龍亭

Lung Ting Teppanyaki

169 食记

味道

环境

服务

卫生

抵食

5550

中环

$401-800

日本菜铁板烧厨师发办

复制到剪贴板

124

or#Tm65889227

等级1

今晚同同事食飯. 一行14人預訂咗嗰個海膽和牛龍蝦套餐仲加錢每加多一隻瀨尿蝦. 圍起每人$1000 . 已經係冇叫到酒. 但係的確係我有生以來食過最難食嘅一餐. 我只可以話影相用嚟打卡成件事係一流嘅. 但係食落去真係好難食. 我哋成餐飯$14000左右嘅話其實有好多好選擇. 喺一間四星酒店食自助餐都仲得. 首先佢嗰個頭盤當中有醃咗嘅三文魚面珠墩肉. 三碟嘢都有醃製過嘅，但係面珠墩肉係腥個喎. 醃完都仲有浸腥味. 第二道菜. 海膽玉子豆腐三文魚子. 海膽係新鮮嘅豆腐都OK. 敗筆之處喺啲三文魚子度. 一味死鹹. 鹹死到. 要不停飲水. 其實以呢個鹹度嘅話基本上落四五粒已經好夠. 唔使一個湯羹咁嘅份量俾我嘅. 係好食嘅話一個湯羹梗係冇所謂啦. 最衰唔係呀嘛第三度菜. 三文魚沙律. 佢嘅擺盤擺得好靚. 不過拎出嚟令我覺得咁似IKEA嗰個三文魚沙律卷嘅. 少咗塊皮第四度菜. 佢話係法國生蠔配海膽同埋三文魚子.. 拿. 拿拿… 三文魚子又係你呀，又係咁多嘅？好鹹喎！搞到個生蠔變得唔好食 . 法國生蠔本身海水味都已經濃. 一個死鹹嘅三文魚子仲有一個濃味嘅海膽，我唔知自己食緊乜第五道菜. 蘭

第二道菜. 海膽玉子豆腐三文魚子. 海膽係新鮮嘅豆腐都OK. 敗筆之處喺啲三文魚子度. 一味死鹹. 鹹死到. 要不停飲水. 其實以呢個鹹度嘅話基本上落四五粒已經好夠. 唔使一個湯羹咁嘅份量俾我嘅. 係好食嘅話一個湯羹梗係冇所謂啦. 最衰唔係呀嘛

第三度菜. 三文魚沙律. 佢嘅擺盤擺得好靚. 不過拎出嚟令我覺得咁似IKEA嗰個三文魚沙律卷嘅. 少咗塊皮

第四度菜. 佢話係法國生蠔配海膽同埋三文魚子.. 拿. 拿拿… 三文魚子又係你呀，又係咁多嘅？好鹹喎！搞到個生蠔變得唔好食 . 法國生蠔本身海水味都已經濃. 一個死鹹嘅三文魚子仲有一個濃味嘅海膽，我唔知自己食緊乜

第五道菜. 蘭王溫泉蛋配海膽. 呢一碟. 冇投訴，因為都係整隻溫泉蛋同埋擺啲海膽上去.

第六道菜. 呢個就係我哋加錢嘅瀨尿蝦. 我唔識講佢係咪新鮮. 我只係話佢嘅肉質比較削. 明明訂之前講到明價錢$100隻. 嚟到佢話$130. 同佢講唔係喎，佢再check吓又去返$100. 唯一我有少少意見既係.. 我唔係食緊鐵板燒咩？我食緊BBQ咩？鐵板燒唔係應該你同我起埋啲肉出嚟切到一嚿嚿俾我嘅咩？食咗大半個鐘都係凍嘢. 第一碟熱野. 算啦. 實在太肚餓

第七道菜. 主菜終於嚟啦. 龍蝦. 帶子. 鮑魚. 佢話龍蝦同埋帶子鮑魚上面都掃咗一層海膽醬. 佢啲擺盤真係懂得包裝. 但係一食落去就知道係雪藏龍蝦

，雪藏鮑魚

同埋雪藏帶子.

我未試過食鐵板燒係食雪藏嘢. 同埋龍蝦冇幫我起肉. 咁我終於明點解上面要掃啲海膽醬落去. 因為濃味嘅嘢冚住陣雪藏味. 搞咁多花臣，不如搞好啲食材先啦

第八道菜. 和牛配海膽. 呢個味道終於正常.

不過我有期望以為佢會煮之前問吓我哋每一位食幾多成熟. 最後都係一次過機械式咁做晒出嚟. 是但啦，去到呢個位我已經想快啲食完快啲走

第九道菜. 黑松露炒飯配蟹籽三文魚子. 親眼睇住師傅將炒定咗嘅冷飯再放上鐵板加蔥加熱！

鐵板燒嘅炒飯唔係應該將白飯（冷飯）開始炒嘅咩？粗製濫造到咁呀？炒完之後將滿滿嘅蟹籽鋪上飯面. 再加埋佢兩湯羹嘅死鹹三文魚子. 再加海膽同埋一隻蝦喺上面. 隻蝦都係雪藏嘅. 另外真係要撥開啲三文魚子先至搞得掂. 不過如果可以嘅話其實將啲蟹籽炒埋落去會好啲. 事關啲蟹籽係凍嘅. 個飯食嗰下有啲微凍同埋微暖嘅口感. 記住唔係即由白飯炒. 係純粹喺鐵板上面加熱㗎咋！

第十道菜. 侍應問我哋使唔使落吓格先至上個湯？呢個舉動係溫馨嘅. 但係我哋一致決定唔使啦. 上埋啦，反正都係知咩料㗎啦. 嗱嗱林，你上哂d 菜我哋俾錢走人啊⋯⋯果然嚟到不出所料. 佢話係花膠湯. 但係啲湯稀料料. 我比$60 健康x 房仲開心. 唔講以為係塊嘢係腐皮. 同埋個湯係有出前X丁味精湯嗰種感覺.

第11度菜. 終於等到甜品雪糕. 應該唔會有問題拿啩！佢柚子雪糕係正常嘅，但係做乜喺上面又放啲海膽呢？其實成晚食咗咁多海膽嗰把口已經好膩. 食返個雪葩定係雪糕係合理嘅.

套餐有gimmick 係好事，但係唔使做得太過分. 如果成餐飯我真係用嚟打卡之用嘅話係冇問題嘅，真係唔好攞嚟擺入口. 仲要講緊$1000一位. 返到屋企，我仲有啲肚餓. 事關每一道菜都係食咗少少，真係好難食.