鼎泰豐

营业中

休息中

一田購物優惠日完就去左食鼎泰豐。我記得第一次食既時候係係台灣😁 一直都想食小籠包，難得來到沙田有鼎泰豐當然要幫襯下😌😌服務非常好，坐低有人倒茶，除左既褸又有衫袋比你蓋住件褸👍🏼👍🏼講到野食咯，第一時間緊係叫小籠包同擔擔麵😍之後仲叫紅油抄手，水晶肉，醉雞同紅燒牛肉麵食小籠包成都都好驚一夾即穿，流哂d汁出來😅 但因小籠包底有塊布格住唔洗怕一起小籠包就穿。   好鮮甜既肉汁，皮又唔厚👍🏼真係想整多籠😂🙈平時食開紅油抄手都好辣，但鼎泰豐既唔辣不但只，仲有d甜甜既味道😋😋唔知係咪其他食物比較濃味，搞到碗麵冇咩味🙄🙊牛肉好林，唔洗怕"sip牙拿"醉雞同水晶肉都好好食  間唔時來下係岩既😌😌😁

有新城市app訂座鼎泰豐，實在方便。兩公婆來吃星期日的第一餐，就當作喝個中午茶吧！吃過香港這幾間分店，傳菜速度普遍都很快，我們每次飽餐後，茶也只能喝一壺多一點。這裡用餐限時75分鐘，$9的茶錢其實也喝不了多少口茶。先來個內子喜歡的小吃，這裡的四喜烤夫是冷盤(有些菜館卻是熱食)。以麵筋為主，搭配一點金針、冬菇絲等，量雖少，但味道可口，既不太甜也不太鹹，而且有很香醬油味。第二個小吃就是熱騰騰的小籠包，雖然有食用指引，但我試過卻不夠自己的方法好味。我的吃法是在上籠後，散熱5、6分鐘(小籠包皮稍稍變韌)，不點醬油只點醋，然後一口一個，所有肉汁、薄皮、肉餡一同咀嚼，痛快！感覺味道不遜以前台灣總店吃過的小籠包。小吃之後就是飯麵填肚了。筆者選了偏好的擔擔撈麵，侍應體貼查詢麵條須不須要剪斷，建議是剪開方便食用。說是撈麵，其實擔擔湯汁亦不少，帶小許麻辣花生香，沾在有口感的麵條上，令人食欲大增。內子就選了喜愛的排骨蛋炒飯。排骨香口而不過硬，肉面略帶汁而有趙口，送飯一流。炒飯的蛋均勻，飯沒太大油膩感，回味！總結：貴，但值得回味。

有質素的午餐 價錢中等無想像中貴 三個人都叫左幾多野食 首先一定係小籠包六十蚊六隻 一分錢一分貨 唔會太熱到入唔到口 夾起唔會穿 岩岩好 一淡食哂 湯係口中爆出 好juicy 另有隻蝦仁乜瓜小籠包但味道太清 香蒽拌麵 油加蒽確實香 加上有點攬菜 不會太乾 牛肉麵 牛肉十分讚 肉和筋比例2:1 咬落香滑嫩 另有一條牛筋 唔硬好嫩十分欣賞 肉和麵比例很好 唔會成日食哂餸得麵淨 友人表示最好最香既紅油抄手非鼎泰豐莫屬確實係有說不出的香 汁的味道一百分 排骨炒飯 上碟已經好吸引 色澤鮮明 排骨 香但感覺乾左少少 可以試試其他炒飯嗌左咁多 $4xx 感覺差不多吧

鼎秦豐食過三間。。一間尖咀。。一間澳門。。這次係沙田只有沙田分店才限時1小時15分鐘交台實在有點"串"必叫小龍包。。維持水準 皮薄肉靚多湯 墊小龍包是布不是紙。。可防止小龍包穿  。。抵讚必叫牛展湯。。Feel到燉左好奈先有呢個效果真材實料零味精   酸辣湯。波菜。。素菜包  都不錯。斟茶。跟單。收碟快做足。不詳述了。因為我想講講牙籤。。    我極少用牙籤今日食頑固菠菜才用。所以孤陋寡聞第一次看見這個design的牙籤。。類似梳的一邊可連細位都照顧到   我好buy 一D微小的細心位。。所以除了小龍包底布這小小sweet牙籤竟加了不少分呢

久仰大名, 想試好耐, 等1粒鐘都值la....諗住....點知...小籠包: 好細個wor.... d 皮唔易爛, 但都厚厚地wor.... 咬落去, 咁少汁ge.... 同埋d 肉好鬆散, 感覺唔係落左好多料law... 味道就ok ge水晶肴肉: 味道好似午餐肉!!! 不過全餐最對板算係佢了...擔擔麵: 原來是一人份量, 得麵,無餸的, 麻醬幾香, 帶微辣, 不俗紅油抄手: 呢個份量反而幾足, 有4-5舊, 不過d 餡.... 全部菜來ge, 肉呢?菜肉包: d 餡同抄手一樣, d 肉呢???? 同埋佢用機blend度d 餡好細碎, 一d 咬口都無豆沙小籠包: 純粹一試, 包皮比肉類小籠包厚, 應該是用另一種粉開的, 入面滿是豆沙, 係足料,但太甜呢....好漏...食一小個就怕怕....

今次一行6 人，叫左7樣野食，總共都係食左$600蚊 好抵食叫左78蚊 十二位小龍包比一般小龍包細粒好多 不過勝在肉汁豐富 比較鐘意荔芋小龍包 初初仲好驚係伏但原來好好食 香香甜甜既荔芋同包皮好夾作為一個甜品 真不錯另外，紅油炒手都令人難忘紅油辣度剛好 香氣令人回味

平日的新城市廣場， 人多， 喼也不少。懶媽一個人午餐，都不一定可以行到邊吃到邊，不如試一試鼎泰豐吧！沒人等位，正合我心，還可以揀位坐，真令人感到愉快。待應遞上餐牌點菜紙，懶媽不想吃例牌的小籠包拉麵，餐牌翻了又翻, 卒之選定了什錦豆乾絲，菜肉蒸餃、台式酸辣湯，都是比較冷門的菜式。什錦豆乾絲- 驚喜之作，銀牙、豆乾、木耳、紅椒全部切得極幼，再加上粉絲(或台灣米粉)，以少許醋、醬油、辣汁、麻油拌勻，再冷凍之彼，味蕾頓時覺得清新起來。菜肉蒸餃- 普通之作，多菜少肉，但菜應該用機切，很細碎但鞋口，菜肉有點乾，要夾一些什錦豆乾絲一起吃才可以。台式酸辣湯- 稱心之作，辣油是放在湯上，但一看，不是普通的紅油或辣椒油，呈啡色的辣油，香味濃郁，醋是自己放的，懶媽愛下大量的醋，把湯一拌勻，傅到鼻子的並不是嗆鼻的辣，一喝，辣油內是有點點香料，像花椒又像茴香，理不了那麼多，骨篤骨篤的把整碗湯幹掉！結論：沒有小籠包，其他菜式也有可取之處，下次可以安歌。

去沙田行街後到鼎泰豐試一下，等位大概5分鐘便有位，但只有1個鐘頭15分食好似較趕；坐下來坐子偏窄，招待還可以。我們3人㸃了出名的蟹粉小籠包，真係好好味；只係90元得6件他們的紅油抄手也不錯，可以說皮薄餡靚，辣味也算適當中；台式擔擔麵賣相雖然普通，但花生醬底味濃沃。油豆腐粉絲湯肉質欠新鮮。總括來說可以一試尤其是佢地的招牌菜

星期五晚1830去到，不用等位，但要個半鐘交枱。當日因不是很肚餓，所以只是叫了三樣野！先來一籠「小籠包」，仍然保持水準，肉汁多，皮簿，半透明的皮可看到內裏的餡，第一口咬下肉汁爆出來的感覺，真是無得輸！再來「原味水晶肉」，肉同jelly的比例是8:2，鹹度適中，再點小許醋來吃，更能帶出肉的鮮味。第三樣點了個「台式擔擔撈麵」，這麵帶少辣，但花生醬味不能濃，味道一般，不推介。最後，想說一說這杯茶，很香，很清新，能夠化解小籠包或其他食物肥膩的感覺，這應該是老闆細心選過的茶。可以很多人也沒有留意，這其實是「烏龍茶」！總結：在沙田這間分店，小籠包保持水準！

6:30pm開始多人等位, 限1小時15分要交枱, 2人叫咗六樣餸: 小籠包, 蟹粉小籠包, 水晶肴肉, 薰魚, 牛肉面, 蝦煎餃薰魚 -炸得唔夠香, 得個濕字, 似‘’水魚‘’蝦煎餃 -上枱時已唔脆埋單4百8, 好失望!

鼎太豐門口咁多人喺出面等竟然即刻有位?! 食左一餐好美味嘅晚餐...有(1)水晶淆肉(我覺得係做得最好...咬下去有鮮甜感又爽滑彈牙....正唔正宗我唔理)...(2)小籠包(唔算係好好....夠熱皮都算薄但鮮味同肉汁欠奉)....(3)排骨炒飯(排骨香脆...但肉太薄所以咬下去唔夠juicy....飯唔錯...用珍珠米好有彈性....蛋白同黃好明顯分開炒....令火后較得好左....蛋黃唔會老...一讚!)...(4)窩貼(不過不失....有蝦同鮮肉配撘得好有鮮味....可惜係煎果面唔夠鬆脆有點硬...如果係用金網會做到薄脆好多)....

收工去沙田睇戲, 見鼎泰豐無人排又未食過呢間分店, 所以就食佢.小籠包 ~ D料正常, 但個皮唔夠薄, 麻麻地.蒜泥白肉 ~ 唔辣, 肥瘦適中, 唔錯.排骨 ~ 正常, 無咩特別.擔擔面 ~ 唔算好辣, 不過唔夠麻醬, 面質適中.整體我覺得尖沙咀分店好食好多, 而台灣店就更好

新城市訂枱app十分方便，先用app取票後，再慢慢行去也不遲，到了門口多等了5分鐘左右便有位了~只有媽媽和我二人，所點不多，一個必吃的小籠包，一個紅油抄手，以及一個香葱拌麵~小籠包保持皮薄軟滑，肉鮮多汁，不過還是覺得台北總店的更好吃~ 每次吃小籠包都愛那薑絲伴醋同吃，按餐枱上的咭紙建議，以1:3的醬油和醋的比例調好，再伴薑絲，確實滋味  在別的上海舖吃小籠包罕有的~蝦肉紅油抄手的紅油汁醬鹹、酸、甜、辣比例調得恰到好處，每種味道都能顯出，同時互相暉映  至於蝦肉雲吞餡料一樣新鮮，每隻均有一隻爽甜鮮蝦，豬肉都是偏瘦的，不油膩，個人喜歡這種偏瘦的配搭~香葱拌麵除了青葱外，還有些類似欖菜的醃菜，與拉麵拌吃，香而微鹹，不會單調~ 拉麵也是我喜歡的微煙韌版  悄悄用了少許紅油抄手的汁醬拌著吃，別具風味，只是兩種汁醬同吃，略為鹹了一點 吃罷還想來個荔芋包的，不過實在撐不下了，還是留待下次吧~ 在這裡吃小籠包，的確令我懷念昔日在台北四出覓食的獨遊~

星期天的午後，於沙田新城市廣場覓食，著實不易。雖然已過午餐的繁忙時段，但各大小餐廳門外，依然擠滿等位人羣。逛了一會，我們選擇了到鼎泰豐吃小籠包。店外擠滿輪候入座的食客，由於這裡是採取限定時間用餐，加上店面亦相當寬敞，可容納大量客人，故我們只需等候十分鐘左右已可入座。先來上桌，當然是小籠包， 皮簿饀靚，灌著飽滿鮮味湯汁，小心翼翼地秒速送入囗中，慢慢咀嚼，美味十足。干煸四季豆， 喜愛的小菜。可惜原來是冷盤，味道雖然不錯，但就是欠缺了一度誘人的熱氣，就把她扣點分。蝦肉煎餃，非一般賣相。餃子煎乾後，反轉底面上碟，多添了一層香囗薄脆，加分不少。蝦肉亦新鮮爽口，蘸上黑醋，更能提升蝦肉的鮮美。排骨蛋炒飯，出色之作，排骨厚薄適中， 肉質鬆軟，味道帶點甜口。蛋花均勻裹著溫軟的炒飯，每吃一囗都感到濃濃的蛋香，非常滋味。接著，來一碗雪菜肉絲拌麵， 雪菜份量不少，翠綠爽口，麵質彈牙，簡簡單單，但非常可囗惹味，隨拌隨吃，真的愈吃愈開胃。鼎泰豐，店員服務殷勤有禮，有幹勁，食物水準亦不錯。店面雖然寬敞，但店內環境比較嘈雜，座位空間亦感覺狹窄壓迫，不夠舒適自在。而食物價位亦偏高，但份量卻偏少， 如能在這各方面略為平衡

本來不想打呢篇食評，因為一張相都冇影過！但越想越氣憤，唔打真係對不起自己呢！唔係第一次光顧「鼎泰豐」，之前已幫襯過尖沙咀分店，雖然等位耐，但總算好味亦抵食！亦不會坐到迫迫夾夾！所以冇諗過沙田「鼎泰豐」會有咁差劣的質素！先講食物：叫左4籠小籠飽 - 4籠都係皮厚肉少，而家皮內的湯係溫暖！我未曾試過係食唔燙口的小籠飽！味道亦普通！紅燒牛肉麵 - 勁淡味，淡到唔知紅燒來的蝦肉煎餃 - 反而呢個皮薄，肉亦鮮甜，不過偏油擔擔麵 - 花生醬over哂，只係食到花生醬味而食唔到麵味！蝦仁蛋炒飯 - 索過百元，但只係好普通的平民炒飯，只係炒得好乾身，不會偏油，但味道偏淡！仲叫左其他食物，但全部只係不過不失，毫無驚喜可言！再講服務：我地一行12人， 比張8-10人枱我地 (我諗10人勉強坐得落的)， 但12人就真係...處於人叠人的狀況了。。。味道普通真係唔在講， 但我地一行12人，用餐時間佢都只係比1hrs 15mins，真係極到那個！！ 4個家庭，各自商量叫乜食乜都已經用左15mins， 等5-10mins上菜， 再搞掂埋小朋友用餐， 到自己用餐已經係30mins後。。。 食左15mins發現份量唔