龍城冰室

营业中

休息中

龍城冰室 喺觀塘一間幾大既冰室 燈火通明 座位多同夠闊 食店除左大 食物都有好多款 有常餐 三文治 中菜 扒餐 好多款可以選揀板燒黑椒牛仔骨 配黑椒汁 78 蚊 送熱飲同 例湯板燒黑椒骨一上枱熱辣辣 用鐵板上 將黑椒汁倒落牛仔骨同鐵板上面 發出沙沙聲好夠鑊氣 黑椒汁好香濃 黑椒味帶有輕微辣 牛仔骨有4大塊 骨側邊口感煙靭 出面既肉質又夠林 好味 連埋側邊既薯蓉 薯蓉上面林左忌廉汁 同薯仔林身既口感好襯中湯有蘿白豬骨湯 老火湯 青紅蘿白好林 連埋豬骨煲得好入味(轉凍飲 加3 蚊 特飲加5 蚊) 特飲士多啤梨鮮奶(原價20 蚊)士多啤梨味偏濃 帶有奶既香滑 仲帶有少少花奶既香滑口感 1664 blanc原價 36 蚊啤酒半價 1664 18 蚊抵飲咖哩什菜大蝦飯 62 蚊係用傳統冰室好鍾意用既馬來西亞咖哩整成既飯咖哩汁唔辣偏甜食落有好香椰奶味 入面有青紅椒 林薯仔 洋葱 仲有兩隻新鮮大蝦 要黎撈熱辣辣既白飯好味滑蛋粟米班腩 68 蚊 配白飯班腩出面炸得香脆夠鑊氣 入面魚肉彈牙 煙靭 魚味夠 出面既粟米汁夠甜 , 連埋蛋白一齊炒好滑避風塘茄子 18 蚊茄鮮 18 蚊有好多件好抵食 上面有避

復活節打算去貴州，於是要在假期前一晚先出發到廣州。 在觀塘接了女朋友放工，就去了附近的<<龍城冰室>>。 呢期懷舊冰室愈開愈多，不過普遍都有個共通點，就係都坐得幾舒服，以卡位為主。 香港茶記特色，餐具自取。 餐單圖文並茂，好易揀。 點了一個鐵板套餐，送湯，我就揀左羅宋湯，辣辣地，夠開胃嘛。 <<照燒鰻魚豬扒配照燒汁>> 鰻魚入口肥美，感覺有小小爽的口感，所以食先不至於覺得好膩。豬扒香口，分量多，真係我飛佛！ 套餐加了錢換了紅豆冰，好飲是好飲，但是紅豆唔夠淋，入口夠乾。 另外加了一個<<瑞士雞翼>>，一碟三隻。雞翼甜甜地夠入味，口感夠嫩，同女朋友share食剛剛好。

見到openrice好評如潮，特登跨區而來，好好彩嘅係平時好多人等，但可能今日係紅日嘅關係唔駛等就入咗嚟。我哋總共有三個人，有兩個人到咗先入座食住等，我哋坐低時餐廳都算滿座但冇人等緊位，我哋都好快叫咗兩個下午茶餐，亦都好快食完。係等緊第三位朋友到達之前，我哋再叫咗一個常餐share，喺食緊嘅途中，有員工不斷再三前來問我哋到底係咪只有兩個人，我哋都再三回答「我哋係有三個人，只係有一個人未到」，而當時情況係冇人等緊位嘅，餐廳內比我哋早入而且又食完都未收碗碟嘅都大有人在。5分鐘後，我哋聽到一位員工同另一位員工講「佢哋應該就走，可以清張枱」，然後就有位員工前來查詢我哋枱面食咗一半嘅常餐係咪已經食完，果刻我哋真係忍唔住，就同佢講「我哋真係有三個人唔該你同你啲員工講唔好再過嚟問」，之後佢哋就冇再過嚟問，就見到佢哋去收早過我地入嚟但一早食晒野嘅枱，但其實一直都冇人等緊枱。再過多10分鐘到咁我哋就再order第三位朋友嘅食物，我哋落完單之後，個員工問我地喺度食定拎走，即係到最後都唔信我哋有三個人。同埋我哋一坐低已經order左兩杯水到走都冇嚟過。食物質素有幾好但員工咁嘅態度，真係要好好心情先可以嚟食囉

觀塘而家重建不少商廈同住宅，成個地區都煥然一新，不再是老城區，亦有不少食肆進駐了部建商廈內，提供了不少選擇。想唔到，星期六晚上的商廈，有唔少人流，附近亦沒有住宅，必然是口碑而來！從外望入去，餐廳人流都坐得有八成人客，當我地坐下來不久，已開始在外，需要等位了，相信價錢又十眾化，又不設加一服務費。餐廳晚飯時候，除左有小菜，每個小菜都附上一碗大大碗的香飯，例湯。仲有提供西多士、豬仔包等。咖哩海鮮飯～香濃咖哩，濃而稠，海鮮種類有幾款，有元貝、魚柳、青口、大蝦，絕對是超值！招牌黑椒牛柳～五成熟，切開仲有小小粉紅色澤，用上厚切，夠嫩、稔滑、淋上黑椒汁，味道更香濃，薯泥夠溶，芝士香濃，味蕾的享受。冰涼夏日飲品，雜果賓治，大杯又便宜，會再比多一罐汽水，自由加添，只是10元。

貓貓係觀塘食左個好味既冰室。好少冰室環境咁大，夠闊，唔洗逼黎逼去。餐牌真係乜都有，貓貓比個鰻魚豬扒吸引住，因為勁係賣72蚊，扒晚餐72蚊，唔係咁抵呀嘛。貓貓即刻order左，加多個豬仔包。成個套餐有餐湯，加五蚊有野飲。抵啦，坐得舒服又乾淨。飲完熱熱既白湯，豬仔包即刻擺係面前。貓貓真係好耐冇食豬仔包，脆脆既皮同煉奶牛油已經令貓貓濕左個嘴，好幸福喲。正呀，有條鰻魚，側邊有照燒汁比貓貓自己加。鰻魚搭配照燒汁，呢招絕呀，好香甜，惹味喲！豬扒煎得香，仲有兩塊大豬扒比貓貓，真係開心死。照燒汁同豬扒一齊食原來幾好味。仲有成個焗薯仔比貓貓食，上邊既芝麻醬就係貓貓最鍾意既，正正子喲。開左貓貓既胃，後果不堪設想。貓貓再order左個韓式炸雞，港貓既胃口係好大的。辣椒醬唔係好辣，同埋炸雞一齊食，味道好好。炸雞用左唔知咩粉黎炸，有陣淡淡既香味，幾得意。食咁多野，貓貓要杯什果冰消下暑暑。凍冰冰既什果冰，除左fresh，貓貓都唔知講咩。總之今日貓貓食得飽飽，好開心喲。

今日去觀塘覆診，又點少得食下呢到嘅美食呢😍但今次就無去到工廈，去咗呢間龍城冰室～下午茶時段都幾多人，去到都坐咗6，7成👍🏻由於我同朋友都係今朝咩都無食，所以係超級肚餓😂我地就嗌咗一個意粉同埋兩個tea set😋第一個係黑松露炸薯皇（$27）😍雖然如果食tea就咁食薯角有啲dry，但配埋黑松露菌醬就好正～薯角即叫即炸，脆卜卜，勁香口👍🏻黑松露味好香濃，如果可以多啲就好啦～蒜香菠菜大蝦炒意粉（$72）未食已經聞到好濃嘅爆蒜味👍🏻👍🏻意粉炒得夠乾身，用牛油炒過，都幾入味。菠菜份量好多，食落仲好嫩😍估唔到冰室嘅意炒質素都唔錯～不過大蝦嘅唔係好大啦😂同埋連殼無切開炒唔係好入味🤔最期待嘅炸雞脾！（$31）由於係即叫即炸，所以店員落單嘅時候都有話我地知大約要等25-30分鐘～食完前面個兩樣野，時間啱啱，有雞脾食😁Feel到啱啱炸起好熱，所以就攤下，切開佢先。一切就聞到好香，仲出晒煙😂😂個皮炸得好脆，炸粉唔厚👍🏻味道啱啱好，唔會覺得咸，有少少咖哩味👍🏻而且好多肉仲好嫩😋真係食唔停口，如果有杯紅豆冰就正啦！沙律係雜果沙律，正啊，兒時回憶💕熱菜蜜 偏甜～晚市有$18優惠雞煲，有機會嚟試下先😍

今日咁岩經過觀塘行街,又要食飯時間唔想同人,就行左黎工廠區呢邊搵食見到呢間龍城冰室好似岩岩新開無幾耐,就黎一試啦,大家知叫得乜乜冰室個類餐廳,食物質數有一定保證餐廳格局走簡潔路線,燈光柔和,人客好安靜咁食緊晚飯.我地叫左兩個餐,一個離扒一個常餐,一碟菜同埋一個加碼雞煲,首先係小弟個雜扒,上碟時好大份,有好大隻著仔做伴菜入面包左豬雞同埋煙肉,岩哂各位食肉獸黎得冰室,梗係想食返個港式地道常餐啦,奶油豬仔包配炒蛋,豬扒公仔麵簡直係港式經典份量足夠,女仔黎叫一個餐一定唔會飽過頭,當然食左咁多野,一定都要整返碟靚菜啦,之後真係要講個雞煲,原先以為加$18有個雞煲,應該唔會好食同細細份啦,點知黎到就出事啦,大大一煲之外,味道又唔差喎,結果食埋個雞煲飽到暈,嘆埋杯凍檸茶就收工

是日早餐，在觀塘工廠區，裝修新穎，好難不入去試試噢🙊侍應們都很主動地幫我找位👍火腿鮑絲通粉 - 以這個抵價，份量算這樣吧😆大多數餐廳提供多士而已，但這間有我至愛的奶油豬，仲有3.6牛乳炒蛋，正呀😋熱利賓納不用加$，而且大杯其他menu真的抵食又坐得舒服!!

夜晚為醫肚隨便見就入，晚餐50元一餐實在合理，食物賣相味道都很好，非常美味，唯一問題在於員工侍應一直在大叫，實在影響胃口，粗口樣樣齊，明白多客等位繁忙令員工累，但大聲在旁叫喊實在影響食慾，而員工間的粗口對話也令人胃口大減

L觀塘 駿業街56號中海日升中心地下A號舖供應是平民式的美食，不過個裝修是偏向cafe風，所以晚上放工後的工廈區仍然吸引了一大班食客。因參加了短期健身課，上課前醫飽肚。芝士流心西多$20做甜品，切開就流水芝士流心，炸到金黃的蛋漿層，中間夾了芝士，大大塊牛油溶化再淋蜜焗，邪惡，鹹甜夾雜幾有趣。焗芝士海鮮飯$47，跟餐有紅湯，大大客有蝦魷魚青口肉，個白汁都幾濃有三色椒賣相好看，飯又夠乾身做到粒粒分明仲有炒底，仲大大碟男人都飽。北海道帆立貝雞扒配洋蔥汁$68 跟薯菜，雞扒煎香比掌手大且厚肉，更伴以彈牙的貝，薯菜西蘭花炒帶子$72，我自己鍾意食所以加份，健康嘛。火喉夠似酒樓出品。飲品士多啤梨鮮奶$28 友人點的。綜合果茶$28，好肉某台式cafe,冰紅茶溝果肉橙汁，內混了大量鮮水果粒如橙粒火龍果蘋果，能吃到水果兼好喝清新。豐富食物選擇，環境不是傳統茶餐廳，有卡位坐得舒服，價位相宜，沒有不再來的理由。

好開心搵到間堅正嘅冰室，又平又好食又多款式，又吾洗加一，真正平靚正！呢間叫龍城冰室，係觀塘嘅，絕對係觀塘嘅一間搵食好地方。一入到去，裝修好靚，絕非一般冰室or茶餐廳，食物選擇仲好多，有西餐意粉，焗飽，鐵板，中菜等等，乜都有，而且價錢超平，我地嗌左鐵板餐，都只係六七十蚊。我地嗌左照燒鰻魚豬扒配照燒汁$72同美式雜扒 $68，鐵板上碟，熱辣辣“炸炸“聲，好少鐵板食鰻魚，都好大舊又平，先得$72，另外豬扒仲有兩大塊，一定飽，而美式雜扒有雞豬牛煙肉腸仔，好香，好惹味，另外跟薯菜，薯仔係原個焗，加了醬料好好食丫，全部都好有誠意，整得好好食，又平！一定再嚟食鐵板。另外仲嗌左超平脆炸大雞脾，先$23，係街邊買隻都吾止，炸得真係好脆，好香口，雞脾都好香雞味，仲有碟更平嘅，避風塘茄子，先$ 18，我諗都冇乜地方平過呢間，都幾多份量，而且都係即嗌即整，熱辣辣，加上味粉，好有避風塘口味。呢間真係冇推介錯，我出開觀塘有間好食店光顧了。

今日去觀塘做嘢，順便就叫埋老婆過嚟食夜晚飯。喺apm後面行咗一兩條街，突然間有啲光射咗落塊面度。再望下個地下有啲光喺度郁下郁下，原來係一間新開嘅餐廳用射燈將個招牌射咗落個地下度。呢間就係龍城冰室再望下裏面啲裝修都幾有特色喎咁就入咗去 睇下有咩食。睇下個餐牌唔貴喎茶餐廳價錢，但係裝修就真係幾舒服唔係普通茶餐廳嗰啲裝修。由門口行入去個位坐嘅時候，見到差不多每一枱都叫嗰隻黑椒牛仔骨。咁我哋當然都叫咗一客嚟試下，另外再加多一客紅酒燒汁雜扒。兩個餐我哋都係配意粉嘅。等咗唔係好耐就上菜。意粉比較特別係比出面其他餐廳既意幼啲，意粉好乾身同爽。意粉上面淋咗啲真蕃茄做嘅汁再加上紅酒燒汁 （另一客係黑椒汁）味道好好食。牛仔骨同埋個雜扒 （雞扒，牛扒，煙肉，腸）同出面一般餐廳差不多水準 ，唔可以話非常非常好食 ，但係都算唔錯㗎。我哋餐飲叫咗咸柑桔蜜，好大杯抵飲！以呢個價錢 ，咁嘅環境咁嘅食物質素絕對值得推介。可能係喺工廠區嘅租比較平啲啩。喺其他地區食呢個餐應該要八十至九十蚊起碼。你哋行開觀塘不妨嚟試下啦！就喺apm後面條街。

觀塘工廠區近年開咗好多摩登裝修嘅茶廳，見到龍城冰室外表幾得，睇下食物得唔得。環境裝修唔錯，不過擺位好迫，絕對係茶餐廳DNA, 想你食完快些少走。呢度午餐一啲都唔貴，仲有餐湯跟。羅宋湯普通無驚喜咖哩豬仔柳咖哩汁夠杰身，味道似馬來咖哩，做得好惹味，微辣之中帶點刺激，豬柳切成條狀，容易放入口，好野👍🏻，有驚喜。黑椒西冷牛扒配薯菜黑椒汁做得好好味，如果唔好味，一定曝露咗西冷無味，不過整體賣相好差，好彩跟果個焗薯都好味，否則俾30分，係分俾個汁咋奶茶過得去，但比華星冰室奶茶差好遠。總體覺得，價錢相宜，無咩要求的話，咖哩豬仔柳會令你覺得值回票價。

又係黎到觀塘區食野,識食既話一定唔係到大商場搵食,而係行遠少少係啲工業區入面有好多食肆,今日黎呢間龍城,係俾佢既舊式香港茶餐廳既門面裝修吸引左,而且就算係晚市,五十幾蚊已經有排配飯,仲送湯同野飲,價錢真係好親民照燒鰻魚雞扒, 鰻魚雖然唔係好大塊,因為雞扒先係主角,雞肉好滑而且個皮煎到好脆,好多肉汁,另外一樣值得講下既話係呢到可以揀配焗薯好耐都無食過焗薯喇~雖然個著仔本身係無咩味,都係靠沙律醬,但個薯仔焗得好林呢到既份量其實都非常之多,食完已經好飽跟餐既湯, 蓮藕豬骨湯,呢到有齊白湯, 紅湯, 中湯揀, 所以据扒配中湯都無問題好足料既湯,而唔係平時飲到味精好重既湯招牌黑椒牛柳,估唔到係喺茶餐廳食既鐵板牛都幾高質!因為雖然係全熟,但係食落去完全唔un,反而肉質好爽,一百蚊內有成個set真係超值另外叫既小食,避風塘豆腐!個皮既粉漿好薄而且炸得好脆,但係入面就熱辣辣,外脆肉較,豆腐亦都好滑!而咁大蝶都只係$23,都係要再讚多次好抵食晚餐有呢個價錢,有齊湯,飯,飲品,如果唔係剧扒,食其他小菜既價錢再平啲tim!真係好親民既餐廳

自從開業以來人龍未停過！午餐必定等位的餐廳，所以經驗一兩個人等待的時間係最短的！午餐即使一個人都有機會要等位，不過分量足夠，價錢係觀塘來講算好公道！所以值得等待！今日選擇下午茶時間來到，2：30先係下午茶！一個人果然免等位，非常開心！叫咗炒豬扒烏冬配必飲奶茶，烏冬夠火候，無將貨就價，有大概五舊切塊的豬扒，味道適中，唔算鹹，有d椰菜絲一齊炒都算有心機！奶茶唔使講🤔好香濃！提神之選！可以話係冰室鎮店之寶