18樓雞煲火鍋專門店

营业中

休息中

想說，雖然現在已經踏入夏天的溫度，但仍然有很多人吃雞煲！我們5時到達18樓雞煲的時候還不算很多人，但大約6點半就已經坐滿了人，而且外面還有十多人在等位，可能因為價錢真的很便宜，而且食物質素高吧！所以如果要來吃的話，衷心建議大家一定要早一點！！我們選擇了雞煲（也可以選擇普通湯煲）這個雞煲是一雞兩吃的～首先侍應端上的是已經煮好的雞煲，擁有超濃醬汁，非常夠味！！雞件也很多～很入味！！吃到一半後，我們便加入湯底，然後就把其他火鍋配料加進去，很抵食呢！雪花肥牛雖然薄切，但味道一流，而且不會韌，美味！！響鈴油份比較多，但勝在夠脆，浸在湯裡3秒鐘馬上夾起吃的話剛剛好！冰豆腐和一般豆腐的口感不同，口感較硬身，但能把湯汁完全吸在豆腐裡！墨魚滑很彈牙～水魷很爽口！！雪櫃裡有好多款蔬菜，都是自取的，我們拿了娃娃菜和唐生菜，感覺蔬菜很新鮮！另外值得一讚的絕對是自助式乳酪吧！我選了士多啤梨MIX 酸乳酷的口味，超高質！！！！味道很像阿波羅乳酪雪糕～而且自己可以淋上配料～超愛這杯乳酪呢！！

今日同阿媽去開荃灣，晏晝無食野所以5點就上左黎食雞煲。樓數如其名，真係喺18樓~全層都係，所以好大好多位。(但我地7點食完門口已經塞爆左等位既人)野飲款式幾多，有汽無汽，有甜唔甜都有。菜係自己拎的，好靚好新鮮。醬料區真係無需要用到，個湯底已經好夠味。另外仲有雪糕，今次有芒果同蜜瓜味！主角好快就到了，岩岩煮好即刻食得。啲汁好濃非常夠味，雞肉完全入哂味，而且雞肉一啲都唔老，肉質仲好嫩滑。食完雞就可以加白色既豬骨湯準備打邊爐！配料選擇都幾多，落左單好快就到。有花膠仔當然要叫，響鈴浸完亦都唔硬。仲有鯇魚同白鱔片，叫左幾次都好靚。而墨魚滑就夠彈牙。白鱔片切得夠薄，十秒左右就食得，好鮮甜。特級肥牛油脂唔多，黑豚腩片肥得黎幾爽口，炸魚皮好香脆。

Tastes: 4 /5Service: 4 /5Environment: 4 /5喺荃灣行開街 見攰攰地又有啲肚餓 就去最多嘢食嘅大鴻輝荃灣中心覓食 無論係酒樓、火鍋、放題都會集中係大鴻輝荃灣中心 見到廣場出邊有好多姐姐係度派傳單 一接手過黎就係十八樓雞煲 所以就決定去呢間餐廳覓食！一想到去就見到長長嘅人囉係餐廳門外排隊 唔想等咁耐嘅朋友 就要早啲到餐廳吧定個靚位先啦 呢間店以任飲任食為主 其實豚肉、牛肉、豬肉最為新鮮！無論食材或者肉質都好新鮮、肉質又嫰滑 呢三種肉類係必嗌嘅！

一入到18樓雞煲嘅門口 就見到長長嘅人龍 所以如果係假日去食18樓雞煲嘅話 就建議早少少攞定位啦 唔係既話 等候嘅時間就會比較長 一坐低見到Menu 有得揀雞煲嘅辣度 有辣、唔辣、小辣、辣等辣度嘅選擇！而且所有菜式都係任叫任嗌 牛、羊、豬樣樣都齊 必定係食肉獸 至愛之選！食得岀食材都幾新鮮、肉質都幾嫰滑架 飲料品種亦有好夠 基本諗得出有咩汽水嘅牌子都會有！我都有唔少健康嘅產品 例如烏龍茶、竹庶茅根、菊花茶等等 迎合到唔同人嘅口味

大鴻輝多野食就出哂名，火鍋、雞煲、放題集中，所以一到晚飯時間，電梯口就特別熱鬧。我地今日來到18樓嘅18樓雞煲火鍋專門店，試下好耐冇食嘅雞煲，平平地食到雞煲，仲有配料任食、飲品任飲、乳酪任食，正到不得了醬料區坐低冇耐店員送上雞煲，我地揀小辣，好香好惹味，醬炒形式，先食雞煲，後加上湯打邊爐。雞件份量不少，入口都唔會話好鞋，而且好入味！好方便架佢地，自取區有一壼壼上湯，可以自行添加。湯底唔會好鹹，值得一讚。點餐紙放哂喺枱面，全部任食，食放題最緊要大方，呢間都抵讚，點餐完好快就上菜，唔洗等好耐，基本上不停食牛肉、豚肉、羊肉片、鯇魚、花膠、豬肚、豬紅、豬大腸、海蝦、是日海鮮(蜆)等。配料分「半份」、「一份」，按人頭配給，不過都冇乜所謂，反正任食，啱食嘅咪寫多幾轉。丸類、餃類、滑類、台式一口腸、粉麵等。仲有蔬菜、菇菌、炸魚皮、豆腐等。雪花肥牛、特級肥牛都唔錯，薄身入味。海蝦幾爽口；蜆就唔夠新鮮。豬肚、鵝腸好食啊。鯇魚爽脆。丸類都好多款式，特別推薦黑椒牛丸同牛筋丸，好彈牙豆腐滑溜。秋葵、冬瓜、蘿蔔薄身，唔洗淥好耐。響鈴一層又一層，索哂雞煲醬汁，正墨魚滑中規中矩。萵筍一向係我至愛！新鮮蔬菜放喺自助區

好耐無食雞煲打邊爐了，雖然天氣甘熱，但都阻礙唔到食雞煲打邊爐。今次黎18樓雞煲火鍋專門店係因為係荃灣行完街加上呢間未食過想睇下味道如何一上到18樓 門口個招牌好搶鏡😂 無得唔影張相望落都幾大，仲有房間比一大班人黎食。食雞煲一定要食有辣味先過癮，但同行朋友唔太食得辣，最後都係叫左小辣。對於我黎講，小辣真係好小辣，無咩感覺，但食得出花椒既香味，仲有少少麻2個人無講明有幾多雞既份量，只係講有一煲，但同出面雞煲差唔多份量，係夠食既。好入味，d汁真係會令人食到停唔到口。雞肉都好滑身食完雞，放湯底落去準備打邊爐，等緊水滾既時間就叫左碟麻辣雞粒，炸粉唔多，肉好嫩其他打邊爐食物基本上同出面差唔多，但有幾款係未聽過同食過既。櫻花蝦片、芥末魚丸、冬陰公蝦丸、香辣粉絲豆腐。4款都好特別，特別推介冬陰公蝦丸肥牛都唔差，肥瘦分佈算均勻。覺得最好食既係黑椒牛丸，夠彈牙，牛根又唔多同埋唔會食到乾乾地既感覺呢到既雪櫃佈滿喺唔同嘅角落，如果想飲唔同既飲品就要去下唔同地方啦。最令我深刻既係呢2支飲品，因為我係出面未見過甘細支，勁得意又唔洗驚一定要飲咩一大支，可以飲少d再轉其他飲品，唔會浪費

今晚同爸爸食雞煲放題，有朋友食過話幾抵食。7點到都已經9成滿，人頭湧湧。呢度地方幾大，通道闊，卡位坐得舒服。雞煲麻辣味香濃，食完加水就變火鍋湯底。任叫款式豐富，樣樣試下都已經飽飽。上菜算快，同埋店員服務唔錯，有禮貌。特級牛肉肉味濃，黑毛豬腩肉片夠林同juicy。另外大力推介魚雲同脆魚腩片，前者滑，後者爽脆，perfect 。飲品同菜係自己出面攞，最愛自己擠的乳酪雪糕，出面賣幾十蚊一杯，呢度乳酪雪糕味道都幾好，我食左3杯，百零蚊位性價比高。

大鴻輝成幢都好多打邊爐，好耐冇食過雞煲，想試下一煲兩味，所以就搵下directory，見到18樓真係係18樓😂 就去睇下。因為係閒日，唔算太多人，我入座前都見到幾group人訂左枱就直接入。我地好好彩wall in都有位，仲要2人坐卡位，好舒服 😌餐具企理乾淨。雞煲可選唔辣、微辣、小辣、中辣、大辣，我唔食辣，朋友食辣，所以就左我揀微辣 😝 但最後佢反而覺得仲好味，佢以前食雞煲一黎就大辣，唔會試到其他配料既味道，但佢話呢煲有少少辣，但又好有層次，食到其他香料既味。我個人鐘意佢有少少沙嗲味。啲雞肉好嫩，就算打埋邊爐食到最後都咁正，仲啖啖肉，唔會鞋 😍臨食完雞煲店員已好醒目，拎定湯俾我地，再用完就要出去自己拎。選擇都好多👏🏻 我初初見佢一係半份一係一份，驚我地兩個女仔食唔晒會晒左，所以叫得好謹慎，但係。。。。原來係咁細碟嫁！原來件數=人數*份數。我地兩個人如果剔半份就等於2*0.5=一件。然後我地即刻好放心叫，我想話咁樣超好！可以試多啲野，唔驚飽到反晒肚咁 😋其實我地叫既咁多樣野全部冇一樣唔好味👍🏻 🌟超級推薦🌟響鈴：好好好好好好食，冇一舊中間係硬，浸湯浸到入脆外軟超正。粟米餃/韭菜餃：粟米

今日又近近哋 嚟到大鴻輝呢座大廈度搵食 發現好耐冇食過雞煲 就嚟呢度試下 首先講講人流 我哋七點幾嚟食 食兩個鐘 去到九點幾都一路有人排隊入嚟 仲要係平日 好旺 好講返嘢食先 今次唔多想食辣 叫咗個無辣味嘅雞煲 一開始拎嚟嘅時候好傑 咁就可以喺出面拎成壺湯返嚟加嘅 望落個顏色都好吸引 食落甜甜地 個味道調較得不錯加咗湯開始煲 食下雞 雞肉好滑 跟住都叫咗好多唔同嘅配料 揼曬落去 煲滾咗之後個煲好靚好抵讚嘅係佢平均地用料新鮮 基本上毫無破綻 當中佢嘅牛肉同埋羊肉好靚 肥肉分佈均勻 顏色紅噹噹 另外喺嗰度都有意想不到嘅驚喜 就係呢包粉絲啦 平時喺香港食都鍾意彈牙有咬口嘅 但無論咩牌子都唔夠彈 今日試咗呢個泰國嘅粉絲 超彈超好食 浸極煮極都唔會淋bet bet 佢哋真心識入貨 欣賞欣賞

今日同朋友去到荃灣食嘢 因爲覺得好肚餓 所以就決定食雞煲啦 雞煲我地就揀左小辣 辣既味道都幾濃 我就覺得呢個辣既勁度 都ok 都幾滿意 其他配材 都新鮮 不過坐就坐得唔係太舒服 可以再好d

荃灣大鴻輝18樓雞煲，朋友說來食過好抵食，今晚終於可以早點下班來吃。門口好多人等位，要取籌號，最好早些來等位，就不用排隊了。飲品雪櫃自助任飲，當然不要做大嘥鬼，飲幾多取幾多。也有乳酪雪糕、綠茶和咖啡味雪糕等，打邊爐吃到最後，是一定要吃甜點，中和一下鹹味的。有我最喜歡的乳酪雪糕，等食時先吃一杯！這裏的乳酪雪糕質地不錯，沒有加很多水，質感結實又滑，酸甜味適中，吃完不覺得膩。職員好快就送上雞煲，立刻開動！雞煲足料，雞肉嫩滑，好新鮮！有好多配菜：芫茜、唐芹、洋蔥、紅椒乾、花椒等等，令到雞煲好香，醬汁味道較濃，我們點了小辣也不覺辣，反而就是鹹味較多，所以這裡教人加湯打邊爐時，只需要加兩吋高的湯，不用點豉油，已經很夠味。很快地，雞已經被我們消滅掉，立刻加湯轉成打邊爐。點了三款肉類：特級肥牛、特選黑豚腩片、和紐西蘭羊肉片。羊肉片是我的至愛，全部肉片都是薄切，可以很快熟。羊肉新鮮，好香，就是喜歡它的騷味！上湯裏煮完後，不用點醬汁，的確也很香，很有羊肉味呢！黑豚腩片也挺好吃，好香豬肉味，還覺得帶爽口感覺；特級肥牛，切得很薄，感lhu覺不夠口感，不過牛肉味也很香的。墨魚丸也是我的至愛呢！墨魚丸爽口彈牙，裏

得知荃灣大鴻輝上的18樓雞煲，鍋底是來自大埔的八妹雞煲，很吸引人，所以事不宜遲，約了大胃王去大擦一餐。 7:30不到，門口已開始排隊，幸好我們預早一點來， 不用等位直入。上菜速度很快，侍應只是問我們雞煲要什麼辣度，轉頭雞煲便到了。 大大的一鍋，入面的雞肉都也不少。鍋內的醬汁很濃稠也夠惹味，唔使一陣，就俾我哋清晒！ 餐紙上的食物，是任點的！除了少部份要加錢。雖然每一樣的份量也是薄切，可是點多幾round，點得滿枱都是，也是很滿足！  牛肉、羊肉和豚肉當然是要食，夾起一點碟係一啖入口，很爽！白鱔片和脆鯇不可錯過，因為鱔片普普通通在出面點，也要幾十蚊，在這裏點多幾轉，絕對回本。而且各種肉類，也很新鮮！       海鮮選擇不算多，但蝦、蜆等都算大隻亦生猛！這裏的蝦滑和柏業也要試。雖然平常打邊爐都常見，但配雞煲個汁特別好味！   這個雞煲的醬汁味道真扺讚，夠濃又夠惹味！食完雞煲加的豬骨湯都好濃，基本上全程真係如餐廳所講，唔使點豉油都好夠味！ 自助飲品中，我喜歡這裏鴻福堂的小樽涼茶飲品，夠清熱，打邊爐最啱！可以試多幾款不同味！ 菜是自助任拎的，洗得乾淨，食得放心，可以過足菜癮，雞煲

火鍋可說是常常吃了，雞煲卻不是，香港人其實真的很愛吃雞煲，在很多區都必定至少會有一間受歡迎的雞煲店，這天去了荃灣的大鴻輝(荃灣)中心，前身叫英皇娛樂廣場，改名字都有一段時間了。那座大廈有不少放題和火鍋店林立，吸引不少人在黃金時段前往，這次我比較早去，樓下還沒有很長的人龍。對那兒的環境印象十分好，椅背一看便知是軟綿綿的，我和男朋友兩個人前往，椅子的空間也很大，完全不會覺得狹窄。場內環境也很大，但可能太早去到的緣故，場內也沒有多少人。餐廳更貼心的提供有關雞煲的指引，可選不同的辣度，吃完雞後，加2吋高度的豬骨湯即可享用火鍋。在辣度方面選擇了微辣，很是滋味，醬汗汁很多而且很濃郁，醬汁覆蓋每一件雞件，男朋友說那是「奇味醬」，我也不曉得是什麼來的，但聽他說那時自己調製的，我可不知道了。雞肉嫩滑，連同醬汁一起吃，口感很是豐富。最想提的是丸類，這裏除了常見的丸類，還有特別的款式，譬如是芥末魚丸、櫻花蝦片等等，芥末魚丸挺好吃的，裡面有適量的芥末，並不會太辣。牛丸比起平常那些火鍋店的牛丸多了黑椒，味道比較香濃之餘，也爽口彈牙。點了海中蝦，每一隻蝦都很大隻呀，蝦肉味新鮮非常，好久沒有吃過如此新鮮的蝦肉，是我

近幾年雞煲火鍋已相當普及，由最初傻傻的，會要求注滿整鍋湯，到現在明白雞煲真締後，比起傳統的火鍋，我更喜歡雞煲。18樓全層，環境寬敞，有大圓枱數張，一大班朋友開足兩鍋無難度。端上來的走辣雞煲，醬汁加上料頭，香味濃郁，雞肉嫩滑。滿足過後，加入兩吋豬骨上湯，開始下半場的火鍋了😍😍湯滾即可放入粟米、淮山、支竹等，這些都是近期新竉，屬耐煮型，可先放入鍋多一會。湯滾就先涮肥牛，這碟是美國雪花肥牛，肉質腍滑，油香味較重。😍😍快拖一下即可的響鈴，鬆化香脆。金菇菜新鮮，略煮一會，點些醬油更佳。菜心新鮮，腍甜新鮮，健康膳食必備，可以在蔬菜櫃自取，除了菜心，還有娃娃菜、通菜、生菜等等。另一款特級牛肉，脂肪略少，牛味較濃。跟剛剛提及的美國雪花牛，是兩種不同的味道。至於火鍋至寶的雜丸，又怎可以少。點了貢丸、墨魚丸、龍蝦丸、芝心丸、台灣腸及韮菜餃。韮菜餃是餐廳自制，韮菜味香，餃皮摺疊位置亦不會硬生生的，味道很好。鱔片尚算新鮮，略兼稍薄，任食又未見影響。多個飲品櫃分布在不同位置，方便客人自取飲品。自助雪葩機，可以自由任取，還有不同的小配料，如迷你棉花糖、啫喱、朱古力碎等，很有娛樂性的甜品。🍦🍦一鍋兩食，更合小妹心意

荃灣大鴻輝一向都有好多放題，雞煲，打邊爐，各式各樣唔同種類嘅嘢食可以提供俾大家去選擇，今次嚟到呢間係荃灣大鴻輝18樓嘅雞煲酒家，首先一如既往都係食咗雞煲先，之後落湯去打邊爐，雞煲味道好濃郁，雞肉一啲都唔鞋，食完係想有再食嘅感覺，打邊爐配料亦都好新鮮，比較推薦大家食嘅可以試吓佢哋嘅海中蝦同埋特級肥牛，食完之後可以拎一杯乳酪食下，嘢飲方面亦都好多種類可以比大家選擇，總括嚟講，呢一間雞煲酒家比我感覺都幾正，大家想食雞煲嘅時候都不妨一試。