點心到 MIX·大排檔

近排经过旺角金鸡广场地下有间新派食点心嘅点心到 MIX大排档，见到啲点心都几特色，就入去饮下茶食下点心啦！店内环境整洁干净，装修明亮简约，地方都几阔落，无酒楼咁嘈吵，以及枱同枱之间唔会觉得挤迫，感觉舒服。呢度啲点心即叫即蒸，更设有香港工场，确保食物新鲜。茶芥每位$5，无另收加一。黑蒜螺片炖肉排汤         非常热嘅炖盅，汤入面有好多材料，包括黑蒜、螺片、肉排、淮山、鸡脚、杞子、桂圆和红枣等，浓郁而不油腻嘅炖汤，淡淡黑蒜香气散发出来，十分足料。红枣鸡粥鸡件份量唔少，肉质鲜嫩，有调味嘅鸡肉，粥底带少少嘅红枣香甜味，米香绵滑，鲜味很配搭。晶莹鲜虾饺          虾饺外皮晶莹通透，皮薄喊靓，可选2粒或4粒。虾饺馅料涨满，虾肉都好大只，用料上乘，足料又爽口。凤爪排骨饭一上枱热腾腾嘅凤爪排骨饭，排骨肉质松化，咬落软腍，凤爪调味刚好，质感软软，米饭吸收左酱汁，所有材料混合食好惹味。蚬介鲮鱼球            鲮鱼球炸得金黄香脆，鱼肉新鲜，入面加咗葱粒，味道更香，弹牙爽口，点埋蚬介酱一齐食，好滋味。鲜竹牛肉球          饮茶时经常会拣嘅系牛肉球，都系最受欢迎嘅点心之一。牛肉味道浓厚，马蹄好爽，牛肉球入口好嫩滑，不错。冻柠檬茶及冻柠檬水，两杯柠檬同样清新，口感冰凉，即时解渴。…查看更多

今日黎到旺角，岩岩同朋友做完gym就去揾食，呢道晚市都有得食点心就黎试下啦。首先我地点左个香脆明虾红米肠，呢个都几特别，呢道先有既特色点色，外脆内软，都唔错。再点多个生滚荔湾艇仔粥，呢个粥底都好帛，而家好多料，都好好味，只系$32蚊大大碗，值得一试。跟住再点多个香煎萝卜糕，呢道配咪酱食非常野味。好香脆，萝卜味香浓。不错👍。再点多个鲜虾腐皮卷，外脆内软，炸到金黄色非常吸引。点少少醋食令味道更加提升。再黎就系五香咸水角，一啲都唔会有油膱味，食起口感味道都唔错，朋友仔十分喜爱。再黎就系烧汁酿虎皮椒，呢个系我既最爱，每次经过小食店都一定会买黎食，呢度既比起出面更加好味。好新鲜。一啲都唔会有雪味。跟住再叫多个蚬蚧鲮鱼球，炸到金黄色，外脆内软，口感似炸鱼蛋咁，别有一番风味。最后就系我既最爱，芥末芝士糯米鸡，面层厚厚一层芝士加沙律酱，令味道更加提升，中间馅料非常丰富，好多肉。非常有诚意。百食不厌。…查看更多

叫左七款点心 （食得快，无影晒）全部都好食欣赏虾饺烧卖可以半半听到隔离枱话蚬芥鲮鱼球都好食食物质素比好多连锁酒楼更好唯一扣分既系见到好多酱油非本地品牌如果支持返本地会更有信心…查看更多

呢间「点心到」都有几间分店，点心选择多元化，即叫即蒸。先来大大个酥皮菠萝包，新鲜出炉热辣辣，内𥚃还有大量新鲜菠萝。虾饺皮薄、馅鲜、味美，外皮晶莹剔透，虾肉爽口弹牙。烧卖口感够烟韧，猪肉鲜甜。鲜竹卷腐皮炸至金黄酥脆，再搭配浓郁的鲍汁，层次丰富。香蒜蒸排骨都好惹味，肉质鲜嫩。金钱肚口感烟韧爽滑，酱香四溢，辣度恰到好处。咸水角色泽金黄，口感外脆，内𥚃软糯，满满虾米粒、冬菇粒或肉碎，够晒香口。红油炒手淋上辣椒油、醋、酱油及麻油，麻辣鲜香，肉嫩鲜美。…查看更多

餐厅：点心到 地点：旺角洗衣街 菜式：中式点心 餐牌：饺点类，酥点类，生滚粥，小食，中点类，包点类，肠粉类，饮品，蔬菜类，原盅炖汤，甜点类，笼仔蒸饭类。价钱亲民。茶位每位$5。落单用QR Code。酥皇凤梨巨匠 $18酥皇凤梨巨匠真系大大个菠萝包上枱，好大件，打卡一流。附上沙律菜一条同较剪。剪开发现原来系薄薄面包皮入面有甜甜地既凤梨肉系底。加上表面菠萝皮，味道都几好唔会太甜。入面空气感一流，唔会太饱。上海小笼包 $28上海小笼包一客三件，夹起汤汁唔会漏出黎。除左头顶皮有少少厚，其余位置皮都唔会过厚，入面汤汁不少，加埋醋食味道都唔错。晶莹鲜虾饺 (4粒) $34呢度可以选择叫虾饺烧卖4粒或者两粒，价钱除返每粒系一样，好贴心！虾饺块皮厚薄适中，入面馅料爽口，跟辣椒酱食更好味。原只虾烧卖 (4粒) $34烧卖真系有大大粒虾系面，面头再加上蟹籽，下底系啖啖肉爽脆唔肥，仲有冬菇味，皮薄馅靓之表表者。蜜汁叉烧肠 $28蜜汁叉烧肠一客两大条切开六件，每条半透明白色肠粉皮包住唔少叉烧肉同芫荽，上枱时服务员先加豉油。肠粉滑溜，入面叉烧味道都唔错，馅料够。酱皇金钱肚 $28 酱皇金钱肚有4块，口感系完美爽口弹弹地牙又滑滑地，个汁少少辣，好惹味，唔会太油或者重口味，面头加上青同红辣椒。下底居然有少少冬瓜，可降低油腻感。所有点心都系即叫即整，热辣辣上枱，质素高，而价钱并唔贵，无加一。环境算干净企理，平时午市超旺，一点都可以直入。 …查看更多