鼎泰豐

营业中

休息中

下午行街行到肚餓, 見到鼎泰豐唔洗等位, 就二話不說三位丫唔該坐底叫完, 好快就上菜, 效率高, 岩晒我地班餓鬼。蘿蔔絲拌海蜇皮 - 前菜一定要食最鐘意既海蜇, 清清地, 夠爽夠彈牙 辣味小黃瓜 - 唔太辣, 咬落好鮮好多汁, 食完開晒胃小籠包 - 黎到鼎泰豐點可以唔叫, 皮薄多汁, 欣賞佢唔會薄到一夾就穿, 又唔會厚到好似淨係食緊皮咁蝦肉煎餃 - 強列推介, 脆脆地, 入面仲有汁tim, 唔會煎到乾晒, 啖啖蝦肉, 正! 蝦肉紅油抄手 - 唔係好夠辣既抄手, 只係小小辣, 怕辣既朋友都食得排骨蛋炒飯 - 淨係個炒飯已經炒得好好食, 想淨係叫多個炒飯, 排骨唔乾, 送飯一流迷你荔芋包 - 貪得意叫黎試下, 細細個一人一個岩岩好, 小小甜, 唔似古式包點做到好甜咁, 幾好味埋單$490, 好滿足, 我絕對會返黎

等了15分鐘坐位舒服一坐低就有茶飲肉絲蛋炒飯份量小蝦仁,肉絲多好味小籠包皮薄, 肉汁多熱辣辣紅燒牛肉麵牛肉有咬口湯底無牛肉味味道普通蒜泥白肉豬肉很香蒜頭味每次黎都一定點呢個鼎泰豐每款食物都很精緻, 細份可以食多幾款, 女仔黎食最岩

前菜叫左辣青瓜 開胃前菜，好辣的青瓜，入曬醬汁味，又香又好味，青瓜涷凍的，又爽口，吃完好清新 另外叫去炸豬排拉麵豬排炸得比較乾，我個人喜歡juicy 點，豬排肉質有彈性但又軟淋，炸完都有d油膩感，拉麵就不錯，湯清香面就煙靱有口感

食得連鎖店，追求既係倒模一樣既味道。鼎泰豐就做得到（起碼我食過香港呢幾間分店既服務同味道都差不多）午餐時間十二點半，直行直入唔駛等位。 另一邊有落地玻璃，有自然光☀️ 餐具乾淨，唔駛老老土土俾個盤你自己洗多次凍豆漿 $16清甜冇渣 蝦肉剪餃 $82 剛剪好，熱辣辣，脆卜卜，冇油膩感。每隻鍋貼入面都有原隻蝦仁。注意：上菜就盡快食，唔係鍋貼好快淋蒜蓉油麥菜 $60蒜香菜嫩👍🏻👍🏻👍🏻 排骨蛋炒飯 $84排骨有啲乾，唔係好夠味。飯用珍珠米，炒到粒粒都有蛋同油，唔錯。 不過不失，食完冇損失

今晚去左小龍包專門店食晚餐，點左個絲瓜蝦仁小龍包和甜酸川子雞，專注皮薄的小籠包，系夾起不易破皮，咬落去就可以飲到高湯，清清鮮甜，絲瓜加蝦仁好鮮，不膩，而且皮正在好薄，甜酸好濃的川子雞，第一啖系甜甜酸酸，跟住嚼落去開始辣，不過我好中意呢種感覺，好惹味，最適合夏天食，好滿足

一個人,在沙田工作完畢,想吃點什麼,輕便簡易就好了,就想起新城市廣埸不是有間鼎泰豐嗎?下午二時多,過了午膳時間,人潮漸散,不消五分鐘便安排到位置,叫了一份小籠包和油豆腐粉絲湯.原來每張桌面均有張小籠包食用指引,圖文並茂講解如何享用小籠包,例如醬油跟醋比例是1:3,先將包沾小許醬醋放湯匙上,用筷子把皮撥開讓湯汁流出,進食時伴以小許薑絲,還叮囑小心燙口,好不窩心.鼎泰豐的小籠包每間店的水準不時有些差異,首次光顧沙田此店,倒是皮薄饀靚,湯汁充足,肉汁豐盈,我單人吃了六個還感覺有些未夠喉,不過少吃多滋味,還是適可而止好.而油豆腐粉絲湯,材料亦十分充足,油豆腐配上裹以豬肉饀料的腐皮餃子,湯底鮮味非常,飾以薑蔥,色香味俱全;完成一整碗後,覺得很久未試過一個人,也可以這樣溫暖且滿足..

沙田食飯 去到邊都多人 反正都要等 不如食有名既台灣過江龍 鼎泰豐先黎一份 蒜香粉皮肉 有一點微辣 但都幾香口 我既食法會有匙將一片腩肉 中間放少量 滑溜溜既粉皮 上面放上一片爽口小青瓜 超配合 腩肉沾上滿滿既蒜泥加醬油 爽口又香油味主角小籠包 當然要沾上一比三既 醬油醋 再配上薑絲 熱辣辣香噴噴既小籠包 咬開 肉汁相當多 要好小心咬 包住滿滿鮮肉 但的豬肉唔夠入味 而且 皮唔夠薄 MG:4]最後點左碗 香酥排骨麵先談談 湯面 面條 又點太稔 食落有的太粉 湯低就有點太咸 有的搞唔均既味精味 香酥排骨 肉質煙韌 比起街外 炸排骨 呢道整既排骨 唔會太油膩 同埋好香口

平時經過親鼎泰豐都超多人，今日用app 18:03拎左飛，邊行邊等，18:40有位，限時用餐1個鐘15分鐘2個人食，叫左以下野食:1. 干煸四季豆，侍應話係預先炒好晒，所以上枱個陣都只係微暖，但味道都ok, 幾惹味2. 蒜香粉皮肉，醬油太多，粉皮變到有d咸3. 小籠包，熱辣辣，招牌就係招牌，皮薄多湯4. 炸醬麵，無得特別5. 擔擔麵，花生醬味好濃，有少少辣，我鐘意6. 甜品荔芋小籠包，同行者仲話荔芋做成小籠包會好怪，點知又好match, 唔太甜，好香芋頭味，又係熱辣辣，正不過埋單都唔平，成$350+

好想去台灣，結果黎左香港既鼎泰豐止渴先好在有app未到已可攞飛，否則排個幾鐘真係唔使諗蝦肉煎餃，雖然係落單後9秒9送達，明顯唔係落單先煎，但都熱到辣口，無所謂啦同行既好中意食小籠包，所以只有4人都叫左2籠蝦肉紅油抄手，同行唔食得辣既2位只每人食左1件，但我當然無問題，拎埋個汁點其他食物添鮮肉包，16蚊1個，可以不叫蝦肉燒賣，下面就好似小籠包咁多汁，全晚至愛汁撈菜肉雲吞（唔太記得個名），較實炸豬排炒飯，呢個炸豬排真係不得了，我係台灣時已是一試難忘最後係蝦仁炒飯，相比豬排明顯失色

好耐無黎luuu...今次係因為想食擔擔麵而來的 係apps度拎飛 等左一陣就有枱 唔算等好耐小籠包 有六粒 而且還是即刻上枱即刻食 所以係非常熱辣 小籠包皮簿函靚 仲有好多肉汁鎖係小籠包入面 所以食個時小心啲啊 我一啖就可以食哂成個小籠包 函料同肉汁分配得好平均 唔會過多唔會過少 good啊。台式擔擔麵 碗麵一遞上枱 我已經即刻要食返碗喇 首先味道很香 湯的濃度既有點稠又帶點辣 麵質彈牙 為了方便顧客享用 廚師還貼心地剪了一下麵 方便顧客夾麵 要讚還有花生碎撈埋一齊食 成碗麵真係色香味俱全 我要推介台式擔擔麵紅燒牛肉麵 因為之前無食過 所以今次試下食喇 首先麵質彈牙 同樣地廚師都有前了一下麵 方便食客享用 碗麵有三舊牛肉 一舊牛筋 牛肉好軟好腍 不過我還是比較喜歡牛筋多一點 因為夠彈牙咬口 同埋比較入味啲 湯的顏色看似夠濃 但味道同視覺上有點落差 整體上的味道還是唔太足夠 濃少少就比較好喇不過遇到一個怪待應 咁岩佢企係我後面仲要哼歌仲要比我聽到 而且最後我舉手想埋單時 佢第一句：「係。等陣點樣。」ummm....感覺唔多好 希望可以留意下。

5點多出到沙田立即吃晚飯，「鼎泰豐」晚飯時間一向都是等位等到哭所以未曾光顧，這天時間超早就不用等了。十四年前曾經在「蔡瀾美食坊」試過它，自此就沒有再吃了。小籠包皮薄多汁多肉鮮甜。 牛肉麵的牛肉易咬，不過湯水不夠濃郁比較普通。 麻醬香濃的擔擔麵，平日對擔擔麵興趣不大的老公也搶著吃， 不過湯水太少了，吃完麵都幾乎沒湯水了。現在不論去什麼地方看到醉雞幾乎必吃，它的醉雞也相當不錯，適當的酒香但沒有蓋過雞味。看似很吸引的鍋貼。 可能不小心沾了太多醬油，味道不怎麼樣。最後甜品的豆沙包及芝麻包。外層包皮有點煙韌，所以連吃兩籠包。

在媽咪的要求下，去了鼎泰豐為她慶祝生日。由於閒日的原因，只等了30分鐘。當然要食小籠包，這裡的小籠包皮薄餡靚，可以見到入面有滿滿的湯汁，食果時都好怕會一夾就穿，好彩冇事，而且肉味鮮甜，只是有少少油膩。再點了另一款絲瓜蝦仁小籠包，一樣好味，而且更清甜，餡料配合得宜，也不會太油，只是湯汁不多。上海燻魚的味道不出色，冇印象，有點失望。水晶肉比較好味，肉質分明，也很鬆化，點上醋汁，更能提味。可惜食了才記起要影相。四季烤夫味道普通，不太特別。酒糟鴨舌相當入味也有酒香，尚算嫩滑。醉雞的肉質很滑，亦不會太多骨，可惜酒味不夠濃，味道難以突出。油炸排骨看上去普普通通，竟然是驚喜之作，非常之香，而且不會太乾，也不過份油膩，想一吃再吃。甜酸川子雞有小小辣，甜酸味不太出色，可還算是香，雞肉不會太韌。豆沙小籠包的皮比較厚，入面有足料豆沙，口感細滑，也不會太甜。還有一點要讚揚的是，我們帶了生日蛋糕，本來想說要$150的切餅費有點貴，但原來非常值得，侍應生見我們食完飯，突然問壽星的名字，原來他們會為壽星唱歌，還主動為我們拍照，令人意想不到。

周圍尋尋覓覓, 期望找到出色既小籠包, 比較之下, 始終都係呢度既小籠包名列前茅.我叫左蟹粉小籠包，食小籠包一定要趁熱, 皮薄餡靚係出色小籠包基本條件, 這裡既小籠包就符合以上條件啦. 小籠包從外面睇清楚見到裡面湯汁, 點一點醋同鼔油, 最緊要加埋薑, 先能夠帶出小籠包既鮮肉味. 加埋小籠包上面既蟹粉，令層次感更分明，如果多少少蟹粉就好啦。其他既食物水平就無小籠包咁高啦, 另外既台式擔擔麵, 白色既擔擔麵上面有少許花生醬同花生粒, 擔擔麵本身都夠滑呀, 但花生醬味道始終都係港式, 同台灣既不能相題並論.

難得老媽子放假又願意出街食飯老媽子話想食上海野，聽聞鼎泰豐出名好耐提議不如試下去食鼎泰豐，我就帶他去鼎泰豐啦我們點了醉雞，蒜香粉皮肉，香菇素餃，小籠包先來個冷盤醉雞香氣撲鼻，酒味芬芳濃郁香雞肉滑嫩 ，但我覺得唔夠雞味蒜香粉皮肉，呢個辣辣地，幾開胃五花腩切得薄薄吸滿了蒜泥辣醬汁油香之餘也爽口底下的粉皮掛滿醬汁，入口順滑之餘又香辣惹味香菇素餃，是好簡單嘅素餃但味道剛剛好!!點一點醋，更能把味道帶出呀!無得輸不能不點的小籠包熱騰騰好軟身湯汁多又鮮甜，一口一個忍不住一籠六隻我食咗四隻這裡工作人員招呼週到今餐都幾滿足，一定會再食

鼎泰豐雖於香港開設分店已多年, 早兩年都有在台灣品嚐過, 在香港都是頭一次試。平時已經人龍不絕,剛好踏入下午茶後與晚飯前的非繁忙時間, 在不用等候的時間, 用膳時間亦限於1.5小時內…限時用膳是有點時不能接受,但吃個小籠包其實已經足夠的。店員都是操一些唔咸唔淡的廣東話,尚算有禮貌, 店內環境都不錯,坐得都幾舒適~點餐是用劃紙仔的形式,菜名及價錢都一目了然!先來介紹呢個超級好食的辣味小黃瓜!真係出奇地好食!其實我好偏愛食青瓜即黃瓜啦,只係就算呢個咁簡單的一味菜,有時都會出現參差的情況,但鼎泰豐呢個小黃瓜味道真係一絕! 辣汁調得好惹味,少少辣又唔嗆,小黃瓜好冰涼, 口感好爽口,超級清新!真係可以無限再encore呀!招牌小籠包, 一籠有6個, size偏小, 一口一個就剛剛好!湯汁熱辣辣與豬肉包在薄薄的皮內, 只係略嫌粉皮收口位置過厚,影響了口感!但味道係好好味的。油炸排骨湯麵, 麵條分佈平均而且索湯, 質感唔會太腍, 剛剛好! 排骨味道極佳,應該用了好多唔同嘅調味料, 味道複雜得來好得! 肉質夠腍,唔使點嚼，易入口!菜肉紅油抽手冇肉!!呢個做得好差,菜同肉都好碎,冇口感,味道上冇肉味,不