感覺，樓層高睇到好大片的天空，整齊乾淨的環境！服務員效率高，快手勤快送上食材，又細心幫小朋友加上坐椅首先選擇雞煲辣度，可選不辣、辣度（微、小、中、大），雞煲好大煲好香喔！服務員幫忙炒及開爐，香噴噴的雞煲好野味好入味，雞肉好滑好嫩，配有好多莞茜及洋蔥，醬汁是重點，超滋味，連媽媽都話正話好味道！食完雞煲就可以加入枱上半枝上湯，就可以開始打邊爐啦！有1式3張點餐紙，包括了豬牛羊，更有內臟、海鮮、魚片鱔片、養顏膠質重花膠、多款丸類、豆腐腐竹類、粉麵類、瓜類根類等等，食材可選半份/一份，我們2人就最適合半份了，可以食多幾種不同的款式；食材好快就上枱，新鮮又賣相不錯，推介自家製的足料皮薄韭菜餃及黃金粒粒粟米餃、彈牙頂級墨魚丸、野味香口芥末魚丸、軟滑特選黑豚腩肉、自家製大大卷脆口響鈴、吸汁魚腐等等，好足食材喔！更加多個雪櫃，讓客人自己取飲品，好多款選擇，有：汽水、檸茶、冬瓜茶、百香果茶等更有自助吧，可選沙

終於試到18樓雞煲！呢間雞煲火鍋店喺荃灣都幾出名，試過之後整體覺得性價比幾高！平日七點到，$178加一食2.5小時，如果九點後入座只係$148。職員安排左一個二人卡位畀我地，張枱唔大，但好彩旁邊有張枱仔可以放食物所以都唔覺好逼。野食可以揀食雞煲或者淨食火鍋。嚟到梗係要食招牌雞煲啦！職員講解完個辣度後我地決定揀小辣！等緊雞煲嘅期間先點火鍋配料。大部分配料都有得揀半份或一份，為免浪費食物，第一輪我地都揀半份。雞煲未嚟，配料已經先到齊！超級快！一睇！點解咁多食物都係得一粒嘅？？？原來兩個人全份就畀兩粒，半份就一粒，哈哈，雖然搞笑，但其實呢個小份量更加避免到浪費，我地又可以樣樣試啲。飲品同蔬菜係自助式出去雪櫃拎，選擇充足。雞煲嚟喇！兩個人嚟講真係好大份，雞件切得好唔會有碎骨，非常入味，小辣對於我地鍾意食辣又食唔到太辣嘅朋友剛好，惹味又過癮。食左大半之後我地就加豬骨湯打邊爐。大部分食物質素都唔錯。海鮮類的話，蜆有沙，蝦好大隻，用籤吉住，方便剝殼，好鮮甜叫左一個熟食辣雞粒，好辣最後有甜品乳酪雪糕，另有朱古力同咖啡味，都係乳酪最好味。整體呢間雞煲火鍋個雞真係算好味，又唔貴，火鍋料雖然唔係啲特別野但每

荃灣大鴻輝出名火鍋任食集中地，今天就黎試下18樓雞煲。上到去環境寬闊乾淨，全店九成位置都是闊落卡位，同朋友食飯聚舊真的不錯！雞煲可分大中小微同唔辣，今次試個小辣，麻辣香，辣度剛剛好，雞肉食落入味夠嫩滑，好食！😋食完雞煲開始打邊爐，呢到的火鍋料都好多選擇，牛肉都有分雪花肥牛同特級肥牛，丸類都有不少少見貨色，食過之後誠意推薦果到的特級肥牛同羊肉片，肥牛片夠薄牛味重，羊肉片食落唔太羶，食完返兜再返兜！另外墨魚丸是有墨魚粒在入面的，不是平時食果d成粒粉團無咬口，也是必食！而且佢地個響鈴是自家製，新鮮製作咬落厚實的～吸埋湯味道一絕，也是非試不可的！依到d飲品種類都不少，重要有軟雪糕同乳酪機任攞任食，佢的乳酪真係同出面幾十蚊100g的一樣質素～但企到食就唔洗就住就住食足1000g都係問題！依到的環境食物質素都不錯，而且因為這個乳酪，絕對是令人番兜再黎襯的其中一個因素！😁+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

呢間雞煲都幾爆場 味道黎講幾夠 我都食過2次 有唔同辣度 對於唔係好食得辣可以揀微辣同少辣🌶我地落左要咩辣之後 唔洗10秒雞煲已經上枱 非常有效率😂-食到差不多就可以落高湯變成打邊爐🍲肉類 丸類 素菜類選擇睇落唔算話超多 但都足夠嘅😃填紙有半份同一份可以剔 但其實佢都係跟你人頭去比幾多份量🧐芝心丸做到拉絲效果💕粟米都幾甜🌽豆腐都滑。。。整體食材不過不失啦 $200有找 都唔可以要求全部都好食🤣青菜類 飲品 乳酪雪糕就自助式 款項得幾款😎可接受範圍內🤟最滿意真係佢地效率超高 落完單幾分鐘內啲食物一定送到黎🤤食2個鐘好足夠 飽到你嘔🤣-

今日係荃灣食左一間價值幾抵既雞煲火鍋仼食。就係十八樓，餐廳好昜記😝😝上到去都幾多人食，好彩夠哂大間好多枱。坐座左無耐，香噴噴既雞煲就黎到喇！職員先幫我地攪一攪個雞煲，煮一陣先食得。叫左小辣，對於我黎講辣度剛好。好多醬汁醃製啲雞，食落夠哂香辣又帶點麻香味，好惹味！醃到啲雞好入味，又唔會話好鹹😋真係唔錯。話咁快就俾我地食哂。可以落高湯落去打邊爐喇！餐廳話個豬骨湯煲左成十幾個鐘，夠哂濃味。我地真係無點過豉油，都夠哂味！👍火鍋配料都好多選擇，最欣賞既係佢地可以點半份，咁就可以叫多幾款食多啲野喇！脆鯇魚骨腩🐟又真係幾爽脆，夠新鮮！仲有白鱔🐟添！正呀。切到薄薄一片，夠哂爽。牛肉有兩種，特級肥牛同雪花肥牛。我就覺得特級肥牛好味啲，食落嫩滑啲。丸類同餃類都有好多選擇。自家製韮菜餃，啲料都好足，好多韮菜，幾好味。仲有自家製響鈴，夠哂香脆。蔬菜🥬同飲品就可以出去自己仼拎。仲有得自製雪糕🍦食添。😋食到好飽呀

好耐都來18樓食雞煲la~，今次再黎已經同以前的裝修唔一樣！餐廳大部分都以卡位為主，即使2個人都可以座得好舒服！但餐廳都有保留到圓台的設計，方便8人以上的聚會。而且價錢都唔會好貴（$178一位）真係幾抵食。這裏是任食的，店員首先會上左雞煲先，雞件分量按人數而定。我地今次得2個人，但雞件的數目都好多，大概都有1隻雞的分量。上台時店員會將醬汁和雞件攪拌均匀，之後就可以食la。今次我地叫左小辣，辣的感覺都有少少，如果唔食的辣的朋友記得叫唔辣。雞件唔會太肥都唔會太瘦，醬汁味道濃郁而且好香，加上有少少辣辣地！感覺好惹味。食到差唔所就可以加湯打邊爐。打邊爐的配料全部都係任食的！！而且仲有好多種類可以選擇。我地叫左好多配料打邊爐！其中有韭菜餃，炸魚皮，肥牛，海鮮等等。餐廳非常貼心，未免客人浪費食物！大部分的配料都可以選擇半分/一份，我就每樣就揀左半分，感樣就每樣都可以試到少少又唔會太浪費。魚皮！好推薦大家叫！炸到脆卜卜真係好好味。肥牛係打邊爐必點，大概滾4-8秒就可以食！滾得太耐就唔夠嫩的la。不得不提的就係海鮮，餐廳有得選擇的海鮮其實都有好多款，蝦，脆肉鯇，蛤蜊，花膠甚至連魚頭都有！而且餐廳無將價

麻甩女又飯聚了~今次當然又係食我地最愛既雞煲，雞煲放題，首選都係18樓雞煲，性價比太高了吧~每人唔洗二百，但食物係放題界裡算是高品質~重點佢個雞煲真係好好食今次我地揀唔辣試下，原來唔辣都好惹味，而我地最愛既係佢既雞肉真係好滑好滑而無雪味~點菜紙入面其中有一項叫麻辣雞粒，係即叫即炸既小食，外層香甩麻辣，入面既雞肉都好滑又有汁~肥牛有兩款，雪花呢款牛味較重同比較少脂肪~呢個價錢仲有蝦任點，太好啦~仲要係新鮮爽彈~秋葵同窩荀~呢度響鈴係自家製，即叫即炸，非常香脆~花膠絕對係瘋狂點瘋狂食之選~另一走牛脂肪較多~牛腩同自家製粟米餃都值得試~最後一定要出去雪糕區度自己唧反杯乳酪雪糕食下，酸酸甜甜，好味~飲品選擇都好多~

同事話收工約食飯，咁去得荃灣都係去大鴻輝中心揾野食，有人提出去18樓食鷄煲放題，任飲任食2.5粒鐘都係$178，見咁抵味去試下。可以揀大/中/小/微辣/不辣，我地就揀左不辣，因為佢地唔食得辣。遠處已聞到陣陣香味，醬汁濃郁咸度剛好!媽呀，D 雞肉好滑呀!食鷄煲前可先點選打邊爐的湯底及配料，我地慳家會拎上湯自己加，因為其他味既湯底要加錢。好新鮮既牛肉，好彩係任食，FILL左幾轉。食物係按人數已分配，因任食，可重覆多次落單，但每款多數一件，幾好既做法，唔使浪費食物。呢間有即炸響鈴，一睇就知係自家製，放湯索哂d湯汁，再加上d炸油，真係好香好好食，如果係新鮮炸就真係不得了，淨係食呢樣都值回票價!

今日約左朋友係荃灣見面，所以揾左呢間18樓雞煲，朋友食過話唔錯。一出lift，全層都屬於18樓雞煲，首先映入眼簾的是18樓雞煲醒目的招牌，裝潢以木和紅色為主，座位寬闊，以卡位為主，坐得舒適，食得招積。設有自助醬料區，但醬料不多，因為雞煲本身夠晒味。旁邊是乳酪雪糕區，食完火辣辣既雞煲最適合不過。蔬菜都是自助的，我跑了好幾次，菜的種類多得很，最愛吃西洋菜，吸盡湯汁卻不像娃娃菜沾滿油。拿好醬料回到座位，主角很快亦登場。雞煲非常入味，醬汁辣中帶甜，雞肉嫩滑，而且份量兩人吃十分足夠。吃完雞煲加入上湯便可以打邊爐。18樓雞煲任點任食的食物款式頗多，花膠，海蝦，肥牛等等。最貼心的是每份份量不多，有些可點半份，所以可以放心叫多幾款，不怕吃不完浪費！最愛蟹籽墨魚滑，爽口彈牙。牛栢葉，魷魚是我打邊爐必點。肥牛不過不失。花膠養顏滋補，女士最愛。因為吃完雞煲，所以我主攻菜類，少點肉。但整體食物質素不錯，吃到飽飽埋單每人二百元有找，抵食。menu

好耐都冇食雞煲啦聽朋友講呢間餐廳嘅雞煲超級正今日經開荃灣梗係要來試吓啦上到嚟個場真係好大落左單嘅嘢食都好快送到樣樣野都超級新鮮我叫嘅雞煲係唔辣首先講咗個雞煲雞煲超級入味 芫荽正味道方面我覺得唔會太咸之前食過其他雞煲餐廳好似落得味精太重每次食完都搞到飲勁多水但係依家絕對唔會超級滑溜呀！呢碟野我叫完再叫 超級薄絕對要叫墨魚丸 因為真係超級彈牙腐竹都叫咗第三碟啦下次同朋友三五成群黎更加正！！任食唔嬲 最緊要唔好浪費食物^_^

因為係假日既關係..出街食飯都好多人。我記得上一次喺大鴻輝食飯嘅時候其實有好多層都係食嘢既，所以我地就決定去大鴻輝度望一望睇吓有冇位。今次我地決定食18樓雞煲。其實我哋大概等左15分鐘就有位啦。一入到佢夥計就問我地要乜嘢辣，我地叫左個小辣，其實已經好夠。而我覺得呢個雞煲係有少少驚喜，個雞煲係出奇地入味。差唔多食晒 仲可以自己拎湯底打邊爐。而款式都算唔差 野食都幾新鮮 而飲品方面都係飲任，仲有雪糕或者乳酪任食，而各種蔬菜都係自己出去拎，想食乜都得。總括來講呢個價錢食到呢個質素都已經係超值。值得再同朋友去食下