點心到 MIX·大排檔

营业中

休息中

這家超新的點心店正好順應了轉型的潮流，而我們卻是晚上來嚐他們的晚市大排檔小炒光猛明亮的座位，冷氣不會太集中，令人坐得舒適海鮮豬牛雞豆腐都有，大部分都是有鑊氣小炒～食物：黑芝戀一口豆腐＄６８以芝麻包裹嫰豆腐，再澆上適量炸蒜頭，口感外脆內軟，惹味得來又不會太油膩，好吃！左宗棠雞煲＄８８份量不少的微辣雞煲上桌時尚未全熟，經過翻炒一陣子之後才熟透，所以異常嫰滑，裡面加入三色椒同炒，好一道雞煲！蒜蓉蒸勝瓜＄６２作了適量調味的蒜蓉加在多汁的勝瓜上，既清甜又香口，好吃！黑金流沙包＄１０個：完全是爆汁的咸蛋黃奶皇汁，即使放涼了的包包都照爆！卡通芋蓉包＄１０個：超可愛，芋香甚濃的包包～

旺角開咗一間新嘅點心食肆，大概開咗兩個月，餐廳樓面好大，而且裝修都具有現代感，環境乾淨企理。晚市有唔同套餐可供選擇，今次叫左套餐b。韭菜鴨血，鴨血滷得入味，韭菜份量都幾多，而且爽口，不過偏鹹，送飯一流！冰鎮咕嚕肉，店舖招牌菜之一！用上大量冰塊震住咕嚕肉，咕嚕肉外脆內軟，冰鎮得來又夠晒鑊氣！菠蘿亦用上新鮮菠蘿，菠蘿味更香，大推！飛天通菜煲，上菜時鑊氣十足，通菜新鮮，食落唔會太鹹！甜品方面，黑金流沙包同卡通芋蓉包，為晚餐畫上完美句號。

金雞廣埸既地下，小食店有好多，但係就有一個新開食小菜點心的店鋪，店內裝修好新，十分光猛，每枱之間亦有相當距離，坐得好舒適。 今日叫了幾個靚餸，必食一定係，秋葵野菌豆腐!!特別之處在於一件豆腐竟有兩層，下面是平日食的豆腐，但其實質感係玉子豆腐，更加香滑‧而上面充滿秋葵味的一層。一件豆腐可以做到有兩層，兩個味道，十分特別。上面再有一層秋葵係面，鐘意食秋葵的一定好鐘意。 啫啫芥蘭煲啫啫煲最緊要香口，有香味，一上黎既時侯，香氣已經先聲奪人，味道十分之好。揀芥蘭因為它夠爽，有咬口，把啫啫煲發揮得最好。配飯食一流 川式口水雞辣得過癮，麻得夠爽，個汁調得好好味道，而且雞件好入味，口水雞配飯都係好好既配搭，這香辣是會食上癮的。 黑金流沙包卡通芋蓉包卡通芋蓉包，好可愛，芋蓉好好食，兩個包都相當流心，熱辣辣流心餡出曬黎。

冇諗過 夜晚喺麥花臣球場附近食飯， 竟然有金碧輝煌的感覺。講緊嘅係喺金雞廣場地下新開的點心王mix大排檔，新餐廳 日頭出來的時候賣點心，日落之後做大排檔餐廳門面光鮮不在話下， 樓底又高 ，內裡座位設計坐得舒服， 食客坐位之間夠寬闊， 唔會覺得 兜兜踎跖， 最重要係價錢相宜， 即使靚裝修， 食物款式同分量亦都性價比高，正呀喂。大排檔食物選擇豐富不在話下吧， 由各式海鮮到小菜即叫即炒， 仲有 餐廳自製的特色小菜，都非常吸引人。黑之戀一口豆腐一口豆腐係以竹炭粉去製成， 所以粒粒都係黑色，但係咬落係白白滑滑的嫩豆腐， 黑白相間超得意， 鹹香得嚟夠嫩滑，I like it. 保仔左宗棠雞煲一味油雞同酒造成的菜式, 上枱時雞煲仍然滋滋作響, 一打開蓋, 雞與酒味即刻蜂擁而出， 證明夠鑊氣。 雞肉外面微焦香口， 內裏嫩滑有雞香，香氣撲鼻。蒜蓉蒸勝瓜蒜蓉同勝瓜分量都超澎湃， 雖然材料簡單，正好 減淡雞煲的油膩感。白飯唔好睇少， 飯粒粒分明，米飯 軟硬適中， 超有誠意。楊枝甘露傳統中菜館喜歡用紅豆沙綠豆沙做甜品，呢度 勁有heart 送楊支甘露/ 黑金流沙包， 我揀咗楊枝甘露， 芒果微酸帶甜， 柚子清甜

曾經去過廟街既點心到, 仲記得當時同朋友都一致認為佢地既點心都係新鮮出爐好好食, 當時佢仲係一間普通小店,  估唔到相隔一年, 係旺角金雞廣場地鋪開左點心到MIX·大排檔, 餐廳面積大左, 座位寬敞左, 環境光猛整潔, 整體環境都好左! 而野食方面, 店如其名, 點心到由主打即叫即蒸 點心, 到而家MIX大排檔, 除左點心之外, 仲有粉麵飯同埋撚手小菜!黑之戀炸豆腐賣相令人以為係臭豆腐, 但其實黑色只係竹炭, 面頭仲加左D金箔, 賣相靚左又高貴左。新鮮炸起, 外層非常鬆脆, 入面係滑溜既豆腐, 用條脷輕輕一壓, 先脆後滑, 口感好好~ 味道類似椒鹽豆腐既口味, 香口好味!蒜蓉蒜絲瓜份量好足, 兩個人食夠哂!! 絲瓜甜甜地, 面頭鋪左勁多蒜蓉, 好香! 如果底下鋪D粉絲應該會仲正呀!!保仔左宗棠雞煲第一次係專食雞煲以外既餐廳食到咁惹味既雞煲, 店員一打開個砂鍋蓋, D煙同香味就攻出黎仲發出新鮮熱辣既滋滋聲, 睇到都流口水!! 雞肉入味, 仲有彩椒同埋好多香料例如蒜頭, 薑同辣椒, 成個煲勁惹味又辣辣地, 撈飯一流!楊枝甘露啖啖都食到芒果同柚肉, 甘露既底濃淡適中質感又夠厚身, 我認為好食

本地薑大排檔加點心都係香港嘅特色美食，茶餐廳度度都有，煮得好食同坐得舒服就真係唔容易!呢度新開張，坐滿咁多人就走來試吓，果然又真係有驚喜!💥蒜蓉蒸勝瓜$62🥒即叫即蒸，上菜時熱辣辣，出晒煙！勝瓜新鮮夠晒甜！保仔左宗棠雞煲🐣$88呢個雞煲係唔辣嘅雞煲啱曬我！甜甜地嘅醬汁好惹味，可以食到3碗飯！煲仔餘溫熱辣辣，上菜嘅時候就要用匙羹兜兩兜，如果唔係就會燶呢！黑之戀一口豆腐$68◼️第一次食咁特別嘅炸豆腐！黑色炸皮好香脆，重點係夠薄，好似食緊薯片咁，配埋香軟嫩滑嘅豆腐，真係做到外脆內軟！值得一試！楊枝甘露🥭$25有淡淡芒果肉！可能芒果肉夠多，好似仲好食過出邊啲糖水舖！下次真係好想試埋佢個點心！#旺角美食#食好西#點心#雞煲#大排檔#一口豆腐#楊枝甘露#新開餐廳#本地薑

好耐冇出旺角食飯了，行過見到間光猛食肆，俾佢吸左去望吓! 佢大大隻"點心到", 意為只供點心，望真d, 後面有埋"mix 大排檔", 餓鬼的我和好友，立即入去。見到有d三餸一甜品餐，見到口水雞，口水即流，就點呢個。估間野唔到，食物水準真唔錯！口水雞係我食過最滑ge!! 重點係佢d 醬有別於一般的，食到重慶之味但又唁係辣到瘋，食到麻醬，complex 但yummy!!! 啫啫芥蘭夠鑊氣，由嗅覺到味覺都好ok,香得來又好夠味，肉碎送飯正👍🏻 驚喜之作係佢ge 自家製秋葵豆腐，每舊豆腐由外皮到裡面都要讚！先是唔會好油但好香蛋味ge 外層，半脆狀態，咬一口，見到佢滑滑兩層，有綠有黃，原來綠色個層係菠菜豆腐。我食完一舊又一舊，佢真係叫人停不到口的食物！就係甜品的芋頭同流沙奶王，正在唔係好甜之餘，個包好軟熟😋😋 推介一試👍🏻

之前已經係佐敦油麻地店，飲過夜茶，記得同朋友都非常滿意，因為的確好少香港既地方有夜茶飲！！上一次經過金雞廣場發現分店開將仲要寫住MIX大排檔，心想應該除左點心以外更加多元化，多左好多香港有既特式小炒，如果唔係又點會叫做大排檔，抱住十分期待既心態入店，一行二人安排左卡位。。點心方面同之前食既一模一樣都係非常新鮮同CP值好高！隔了兩個月後，再次有家庭聚會都選擇再到訪原因好簡單，就係性格比很高，而且味道做得非常出色，當晚七點入座，安排左坐一張好舒適既四人圓檯。。點了好多餐廳推介既特別菜式！花膠雞濃湯，大大鍋湯底做到好香濃，雞滑滑的，花膠做得很夠冧，食得出無味精，好出色～～～呢個要encore十次金銀蒜粉絲象拔蚌，呢個菜好多地方都會，但係食得出呢度好有heart.. 原因係因為蒸嘅火候啱啱好，金銀蒜夠足料，啱晒鍾意食蒜既朋友。。。炸豬大腸拼菠蘿，喺第一次黎食已經想點呢度菜，點知賣哂，所以今次必點，點知都全無失望！外面香脆已經好夠，唔會話燶哂果隻，值得一試！重頭戲海鮮黎喇，花雕蛋白蒸蟹，黃金蝦球，黑松露炒班球，海鮮真係好講"""大廚功架"""，因為新鮮食材唔足夠，最緊要係火候做得要岩岩好～～唔可

呢間新開既新式點心店，外面望入去好光猛，啲裝修好靚，同以往既點心店好唔同，而且呢間點心店好大，基本可以容納60-70人。佢除左係點心店之外，仲係大排檔，可以叫小炒食，不過今次我地四人去食午市點心，叫左都算多野，逐一逐一介紹。香煎蘿蔔糕：煎得火喉唔錯，唔太燶但又有香口既味道。鮑汁鳳爪：鮑汁味道濃，煮鳳爪都好入味，整體都好味。鮮蝦腸粉：有兩大條，個漿開得幾好，不過多得滯，太厚粉，同埋蝦既份量唔太夠。金錢肚同牛柏葉：同外面坊間既差唔多，味道同份量都差唔多，無乜大特別。蝦餃：可以揀4隻或2隻，都夠大隻，但味道普通。黑松露菜苗餃：呢有啲驚喜，黑松露味無比蒸氣蒸走哂，反而仲好重味，配埋菜苗餃，食落又幾夾。重點係黑金流沙包同埋榴槤酥，呢兩樣應該係佢地既招牌同最多人叫既，因為個賣相好吸引，黑金流沙包一個字，正，因為佢蒸得岩岩好，流沙出嚟好沙，唔似外面既點心店好水，個味道亦都好重味，食完唔會好膩。鍾意食榴槤既朋友，呢個一定無走雞，榴槤味好夠，又唔會食完太重味，洽到好處，啲酥皮做得好鬆，又夠層數，都係一個好用心機表現。整體黎講，以點心店既水準，佢係算高的，希望佢可以保持水準，價錢都合理，令人食得舒服，下次

之前去過油麻地一間食點心嘅餐廳，感覺都唔錯。最近發現佢哋喺旺角都開咗分店，而且晚市仲有小炒，所以今晚我哋就去咗食晚餐啦。🔸韮菜鴨血自從冇得去旅行之後，大家都愛上左喺香港食鴨血。估唔到今日唔係去台式餐廳都一樣有鴨血食。呢度嘅做法係潮式嘅做法，鴨血再加上韭菜。鴨血都幾大件，夾起唔易散，食落口感都幾滑。🔸飛天通菜煲炒通菜嘅味道惹味，口感爽脆。上枱嘅時候仍然保持出晒煙熱辣辣嘅溫度，但係啲通菜都唔會煮得太老，而且份量都幾多。🔸冰鎮咕嚕肉呢個咕嚕肉做得非常出色，佢係冰鎮嘅做法，生炒骨仍然係暖暖地嘅溫度，但係表面接觸過冰塊，所以外皮已經變得凍，但同時令到口感變得鬆脆。加上味道酸酸甜甜，要嚟餸飯就啱晒，真係非常推介大家試吓。🔸黑金流沙包、卡通流心芋蓉包我哋最後一人叫咗一個包，卡通流心芋蓉包個樣真係非常可愛，有笑哈哈嘅造型，見到都已經夠晒開心。芋蓉嘅味道非常突出，口感都好滑。至於黑金流沙包就係奶黃口味，食嘅時候已經冇流沙嘅效果，但係味道都唔錯。

下午茶時間，門口等左五分鐘就有位。入到去坐低，坐位唔會好迫，環境都乾淨企理。碗筷都好乾淨，茶係暖水壺入面放茶包個款。點心8分鐘內有得食，全部都熱辣辣叫左幾個點心，大部分都好滿意：1. 蝦餃：$15 2粒，細粒過乒乓波，皮比較厚，🍤好彈牙2. 金沙流沙包：味道唔錯，唔會太甜，新鮮蒸起，賣相精緻，可惜流心唔多3. 金沙脆皮銀蘿腸：腸粉皮一般啦，唔係好滑口，但內裏好味，好脆口4. 沙律明蝦角真心推介！用新鮮油炸起，成粒漲卜卜，好味道5. 籠仔金銀蒜海蝦飯都好食兩個人食每人兩碗，蝦係新鮮海蝦，蝦身舖滿蒜蓉，加油葱花同豉油，超正6. 榴槤雪媚娘：榴槤糯米糍，好大粒有兩粒，用小cupcake 杯裝住，黃色皮配大量cream 同榴槤肉，味精不過不失，有d溜，不過好抵食茶介每位$3，免加一。整體係抵食

早幾日去旺角行街，見到呢間新開嘅中菜館。見佢啲菜式都幾新穎，所以就入左去食晚餐～原來呢間餐廳有供應點心，但只限午市，夜晚只有兩款甜包點供應～但晚市菜式選擇豐富，睇到我地花多眼亂，最後叫左下面呢幾款：黑之戀炸豆腐食落咸咸香香，有啲似臭豆腐，又有啲似椒鹽豆腐，外脆內嫩，唔會好油膩～做餐前小食不錯😍蒜蓉蒸絲瓜絲瓜清甜，配上惹味嘅蒜蓉，味道恰到好處！左宗棠雞煲相當惹味！雞肉好嫩滑，好入味，辣辣地餸飯一流！精髓係啲蒜子，吸收左雞肉同醬汁嘅精華，超級正！甜品：卡通造型芋泥包/黑金流沙包兩款包嘅外皮都好鬆軟～芋泥包內餡綿密，充滿芋頭香；黑金流沙包嘅餡料就好香鹹蛋味😍呢間餐廳嘅食物質素都幾高，而且坐得好舒服！下次要去試下飲茶！

旺角新開左間點心x大排檔MIX & MATCH嘅餐廳 晚市時候好多朋友都會選擇喺度食飯呢度位置好就腳就喺金雞廣場隔離成間舖頭好光鮮 用咗吊燈感覺更有氣派我同朋友叫咗個韭菜鴨血 韭菜做底 鴨血份量好多 鴨血好入味 重蒜蓉 味道好濃郁 用嚟送飯好一流！主菜方面叫咗冰鎮咕嚕肉同飛天通菜煲冰鎮咕嚕肉好正！七彩椒加埋咕嚕肉汁色彩夠繽紛 咕嚕肉外表經過油炸擺在冰上鎮 頓時令咕嚕肉外皮變得鬆脆冷熱冰火交融🤩🤩確實令人喜出望外仲有飛天通菜煲 熱辣辣吱吱渣渣一上枱已經相機食先 出邊食開嘅通菜煲通常又肥又咸🤢但係呢度所有嘢都控制得好好😯😯唔會太咸熱度十足 每條通菜仲好入味！認真唔誇張再加左兩碗白飯送飯 足夠兩至三日份量甜品方面 有特色卡通香芋包同黑沙流心 熱辣辣用蒸籠上 香芋好滑 鹹蛋黃又夠流心兩者都好美味呀 (￣▽￣)！

點心店剛剛新開張，又係公司附近，同事門已經食咗好幾次，好食到連食3日，今日終於可以4人一枱食飯，下午2:00都幾多人，等咗一陣就有位，雖然冇下午茶時段，不過價錢唔算貴，所有點心都即叫即蒸，勝在夠新鮮，所以時間要等得耐少少。第一樣上係黑金流沙包$24跟住叉燒腸粉$23流沙包好流心👍🏻腸粉夠滑鮮蝦餃$24（蝦肉新鮮）鮮蝦腐皮卷$25（夠香脆）五香鹹水角$18（脆卟卟熱辣辣）蠔皇金錢肚$24（問得夠淋好入味）薑蔥牛柏葉$24（小辣野味）卡通流心芋蓉包$22（一般唔夠流心）籠仔金銀蒜海蝦飯$40極力推薦超好味，荷葉蒸，蝦🦐夠新鮮，面頭一層香蒜撈飯一流😋😋除咗卡通包一般般之外，其他全部都好好味👍🏻👍🏻

新開嘅點心店，路過幾次見到好闊落好光猛，就搵咗個周末中午嚟試～咁啱有卡位坐，好舒服，同埋落一半簾唔會太曬。店員好快就上茶，唔係平時飲茶咁揀沖咩茶葉，只係平時茶記嗰種茶。點心選擇都好多，經典大路款式，我同老公都鍾意呢啲多過 fusion 款 最開心係蝦餃燒賣有得揀半份，因為得兩個人食，次次都覺得每人兩粒有點太多～個人推介：黑金流沙包 — 比一般 size 細少少，呢個大細啱啱好。流沙做得好好，全部溶化，如果內餡多啲就仲正！燒賣 — 個餡好實淨，一啲都唔粉，亦唔覺太肥（好多時都食得出肥豬肉...），肉味出。籠仔香辣排骨飯 — 好香好入味，金鳳米好嚼口，個籠好闊大但層飯其實好淺 XD另外仲叫咗蝦餃、金錢肚、豉汁鳳爪、叉燒腸、鯪魚球，全部都係水準或之上。味道、份量、價錢（免加一）、環境各方面都好好，午市另外有飯麵、小食供應，睇食評先知平日早餐有優惠，會回頭再試！