鼎泰豐

营业中

休息中

香干馬蘭頭 - 想食菜但又唔想食炒菜，於是叫左哩碟前菜。本身以為係普通菜既份量，原來得手掌大細😅不過作為前菜份量都屬於正常。味道好清，豆乾好陣牙加上馬蘭頭獨特既味道好開胃風味牛三珍- 整道菜維持正常水平，有小小辣，。至於味道方面，食到有小小出前一丁麻油麵既味道🤔香蔥拌麵 - 蔥頭整得超香超入味，真係要比10個讚👍🏻👍🏻👍🏻麵就係稔稔地既台灣麵油炸排骨麵 - 排骨肉質好稔，好似漢堡咁，外面炸得唔脆麵又係正正常常既台灣麵。小籠包 - 等位既時候就係玻璃窗出面見到師傅係度整小籠包，真係個個都用磅磅過。多汁，肉滑黑芝麻包 - 心目中既芝麻吧應該係要流心的。哩個芝麻包個餡有少少乾，但極重芝麻味菜肉蒸餃 - 終於食到一間菜肉餃既菜比例係多過肉

原本打算食西餐、可惜是日餐點5太岩胃口～臨時轉戰附近「鼎泰豐」晚餐時間，櫃檯明確顯示-用餐時間為入座起計算一個小時十五分鐘。所以我地睇定目標先入座第一轉先點了201原味小籠包（6隻）和701排骨蛋炒飯.一直以來都好想試這店的招牌小籠包！果然冇令我失望皮又薄餡又靚..湯汁一流排骨蛋炒飯都令我有點意外每粒米飯都炒得均勻一點都5硬（小妹是食開軟飯）排骨比想像中鬆軟其後追加一碟菜肉蒸餃（忘了拍照）菜..切得超碎我幾中意第一次幫襯！很滿意～

平日7點來到沙田的鼎泰豐，已經見到長長的人龍，排隊排了1個多小時才有台。雖然知道長期都多人排，但平日都等1個多小時，其實有點兒耐😭😭不過不過食物水準確是不錯。必食的一定是招牌小籠包，皮薄肉厚，湯汁多，的確好味！同行3人還點了5個菜，醉雞不過不失，入味但肉質比較韌；蒜蓉炒油麥菜，很香蒜頭味，而且鑊氣夠不會很油；蝦仁蛋白炒飯，分量不多但味道也不錯；炸醬麵，炸醬分量不少，炒得香口，伴面味道很好；最後有荔芋小籠包作為甜品（可後上），很香的芋頭味，荔枝味就不是很食得出，不會太甜，剛剛好為晚餐寫上句號😁3個人總共點了6個菜，其實每個菜的分量都不多，所以食完3個人都覺得剛剛好，沒有捧著肚子走。

專登入沙田吃晚飯，早食6：30不用等好耐位。點了小籠包，醉雞，牛肉面，担担面。當然好吃！！我最愛小籠包，多汁，皮薄。醉雞味較淡，再濃味d就好。牛肉面好味，牛肉好林。担担面就辣左小小啦。

今日見條龍唔係咁長, 終於可以試到呢條台灣過江龍既水準。睇餐牌其實感覺價錢都幾貴，但黎到份量又好少，盛價比唔高。我地一行六人點左蝦仁蛋炒飯，蒜蓉油麥菜，擔擔麵，小籠包，燸米餃，醉雞。平心而論，食物質素係唔差既，但份量真係好細，你可以叫精緻既。蝦仁蛋炒飯D 飯好有蛋香，炒得幾乾身，粒粒分明，有再點既衝動。（太細碟是另一因素）蝦仁係好新鮮既，仲係好爽口彈牙，唔錯。蒜蓉油麥菜不過不失，略嫌落得太多油。擔擔麵又係細碗得要命，麵底質素一般，湯底偏淡，微辣。小籠包招牌係有反咁上下水準，皮薄，爆湯。其實見唔係幾抵食，叫左好少野，不過埋單個陣價錢仍然係幾貴哈哈哈不過服務幾好既，收碟都收得快。

新城市最偉大的發明係餐廳取票系統, 要找吃的, 不再需要長時間有門外等待!鼎泰豐只限進餐1小時15分鐘. 肯好點餐亦有系統的, 上菜亦很快.必食小籠包 - 真係皮薄多汁, 仲熱燙燙的. 外皮不黏筷子的, 亦不會太易穿, 肉汁直爆於咀內, 肉味甘香長久不散, 滿足滿足!紹興醉雞 - 酒味香濃, 雞肉夠滑, 而且雞肉夠厚, 份量唔算少, 皮下仲有少少膠質, 抵食!酒糟鴨舌 - 份量有20隻左右, 算厚肉, 而且十分林及入味.酸甜川子雞 - 大約6-7件, 件件都有1.5隻麻雀牌甘大件, 帶少少辣味的, 肉都好林唔鞋口, 底部的炸紫菜更加吸引的, 真係脆架!蝦仁肉絲蛋炒飯 - 呢到食炒飯真係幾貴, 而且細碟, 不過佢真係會執靚個樣, 所有食物都會"疊"好. 味道一般啦, 送有送味, 飯有飯味, 分開曬.

鼎泰豐沙田分店，地方都好大，繁忙時間用饍時間1小時15分鐘。叫左馬蘭頭，我也是第一次食，好精緻，菜粒，豆干粒，火腿粒，半圓形狀。味道普通，係咁食冇咩特別，加落麵度好味d，d菜會發大，鮮甜點。小籠包熱辣辣，皮薄肉少多湯汁，加醋一齊食，一口一隻，好味啊！排骨麵，炸排骨我初初以為炸得好勁，好多粉漿的，但又唔係，炸過的排骨仍然保留肉汁及好香的，亦好味道。上海麵普通，份量少，有些葱粒。服務好好，仕應主動加茶，收嘢，坐得舒服。

單人午餐。點了一籠小籠包，一客馬蘭頭。奉客茶是台灣烏龍茶。小籠包外形討好，味道太一般。肉餡粗硬。馬蘭頭不錯，有淡淡麻油香。一入座就被提醒只能用餐一小時45分鐘，有些令人不爽。很多客人一開始聽不明白，還要服務生重複一次。

係沙田行街經過鼎泰豐，平時個個都話好食，咁岩經過又唔太多人，一於去試試。青瓜，醉雞，蒜蓉波菜，紅油抄手，牛肉面，小籠包，八寶飯。整體上主食唔夠熱。。。不論小籠包定係牛肉麵都只係暖。。。青瓜幾甜幾爽口，但唔夠入味。醉雞紹興酒味太過濃，濃到有點苦，可能凍食黎講呢個係正常味道??紅油抄手食落唔覺有豬肉，菜苗較多，個汁反而唔錯!波菜揀材同處理都好好，夠林夠甜，唔會鞋口有渣。牛肉麵個麵真係唔差既!好滑好入味，啲牛肉又整到又香又林，非常好味到佢必食既小籠包!比想像中細隻，但佢蒸得岩岩好，而且粉皮夠煙韌，唔會好易破，食落勁多肉汁流出黎，鍾意食肉汁既人一定非常鍾意!整體黎講，試一次見識下就夠。因為食既食物好多地方都有呢啲質素，相比之下佢價錢較貴，性價比較低。最主要係佢既野唔夠熱，雖然放到入口，個溫度岩岩口，但感覺上唔係新鮮出爐咁

生平第一次幫襯，晚飯叫了很多款式包括绍興醉雞，煙燻黃花魚，排骨湯麵，菜肉蒸餃，紅燒牛肉麵，蝦仁蛋炒飯，但冇樣好食，size又細，價錢又貴，七個人食這些過千元也食唔飽，非常失望！！

鼎泰豐米芝蓮一星店。等位是常識吧。提早1 小時用新城市廣場apps 拎飛等枱。仲可以set 5個/10 個前訊息提示。set 咗電話顯示仲有10 個。我去完toilet 即刻扑落一層。短短三四分鐘。點知我嘅號碼過咗40 個。個apps 顯示過咗5 個要重新輪候。解釋？員工話好多人走咗。所以d no.跳得好快。我番去嗰陣。有三四個family 都係有同樣情況。最後要經理出黎安排番座位俾大家。我相信呢個情況唔係第一次發生。請貴公司正視呢個問題。D食物水準都唔錯。排骨蛋炒飯。d豬扒份量多。味道夠。炒飯唔油。個飯仲有好多蛋粒wor 紹興醉雞有酒香味。唔似其他公司咁。酒味唔足/ 無味。份量唔算少。望隔離附近d枱。枱枱都有order 👍🏼

小籠湯包：不比不知道，但各種各地的小籠包吃下來，鼎泰豐絕對是包界翹楚。每個小籠包的形狀、份量能夠基本保持一致。裏面的湯汁豐富，肉的軟硬適中，不似有的湯包，裏面的肉已經快成肉丸了。皮的褶皺均勻，薄如粉皮。蝦肉蒸餃：蒸餃內也有湯汁，每隻蝦餃裏都有兩隻蝦仁，皮較湯包略厚香芋小籠包：這種把芋泥做內餡，當甜品的創新很有趣，皮和湯包的皮厚度一樣，內餡全是香滑細膩的芋泥，又不會太甜。雜醬麵：麵和蔥油拌面、擔擔麵的麵條是一樣的，細長彈牙，雜醬的鹹淡也剛好，拌均勻後味道正好。酸辣湯：它家的酸辣湯也水準很高，除了材料豐富，每一種絲的粗細非常均勻，特別是嫩豆腐絲，長短粗細一致。酸度也剛好，不會過鹹過酸，而且辣度即使不吃辣的人也可以接受肉末豆角：屬於涼菜，味道也不錯，份量較小

嘩蟹粉小籠包好多蟹粉，內裡多肉汁(皮好薄，足料蟹粉和豬肉)黑松露小籠包皮薄，用料足(黑松露好香口，豬肉好嫩，滿滿肉汁)醉雞绍興酒浸雞的時間剛好，有好香酒味，雞肉保持到鮮嫩口感甜品赤豆鬆糕好多赤豆(趁熱食有鬆軟口感)不會太甜燻黃花魚，味道香濃，偏鹹左

因為朋友住在沙田，所以便跟他約在沙田，他推介食鼎泰豐，而我想起對上一次食都不知是多少年前，所以便同意了。一到達，馬上就可以入座，不用等位，但有限時75分鐘。我和朋友都鐘意食小籠包，所以一定會點。老實說，小籠包皮是夠薄，一入口它的肉汁馬上佈滿你的口腔，但是餡太小了，導致好像只是在喝湯。我們還點了三樣菜式，分別是蝦肉紅油抄手丶風味牛三珍和排骨蛋炒飯。紅油抄手白裏透紅，裏面的蝦肉若隱若現，十分吸引。它的辣汁不太辣，但又有小小麻辣，伴以抄手食，十分美味。牛三珍分別是牛展丶牛肚和牛舌。牛肚切成片狀，有別於我們平時食開的牛肚，伴以它跟隨的醬汁食，簡直是人間極品。排骨多，飯少，不過排骨肉質好嫰，又充滿肉汁，但是飯是用珍珠米，個人來說不太喜歡。四樣菜式總共319，價錢來說可以接受，不過就不太飽，如果比較大食的人想食得飽價錢就會比較貴。

拍拖去沙田行街 唔知食咩好 搭車打開個app 一開見到鼎泰豐 見到唔洗等好多張籌 就決定係呢到解決午餐啦今次冇食最出名既肉既小籠包因為男友鐘意食豆沙 就叫左個豆沙小籠包一到寫 我就一到同佢講中伏佢就食晒佢🙈每次都會叫既菜肉雲吞麵 雲吞水準一如以往既好食 清清地 而且皮夠薄同滑不過麵就淋左少少 蒜香粉皮肉 極鐘意食粉皮既我 當然唔少得食呢個啦 汁較得好味 唔會太重 都唔會太淡 肉亦夠淋 最後甜品 豆沙小籠包 第一次食 普通豆沙既味道 甜甜地 冇咩特別小籠包皮一如既往薄 😋服務依然非常好 👍🏻👍🏻👍🏻