18樓雞煲火鍋專門店

营业中

休息中

這間在18樓的雞煲火鍋專門店不但位置方便，是坐落於荃灣的高樓來三面環窗，而且食得開心，遼闊的視野令人睇得同樣開心，在這樣的用餐環境之下和朋友一路食一路傾，有時望吓窗外景色，實在食得暢快，188這個價錢任食，有景食物質素亦不錯，真的是不錯選擇招牌18雞煲招牌18雞煲，味道麻麻辣辣非常野味，雞件香滑淨食雞煲已經很滿足，食完雞煲用剩下的汁醬加入濃厚豬骨湯來打邊爐實在冇得彈。特級肥牛，鮮脆鯇骨腩，海中蝦，是日海鮮推介，特選黑豚腩片，滋補花膠，鮮魚頭雲，響鈴，芥末魚丸火鍋配料選擇過百種不但選擇多而且樣樣新鮮，上菜速度快每次落完 order，都不用等太久便會送到人客手中，尤其當中的鮮脆鯇骨腩，肉質爽脆魚油味豐富，海中蝦新鮮彈囗有鮮甜味，鮮魚頭雲新鮮滑口絕對冇魚腥味，最令我驚喜的是芥末魚丸，入口爆醬滿口都是芥末味好過癮，但記得要攤凍少少先好食如果唔係一定辣爆咀。至於蔬菜方面，放了幾個大雪櫃內勝在不同種類的蔬菜你可以因應自己喜好揀選，自己喜歡的蔬菜正所謂有得睇有得揀咁先食得開心。飲品方面都分散在場中幾個大雪櫃中，可以自己慢慢選擇。

放假就緊係去食返飽佢啦🤟🏾今日同朋友嚟荃灣間18樓雞煲食晚飯 十分飽足四川麻辣雞煲因為唔係咁食得辣 所以我地就淨係叫咗微辣 佢嘅雞肉數量好足夠 肉質唔錯 值得一提佢嘅醬汁真係幾好食 味道濃郁仲好野味 配有唔同香料嘅味道 食完唔會覺得好口乾 食過返尋味食完雞煲就食埋佢嘅任食火鍋 已經包埋係雞煲嘅價錢入面 火鍋嘅湯底係自助形式出去攞嘅 仲係餐廳煲咗好耐嘅豬骨湯底 如果大家想試其他湯底都有得揀 就會加錢換個煲同揀湯底叫咗雪花肥牛同特級肥牛各一碟 肥脂分佈還不錯 食落唔會覺得好散 呢度嘅火鍋雞肉都幾高質 肉質好滑 encore多咗次 佢嘅菜類同飲品都係自助形式 自己出去一碗碗咁任拎 菜嘅種類都有好多 生菜 娃娃菜 油蜜菜 等等 梗有一款大家可以揀到食完火鍋後仲可以食埋呢度嘅自助乳酪雪糕 食得好飽！

同隊友歡樂早場食5點，避開人潮！（19：30前離座可以每位額外減$10！）假日任食雞煲加火鍋，$188一位真係抵到冇朋友，這個價錢我對食物質素沒太大要求，誰知竟然是超水準！超水準啊！！雞煲可挑辣度，選了微辣，對我們來說剛剛好，重點是是夠麻辣，調味不俗！雞件中size，我個人喜歡這個size，有些地方切得太小，雖然比較快熟但就會變得太多碎骨。這裡的雞件入味，有夠麻，肉質鮮嫩，不錯不錯！四個人吃足夠有餘，為了迎接之後的火鍋，留著實力也是應該的（笑）直接加入上湯就可以開始火鍋料。食物以剔紙下單，飲料自取。這裡標榜只需湯底，無需醬汁都夠入味，我證實是真的！這個麻辣湯雖是微辣但真是非常棒，所有食物都變得很美味啊！肉類和海鮮選擇多，但我們主攻牛肉，其他的就沒有點（笑）雪花牛肉和特選牛肉都很不錯，特選牛牛味濃郁一點，配麻辣湯底真是百吃不厭！全程也沒沾過其他醬汁～蔬菜和丸類極度選擇，上菜速度快，沒漏單程況，最佳吃放題的節奏！當中他們的自家製響鈴和粟米豬肉餃子，都很值得推介！自取蔬菜區很衛生，refill快！甜品就有雪糕／乳酪機和幾款topping。味道還不錯，解辣一流！不得不提，位於18樓，碰巧坐在窗

同同事黎食左好幾次，因為太正了，價錢不貴又多野食，啲火鍋料仲要唔差喎，$178一位實在抵食！同餐紙寫嘅一樣，個雞煲汁好正，根本唔需要再點醬料。食最早個場唔使等位，之後就有排等啦～坐到卡位幾濶落，仲有荃灣景睇，哈哈。朋友未到齊，落定雞煲飲住野等，一般汽水罐裝啤酒都有嘅，無糖飲料有罐裝茶，想飲熱飲有滾水同茶包。等左大概15分鐘雞煲到啦，一上枱店員就幫手攪拌，攪完即刻食得，不用再滾。雞件好入味，要左小辣我覺得啱啱好，夠麻少辣，個汁實在太正，筆定啲汁落個碗度先～菜自助去雪櫃拎，有好幾款菜㗎。食完雞就可以加湯打邊爐，店家寫住係豬骨湯。雖然好紅，但其實唔係好辣㗎咋。肥牛都幾靚啦～鮮淮山正，自家響鈴卷，圓圓的，吸一吸湯好味喎。白鱔片正，無腥味㗎。陳皮魚蛋同午餐肉都幾好。炸魚皮幾脆甜品有軟雪糕機，是晚有雲呢拿，咖啡，士多啤梨，同乳酪味，食飽梗係要整返杯啦。仲有好多任食火鍋料，無一一影相了，因太快就被人ko左，哈哈。總括黎講食物有水準，落單到上菜嘅時間短，基本上點嘅食物都黎齊無漏單嘅，但數量可能有點少，有某啲食物要落多幾次單，對人少黎講每款都可以淺嚐都ok啦，兩個半鐘絕對夠時間食到飽。

老公好鐘意食雞煲..但好少雞煲岩佢口味..今日試下大雄輝呢間「18樓雞煲」一打開門.嘩..行都行唔到..好彩一早訂左位...入到去職員就問咩辣.咁樣問好過填..讚👍🏻醬料.飲品自助形式.拎完一輪.雞煲到...真係唔錯..老公話唔會「死辣」「死麻」「死濃味」係好味咁話...食到咁上下就叫材料打邊爐..加湯都係自助形式既.全場有好多個雪櫃係唔同位置..我鐘意呢個設計..！.唔洗行勁遠先有..菜用雪櫃雪住.好好.好過擺曬出黎果d..乾淨又新鮮...火鍋配料真係揀唔到邊樣唔好食...可能係..我冇揀果d😂😂😂😂成餐飯滿意至極...最尾飽到食唔到雪糕..！環境:多數卡位.有圓檯食物：新鮮飲品：都算多

難得早放工，我同朋友去左荃灣既大鴻輝食雞煲，成棟樓都係打邊雞煲既食肆，結果我地揀左呢間十八樓雞煲。係大鴻輝食過既都知平時係勁多人等到升職都未等到位，但呢間又唔算多人喎！地方又大又舒服，唔會好似其他雞煲鋪頭咁迫，唔會連身都轉到。裝修都算幾靚，好有本土風味既格局，仲可以睇到廚房入面既情況，感覺都幾衛生！一黎就開始試試個雞煲先啦，我本身就唔太食得辣，所以就叫左小辣而辣度岩岩好。雞煲味度濃郁，又啖啖肉，唔會話得啲骨！話咁快就食哂啲雞，就急急腳咁叫埋啲配料打邊爐，啲靚女妹妹都幾快手，呢頭入紙，個頭就黎到成枱都係餸。每碟既份量都唔少，大家唔好一野就叫咁多，廢事食唔哂，浪費食物就無謂啦！似乎老闆都深知等緊湯底滾既時候係最肚餓，呢到有啲熟食既麻辣雞粒比大家食。最驚喜係佢竟然有得食花膠，真係唔多火鍋鋪會有得食花膠！食雞煲打邊爐都不忘護一護膚。最鍾意就係佢啲芝心波波，入面勁多芝士，不過大家食個時要小心，因為啲芝士勁熱，唔好辣親條「利」。沙煲咁大個既芝心丸大家又見過未？打邊爐配呢個蜂蜜柚子就真係無敵，又唔會好似飲完可樂咁成肚氣食落其他野，我一個人都隊左四罐！呢到有yogurt雪糕任食，食完雞煲同邊爐之後，大

朋友介紹食雞煲火鍋，上到大鴻輝18樓，睇到價錢合理吖， 加埋一都唔使二百蚊，食足兩個半鐘 👍入去試試先😉先來個雞煲，一上枱就聞到好香， 醬汁好濃郁， 我叫咗微辣，少少麻，少少辣😍咁先食到真鮮味嘛😉如果太辣。。。根本都食唔出什麼味道啦😛每一吋嘅雞肉都醮滿濃郁嘅醬汁， 雞肉仲好嫩滑添😋加啲上湯就可以打邊爐啦 😍烚下烚下， 真係幾爽㗎🤩之後就可以叫自己鍾意食嘅料喇，任叫任食，食到飽😅牛肉肥瘦相間，有牛味😋海蝦size好夠份量，新鮮有膏，食左幾個rounds 😅白鱔片，花膠都有，返本必食🤩蔬菜一碗一碗放喺雪櫃，保持新鮮，又衛生👍林林總總，真係超多嘢啱食，食完先減，為食，冇計😛飲品都吾少，有我最喜歡嘅Jolly Sandy😍食飽飽仲有雪糕DIY，Sweet ending 😍食足兩個半鐘，我個人覺得真係好抵囉～值得推介俾大家😉

荃灣有好多好出名嘅餐廳，其中一間就係出名食雞煲，餐廳附近有好多車位，揸車嘅朋友唔怕冇得泊車，泊好車之後就可以入去食飯。餐廳都算好大，座位有好多，而且位處十八樓荃灣景色盡入眼簾，亦都有好多客人。一定要點雞煲，雞煲有好多不同辣度雞煲，我就點左一個少辣雞煲試吓，味道一樣咁好食。雞煲有好多唔同配料，芫荽、洋蔥、八角、花椒等等，香氣撲鼻，而且隻雞好滑，而且又有好多肉，味道一流。食完雞煲就轉打邊爐，我哋揀咗豬骨濃湯做湯底，豬骨濃湯好足料，個湯好鮮甜，推介呢個湯底。肥牛打邊爐又點會少得肥牛，係必食火鍋配料之一，肥牛色澤好新鮮，脂肪比例均勻，放落湯底幾十秒就得，入口好滑，必點之選炸魚皮先就咁食一件先，好脆好香，本身已經有少少味道，就咁食都好好食，浸一浸湯底又有另一番風味仲有好多好多其他火鍋配料，全部都好高質素，而且飲品任飲，真係非常抵食！估唔到入到荃灣都有一間好好食既雞煲火鍋店，今次俾我遇到，下次一定再黎！好值得遊車河之後黎食！

這家十八樓雞煲在荃灣甚具名氣，皆因出名平靚正， 而且雞煲質素相當高，價錢亦相當超值，$178 就可以食足兩個鐘， 配料質素一點也不馬虎， 絕對係物超所值。先介紹一下餐廳的環境， 餐廳位於大鴻輝中心18樓， 窗邊的座位可以居高臨下， 景觀開揚 。設有卡位坐， 座位寬敞舒適。 除了用點菜紙點菜之外，中心的位置更設有食物雪櫃、醬料區以及雪糕機。 飲品方面選擇亦不少， 有韓國飲料、無糖茶、涼茶、汽水等等。雞煲上台的時候大約七成熟， 大火煮多幾分鐘將香料的香氣迫出來。 雞煲的質素可謂相當高， 我們選擇了中辣， 食落夠麻夠香， 醬汁亦夠濃郁， 非常之惹味。 雞件分量相當多， 仲有我最鍾意的紫洋蔥以及芫茜。雞肉嫩滑， 絕對令人食過返尋味。丸類方面， 我比較欣賞芝士豆腐丸， 以及龍蝦沙拉丸。 芝士豆腐丸夠軟熟， 龍蝦沙拉丸裏面醬爆， 吃起來要小心燙嘴。韭菜餃， 同粟米餃餡料豐富，餃子皮唔算太厚， 韭菜餃香味濃郁， 粟米餃比較香甜， 兩者皆不錯。炸響鈴夠香脆， 而且不會一夾就散， 用來打邊爐可以吸收湯汁， 絕對不能錯過。雪花肥牛和特級肥牛兩者同樣是任點項目， 雖然是任點， 但質素卻沒有令人失望。 特級肥

好鍾意黎荃灣大鴻輝食野，多選擇！今晚老公book左來大鴻輝18樓雞煲火鍋專門店食晚餐！哩度環境大，座位闊落，可以坐得舒舒服服食雞煲+打邊爐，一次過滿足我地兩種食慾！🙈雞煲有五種味道：不辣、微辣、小辣、中辣、大辣。我地揀左小辣，味道剛剛好，不太辣，雞好多肉，滑滑又嫩口，醬汁炆住d雞好入味。兩個人來講，雞煲好足料！食到甘上下，侍應拎定個湯底俾我地，預備陣間打邊爐用！我地點既食物亦好快手上臺，服務好好！打邊爐一定要點哩度雪花肥牛及特級肥牛，又薄又瘦😋😋海蝦同蝦滑係老公必點之選，因為海蝦夠大隻及蝦滑鮮味彈牙！餃子也十分好味❤️韮菜餃同栗米豬肉餃，皮薄料多。飲品方面都好多選擇，有韓式飲料、亦都有我最愛蜂蜜雪梨茶😍😍一口氣至少飲左兩罐🙈🙈打完邊爐想下火，可以飲咸甘桔！食完飲完仲有乳酪雪糕食😁岩晒小朋友及女士們，飯後甜品❤️

爸爸最愛火鍋, 是那種不管春夏秋冬都要食火鍋的人。今次難得他願意離開家遠一點, 陪我們到荃灣晚餐, 為了他開心, 就陪他食火鍋啦!我想很多人都知, 荃灣火鍋店的集中地都是在大鴻輝中心, 所以我們帶他到大鴻輝自己選食哪一間!最後看了多張單張後, 他選了18樓雞煲火鍋!任飲任食雞煲火鍋《$178+10%/人》花雕藥膳湯※ 推薦指數: 4/5親愛的父親大人來到這裡後大反傳統, 他說想試花雕藥膳湯底, 所以我們最後來18樓雞煲卻食不到雞煲其實原本都沒太大期望, 始終不是主打, 但原來我錯了~ 花雕藥膳湯的藥膳味異常地濃呢~我們都不弱, 第一會合已點了大量配菜, 每款都好像很新鮮呢!特級肥牛※ 推薦指數: 4/5脂肪分佈得不錯, 不怕一半脂肪一半肉, 而且牛肉嫩滑而且夠薄, 不怕會韌!海中蝦 ※ 推薦指數: 5/5雖然已經死了, 但都食到其新鮮! 蝦肉還是非常飽滿而且爽滑彈牙~生菜 ※ 推薦指數: 4/5要自取的! 不會有爛或黃~ 生菜真的是火鍋必食之一~自家制粟米餃 ※ 推薦指數: 5/5這個很不錯, 比韭菜餃還好! 內餡不鬆散而且飽滿, 加上香甜的栗米粒, 必點!鮮甜鯇骨腩 ※ 推薦指數:

雖然成日都有人話: 用任食既價錢散叫, 又可以食到高質D既野, 又夠飽~但任食既好處, 就係唔洗計住計住, 想食咩就食咩, 唔洗怕"食貴左"丫嗎!所以一大班朋友個時最好就係任食邊爐同埋放題啦~今次就約埋去荃灣大鴻輝18樓既18樓雞煲! 我未食過, 但有人話唔差, 咁就試下!先點個湯底/雞煲, 再叫餸! 咁叫得18樓雞煲, 當然要試下佢既雞煲啦~雞煲有足夠既香料, 所以個味都唔錯, 好處係可以任加雞, 壞處係雞有DD老!(最後先發現冇!影!相!)而我最欣賞依間既配料, 選擇多, 質素亦異常地好! 以下係大家必點:1. 是日海鮮 - 蟶子BB: 依個真係好睇大家彩數~ 咁岩當日既是日海鮮就係蟶子! D蟶子真係好新鮮~ 雖然大約10隻入面有1隻會有D沙, 但情況唔算嚴重, 最緊要係夠嫩夠鮮甜!2. 花膠BB: 花膠雖然唔係大大片, 但有一定既厚度, 所以唔會淥完就消失得無影無蹤~ 花膠有彈性, 點少少鼓油一齊食已好好味~ (仲可以補充骨膠原, 令皮膚好D tim~ 一邊打邊爐, 一邊美顏, 何樂而不為?)3. 肉類 - 牛+豬+羊: 幾款都要試!!! 佢地既肉睇相都知有幾靚! 肉質都係呈鮮紅

今日尼到大鴻輝食雞煲估唔到閒日尼到都幾full本身都唔係太食到辣，就叫左個微辣嘅雞煲，等左五分鐘就上喇，一上就已經食得架喇，首先個汁好香，有啲麻辣感覺然後啲雞份量都唔少，同埋好滑，食落去一啲都唔會好實咁嘅感覺，以雞煲尼講真係算高質呀！同埋要讚呢啲staff都係反應好快，亦都好快送野尼，同埋飲品雪櫃雖然飲品種類唔算好多，但係都有幾個，好方便食完雞煲就梗係打邊爐喇，可以揀嘅野都唔少特別鍾意佢細細份咁上，有時好驚得兩個人食，寫1都會俾幾粒丸你，真係會食唔哂，而家咁樣就岩岩好喇！特別推介1）海蝦！好新鮮，而且唔係好幼好細個啲，真係好厚身！2）墨魚滑，都係好鮮味，個人推薦試下墨魚滑多過食墨魚丸呀同場加映frozen yoghurt!雪糕任食，有乳酪、咖啡、士多啤梨同埋vanilla 最尾梗係要食多杯先夠盡興！

唔怕你食最怕你食唔曬18樓雞煲一直都有朋友介紹我去食18樓雞煲，但我一直都沒有時間去食，今日終於有機會和兩個朋友一起去食，一去到就見到好多人，超旺場！！！兩個小時的任食開始了😏他們是按照你的人數而去分配適當的份量而給予食家。一開始當然是食他們的主打麻辣雞煲，因為第一次食所以唔知辣的程度，所以我們就叫了一個少辣，先試一試先。雞煲的味道比重味，味道十足，麻辣的味道濃厚，分量也是恰到好處。食完美味雞煲就開始點其他食品，菜單包羅萬有，多不勝數。我在這裏就簡單介紹一兩個啦肥牛他們有兩個款式選擇，一個是雪花肥牛另一個是特級肥牛。雪花肥牛我依稀記得是比較肥的而特級肥牛就比雪花肥牛瘦，但兩款都好食。另外他們還有自製餃子，而這個也有兩款，第一款粟米餃，第二款韮菜餃，韮菜餃味道濃郁令人食慾大增，粟米餃味道比較淡但也有可口之處。今日真是不枉此行，肚子10分滿足！！！

18樓雞煲真係試咗就次次都去呢間食雞煲啦。首先我覺嗰得佢嘅辣度好準，叫小辣佢係真係有一種好惹味既辣，完全可以為個雞煲畫龍點睛。啲雞亦都好吸味，啱晒鍾意重口味嘅人。佢仲可以喺食完雞之後，用雞煲嘅湯底打邊爐，真係好味又好抵食！！！