點心到 MIX·大排檔

营业中

休息中

位於金雞廣場的點心到，交通方便。外賣自取10款點心，合共$209。價錢相宜，味道質素中上。難怪人流絡繹不絕。免加一免茶芥，而且點心原價比傳統酒樓便宜，難怪點心店大行其道。

今日放工同同事喺旺角附近搵咗間餐廳食嘢，行公園波鞋街經過呢度，估唔到開咗間咁大間嘅餐廳，喺門外睇個餐牌，見到係食啲鑊氣小炒，就俾佢吸引咗入嚟呢間餐廳有好多唔同類型嘅食物，有點心，鑊氣小炒，連海鮮都有，價錢都幾相宜，環境好唔錯，感覺超乾淨我同朋友就唔叫左以下嘢食冰川話梅聖女果：朋友超鍾意食蕃茄仔，今次呢個係用話梅去做汁，仲要係用冰鎮嘅方法，酸酸甜甜超級開胃鑊氣小炒王：食親呢啲鑊氣小炒都一定食小炒王，咁先試到佢既功力，呢個小炒王都冇令我哋失望，入面有豬肉條，魷魚，韭菜，木魚絲，夠晒鑊氣豆豉鯪魚炒油麥菜：呢個油麥菜份量好粥，食極都仲有而佢個味道調校得啱啱好，油麥菜又爽口送飯一流黑金流沙包，卡通芋蓉包：仲叫咗兩個包因為呢間叫點心到，朋友就話想試吓佢嘅點心一人叫咗一個，流沙包仲要係留心嘅，芋蓉口感都好好

經過金雞廣場見到有間餐廳新開張，外面落地大玻璃，見到入面都幾乾淨光猛，就入去試下啦，呢度除咗有點心，仲有小菜添。 點心方面揀咗個卡通芋蓉包同埋黑金流沙包，卡通芋蓉包外表好得意，有個卡通樣，入面芋蓉好香，味道唔會太甜。黑金流沙包外表黑色，搣開個包流出熱辣辣金黃色嘅流沙餡料，平時食開嘅包都係白色，宜家喺黑色包嘅襯托下，流沙餡料顯得份外金黃。 冰鎮咕嚕肉酸甜適中，個底鋪滿冰塊，外面又脆冰涼，裡面又熱又鬆軟，而且減低肥膩感，夏天食最啱！ 平時多數食豬血，但近年都興食鴨血，我朋友每次打邊爐都一定叫，本身我好少食㗎，不過比佢搞到我宜家都成日叫嚟食，鴨血嫩滑多汁，帶少少微辣，非常惹味。 飛天通菜好有鑊氣，啲菜翠綠爽脆，味道又唔會太鹹。

有個知我好中意食中菜既foodie朋友話佢前排發現到呢間新開既“大排檔”，裝修靚得黎之餘啲菜式仲好有水準兼鑊氣，所以今晚就帶左我過黎食😀我哋七點過到嚟全場已經差唔多full曬，睇黎真係幾唔錯😮兩個人叫左個韮菜鴨血，冰鎮咕嚕肉，飛天通菜煲，白飯同楊枝甘露👏⭐韮菜鴨血 個汁幾香，有啲似沙爹汁，韮菜無渣，鴨血夠滑，一個好補身既無敵組合👍❤️飛天通菜煲店員一幫我哋揭開個蓋聞到超級香！😍 好有鑊氣，鹹香味濃而不膩，加埋微微既辣非常惹味😋❤️冰鎮咕嚕肉好特別，第一次食凍既版本😂外層炸粉好薄，食落勁脆口兼透心涼，裡面肉質嫰滑，酸甜味岩岩好，水準無得頂👍👍👍❤️楊枝甘露好足料，芒果夠甜，食落幾重椰奶香味😋foodie真係foodie😂果然無介紹錯！如果夏天唔想熱辣辣但又想食高質兼有鑊氣嘅小菜，呢度絕對係不二之選！🎉😎 (仲要免加一同茶芥👏👏)

今日去咗 食小炒位於金雞廣場地下的一間舖頭 裝修非常之好座位也不錯 我一去到就點了 點了三碟小菜我最喜愛的韭菜鴨血，冰鎮咕嚕肉及飛天通菜鑊氣非常，價錢又很適宜每碟大約六十至八十元不等我我們的菜來到的時候 每一個食客都嘩然，因為這個咕嚕肉的酸酸甜甜吸引附近的食客，飛天通菜亦都是本店之特色非常之夠鑊氣，好味！ 最後再來一個楊枝甘露簡直會慢的高峰楊枝甘露 夠材料裏面有芒果西米及最重要有香的椰汁味真的是好好味

去完大大與小妹專門店之後再四圍行，行到咁上下見到金雞廣場地下開左間新餐廳，又有點心又有小菜，又夠晒光鮮，一於入去試一試先😍先點左個小食先✌️ 黑之戀一口豆腐～ 炸豆腐外皮黑色，表面鋪上竹炭炸粉，炸得香脆，入面又滑溜，食到唔停口🥳再點幾個小菜❤️❤️ 真係好多款都好想試下！冰鎮咕嚕肉～ 招牌菜🌟 即叫即炸即炒嘅咕嚕肉，冰鎮後令外皮更加香脆，咬落去內裡依然熱辣辣，但外皮又凍冰冰，對比強烈好得意保仔左宗棠雞煲～ 鑊氣夠晒，超級香噴噴。雞件份量都算多，好惹味👅 洋蔥同三色椒都好入味蒜蓉蒸勝瓜～ 蒜蓉味夠香，勝瓜都蒸得夠淋4月30日之前仲可以用$1優惠價食到大排檔既鑊氣豉椒炒蜆，超抵☺️最後點埋個楊枝甘露，超正超完滿👍🏻下次一定要試埋d海鮮🦐🦞🦀🐟🐙

點心到 mix大排檔就在旺角金雞廣場地鋪，免收加一免茶芥！地方光猛坐得舒服！而且價錢唔貴，menu都好多款式選擇！就叫左份韭菜鴨血，鴨血質感還要比豬紅來得嫩滑！醬汁濃郁入味，底部既韭菜夠爽，亦都入哂味。飛天通菜煲，上台時熱辣辣出哂煙，非常有鑊氣既一味餸，非常惹味，通菜夠爽又夠味，濃而不咸！ 冰鎮咕嚕肉，透心凉既口感好正，咕嚕肉夠爽脆，旁邊既青紅椒夠清新。楊枝甘露相當足料，粒粒西柚肉，西米，芒果肉好有層次，唔會死甜！甜得自然，幾好食！

這食店十分之方便你地鐵大約2分鐘，餐廳環境十分之光猛明亮，令人十分舒適，加上店員也🔟分熱情地招待，感受到一份熱情.食物種類也十分之多，有小菜，炒粉麵及點心等可算是一間多功能的餐廳這個口水雞，十分之香辣，好味道，雞肉充滿了啖啖肉味.這個豆腐十分之有特色，是綠色的外表，十分之香脆，但內裏十分之香滑令人感受到這件豆腐並不簡單，充滿了廚師精神烹調的努力.這個石鍋上的芥蘭煲十分之好味道鑊氣十足.最後這個包點十分之新鮮，包皮好味道.

早排經常去佐敦點心到，見依間mix大排當開咗無耐同朋友一試，結果更愛依間分店，環境舒適地方大好多，唔駛太怕疫情嚴重同人迫埋一堆。點心同總店一樣好味，有機會試吓大排擋小炒先。

呢間餐廳主打住大排檔風格嘅茶餐廳 相信都係有唔少鑊氣小炒 十分期待✨冰鎮菠蘿咕嚕肉一直都唔明點解菠蘿咕嚕肉要冰鎮咁樣上 食完之後先發覺原來佢原因係要保持外層香脆 咕嚕肉唔會因為話淋上甜酸醬汁之後而冧咗✨啫啫通菜煲大排檔必食之選，用咗砂煲嘅方式上菜，想嘅時候保持住熱力不停滾，好有鑊氣同keep住熱力。除左通菜之外仲有少少肉碎，唔洗怕個煲冇味，係好惹味✨韭菜鴨血本身都幾好鴨血 見到呢道竟然有得叫鴨血 當然叫叫佢。 鴨血好入味 個芡汁味道好到位，我覺得唔錯✨黑金流沙包 蓮蓉包黑金流沙包同蓮蓉包好靚啊，流沙包內層真係一咬就流晒岀黎🤪

今日同阿媽係旺角行完街搵食，見到金雞廣場地下這間點心到，裝修新淨，店內燈光光線充足，座位闊落。附近有幾個小巴站，交通非常方便。韭菜鴨血，鴨血滑嫩，用秘制汁料和韭菜一齊煮，湯料香濃，少少辣，非常野味。冰鎮咕嚕肉，賣相和味道都相當出色。外面炸得香脆，放在冰上凉凉地，裡面又熱又軟，又冷又熱，又甜又酸，口感非常豐富。仲一啲都唔肥膩，開胃生津，超好食。飛天通菜煲，穫氣十足，上枱時仲唧唧聲未滾完，加入豆醬和少許辣椒，送飯一流。阿媽想試芋蓉包，我都唔執輸，叫番個黑金流沙包，兩個包都好精緻，芋蓉包好可愛，流沙包名副其實，唔太甜。真係冇叫錯。每款餸都份量十足。而且餐廳仲有好多選擇，由小炒到海鮮都有。侍應哥哥好nice,話早茶由7點已經開始，而家仲係親民價。值得一試！

星期六晚正煩緊去邊度食嘢冇咁多人嘅時候就見到呢間新餐廳，見窗邊有好多好舒適嘅卡位再望吓個餐牌見到原來除左點心仲有好多小菜選擇，二話不說就入去了。我哋三個人好快就揀咗四個小菜，叫咗睇相就覺得吸引嘅秋葵野菌豆腐，椒鹽九肚魚，麻辣雞煲，啫啫通菜煲，四個小菜好快就送到，食小菜最緊要就係熱辣辣，呢點完全做到，煲仔菜出晒煙香噴噴（睇相都聞到😆），特色小菜-秋葵野菌豆腐有心思，豆腐係鴛鴦色非常特別，有驚喜！💡整體價錢好合理，小菜選擇又多，見到有新鮮海鮮供應，晚上亦有部份點心供應，三個人食四碟小菜兩碗飯，平均每人只係$105 ，想喺旺角食個快靚正又坐得舒服嘅晚餐實在係一個唔錯嘅選擇。

係旺角金雞廣場地下開咗一間新式靚裝修港式大排檔，感覺幾乾淨企理，今次就去試一試晚市小菜啦。餐牌選擇豐富，大部分大排檔小炒都有，當然唔少得有啤酒汽水。2個人揀左好耐，終於揀咗幾樣野食冰鎮咕嚕肉：咕嚕肉炸得香脆，甜酸汁味道平衡得啱啱好！好適合餸飯食！加左冰塊，又凍又熱，另有一番風味呀！韮菜鴨血：平時食開既豬紅，換上鴨血，口感更滑溜入味！食唔停口！飛天通菜煲：上枱時煲仔仲係熱辣辣渣渣聲。用豆瓣醬熱炒通菜，又香又惹味！黑金流沙包：平時早午市主要供應點心，晚市都可以叫包點當甜品。流沙包奶皇好好味😋

好耐冇食過鑊氣小炒，平時去大排檔先食到嘅，估唔到喺呢間餐廳都食到，餐廳位置極之方便就喺旺角金雞廣場樓下餐廳環境幾唔錯，夠晒光猛乾淨，晚飯時間都錯門晒人，好彩等咗一陣就有位食物方面，原來呢間餐廳除咗有啲鑊氣小炒，仲有點心可以嗌嚟食，小炒方面除咗平時大排檔嘅小炒之外仲有海鮮食價錢都唔算貴我同朋友就叫咗個保仔左宗棠雞煲：呢個煲鑊氣超夠，雞件份量夠多，味道香濃，連入面嘅洋蔥同三色椒配料都好入味蒜蓉蒸勝瓜：勝瓜入面都仲好Juice，冇整到好乾，蒜蓉味夠香，佢個汁都好正撈飯一流黑之戀一口豆腐：呢個好特別，豆腐外皮係黑色，入面相當滑溜仲加多左兩個包：蓮蓉包同流沙奶黃包，外型都好得意

2021年4月8日 星期四今晚又同老婆出到旺角食飯，因為晏晝出咗去朗豪坊行街，我哋一路行到去麥花臣球場附近，見到呢一間餐廳好似係新開張，門面好似好光猛咁，於是就即管入去試下入到去見到都幾多客人，好彩仲有二人枱俾我哋，裝修簡約，俾人感覺幾乾淨同光猛食物選擇方面都幾多，有好多大排檔菜式提供，而且仲有招牌菜，最特別係仲可以叫點心食添，不過我哋最後都係叫左幾個小菜就算，怕食唔晒等左大約10分鐘，呢個冰鎮咕嚕肉就首先登場，見到賣相都唔錯，咕嚕肉放左係冰上面立即收縮，食落去無咁熱，仲幾有咬口，加上醬汁酸酸甜甜，幾開胃之後有韮菜鴨血，韮菜吸收晒鴨血既味，用黎撈飯一流，而鴨血本身煮得都好腍，感覺唔錯跟住仲有飛天通菜煲，炒得好有鑊氣，每一條都熱辣辣，食落去幾爽口同好夠味最後我哋仲要咗楊枝甘露，都幾足料，每一啖都食到芒果、西米同西柚，酸酸甜甜，幫助消化，仲夠晒冰凍添