龍城冰室

营业中

休息中

做完gym之後 當然要補充體力，本來諗住工業區都係飯堂咁 點知俾我們發現佢下午茶種類都唔少內部環境都很舒服 活像一間cafe先黎兩杯凍奶茶 凍檸茶甜度適中 不過不失再來就是厚多士！比一般西多厚上一倍 咬口更為鬆軟綿密！吸滿了牛油和蜜糖 一咬下去陣陣罪惡感 但實在太好味 又香又甜香煎豬扒包 豬扒比想像中薄 但是味道尚可 買相不錯 一分為二 方便進食埋單價格合理

龍城開左好幾個月  但人流一直無小過12點放飯都要等位  但價錢性價比高 等左大約10分鐘  但1點鐘時  應該要等半個鐘左右先入到去午餐大約$40-45 一個餐連餐湯及飲品  觀塘區黎講算平而且環境唔錯  食物好大碟  味道幾好  焗咖哩牛肉飯 $43 連湯及熱飲個咖哩幾正  小小辣  牛肉幾滑  仲有幾粒薯仔算幾大碗  食完好飽  好足料雞扒配薯菜 $43  連湯及熱飲個雞扒超大塊  有人地兩塊雞扒咁大個汁甜甜地幾好味  配薯菜唔會過飽  岩岩好避風塘豆腐 $23最後叫左個小食 豆腐岩岩炸起  好脆口外脆內軟 又夠味

下午茶餐$17起，凍飲加$3。閒日tea time都坐滿要搭枱。叫咗珍寶熱狗餐，$25。size約ikea熱狗的1.5倍。香腸烚熟，粗身大條。熱狗包微微烘過，內側塗上薄薄牛油。經典茄汁黃芥辣配少許生菜。非常飽肚。最貴的下午茶炒粉麵都係$29。見它午餐常餐都係三四十左右，講真今時今日工廠飯堂都未必得，更何況呢度好坐靚裝。服務也不錯，樓面人手頗多。員工牛仔布加皮的圍裙，感覺年輕時尚。店員均戴上手套，重視衛生。

今日兩點鐘先出去食lunch，平時一點幾經過龍城冰室見到好多人等位都懶得排隊，咁啱見到無咩人排隊就入去食啦。其實之前都有食過佢啲外賣早餐都唔錯，不過lunch就好少去食。坐低咗一陣睇個menu，求其嗌個午餐C係蒜汁炸魚柳豬扒配焗薯，跟個華盛頓忌廉湯同杯凍檸茶。所謂嘅華盛頓忌廉湯其實只係加咗啲蕃茄粒係入面，無咩特別。等咗十分鐘，個魚柳豬扒薯蓉終於到咗，魚柳炸外脆內軟，算不錯，豬扒就不過不失，而個焗薯就嫌佢無汁，比較dry，到最後都要問姐經拎個蒜汁撈焗薯食。

這間龍城冰室開了應該有一段時間，每次中午或晚上經過都看見有很多人在裏面用餐，今天中午經過，決定試一試這裏的下午茶。打開menu，選擇也不少，揭到下午茶的一頁看到有三文治，西多士，豬仔包，炒麵或炒飯，魚柳/豬扒/雞翼配沙律, 什麼都想試。不過想了一會還是選了櫻花豬柳配沙律這個就是我點的櫻花豬柳配沙律，它的賣相很一般，沙律是生果沙律，沙律醬做得太甜 豬柳還可以不太乾，不過味道一般，有點後悔選了這個餐。還好他們的咖啡沒有酸匿味，不過對於這個才29蚊的下午茶，不能對他期望太高。

最近同小胖男友去觀塘多左間新"飯堂"雖則個名叫龍城冰室 但事實上整間冰室既格局走文青路線 所以似cafe多過冰室如果以為"裝修到咁靚會連個價錢都升lv"就錯了 實情係呢間冰室全部野食都係非常"抵食夾大件"點左個鐵扒西冷 牛扒大塊有肉味 初頭冰室職員告知薯菜係焗薯同菜時有點失望 但食落個焗薯既味道有d驚喜 落左芝麻醬 出奇地清新同夾 忍唔住食晒成個另外咖哩吉列豬扒亦好味道 咖哩味道非常香濃 配飯食到唔停口豬扒不但大塊又厚切,仲炸得乾身同脆另外只要惠顧滿80蚊就可以加18蚊order雞煲 本以為所謂雞煲只會得幾件雞 點知真係成煲黎 仲要大大煲之餘 味道不錯 幾惹味堅抵總結 環境,味道同價錢都4星以上 做飯堂岩晒

今日經過龍城，見是日外賣餐係冬瓜豆腐炆火腩，心諗幾岩我胃口，就試試。等左十分鐘，終於攞左盒飯落公司食。一打開盒，已心知不妙，目測飯面只有豆腐同兩塊火腩"皮", 天真的我帶住希望，再往飯底摷一摷....oh you kidding me?!成個飯得豆腐，一塊冬瓜，兩塊火腩"皮" 同 飯盒右下角嘅一粒火腩仔？？(唔信自己望圖認真睇睇) 師傅你對唔對得食客住？算，今餐我當減肥。反正觀塘office咁多，餐廳做成點都會有人幫襯架啦。無計啦。。

龍城冰室觀塘駿業街56號中海日升中心地下A號舖位置不難找，交通方便！冰室橫裝格式時尚有特色，感覺舒服！鐵板雞扒鰻魚配薯菜鰻魚肉質軟綿綿入口即溶，雞扒嫩滑但味偏鹹！大大塊的鰻魚跟雞扒，燒得金金黃黃令人食指大動！沾滿焗薯上的沙律醬較特別，比較稀，味道清淡，伴焗薯食很夾不會蓋過薯味！蒜香骨！蒜香撲鼻，肉質鬆軟，軟骨位甚有咬口，一路食一路發出“啪啪聲，十分過癮！配白飯一流，十分下飯的一味菜式！是日老火湯！紅蘿蔔青蘿蔔煲豬骨！熱度十足味道濃郁！正！除新穎飲品款式外仍有全統懷舊的紅豆冰選擇。

真係好愛冰室！無論係真正懷舊既冰室，定係新裝修既懷舊冰室，一見到就會好想試下😀今次黎到觀塘，當然都係揀冰室食個晚飯。2人同行，叫左一個是日晚餐：黑椒汁雞牛扒晚餐；一個常餐：番茄牛肉通粉拼牛油豬滑蛋。常餐份量係多，係抵食既，貴茶記少少，質素都高少少。牛油豬太少牛油，同埋個包唔算好熱，所以面頭牛油都唔係好溶，而滑蛋都略嫌太油，再講主菜番茄牛肉通，個湯好酸，真係太酸了，食左一大半就堅持唔到了。可能鍾意番茄湯好酸既朋友仔岩食。另外，是日晚餐其實都ok! 份量夠，不過個汁太咸，食左要係咁飲野解渴。賣單唔使一百蚊，平平地同朋有聚會食餐飯咁係好抵。

同女友去apm睇完戲，本來諗住係格離座大廈食放題。不過女友唔舒服無咩胃口，所以周圍行下睇下有咩岩佢食。行到駿業街見到呢間貌似西式咖啡店既冰室，裝修咁靚咁搶眼，餐牌都好豐富，女友都有興趣就入去試。店內格局都係反傳統的，非舊式冰室感覺，幾得意。我叫左個韓式牛柳粒意粉（可選跟飯/薯菜）同紅荳冰。韓式牛柳煮得好稔，熟度岩岩好，咬落完全唔韌軟綿綿，肉汁仲好豐富添！我最中意飲紅荳冰！我覺得一杯好既紅荳冰最緊要就係紅荳既軟硬度 同埋奶既比例。呢度杯紅荳冰真係值得一讚，紅荳有咬口但唔會過硬，而且奶份量夠，又唔會太甜。好飲！女友最後淨係肯食菜。。本來想食芥蘭，不過無，最後點左西蘭花。呢個蒜蓉炒西蘭花出奇地好食～～蒜味重，爆到d西蘭花好香。西蘭花熟度岩岩好，翠綠色之餘仲好爽口，鑊氣十足既小菜，讚。冰室黎講呢間真係算好多食物同飲品選擇。我見佢個西多同焦糖咖啡都好吸引，一於搵日lunch黎試下先！

在悠閒的假日，漫無目的地到處走走逛逛是件幸福事。走到傍晚，是時間找個地方吃晚飯。最近朋友的聚會多，臨近歲晚購物支出不少，想找點經濟實惠的食肆減低荷包的出血量。想起早前在附近吃過一間乾淨舒適的茶餐廳，食物質素不錯，價錢又相宜，便決定再來。這間茶餐廳距離觀塘地鐵站只有大約5 分鐘的路程，地點頗便利。它跟在一般大眾印象中的茶餐廳不同的是，它走新派裝潢的路線，明亮新潮乾淨而舒適，給人耳目一新的感覺。雖然假日的大廈和附近街道在入夜後人流不多，但這茶餐廳仍有九成入座率，相信它有一定的吸引之處。餐廳食物的款式不少，有馬來咖喱系列、鐵板系列、意粉、炒飯麵、小菜、常餐、西式燴飯和小食等類別。兩人點了四款食物，吃得很飽很滿足。鐵板蒜蓉西冷牛扒意粉大大塊牛扒很抵食，西冷牛扒可讓客人選擇生熟程度。牛扒選了七成熟，熟得剛剛好，沒血水之餘又讓肉汁得以保留，肉質又嫩又腍。蒜蓉汁很惹味，淋上熱烘烘的鐵板上，蒜蓉汁不住渣渣聲在鐵板上跳動，一大陣熱煙頓時冒出，地道的港式風味立時呈現。星洲炒米粉炒米粉的配料很豐富，有叉燒、雞蛋、火腿、韭黃、芽菜和蝦仁等。米粉炒得很夠鑊氣，味道很香口，又不油膩。最令我欣賞的是它採用了新竹米粉

次次lunch 經過都一定滿曬人等既今次十一點九就黎到 終於可以一試餐單好似一般茶記禁 係裝修靚點原本想試下常餐 瑞士雞翼公仔麵點知伙計話無曬瑞士雞翼😑叫左個豬脾肉意粉飲熱朱 同白湯雖然唔多 但個湯真係有海鮮似平時急凍什錦海鮮不過味道都可以 豬脾肉意粉一黎到見到 仲諗份量好似好小但食落 都夠飽兩塊豬脾 味道好好食唔會太硬又有豬肉味加埋d 汁 好好食（好似飯會夾點 下次再食會配飯）再加埋有大量粟米（粟米不算甜 但本人好鍾意粟米）熱朱古力 唔會好淡又唔會太甜唔錯同行有另朋友叫左 蕃茄牛粉 （唔記得通粉定咩粉）但佢個湯好濃蕃茄味 唔似平時茄汁加水好香好好味我覺得差唔多既價龍城 比龍門更吸引到我再黎試其他野

今日lunch唔夠飽，所以問吓大家一唔一齊叫下午茶，我同Mr.D 就一於叫，因為係兩個起美。 我就地叫左紅豆西多士同熱狗一齊share.熱狗嚟到時都幾靚仔吓，唔單只有平時茶餐廳有既蕃茄醬，仲有酸瓜醬，腸好夠大條仲好香，無乜肥膏同紮實，包都夠軟，食得出好新鮮！而紅豆西多士都好夠多紅豆，豆大大粒同有啲陳皮味。個包都好新鮮唔會“謝”左咁，牛油方面餐廳已幫手落左，糖漿可以自己落，甜度自己選。整體都幾好，又夠乾淨，都係下午茶好選擇。

小妹甚少以中文出文，但評香港獨有的冰室是例外。觀塘龍城冰室新開張，抵食又高質，非常滿足！五六十年代的冰室以「飲冰」為賣點，以售賣冷飲、雪糕及沙冰等冷凍食品為主，故取名「冰室」，後來冰室逐漸平民化，茶餐廳應運而生。也許茶餐廳與冰室的食物差不多，但前者面對大眾消費者，較講求多（食物選擇）與快（供應速度）。小妹追求精緻感，而且感覺在「冰室」「飲冰」別有一番風味，所以獨愛冰室。隨著傳統冰室已逐步式微，小妹曾到訪的大多是新式冰室。龍城也是帶懷舊情懷的新式冰室: 啡色裝潢、昏黃燈光、少量包廂形式卡位，座位以梳化和木櫈相對為主。摩登的門牌中英對照。 （拉開櫃桶，自行拿取餐具。）當晚胃口一般，但點了皇牌鐵板套餐：照燒鰻魚雞扒（$72），送湯，白紅中自選，轉紅豆冰另加$10，是冷熱交融的一夜。選了羅宋湯，酸酸甜甜的蕃茄蔬菜湯頗為醒胃。主菜：一般來說，非日式餐廳的鰻魚大多令人失望，但龍城的還不錯：雖鰻魚表面未至香脆，但肥美惹味，醬汁甜度剛好；雞扒帶骨，近骨帶脂肪的肉更香口，整體厚肉多汁卻不油膩，是意料之外的美味！不完美的是飲品，紅豆冰雖香滑但飲管太窄了，享受不了那種碎冰、紅豆及椰奶同時流入食道的吻合感，餐

觀塘樓上Cafe愈開愈多但係價錢好似逐步上揚咁原來地面都有平野食龍城冰室唔係九龍城反而係觀塘個英文名夠哂霸氣直譯Dragon City唔好以為好似舊式冰室咁舊式呢度門面光猛黑窗框鎢絲燈走懷舊風係啲位迫左少少中西式咩都有齊是日晚餐係法式黑椒肉眼扒($52)餐湯要左合掌瓜豬骨湯足料又夠清甜西冷呢個價錢當然唔會係法式薄薄地一大塊唔多根位又夠淋跟埋焗薯配千島醬已經好飽鐵版豬扒炒烏冬($45)上枱熱辣辣出哂煙聞到陣香味已經好想食烏冬炒得好香不過豬扒有少少過咸豬扒唔止得肉仲有肥膏位勁evil加$10要左菠蘿冰菠蘿好夠甜不過糖水底總係唔夠舊式餐廳咁正聽聞出名仲有瑞士雞翼但真係超飽如果有多幾個人食夠八十蚊仲可以加十八蚊叫個雞煲抵到爛平價錢唔高要求可以一試店名: 龍城冰室地址: 觀塘駿業街56號中海日升中心地下A號舖