18樓雞煲火鍋專門店

营业中

休息中

雞煲香味橫溢，味道濃郁；還有貼心的辣度選擇——是次選了小辣——提神開胃又不掩蓋雞肉的味道。吃過雞煲後，加上上湯便能涮鍋子。涮鍋子用的菜單款式精美，看得出對其食材的質量把關肥牛有好好切片，一落鍋涮來涮往即可以熟透，十分方便食用，其肉質肥美、容易入口。下單數量更以份量來算，不會出現寫十份只有五份上菜的情況。海中蝦新鮮並肥大，不能一口吃盡，可見其份量十足豬頸肉爽口彈牙，配上雞煲的湯底更顯可口。疏菜款式繁多，任君選擇。對現在追求健康飲食者也可以安心用膳肉丸方面更有大量款式，五花八門，其中——台灣一口腸——更是鮮甜味美；蝦滑也是我的最愛。最後冰淇淋的味道種類雖然只有幾種，但勝在可以自己添加(我很喜歡吃多幾款口味的感覺)，更有多款佐料，令我喜出望外!總結18樓雞煲，物超所值，地理方便，絕對是朋友聚會的好選擇👍🏻!

今日難得有時間緊係同朋友聚下，佢地收工又係荃灣附近，經朋友介紹話呢間雞煲好食，咁就試下啦!!由於朋友都唔太食得辣，所以叫左小辣 (佢仲有微辣同唔辣揀, 但朋友話小辣好味D) 呢度既環境都唔錯! 都幾闊落，唔會膊頭貼膊頭!!!去廁所又方便。至於D食物既種類都OK，基本打邊爐既材料都有! 好特別有海蝦任叫，仲要隻隻都咁大隻，咁既價錢真係低到爛。拎飲品 你可能要行晒每個柜去睇，因佢分左幾個飲品柜去擺!! 調味料方面都算多選擇，但要出去自己拎，出奇地乾淨，放得好整齊。仲有雪糕機任食。佢上菜既速度都算OK~ 而且都冇漏單情況!!  整體來講 呢間雞煲可以再黎食~~ 地點都算就腳!!

18樓雞煲：食物美味，安排貼心周末時間充裕，最好的節目莫過於燒烤和打邊爐。今天因事到了荃灣，於是便來到這家18樓雞煲了。之前在銅鑼灣也吃過雞煲，但今天這個雞煲好吃太多了！不但雞肉很滑，而且我們點的是不辛辣的，但仍然非常惹味好吃😋不用辛辣也好吃，而且有一種沙嗲的香味。店員貼心地以保溫模式，所以一直保持熱熱的，我們吃得一件不剩。任點的打邊邊有許多選擇，令人花多眼亂，自製的響鈴非常大件脆脆。較特別的是有生鮮准山，我忍不住追加了一次。蝦子餅點的墨魚滑彈力十足，出前一丁也是一整個上，非常好👍🏻新鮮的多種菜也是一份份放在冰箱中任取，非常好的安排。大家緊記要吃雪糕！無論是朱古力味抑或是咖啡味都非常出色，不試絕對是損失！😄好期待下次再去啊😋

環境及座位十分大，員工態度有善，上菜速度十分快，雞煲味道濃郁，有辣以及不立義工顧客選用同事也有分很多種辣度，火鍋配料也十分好，同事提供軟雪糕等甜品10分適合一家大細少用餐。

今日早左少少去食雞煲，因為怕要等位等好耐睇得出天色都仲好早雞煲味道唔錯，落左少少黃薑去調味，再加埋彈牙嘅嫰滑雞件，好食到不得了，只可惜因為我唔食得辣所以走辣，如果叫返多少少辣應該可以更加食得更滋味。火煱配料選擇都多，而且仲可以有半份選擇，咁就唔怕浪費食物蔬菜係自取嘅，可以自己慢慢簡 呢度D 菜洗得都幾乾淨，所以我都唔洗點特別簡自助雪糕機有四款口味，比普遍火煱店多2隻味，咁就岩晒我呢D 三心兩意嘅人我就簡左乳酷味雪糕再加脆麥片調味配料睇得出D食物好新鮮由於可以簡半份關係，所以我地可以食嘅食物種類款式都多

Happy friday 同男朋友行完街係荃灣 誤打誤撞之下入左去食雞煲🤭環境幾舒服 有得坐卡位 燈光又好光猛 有任飲任食雞煲嗌左中辣 非常惹味 雞肉鮮嫩入味 都多肉食 唔會得d骨 最中意食埋d洋蔥 好爽好脆 十幾分鐘就清哂d雞件🤣打邊爐配料有好多選擇 分別有三項 肉類、丸類、蔬菜類 最基本有肥仲有羊有魚仲有高質芝心丸 勁有選擇 令人覺得好開心😋除左菇類 新鮮蔬菜仲會擺係雪櫃到 自助形式去拎 都好多茶揀點少得自助飲品櫃 各款飲品任君挑選🥳甜品雖然唔係高級雪糕 但個乳酪蛋糕食落有驚喜 勁好食 係平時食開隻味 呢到可以任食 勁正哈哈🤣

喺荃灣嘅大鴻輝大廈星期六日夜晚食晚飯好多時都會好多好多人排隊，由其係天氣突然間轉涼，食雞煲打邊爐嘅人就特別多，所以我同屋企人為左唔晒時間排隊等位，於是乎就將食飯時間提早DD，咁就可以避開人潮 果然等左唔駛一陣，就有店員帶我地坐底，坐底之後店員就問我地雞煲想要咩辣度，因為用餐時間只係得120分鐘，所以當然愈快有得食就愈好啦 雞煲雞件非常嫰滑，我地好快手咁將雞煲煮滾之後就將雞件拎起，咁就可以快D 加上湯落去打邊爐火煱配料有半份選擇，可以叫多幾款唔同嘅食物試試蔬菜係屬於自取嘅 自助雪糕機有另咖啡、雲呢嗱、乳酪同埋朱古力味，正！

荃灣大鴻輝覓食勝地，相信比人第一個印象就係等，無論由樓下等笠排長龍至樓上餐廳排隊等位，人頭擁擁。而18樓雞煲更加係令人覺得為佢等都值座位以卡位為主，入座後職員先問雞煲要乜辣，今日女皇就我揀唔辣之後就爭取時間去自助區巡視吓首先飲品櫃眼見已有四部，汽水，鴻福支裝飲品，解茶....都係任飲，而啤酒或者特大檸檬茶就另外加錢到醬料區就較簡單蒜蓉，辣椒粒，葱粒同金蒜配招牌醬油仲有蔬菜櫃都有6,7款蔬菜，份量亦唔會太多，可讓客人多試幾款。講咁耐雞煲上場，雖然走辣，但都不失惹味感，而且雞肉熟度剛好，因為有時雞煲啲雞肉好似差啲熟所以好驚，但呢度師傅控制火喉好好，不過醬料都略為咸左少少。進入加湯階段，記住清湯都係自助自己喺吧枱拎。但緊要我個人意見食雞煲加湯後記得去除浮面泡泡再落料會令個感覺無咁油膩，罪究感都底啲呢間嘅火鍋料選擇算係好多，而且都新鮮，所以掋佢咁多人等位。牛肉已經有分雪花肥牛，特級肥牛，特級滑牛，仲有羊肉，豚肉花膠，白鱔片，脆鯇都有三款當然丸類，炸物，菌食，餃子，豆腐，海鮮都有而呢個五香牛腩記得要試，每樣嘢叫半份都飽到一個點。但絶對唔好錯過自助區嘅軟雪糕，特別係乳酪味，我食左三杯。總括cp值高

《麻辣雞煲，食左咗先講🤙》今日試左位於荃灣既18樓火鍋專門店，一間有啲舊式裝修，感覺幾特別，同其他既雞煲店唔同。—————————————————————👉🏻自助醬料區醬料選擇唔多，得好普通既四款選擇。👉🏻蔬菜🥬都係自助，雪櫃任拎，款式都係正正常常，無咩好大分別。👉🏻兩人份量既雞其實睇落都算幾多，小辣岩岩好，食落都幾惹味，但都有雞件都係比較「鞋」食完🐔再加湯底打邊爐個味都唔會好淡。👉🏻食物配料選擇都算幾多，有幾款特別高汁。唔覺有漏單情況。必叫係#自家製響鈴，無油益味，食落仲好香脆🤙，食幾多都唔厭！#蟹籽墨魚滑 都係好正，好爽口。#兩款肥牛都幾好，唔會超級多脂肪，正正常常。其他丸類都好食，尤其#櫻花蝦片，會令人想再不停encore 。👉🏻飲品有罐裝同迷你枝裝揀。款式得兩個大雪櫃咁多，都係得竹席茅根岩我。👉🏻甜品-自助雪糕機有四隻款式揀，有雲尼拿、朱古力、乳酪同咖啡，口味普通，唔吸引。總括黎講，食物質素都算中等，可以試一次。價錢：$188 另加一（五六日、紅日）—————————————————————Instagram :@noodles_queen_food🍚: natalietong

朋友話想食雞煲，荃灣有間超平超抵食超好味，帶我入去試下你都見到真係超抵，$本身已汽水任飲，另加$18可以有大杯先檸檬茶任添，不過我哋無加晚市9:30前$178，9:30前$148，自助醬料不用另收費我哋9:30來到更抵入座前店員先問你要咩辣度，不吃辣所以叫左唔辣，雞煲一上，店員炒左一陣，就可食用，不辣的仍然好好味，味很濃食完雞煲後，可自己攞上湯加入煲中打邊爐，但我大鄉里不知道要自取，所以問店員他亦好Nice咁攞了一瓶給我還告訴我上湯的擺放位置配料很好選擇，任叫任食，仲有2.5小時，聽到個個客離座時都話好飽菜可以自助領取，有生菜，油麥菜，娃娃菜全部好新鮮推介花膠，貴嘢，但同樣可以任叫仲有雪糕機，可以自己吱

夠惹味@18樓雞煲火鍋專門店  早幾日和朋友去荃灣打邊爐，人不太多食任食的比較抵食，款式多又有預算 餐廳就係大鴻輝(荃灣)中心18樓，餐期真係非常多人，想食得舒服一D就不如早少少/遲少少去食。 餐廳光猛企理，冷氣夠凍，而且職員快手快腳，上菜速度如光速，仲好有禮貌! 混醬區~ 菜蔬放到好似盆栽咁，綠油油~ 飲料放在幾個大雪櫃度，有氣無氣，甜或唔甜既都有 我們點了中辣的雞煲，未食已聞到陣陣香味，味道非常惹味，好入味!雞肉夠嫩又唔肥，肉多骨少 要留意既係，雞煲會愈煮愈辣的，我們也低估左自己食辣既能力，一路食一路流汗，非常過癮!怕辣的朋友還是點個少少辣好了! 食完雞煲就可以下單加點生料去打邊爐啦! 湯底是自助式的，雞煲食完就出去自己攞一支下鍋就可以等食了 我們都好喜歡食牛肉!這裡的肥牛質素真係無得頂呀! 別忘記這裡收費埋單才$200有找，簡直超水準!  肉質顏色呈鮮紅的!肥廋適中，肉味頗濃的，點了幾圈，質素依然非常好! 五花腩食起來爽口的，沒有豬羶味，味道甘香! 這裡的響鈴超正的!上桌時竟然是暖暖的!沒有想到百多元一位的任食火鍋

今日去試新野，之前未黎過呢間餐廳。去到見店面乾淨企理，坐低個陣未算好多人，但無幾耐已經坐無虛席。蔬菜籃自己拎，放係凍櫃到，感覺新鮮飲品任飲，仲有自助雪糕。飲品都好有誠意，飲番幾罐可樂同鴻福堂都可以回本坐低咗，STAFF會問雞煲要咩辣，有分大、中、小、微，同唔辣。我同朋友都唔係好食得辣，所以揀咗微。雞煲辣度正啱我地心水，仲有好重香料味，又有少少麻，醬汁濃郁，十分惹味。食到咁上下，可以自己拎湯底加。餐廳提議加兩吋高的湯底。配料任食，剔紙仔。跟據枱人數，有分半份或者一份，咁樣非常之好，可以試好多款，試啱咗先再加單，又唔會浪費食物。食物上得快，同埋呢度無漏單！我好怕任食個D餐廳，呢ROUND漏單，咁我下ROUND唯有再叫，但唔知幾時，佢會一次過又黎哂，好恐怖！呢度就無呢Ｄ情況。好多款都好味，其中幾款特別鐘意，叫咗唔止一次！響聆，真係自家製！食落脆口，浸湯一流！海中蝦，好新鮮，肉質爽口，完全無痴殼芥末魚丸，入面好流心，正豬肺，平時好少打邊爐見到，好特別，而且吸咗Ｄ湯汁，好好味食埋乳酪雪糕，大滿足！

今日做野做到頹頹地果陣突然有一顆雞煲心，放工就黎到十八樓雞煲放鬆一下心情已經食左幾次都念念不忘嘅雞煲，當然唔少得啲去拎返啲調味料準備開餐今日雖然係星期二，但係人郁幾多今次坐嘅位好方便去拎野飲，就係隔離，啲野飲有好多選擇蜂蜜柚子好好飲野食款式有好多每份都好高質，啲野食到左佢仲好貼心咁將啲野食放埋係一邊俾我地拎我地總共叫左呢啲我最中意嘅丸係芝士豆腐！係芝士豆腐！無睇錯佢無有芝士豆腐，好正☺️芝士丸都好有流心嘅感覺當然唔少得個主角—雞煲啲雞好入味又嫩，食過返尋味佢啲蔬菜唔似平時果啲放哂出黎俾啲飛飛污染而係放左係雪櫃，乾淨又整齊食下又一碟食下又一碟，叫左好多野都好快食哂食飽飽當然唔少得要結個靚尾食埋個雪糕佢仲可以用濕紙巾擦手，貼心♥️總括而言，佢啲雞煲好入味材料又高質，食得滿足又開心

今日要去荃灣攞啲野所以順便係個邊食埋野，晏就無點食到野又想食雞煲，就去左18樓雞煲火鍋專門店食個早場5點既雞煲，7點半前離座仲有得每位減$10。之前都有聽過呢間係唔錯，我地叫左小辣，黎到見到個雞煲已經覺得味道會好濃郁，食落都真係，呢間濃度應該數一數二勁，所以好正，而且雞都幾嫩滑，有d仲好肥美。之後邊爐料任叫既，一定要嗌既係滑牛肉、滑雞柳、水魷、粟米餃。滑牛肉同雞柳真係同個名一樣好嫩滑，而水魷好爽口彈牙，粟米餃好足料，栗米同豬肉都好鮮甜，而個外皮吸收哂湯底味道好濃郁。另外仲叫左某d丸類試，幾特別，冬陰公蝦丸同龍蝦味沙拉丸，出面無幾可見到有。仲有要提既係稻庭烏冬，好吸收到湯既精華，好重味而且幾煙韌。最後一定一定要食既係佢個乳酪雪糕，超級香滑，配料都好多，麥片呢個配料幾特別，幾夾個雪糕，個人鐘意食乳酪味，其次係朱古力。環境幾好，窗邊可以有自然光透入，全部座位都係卡位，坐得幾舒服，另外上菜幾快，份量好好，容易控制。

好耐冇食過雞煲啦！又黎到荃灣哩棟勁多餐廳選擇既大廈～18樓雞煲火鍋專門店最鍾意揀啲早少少既時間人少少～傾計都方便啲😬地方都好大下！每個卡位都好寬敞坐得好舒服，最緊要係好企理好乾淨🤓野飲選擇好多！不過唔記得左影相😥除左基本既汽水，忌廉鮮奶、冬瓜茶烏龍茶雪梨茶冰紅茶同龍井都有，仲有枝裝既涼茶同咸柑桔！👍🏻一坐低講完辣度店員已經即時拎個雞煲黎，我地叫左小辣，個人覺得辣度岩岩好，過癮得黎唔會辣到食唔到！雞既份量都ok~ 😚任食菜單都好多選擇，最欣賞係有「半份」哩個option!大概就係一人份量，咁兩個女仔黎食就可以免卻成日心思思想試多啲野但又驚食唔哂既麻煩啦～🤓肥牛海鮮同菜都好新鮮食完仲有乳酪雪糕！有乳酪、朱古力、蜜瓜同雲呢拿揀，我揀左乳酪同蜜瓜，蜜瓜好好味！🥳toppings 就鍾意佢啲棉花糖$178一位價錢合理～同食物質素成正比！