18樓雞煲火鍋專門店

营业中

休息中

一家人好難先約得齊大擦一餐，梗係食任食最化算，呢間有地利，仲任食兩個半鐘，就算等唔齊人一齊入座，遲少少嚟都唔驚唔夠時間食一入座侍應先問我哋雞煲嘅辣度，見我哋猶豫就推介微辣惹味啲，唔係好食得辣都食到。之後仲好細心咁擺咗樽上湯喺旁邊等我哋有需要自己加。先食雞煲，7個人有1隻雞，估唔到有咁多肉，份量夠曬我哋食邊爐食物種類豐富（連豬肺都有！），除咗點餐紙嗰啲之外，仲可以去自助區攞菜，食物質素都幾平均，不能盡錄推介：特級肥牛(肥瘦分佈平均)、鮮魚頭雲(新鮮靚部位)、海中蝦(鮮甜彈牙)、花膠(煮到最後都唔會爛仲索曬啲湯汁)、蟹籽墨魚滑(夠彈牙)夠特別：香辣粉絲豆腐(少少辣中間有薯粉嘅魚豆腐，第一次見)、麻辣雞粒(夠麻辣，炸粉薄)麻麻：特級黑豚片(脂肪太多)、爽脆墨魚鬚(計好時間一熟就撈起都好韌)、響鈴(比坊間嗰啲仲油)呢度仲供應好幾個品牌嘅飲品frozen yoghurt都有4種味：乳酪、士多啤梨、咖啡同朱古力上菜快，侍應又熱心，食物質素唔錯，大家都食到好滿足捧住個肚走

平時好少去荃灣，今日咁岩去搵朋友攞嘢，就去嗰度食埋晚飯。朋友帶咗我去食一間雞煲，$178任食兩個半小時。我地點左四川麻辣湯微辣，雞窩嘅份量非常之多，雞肉鮮嫩而且有雞味，非常入味，醬汁辣中帶甜，食過咁多雞煲，呢個雞煲嘅雞算係幾好。任點嘅食物選擇好多，我地點咗雪花肥牛海中蝦，肥鵝腸，牛柏葉，冬陰公蝦丸，香辣粉絲豆腐，龍蝦味沙拉丸響鈴，萵筍，午餐肉，淮山，粟米，炸魚皮，小食麻辣雞粒。整體所有食物都比較好食，尤其係蔬菜。大部份嘅食物都有得點半份，每次提供嘅份量唔多，變相浪費亦都唔會多，非常好！飲品亦都好多選擇，而且係任飲。

十八樓雞煲呢個名我都聽過唔少次今次第一次食, 估唔到質素都幾好以放題黎講雞煲係可以同出面單點既質素可以相比首先食個麻辣雞煲先中辣都幾惹味, 而且份量都唔少雞件上面鋪滿左辣辣既醬汁, 睇見到流哂口水唔錯唔錯, 係辣左dd所以叫左一渣野飲一齊share黎飲其實除左一渣渣咁叫之外, 仲可以出去拎食完雞煲就轉打邊爐醬汁出面就拎到打邊爐既食材超多首推呢個肥牛片質素唔差, 唔洗煮太耐已經食得熟食同樣咁掂呢個即叫即炸, 質素唔錯最後緊係食既乳酪呢度仲有朱古力味選擇, 夠哂特別

荃灣食雞煲最出名都係個幾間今次食既呢間叫18樓雞煲應該就因為佢係18樓開既哈哈呢度既雞煲火鍋都係任點任食選擇巨多 不過係食火鍋之前先食個雞煲先麻辣雞煲小辣份量好多 辣度岩岩好雞肉嫩滑而且充滿辣味無得頂食完就可以叫店員加水食雞煲火鍋菜類既食物可以就咁出去拎, 非常方便野飲都係任拎, 打邊爐緊係要飲d健康d既野飲啦海鮮超新鮮, 蝦呢d基本既都有, 特別在係連蜆都有!肥牛肥瘦平均, 每轉黎既質素都差唔多, 不錯不錯最後食左呢個yogurt做甜品作結!! 完美的一餐

食過兩次，呢次幫佢入翻個食評。平時我都算食得辣，第一次叫小辣，第二次叫微辣，都係覺得好辣不過真係好惹味，又好味，攞汁黎撈飯我都濟。d重點雞件略嫌斬得大舊，d汁又濃，食完hi到成嘴都係汁。食完可以加湯打埋個邊爐，叫d野食細細兜上，幾好唔會浪費。最聰明係雪糕機隔离配料有麥片，配雪糕一流，必試

以排天氣又涼左，今日同朋友去食雞煲打邊爐，都係朋友推介我地去食，餐廳位於大鴻輝（荃灣）中心18樓，座位以卡位為主，座位寬敞又舒服，最緊要冷氣夠大，唔會食到一額汗。招牌18雞煲可選大、中、小、不辣，由於朋友唔食得辣，我地選了唔辣，但雞煲一樣咁惹味，雞煲醬汁又濃，雞肉份量夠多，雞肉夠滑、碎骨不多， 食完雞之後就可以出去拎豬骨湯倒落雞煲打邊爐，而豬骨湯餐廳用左十幾個鐘煲成的，所以味道非常濃郁。食雞煲打邊爐唔駛點豉油既，其實真係唔駛，因為雞煲個汁好濃，打邊爐既材料已經入晒味，所以就咁食都已經唔駛點豉油。點餐紙，款式一樣多，上菜速度超快，我地點左特級肥牛、雪花肥牛，識食一定食特級，因為特級肥牛冇咁多脂肪，而另外亦點了墨魚丸、芝士丸、芝士腸、台灣一口腸、牛柏業、海蝦，牛柏業夠爽，我好喜歡以到出菜份量，會跟據人數而比既份量，唔會太多而食唔晒，浪費左食物。食完雞煲打完邊爐，指定動作就係食雪糕，雪糕有4款味道可選擇，亦可加其他雪糕配料

老豆話好耐無打過邊爐,咁我地唯有放工近近地又去荃灣大鴻輝,係樓下揀左一圈,媽媽話要食雞煲,所以就試下呢間...上到去環境乾淨,就算係2人都有卡位,坐位舒適闊落.醬料區唔多選擇,不過我地都係要左少少,因為原本雞煲個汁都幾惹味,唔洗點醬味道都幾突出,辣辣地.汽水自助任飲,有多部雪櫃,坐位附近都有部,好方便.凍既茶類係樽裝黎,比盒裝無咁快飲完,唔錯.熱茶就要去返水吧位,啤酒都有幾款選擇,但就要另加錢.蔬菜係水吧位,都有幾款選擇.我地揀左微辣黎食.一上枱店員幫手拌勻就可以食,辣度岩岩好,雞肉好嫩滑,份量十足,我地4人,每人都食到6-7件.食完雞煲就可以加豬骨湯黎打邊爐...雪花肥牛脂肪紋分佈平均和多油花,肉質鮮嫩,特級肥牛牛味較濃,肉質腍而不韌,特選黑豚腩片夾雜豐既厚脂肪層.肉嫩鮮味帶爽口.櫻花蝦片形象似櫻花,味道同平時食既龍蝦丸一樣,蝦味突出,彈牙.芥末魚丸好驚喜,芥末味道突出得黎未算嗆鼻,冬陰公蝦丸一咬開就有陣陣既香茅味出黎,食多粒個人覺得有點似沙嗲味多D,自家製粟米餃,餃皮有點厚,餡料豐富.海中蝦彈牙鮮甜,好新鮮,水魷老豆既至愛,軟彈 煙韌,牛柏葉每次打邊爐必點,爽脆得黎入口彈牙,而且吸

聽聞呢間雞煲好出名今晚我哋一於去試一試雞煲分別可以選擇大，中，小，微辣或者唔辣，食完雞煲之後加2吋鋪頭出名煲左10幾個鐘嘅豬骨湯，味道濃郁度打邊爐連豉油都唔使點嘅！食物依然都係任點任食，最正係有滋補花膠，同埋有個是日海鮮推介，都幾特別！蔬菜/飲品可以去出邊嘅雪櫃自取的。順帶一提餐廳嘅座位係梳化椅，坐得好舒服😌上菜又快，雖然餐廳好忙，但職員都好有禮貌👍🏻

一上到18樓，見到大大個招牌，好Sharp同埋煙霧瀰漫，已經急不及待想食雞煲打邊爐了❤️座位舒適，卡位為主，可以舒舒服服食餐好🥰雞煲可選大、中、小、微、不辣。我哋揀咗小辣，我覺得辣度啱啱好，辣得嚟帶點甜，好正👍🏻食完雞之後便可加湯，大約+2吋左右，便開始打邊爐了🤤調味料區只有四款選擇，不過其實雞煲本身味道很重，所以不需要調味料也可喔。食物種類多（有花膠任食😻）店員上菜快，亦唔覺有漏單嘅情況。除咗Order紙，出面仲可以自助取蔬菜🥬🥦及自助乳酪雪糕🍦仲有汽水任飲添～～❤️

今日又來荃灣行街買傢私，今日特意來到大鴻輝（荃灣）中心搵食，大鴻輝（荃灣）中心已掛了超大個廣告，地表最強，任飲任食，見到廣告太吸引，所以今日我地來到18樓食雞煲今日星期日好怕等位，所以我地食早小小，5:00到達，剛剛開門入座，雖然5:00，但都已經好多人等位了。招牌18雞煲我地選了唔辣，因為有小朋友，雖然唔辣，但雞煲既醬汁超級惹味，雞件都好多，雞肉夠嫩滑。最後食完雞煲就可以加豬骨湯打邊爐啦。我地點左特級肥牛、響鈴、山根、芋絲、午餐肉、蟹籽墨魚滑，特別最愛既響鈴，送上來是即炸響鈴，新鮮熱辣辣，非常香口，就咁食已好好味，最緊要唔油，另蟹籽墨魚滑我地亦點了幾次，咬落去有粒粒墨魚，口感彈牙。飲品任飲最後食到熱辣辣，當然要食返杯雪糕嘆下

一家人提早慶祝母親節，去了荃灣中心的18樓雞煲，7點都幾乎滿座。外面有自助醬汁、飲品及雪糕，飲品就有汽水及無糖茶。因為有老人家，所以雞煲只要了少辣，辣度可以接受，雞煲份量頗多，應該有一隻雞，雞肉味道較濃，雞肉都算滑。任食配料方面，款式很多，牛肉都有數款，還有羊、雞、豬，鵝腸等，肥牛都不會太肥，羊肉唔會騷，豬頸肉爽口。海鮮有幾款魚片、蝦、蜆、魷魚片等，都很新鮮，魚及蝦尤其鮮甜。墨魚滑更是高質之作，彈牙有咬口。素菜類款式超多，秋葵、豆腐、萵筍等等。最抵讚是食物可以揀一份或半份，人少都可以試到。最後食個自助咖啡味軟雪糕，十分滿足的一餐。

今晚帶家人來食雞煲，仲可以任食火鍋，若果唔食雞煲，仲可以選擇其他特式湯底。另外都有貴價少少的火鍋配料，還有幾款啤酒供應。我地揀左微辣，店員立即上雞煲，鍋熱再搞勻醬料同雞肉就食得，個爐仲可調至保暖mode，我地慢慢食完雞煲，之後就加豬骨湯底食火鍋。雞肉份量好多，多肉少骨，肉質夠彈，醬料調味好香好惹味，微辣真係岩岩好，少少刺激又食到醬同雞既味道。我地仲點左啤酒，好夾雞煲同火鍋，好爽好解辣。食完雞煲就可以加入2寸高左右份量的豬骨湯，煲滾就可以開始食火鍋，豬骨湯仲有好多瓶裝放係水吧位，供客人添加。我地亦點了好多推介火鍋配料，一枱都放得滿滿的，超豐富超吸引，旁邊仲有小枱可以放火鍋配料，幾貼心幾方便。我地點左推介的肥牛、海蝦、蜆等海鮮，還有花膠、特別味道的丸類、自家製餃子、響鈴等。雖然有醬料區，但我地發覺雞煲醬料加埋豬骨湯真係夠哂味，所以最後拎左無點用到醬油，其實唔需求都得。雪花肥牛較肥，但脂肪分佈平均，入口充滿油香，牛肉味都重。特級肥牛脂肪較少， 所以牛味更濃，肉質鮮嫩。特選黑豚腩片好似高級版的五花腩薄切，口感嫩彈帶爽，豬肉味突出。滋補花膠厚身同大塊，好彈好有膠質，女仕必食。還有是日海鮮推介，蜆

任食打邊爐就食得多，任食雞煲你又食過未？荃灣廣場，一向係覓食嘅好地方，係多間任食打邊爐嘅大廈，要做到成績，一啲都唔容易！呢度可以突圍而出，係因為佢嘅雞煲真係好好食！甚至乎比較一下專食雞煲嘅名店，更加啱我口味！佢嘅雞煲都唔吝嗇，全隻雞比晒你，唔會好似平時食雞煲任食嘅店舖咁，比好細隻雞你！如果你都係重口味嘅朋友，你一定喜歡呢度嘅醬料，我就建議你唔好加湯嘅方式食！但如果你係探你嘅朋友，你就可以加少少湯，令到味道比較淡再食，細心嘅服務都係令我再次嘅原因，呢度會提早比湯你，自己調味！其他食物種類都好多，我中意佢嘅墨魚滑及麻辣雞粒！後者係熟食，但同雞煲個汁好match！菜種類都夠！飲品種類都唔少，涼茶汽水全部有，想啤一啤，加10蚊就得！食完更加有雪糕食！咖啡飲！埋單200蚊有找，唔怪得我星期一去都爆滿！

18樓養嘅唔係牛牛，變左養雞仔喇荃灣大鴻輝中心嘅18樓，就係呢間18樓雞煲火鍋專門店，之前已經聽過幾個朋瘦話上去食過，話任食火鍋黎講評價都唔錯，今日專登約左個朋友一齊上去！好評餐廳自然客人多，由於想避過人群，我地選擇左較早嘅時段，下午五點幾就入坐，上到18樓已經見到有人食緊英雄所見樂瞳店內環境幾寬廣，基本上全部都卡位，有兩排窗口位，可以一邊食一邊睇下風景，我雖然唔係坐窗口位，但𥄫左兩眼個景都唔差好回歸正題，18樓雞煲嘅雞煲真係唔錯，唔係！係好食至真，佢一拎個煲出黎已經九成至全熟，好快食得，有啲雞煲店要等佢煮多10分鐘，等到頸都長！我食過唔少雞煲，個雞煲嘅醬汁都係大同小異，最好食嗰幾間，就係要用差唔多配料但同其他雞煲店有啲唔同，呢間雞煲就做到，佢嘅醬汁味道濃郁，味道亦冇被辣味掩蓋！食完啲雞，就加湯食其他配料，呢度啲湯係自己加，所以你想啲湯濃啲淡啲可以自己調節。其實配料間間都差唔多，不過呢間令我驚喜嘅係個響鈴同埋啲蝦，仲有個櫻花蝦片，個響鈴係呢間自家製，外表都幾獨特之餘，食落係幾鬆脆！另外啲蝦好新鮮，煮完係唔會霉左咁款，爽口的暖後係個櫻花蝦餅，其他地方未見過，有啲特色！最後，呢度嘅飲料都係

這間位於荃灣的任飲任食火鍋店，以食雞煲火鍋為主，客人可以選擇雞煲辣度，我們就要了少辣，少辣是大眾口味，基本上只有輕微辣度，雞煲份量十足，而且肉質嫩滑。食完雞煲可以自助加湯打邊爐，這裏的火鍋配料款式很多，而且質素不俗。牛肉都有幾款，個人覺得滑牛最好味，肉腍且有肉香。墨魚滑更加是高質，裏面有粒粒墨魚粒，十分彈牙。白鱔片及海蝦新鮮彈牙。任飲就只有汽水及茶，啤酒類欠奉。最後甜品是乳酪雪糕，酸酸甜甜十分開胃。整體質素不俗，而且只要百多二百元，認真超值。