龍城冰室

营业中

休息中

得知觀塘龍城冰室常常要排長龍，尤其是午飯時間，得知這裏的鐵板餐太有名了，所以趁今天放假，下午茶2点時間來吃一個港式鐵扒牛扒餐!很開心下午時段竟然有位，於是我叫了一份鐵扒黑椒牛柳餐，我要了一個羅宋湯和加了五元要了一杯特飲綜合果茶!  羅宋湯酸酸甜甜，胃口大開!鐵扒黑椒牛柳很大份，今次的牛柳很厚而我叫了七成熟，不太生也不太熟，鐵板很滚，熱辣辣的捧上，黑椒牛柳很有肉汁的香濃，而且份量十足，而且肉很有口勁，加上黑椒汁的調味，真的有九十分，我不用再加調味料，己經夠晒滿足!特飲綜合果茶凊新解喝，今天下午真的是大大大滿足了!  I really feel so happy can find a good restaurant in Kwun Tong and enjoy the  Steak so much tonight, I need to bring my family to here for next time ! 

晚上的觀塘，經過整日的忙碌，是要靜下來的，想唔到，觀塘的舊城區，經過這十年的重建，改頭換面的格局，已不是只重工廠區，而是一個商業區了，不但引入了不少的餐廳在商業大廈內，連舊式的工廠大廈更改做了做餐廳或食肆，迎合大眾的需要。在新式的商業大厦內，大部分都是設有餐廳，甚至在餐廳外，擺放了數張小檯，方便客人在外抽煙。因重建，而帶旺了觀塘，晚上，人流都不少呢！餐廳裝潢都幾有格調，餐桌擺放整齊。中西美味都集齊，連西多士、豬仔飽，晚餐都有得食。我至愛的豬仔飽，流心西多士，脆卜卜的豬仔飽，搽上牛油煉奶，好香甜。西多士，炸得金黃香軟，飽內有一件芝士，溶化在麵包裏，食一口，已被吸引著了，太牛吧！茄子斑腩煲套餐，一碗大飯，一人份量而計，真是食唔晒，斑腩魚肉大件，啖啖肉，粉底夠薄，唔會是粉皮，茄子軟硬適中，好入味，是佐飯的好配搭。

夜晚收工 同朋友嚟咗附近嘅龍城冰室食晚飯 因為大家今晚家中的無飯開其實經過這間冰室好多次 每次見晚餐時間都不少人，心想食物味道都應該有水準。而且餐廳外面還貼有食超過80元可以加18元要一個雞煲的海報做招來，又真的幾抵喎，所以今次我們也點了雞煲。食物上枱點了黑松露蝦仁炒蛋、牛仔骨、雞煲 雞煲比我預期之中細好多 但如果兩個人食，份量又真係啱啱好啖啖雞肉，微暖不太熱，微辣辣度可以，算不錯，送飯一流牛仔骨非常大件而且有好多塊，味道可以黑松露蝦仁炒蛋 賣相不怎麼樣，但蛋炒得好滑，有好多蝦仁， 好爽口。黑松露比較側埋一邊，但都唔擋不住它的香氣。 最後還點了帶子炒西蘭花有點油，但夠鑊氣味道調得剛好，不會淡微咸食物味道果然不錯，有家常便飯的感覺但又帶點老舊大排檔氣氛。

今日同朋友係觀塘行下街，係apm 落左電梯，見到有間餐廳好多人等位，好奇之下就望望餐牌，睇落好似正常茶餐廳咁，價錢又係正常，見咁多人等，就姑且試一試。「吾湯吾水」因為我同朋友加埋叫左兩個套餐，所以佢會送埋個湯，我地就叫左白湯。本身以為係普通忌廉湯，但原來佢入面加左啲素翅，多左小小嚼頭，呢個配搭我都係第一次食，幾有創意。「五光十色」西冷扒好大件，又夠厚，冇鬆肉粉味，呢個值得一讚。因為驚食鐵板會太滯，所以叫左薯菜，薯仔唔係普通既公式化薯角係焗薯！係新鮮薯仔個頂切左個十字，中間係芝麻醬加埋沙律醬既味，同個薯仔幾夾。建議先食左個薯仔，再食扒，因為個薯仔汁好開胃，之後再食扒都唔會覺得油膩。「點頭哈腰」蝦仁炒蛋就食得多，松露蝦仁炒蛋就真係第一次食。黑松露個味唔係好濃，淡淡地，本身以為同蝦唔係幾夾，但食落原來都幾特別。炒蛋好滑，唔係某啲酒樓炒到熟哂果款，一啖飯，一啖蛋，真係快樂賽神仙。

接女朋友放工，就在公司附近晚飯吧，不想她太夜食。之前有經過過這家龍城冰室，感覺裝修不錯，今次想坐得舒適點就進去了。是日晚餐相當吸引，$52 有湯有飲品。本來也想點這個，後來發現其他主菜都不錯。鐵板套餐也不貴，一樣有湯有飲品。就來個鐵板餐鋸扒吧！通常餐湯都是罐頭湯之流，最近看過名廚 Gordon Ramsay 更揚言外出絕不點是日餐湯，哈哈。但這個白湯意外地好好飲，有很香的松露味道，比西餐廳更優。鐵板餐選了西冷牛扒，都幾大塊。肉的質素好好，肉汁豐富。鐵板夠熱，淋些蒜蓉汁「渣渣」聲，很夠過癮。女朋友胃納小，我們配了薯菜。薯仔甜得很，焗得好香，好好吃。小菜亦送白飯，所以點小菜就像套餐。魷魚頗新鮮，口感彈牙。香口食物是女朋友的至愛，味道惹味好吃。她對今餐很滿意，我也想不到這裏食物種類多又抵食。

觀塘有間冰室超正，叫龍城，真係好食過商場食店多多聲，吾洗下下apm搵食。呢間係觀塘駿業街，中海日升中心地下，其實係apm一個出口行多一個街口度就到，去到好多人知道呢間正野，都坐滿晒客人了。我嗌了常餐，瑞士雞翼撈公仔面，配了牛油豬仔包同3.6牛乳炒蛋，個蛋真係炒得好好，好滑，份量又夠，常餐當dinner都好夠飽，撈公仔面有炒氣，好香，好食。另外朋友點了鐵板海鮮炒公仔面，好多海鮮，有青口，尤魚，帶子，蝦等等，加了少少蛋炒，咸度適中，最怕太咸，佢岩岩好，好惹味，公仔面炒得乾身得嚟又有彈牙，好好食丫。嚟多碟西蘭花炒帶子，帶子份量都好多，好滑好軟嘅帶子好食，而且熱辣辣，西蘭花都冇草味，大大碟，抵食，兩人嗌埋特飲，兩人落樓百幾蚊，真係食得好開心，又平又好食，超推介。

觀塘嘅樓上 cafe 食得多今次朋友帶我去呢間靚裝修嘅冰室 ☺️外面有一大片玻璃窗，望入去好有格調咁入到嚟都覺得好靚，大部份都係梳化位有啲四人枱就一邊梳化凳咁拉開枱嘅櫃桶就有齊各式餐具、紙巾啲餐具係印咗餐廳名㗎！會唔會太型格？😂【凍檸茶】左【士多啤梨鮮奶】右杯粉紅色嘅士多啤梨鮮奶當然係我㗎啦 💓呢度除咗裝修新潮，食物同飲品嘅選擇都好多花款味道好好飲！唔係淨係得 gimmick有陣陣嘅士多啤梨味，唔係糖水下次想試吓啲水果茶 😍跟餐特飲加 $5 咋，超值呀【瑞士雞翼（三隻）】瑞士汁滷得好入味，每隻雞翼都好大隻個汁濃得嚟唔過甜，好好食 😋喺呢度都影到我最鍾意嘅呃 like 相 😂【蒜蓉牛油煙肉焗青口（五隻）】材料咁豐富嘅青口都係 $29！雖然呢度裝修好靚，但價錢勁實惠！仲要每隻都係痴殼嘅真青口嚟 👍🏻【西蘭花炒帶子】其實都多帶子，不過喺哂底 😅唔記得整靚啲先影～炒得唔錯，唔會好油整體好滿意，環境比一般茶記靚幾萬倍但價錢都好抵食，唔係靚就 mark up散叫同叫 set dinner 一樣好平服務都幾好，抹枱落 order 都快手

昨天才發現此"新"餐廳，見人山人海，決定一試，擠迫無問題，但衛生就大問題，不抹檯，餐具不潔，再好的食物都會被污染，昨天一看到隔離盛載意粉的白碟碟邊太淺便涼一涼，今天到自己食午餐飯時就真瀨野，一唔小心，啲飯同食物就跌出嚟(唔通係老細嘅策略?)，不如換咗佢啦！其實呢度整體上食物係有水準，亦好明顯係衝住翠華而來，不過以老細嘅定位(靚裝同後生員工)，已經可以走出自己風格(如果老細最終唔係為咗上市)，希望呢間係真有心做好一間A級茶餐廳啦！

返工辛苦，當然要食餐好嘅慰勞自己西蘭花炒帶子~呢碟菜相當之有鑊氣，而且完全能帶出蔬菜嘅甜味用西蘭花既花花索埋底下嘅汁，味道就更加鮮甜，絕對少有既水準帶子都炒得好香，無OVERCOOK，唔會硬身孜然烤雞翼 想過下口癮，就叫多個小食 好香，但太熱，要放一放，攤唞下先食到 調味得相當入味，唔會有部份係無味而且外脆內嫩，又能有些肉汁，唔錯菠菜汁焗海鮮飯菠菜汁比較少見，感覺幾新鮮，而且味道相對真係冇咁重口味，係相對清淡嘅好選擇 而海鮮都比得幾足，魚肉、蜆、青口仲有魷魚 整體焗得啱啱好，唔會過乾，醬汁同飯嘅比例冇出問題脆皮蒜蓉雞扒飯配薯菜呢樣係是日精選蒜蓉雞扒好大塊，而且一啲雪藏味都冇 外面卜卜脆好鬼香，而肉質鬆軟好少食到咁正又咁大嘅主菜而薯菜都比外面嘅特別，因為係原隻薯仔上，係中間界開十字、放上沙律醬 十分滿意同滿足既體驗，平民價格食到咁高既水準

今天第一次去龍城冰室，其實已開了一段時間，但每次經過都人山人海，所以一直未去食過。今日去到還是高朋滿座但只是一個人所以即時有得搭枱唔洗等。叫了午餐：焗咖哩牛肉飯，包白湯、奶茶。合理時間上菜，$45價錢，在觀塘地區地鋪都算平。咖哩味道不錯，牛肉可以接受。奶茶正常。本來是可以再去的餐廳但去到比銭時，收銀態度惡劣，非常難頂。事原收銀女仕第一次講幾錢時比較細聲而現場非常嘈吵，所以示意聽不到。收銀女仕即時面黑及兇惡地告知45元。雖然平但不代表要態度惡劣。請這樣員工，倒米多！都算失望。

今早要嚟官塘做嘢，晨早緊係要揾嘢食，填飽個肚先去做事，曾經聽聞呢間茶餐廳唔錯，特地行去揾佢，離遠就見到，到咗門口發覺環境好ok, 官塘區好少茶餐廳咁舒適，坐低睇餐牌，點咗雪菜米粉，平時食其他茶餐廳總覺得淡瞄瞄，呢間有驚喜，雪菜肉絲味濃配米粉適合，只是有點辣，3.6牛乳炒蛋算可以，唯獨豬仔包牛油偏少，而且不够脆，不過要讚奶茶香而滑，還有散叫的蛋牛治，份量認真足，整體都唔錯，見到午餐都好多選擇，價銭又抵，下次一定要試！

難得今日可以去公司樓下食個早餐，咁叫左個早餐想帶走，咁我就等啦，okay 後面個d都拎走哂，得我未得，你話我有煎蛋反所以一要等耐d。其實我等都無問題。但問題係有個熟客堂食。 晏我十分鐘到，同我order 一樣既野，佢到哂，都食完啦大佬。咁我問d姐姐，人地晏過我一樣野都食完啦。跟住d姐姐唔理我，話無呀人地個煎蛋唔一樣，煎蛋可以如何不一樣呀。真係醒早留留一肚氣。以前覺得呢間野都平平okay 啦。而家真係唔會再去。

今日行街經過觀塘, 路經一間茶餐廳, 外表都唔錯, 再睇埋menu, 價錢都唔算貴咁就入去食啦! 餐廳裏面裝修都幾靚, 絕對好過翠華!見時間都差不多五點, 就食個晚飯啦叫咗個xo醬西蘭花炒鮮魷, 另外再叫個蒜香菠菜大蝦炒意粉, 另外再叫一杯冰柚桔茶先嚟一杯嘢飲, 飲落去有柚子味道, 再加啲柑桔, 非常滋潤喉等一陣xo醬西蘭花炒鮮魷就到,賣相色彩繽紛, 熱氣不斷上升, 非常夠鑊氣 ,野食非常之夠熱, 西蘭花鮮魷炒得非常香, 再加埋xo醬, 味道不錯另外蒜香菠菜大蝦炒意粉, 大蝦煎得金黃色, 肉質結實, 意分嘅粗幼度同一般茶餐廳不同, 呢個係真係真正西餐嘅意粉, 特別好食!

那，觀塘工業區放假首選，大部份食肆收工，呢間龍城真勤力低讚，就試個迷你下午茶餐，真係迷你架，如果你哋肚餓就叫多件西多喇，食品質素味道係唔錯既 ，所以客似雲來，都多人排隊架，順帶一提d服務就真係算把啦

啱啱去完朋友公司，落樓下去食晚餐，見到呢間餐廳門口排滿人龍，就知道好嘢啦，我就同朋友二話不說就入左呢間餐廳食飯，果然冇令我地失望啫啫雞煲煲入邊嘅雞件好大舊啖啖肉，而且香料及配菜都非常惹味椒鹽豆腐可以話係餐廳嘅王牌之一，係侍應特別推介的，椒鹽豆腐外層脆口，入面嫩滑，真正做到外脆內嫩！流心西多士去到嘅西多士好鬆脆，一切開入邊嘅汁流哂出黎嚟到呢啲新格調嘅大排檔冰室，又點可以唔試吓個小炒王呢？完全食到鑊氣兩個字，韭黃炒得啱啱好好爽口，叉燒蝦乾菜譜好夾，一啖食落去好層次感特別豐富鐵板牛柳鐵板餐可算係呢度其中一個王牌，牛柳好嫩，食落去入口即溶，好juicy 醬汁配合得啱啱好