龍城冰室

营业中

休息中

開左咁多個月, 依然日日大把長龍幾多人等。本身諗住開左一個月到就會少人, 到時先食。點知.....完全冇少過人囉。終於頂唔順要去試一試, 睇一睇先得。睇完餐牌好似樣樣野都好好味咁, 心大心細就揀左個餐。果然冇令我失望。有脆卜卜既豬仔包, 亦有滑得黎仲好有蛋味既少滑蛋, 唔似外面為左滑就落好多奶去整淡晒個蛋。特別正既係瑞士汁雞翼撈公仔麵!!!!!!雞翼入味得黎又唔老, 仲要有埋個雞翼尖。個撈公仔麵真係岩岩整起, 唔會係乾左定晒型既!!再夾埋杯華田, 唔會淨係得個色, 唔錯唔錯!!人山人海果然係有原因既。

見有D肚餓，門口排滿了人，望落幾抵食，亦有特飲。口乾的我們就走入去試試看！！ 餐湯點了紅湯（羅宋湯），湯內有大量蔬菜，好足料同埋健康。味道超好，蕃茄味香濃，味道酸酸甜甜咁，十分開胃呀。而白湯味道ＯＫ，口感很奶滑，不過還是喜歡羅宋湯多一點點！入正題主菜啦，點了是日晚餐麥美倫煙肉雞扒＄52。雞扒有手掌咁大呀，很大塊，煎得剛剛好，唔會煎到太乾。個汁味道調調得好，好惹味，雞肉滑，味道都唔錯！而雞肉亦醃得好入味，燒汁同煙肉雞扒既配搭一流!，好食!啲飯就微乾，但最緊要一定食得飽，好抵食。招牌蒜蓉美國西冷牛扒＄75 ＋（飯），黎到個感覺好似都好唔錯。外面燒得香口，還帶點炭燒味道！！牛香味也是不錯，但不算很濃。邊位略帶點脂肪，喜歡嘴嚼時溢出油脂的感覺，肉質算是軟和韌的中間，中層亦保持到肉汁，沾一點右邊醬汁更好吃。熱士多啤梨鮮奶＄18，不是新鮮的士多啤梨，味道有點甜，飲落有少少＂杰＂的感覺，還可以。朋友的是焦糖咖啡＄22 （凍），朋友說不過甜亦不太苦，味道剛剛好，還充滿着濃濃焦糖味！！很喜歡這裡的食物，而且很便宜。服務好好，安排座位方面值得一讚。

星期六行開觀塘海濱長廊，夜晚就在附近搵食。見到一間好多人幫襯既茶記，就去試下。茶記正在觀塘熟食市場對面，門面光猛易認。餐廳座位不會太密，大部份都是卡位，而且樓底高，感覺舒適。我和男友眼闊肚窄，乜都想食，所以叫咗兩個小食、兩個主菜。1）椒鹽鮮魷魚 （$38）因為怕肥，炸物一定要男友在場先敢食。魷魚新鮮爽彈，炸皮不會過厚。不過椒鹽味可以再重一點。2）瑞士雞翼（$27）見到餐廳好多客人都點了這個小食，我倆都叫來試試。瑞士汁微甜香濃，不會過鹹。雞翼不算大隻，但非常嫩滑。3）招牌蒜蓉美國西冷牛扒（$75）西冷牛扒份量頗足，點了5成熟，果然做到👍🏻👍🏻牛扒肉汁不算多，但牛肉味濃。男友大讚蒜蓉汁出色，味道惹味。 薯菜是焗薯，質感綿滑，取代了薯條，感覺更健康。4）韓式醬燒牛柳意粉（$68）明明已經點了一份牛肉，但我還是想要再吃牛肉。😳牛柳非常嫩滑，醬汁甜鹹適中。意粉較平日的幼身，配上蕃茄蓉，更加開胃。配菜是白蘿蔔，可以吃到淡淡的八角與花椒香味，很有驚喜。餐飲點了熱檸水，消消滯，減低罪惡感。終結覺得餐廳水準甚高，多支持小店，光顧不同的茶記，也很不錯呢。PS：餐廳有Wi-Fi，很方便附近的上班一族呢！

在觀塘睇完早場後，就打算來個早午餐(BRUNCH)一次過K.O肚內的空虛感正好路過之際見到TVB、電台DJ的BOB起呢間龍城冰室外拍緊飲食節目圍觀一陣後才發現這裡有間不錯的冰室加上室外人又多，絕對唔會伏啦呢個冰室完全係進化版，打破左冰室的傳統裝潢，靠近西餐廳風格對於食客而言，真係坐得舒適，環境又大又寬敞聖誕節的裝飾還未除去，帶有佳節的喜悅感充滿著節日的氣氛地方超大，約埋三五知己就最好價錢又不貴，又可以慢慢吹水餐牌如下：冰室的種類向來多，不論上至早餐，下至甜品、飲品，這裡都並不例外先來杯紅豆冰、凍檸茶解下渴紅豆份量多又甜，並非落左甜水那種，係本身紅豆的清甜檸茶有茶香又不苦澀，有數片檸檬吉下，慢慢出味冰都落得多，幾解熱下，心裡概嘆真慘，香港無冬天了!!!韓式醬燒牛柳飯 $68出街在外吃到的菜並不多，【龍城冰室】就正好考慮這點，所以將呢個餐分成3大部分由左至右：沙律菜、牛柳、飯.......覺得食飯會太飽就可以揀菜食用韓式醬燒的牛柳，醬汁甜甜辣辣的，非常開胃，又易送飯一齊食沾滿醬汁的牛柳真的JUICY到不得了，肉汁亦在尾隨而來蒜香骨 $39濃烈的蒜香味撲鼻而來，肉質紮實厚肉，烤得香脆又不帶油

上月和同事敘舊，選了來觀塘商廈中海日升中心嘅一間冰室，吃了頓價格相宜、水準不俗的茶記晚餐，由於食物味道唔錯，所以趁這天 Happy Friday，就決定食過番尋味，一於拉埋老公專程到訪，不過今次嘅目標就改為路口另一家本土嘢《龍城冰室》。踏進店，即見餐廳地方不大，而且座位排得有點密麻，不過環境唔錯，佈置幾有特色，而且坐下後，亦完全不覺迫狹。細看四周，其中一幅牆身用上紅磚砌成，配以天花的幾何圖形鎢絲燈、鐵架上的小擺設和一列懷舊黑色窗框，裝潢帶古典風。入座後先打開菜譜細閱，款式選擇豐富，除了有茶記必備的炒粉麵、西式燴飯等之外，還有招牌秘製馬來咖喱、皇牌鐵板套餐、意粉、小食、炒田園時菜、沙律、精選小菜、常餐、是日晚餐、飲品、啤酒及 Café 推介。老公想吃中式小菜，而我就偏好西式小食，一於各自揀自己嘅心頭好，再加碟蒜蓉炒時菜，以增加纖維的攝取量。先來兩款小食，分別是法式香脆蒜蓉包 ($18) 和瑞士雞翼。豬仔包烘得非常香脆，上面塗滿牛油，入口帶濃郁的蒜香，雖然沒用上香草作點綴，但已經好食到停唔到口。接著上桌的瑞士雞翼 ($27)，一客只有三隻，分量不多，但每隻 Size 都非常巨大，外形極之飽

Today afternoon, I go to pick up my Girl Friend Jessica, she get day off and want to have dinner with her.  今天空姐女友放大假，我們去APM看電影後，去龍城冰室吃晚飯!我們叫了一個鐵板雜扒餐，當然有包中西湯選，我要了雜菜湯，很濃而且很入味，蕃笳和牛肉酸酸甜甜很開胃!鐵扒雜扒份量很足，加上洋葱汁真的熱辣辣，有嫩滑無比的雞扒，豬扒厚切份量，口感十足，另外牛扒醃得得入味，另外配上爽口彈牙的意粉，這個70元的價錢很化算!我們加了十元，要了龍鳳檸樂，超解喝無比!女友無菜不歡，我們叫了一個蒜蓉芥蘭，炒得很有獲氣，菜也很爽口!最後來了一個紅荳西多士，紅荳甜甜的和西多士真的很夾，想不到龍城冰室水準也蠻不錯!  Finally, my Girl Jessica super love this Dessert, she will recommend this Red Bean Toast to her Gfs too.

觀塘位於駿業街的小店龍城冰室，於星期五晚上去到的時候已經坐着很多的客人。不難怪，因為周邊也有很多的工業大廈，在下班的時候大家都匆匆來到醫肚。星期五周圍的餐廳也很難預約，所以和男朋友來到這兒希望能吃餐好！冰室的食物應有盡有，西餐到中餐，鐵板到意粉，還有小菜，有選擇困難症的我在這個時候花了很多時間才決定到吃什麼。我選了咖喱吉列豬扒飯，咖喱是馬來西亞風味，滿有椰子香，咖喱汁很香濃。而主角的吉列豬扒很大件，啖啖肉。吃得出豬扒外皮1十分香脆，新鮮熱辣，看得出廚師下了一番功夫。男朋友則選了黑椒牛仔骨小菜套餐。上碟後，香氣撲鼻。加上很多佐料，很有獲氣。估不到小冰室能做出如此夠獲氣的小菜！一頓健康的晚餐怎能沒有蔬菜呢？於是我們就點了一碟蒜蓉清炒西蘭花，炒得十分香口！男朋友吃得不夠喉，得意點了一碟椒鹽鮮魷。新鮮炸起，好吃得令人感動。小店也有提供啤酒，讓人可以一邊喝酒一邊吃着小食談天。最後以這杯雜果冰作結，確實有點失色因為過甜了。一路吃着，身邊的客人也不停進出，小店的確受歡迎。

​ 喺附近食啲嘢，見到新開左一間冰室係出面， 其實裏面都有間冰室但係見到依間係新開就當然要去，反正價錢亦唔貴。 內同外嘅裝修到好似以前嘅冰室設計， 不過裏邊嘅餐牌就混合左茶餐廳同埋舊式冰室飲品。 瑞士雞翼三隻＄27 講明係瑞士雞翼，當然唔會比雞鎚你啦，真係想創你個心！XD 不過其實＄27有三隻雞翼連埋雞翼尖又真係幾抵食， 瑞士汁整到超入味，雞翼又夠晒肥美冇揸流攤， 堅係啖啖肉，仲好滑嫩添^_^ 日式鰻魚炒飯＄48 價錢又唔貴，夠晒日式style，每一粒飯都沾滿左汁， 味道甜甜地好開胃。另外啲鰻魚好彩冇乜骨， 食落好安全同埋d汁好香！ 北海道3.6牛乳+$10 啲牛奶應該係一盒盒嘅，好彩唔係沖奶粉， 價錢都幾合理，始終都唔放得好耐。 飲落去甜甜地，味道香濃值得加錢飲。 榛子咖啡$22 散叫的飲品同樣有質素， 咖啡味香但是不會太苦澀，榛子甜味適中。 龍城冰室 觀塘駿業街56號中海日升中心地下A號舖

一個人在觀塘，一時三刻沒頭緒該往哪兒用膳。正在苦惱之際，突然想起之前路過>>>龍城冰室<<<，裝修甚是光猛新穎，也就一試。 當晚乃公眾假期，全場爆滿，一人用膳就要搭檯。人頭湧湧，沒有拍下內裡風貌，但裝潢帶點潮味，是新派型格茶餐廳。同檯男士當刻正享用晚市套餐，但不太吸引冰的胃口，於是在餐牌中尋覓心頭好。再三思量，最終在皇牌鐵板套餐之中揀了一客北海道帆立貝豬扒(HKD70)。 等了一會，熱飲先上，再來主食。茶餐廳風格還是自助為主：餐具自行從餐檯抽屜提取，鐵板餐醬汁也自便，締造一手提著紙巾一手倒汁的趣怪畫面。鐵板並不太熱，無需擔心很多醬汁會被濺起。 豬扒薄身，容易切開，煎得略為香脆，只是味道偏咸。帆立貝共有兩隻，好事成雙。醬汁不過不失，用來為薯菜調味還算不錯。菜的份量稍為單薄，惟有以薯仔搭夠。蒸薯仔大大個──最初期望炸薯條，這也很好，既不熱氣，而且一定飽肚。 是餐勝在不需加一。侍應還真客氣，即使冰吃得很慢，也沒催促交檯。

除夕之夜倒數之前一定要食啲嘢，如果唔係都冇氣力同人哋迫！放完工係觀塘附近見到一間新開左嘅冰室，感覺不錯，因為餐牌都非常抵食，特別我哋做勞動工作嘅人，如果食一個幾百蚊嘅餐真係負擔唔起，有時都係朋友請食先去，依家少少哋就無所謂。黑松露野菌意粉＄58好少係咖啡店食到呢個價錢嘅黑松露意粉，想不到黑松露香味居然如此突出，而且意粉亦充滿彈性，不會太稔或者太乾，野菌的數量也很多，價錢已值回票價。瑞士雞翼三隻＄27燒雞翼，我自細鍾意食，不過瑞士雞翼同樣是媽媽的拿手好菜，現在媽媽已經很少煮心機菜，所以唯有外出吃，價錢也合理，雞翼肥腯腯大大隻，入味之餘不會太鹹，真的有點似媽媽的味道！蒜香骨＄38這是媽媽點的餸，我也不太會欣賞，始終我不喜歡吃乾硬的食品，不過這個豬肉骨蒜蓉味香，而且肉質亦尚算鮮味。菠蘿冰   紅豆冰冰室必有的冰正價也只是＄18 ,如果點了套餐食品就可以加＄10飲用！就算來單點一個紅豆冰飲都好抵！！已經好耐冇見過咁便宜的東西所以都有點瘋狂...菠蘿冰似雜果賓治，味道是七喜那種，底部有好多大大粒菠蘿，貌似新鮮菠蘿。口味非常豐富！媽媽是紅豆冰專家，她點的的紅豆冰軟硬適中，而且甜味亦剛剛好，不太甜。

行過時已經俾佢既裝修吸入左所以就去睇下究竟係食咩餐廳座位好多，裝修好靚，坐得舒服叫左個避風塘豆腐食外層炸得超香脆，一咬落去就有外脆內滑既口感！避風塘既辣味加上豆腐既香甜！好正！最特別係個豆腐超有驚喜！因為佢既豆香特別濃！唔會俾辣味搶哂！餐湯都好好飲，係比較杰身，味道濃郁，入面仲有唔少配料西冷牛扒份量十足！一上台時熱辣辣香噴噴！牛扒煎得剛剛好！肉質唔錯，唔會un味道亦好好！$78有咁既質素真係好抵！配薯係焗薯仔薯仔焗到完熟！配上芝麻醬好特別，而且又好夾！

(iOS上載照片就彈app， 電腦上傳又不知為何反轉再反轉，預覽時照片位置更是大兜亂，不過不貼照片實在單調，唯有照貼，望各位見諒，同時請openrice盡力改善服務，因為一向不論電話/電郵都從未有人回覆解答任何問題）最近都晚了下班，多了在觀塘晚飯的機會，今天走到駿業街球場對面，看到茶餐廳的門面如此花俏，便入去一試它龍與鳳。餐牌有應有盡有，特別一提下午茶和小菜也頗為吸引。今晚叫了兩個小菜，送白飯例湯，另加小食和青菜，兩人食量不大的話其實不點小食都夠食。先來例湯，青紅蘿蔔陳皮煲豬骨，是不錯的中湯，味道夠，蘿蔔鮮甜，加塊陳皮香氣醒神消膩，每碗都足料，不至遇到有湯無料的失落感。至於西湯是忌廉湯，內有超多火腿和紅蘿蔔餡，茶記例湯如此足料實屬少見。避風塘茄子 $18價錢又相宜，「避風塘」光是聽到名字就已經想像到味道，香口微辣，份量滿分。XO醬蝦乾炒粉絲 $58粉絲以煲仔上檯鑊氣十足，同時炒得夠乾身入味，加了銀芽韮黃混入爽脆口感和蔬菜鮮甜，倍添滋味。大澳蝦醬骨 $68初初以為是類似蒸排骨那種，原來是天大的誤會。大澳蝦醬骨是酥炸排骨，以蝦醬入味。這道蝦醬骨炸得乾身，勝在油膩感輕而且蝦醬味濃，鹹鹹香香適

終於嚟到2016年最後一日，今晚Mr.J話會帶我去觀塘海濱倒數，所以晚餐就喺附近解決。行過見龍城幾多人食，就決定喺度食喇。今晚食咗1)西冷鐵板配薯菜(2)麥美倫露筍雞扒配意粉(是日晚餐)(3)啫啫雞煲(4)椒鹽鮮魷鐵板餐同是日晚餐都有例湯，我要中湯(蕃茄薯仔豬骨湯），Mr.J要白湯。我個中湯好有媽媽嘅味道，好好飲，裡面嘅紅蘿蔔索哂湯汁，好淋好好食;而Mr.J嘅白湯都唔錯，唔似普通茶餐廳嘅粉開白湯，有椰菜絲同煙肉絲，仲有塊香葉𠻹，唔太濃稠。我好喜歡食雞扒㗎，所以叫咗麥美倫露筍雞扒配意粉(雖然唔知麥美倫係咩)。擺盤不錯，意粉量適中。塊雞扒好大塊唔太肥，有好多肉汁，幾滿意。雖然露筍得兩條，但都幾鮮嫩。Mr.J對鐵板西冷情有獨鍾，今晚要咗5成熟。依度嘅薯菜唔係薯條，係焗薯，焗得啱啱好，用焗薯有個好處，就係唔會俾鐵板餐嘅汁整到淋哂。西冷牛扒不錯，啱啱好無過熟，肉質ok不太老或靭。啫啫雞煲係晚市食夠80蚊，加18蚊就有。以18蚊嚟講，ok啦，無咩要求。椒鹽鮮魷送到嚟嘅時候熱辣辣，要放涼一陣先食到。包住鮮魷嘅粉漿只係薄薄嘅一層，唔錯，不過略為少咗啲椒鹽味。大致上ok。

來到一年既尾聲，New Year Eve，12月31日，一般公司也可以容許員工早一點收工，讓大家可以早一點休息，遺憾地，今年的12月31日竟然是星期六！對於五天工作的人來說，可說是晴天霹靂！幸運地，我公司體恤員工，容許同事在「完成工作」後，可以提早收爐，所以做就我可以不到2點就拿袋走人啦。多了半天的假期，朋友又未放工，決定一枝公去食個茶餐慶祝一下！記得之前有經過呢間龍城冰室，感覺裝潢不錯，決定過來試一試。雖然來到餐廳時已經2:30，但仍然有人龍，想不到呢！可能是地區性問題吧，觀塘區的，也可以提早收爐？餐廳內部裝潢不錯，有派對氣氛，歡愉感覺。餐巾也印有餐廳的名字。由於今日一心要食茶餐，所以完全沒有理會午餐那些飯/ 意粉的選擇，直接從餐牌跑到茶/ 常餐的類別。常餐有3 個選擇，價錢大約$40-$42，合理。瑞士雞翼撈公仔麵 ($42)公仔麵麵質不錯，是出前一丁的口感，但略嫌麵煮得有點硬，多泡半分鐘到1分鐘會更好。瑞士汁雞翼有2隻，中翼連雞翼尖，瑞士汁醃得夠入味，雞肉嫩滑，不錯。3.6 牛乳炒蛋 配 址牛油豬仔包豬仔包是凍的，如果可以烘熱，令牛油微溶會更好。炒蛋用了3.6牛乳，食落香滑有蛋味

I have been observing several times that this resturant got a crowd waiting outside whenever I passed by. Today, I was dining by myself and it was a good chance to get in quick. As expected, I got in within 5 minutes. The baked ox tongue rice was delicious and there were 4 slices of tongues which made me feel full. Milk tea was fine and up to standard. I looked around and saw some eating stir fried noodles which seemed to be delicious too. Please do not expect to chitchat in relax with you