點心到 MIX·大排檔

营业中

休息中

菠蘿咕嚕肉差唔多係我每次食小菜必食既餐單之一，見呢間係OpenRice 入面啲相片好似幾好喎咪又嚟試吓先呢間係金雞廣場樓下，絕對唔難搵呢度仲有晚市孖寶，啱晒我啲懶人唔洗諗食咩好冰鎮咕嚕肉，冇講錯呢度既咕嚕肉真係會用冰嚟鎮住咁上嚟，食落去外凍內熱，唔怪之得每枱都係食呢個餸啦清蒸沙巴龍躉雖然係晚市孖寶，但份量一啲都唔小野，仲有蒸到啱啱好，超鮮味又彈牙，超正炸大腸拼鳳梨🍍呢個餸真係依家好少地方先可以食到，外脆肉軟

為何會說有驚喜，因為食完之後覺得每樣食物都好好味，是近期食過最好味的中式茶館。 干炒牛肉腸粉（$78）說實在，干炒牛肉腸粉是由干炒牛河演變出來的菜式！ 菜式平常得來帶有創意，這是其中一個驚喜的所在。這菜式自已在家中都可煮到，但就未必人人炒得如此出色。中菜講求鑊氣，用高火炒的時候不能過火，否則就會有有燶味！當然，家庭煤氣燈亦未必有如此高溫，炒出鑊氣。另外，醬料的質素唔錯， 使食物炒出鹹香惹味！真的好好味！冰鎮咕嚕肉（$88）冰鎮咕嚕肉是此店鎮店之作，個人覺得無論用料與火喉都唔錯，抵讚。秘製粉絲大蝦煲（$138）秘製粉絲大蝦煲上枱打開蓋時，熱力和香氣四散（睇相可以感受一下），未食已經可以先來一個臭覺和視覺享受。大蝦真的很大隻，煲中有6-7隻大蝦，粉絲粘上大蝦，火腩的肉味和各種不同的醬料，真的唔錯，連隔離枱的食客見到了後都談論這菜式。凍奶茶（$18）只能說估唔到凍奶茶都如此好飲！奶味香， 茶味濃，match在一起真的幾好飲。 一頓晚餐$336,沒有加一，以此價錢有此質素，絕對抵食，自己一定有再來。

今日行過旺角金雞廣場，見到一間環境優雅，裝修別緻嘅新餐廳，點心到MIX，之後排隊都排左我半個鐘，但呢一間餐廳值得一試，我哋嘗試左冰鎮咕嚕肉，飛天通菜煲，黃金九肚魚，同埋大肚婆炒飯。 我覺得呢間餐廳價廉物美，質素拍得住傳統嘅大型酒家，最好味嘅就係九肚魚，份量多而且落足料，一放入口就入口即溶。而大肚婆炒飯其實只係好普通嘅一碟炒飯，對依碟就有點兒失望，但味道亦不過不失。總括而言，呢間都係一間價廉物美嘅餐廳，分量多味道也不錯。

兩個人旺角波鞋街附近想搵間坐得冇咁迫茶餐廳食晚飯小菜，6:45pm 見到還不用排隊便走入去呢間試吓。我哋點咗個好多人叫的招牌秋葵野菌豆腐，上枱好精緻好靚，不過唔知係咪放咗一陣先食，我覺得唔夠熱，味道唔錯，如果多啲秋葵就更加好。另外再點了沙嗲粉絲金菇牛肉煲，呢個好好味，牛肉、粉絲、金菇比例啱啱好，少少辣，啱送飯。不過我哋沒有叫白飯，我哋嗌左個海鮮炒飯，這個炒飯真的不錯，好足料，蝦夠爽，炒飯不會油膩，兩個人其實分量有啲多，最後我哋都要打包食唔晒嘅炒飯。這間餐廳地點非常方便，味道和服務都不錯，價錢合理，一定會嚟再幫襯。

今日同個舊朋友嚟咗呢飲茶，估唔到十一點黎到都要排隊，走個時仲多人排Tim.呢到無方早午晚茶晚，價錢畫一既，但算合理。，咁total呢我哋就嗌咗六樣嘢嘅，首先就係嗰個1. 籠仔煎蛋牛肉飯，幾大份，啲牛少，唔錯2. 晶瑩鮮蝦餃，2隻，好食丫3. 原隻蝦燒賣，2隻，都算大隻4. 黑金流沙包，夠流心，好香蛋黃味5. 卡通留心芙蓉包同埋，正常既6. 韭黃鮮蝦腸，好滑，蝦分布得幾好。整體黎講係唔差既，唔算貴，環境就嘈左啲啲。

👧🏻😋👅🍽✨點心到 MIX·大排檔 (旺角洗衣街)-❤️鋪位夠大裝修好靚❤️食物選擇多, 份量都唔錯, 價錢算唔貴-🌅🦑 黃金鮮魷 $79✨蛋黃好香, 上碟熱辣辣送飯一流✨魷魚好爽口, 炸粉又夠脆, 包住晒D鮮味-🕊🔥 紅燒乳鴿 $45/隻✨好大隻, 漲卜卜皮脆肉嫩, 大隻多肉✨唔使點醬同淮鹽都好夠味-🧊🐖🍍 冰鎮咕嚕肉 $82✨都幾大盤, 有三色椒同菠蘿✨D豬肉半肥瘦, 冰過個咕嚕汁變左脆皮同外面凍冰冰, 入面又熱到出晒煙, 有冰火交融既口感-🖤💛黑金流沙包 $10/隻✨好彈性可以叫一粒, 唔怕太飽✨都流心個餡好香奶味-🍚白飯 $12/碗-另收茶芥錢-

上星期放工後與朋友去旺角吃晚飯，順便去shopping。朋友介紹我去一間燈火通明， 座位寬闊，上午時段主打點心，晚上提供撚手小菜， 餐廳名字叫「點心到mix大排檔」。 名字果然沒有取錯，餐廳真是點心mix大排檔。晚上來到，必吃小菜，這道「秋葵野菌扒豆腐」是自家製，亦是招牌菜，絕不可少看。 秋葵及野菌炒香後打芡，放在秘製雙色的豆腐上，賣相吸引，而且份量十足。不得不讚，豆腐滑溜，加上綠色部分的豆腐 ，超香濃，值得一試。「黃金鮮魷」非常惹味， 鹹蛋份量超多，入口啖啖鹹蛋黃香，酥炸魷魚，外脆內煙韌彈牙，正呀。「沙律明蝦角」 內裡餡料滿滿都是蝦，鮮香蝦味，脆卜卜，不油不膩，香口美味推薦之選。「黑金流沙包」甜點，不過不失，包面軟熟，奶香如可以再流沙多一點，更加分。

呢排食上癮，呢間除左點心好味之外，晚上小菜都好不俗！每次都必食之一—保仔左宗堂雞煲！好惹味！最中意佢獨有的秘制醬汁，餸飯可以食多碗！今次小食就揀燒汁虎皮尖椒配茄子，雖然似煎釀三寶，但比起來綾魚肉實好多，椒同埋茄子又嫩多汁😋欖菜肉鬆四季豆——呢味次次都話簡單易煮，但次次都會order,因為始終鑊氣不夠出邊食肆勁！老公勁中意餸飯！我諗我真係要學下整😅整體而言，呢間無論係環境、食物質素都屬中上！值得再食！（同場加映仲有一大班大小朋友開生日會😅）

聽見這個名字便知道有得點小菜，去到食店，望見很光猛很乾淨，第一感覺已經很好，看見菜牌寫了很多特色菜，我們點了蒜蓉蒸勝瓜、煲仔左宗棠雞煲，黑之戀一口豆腐，蒜蓉蒸勝瓜屬於清淡的菜式，上枱賣相很好，味道比起在家自己做的好很多，黑之戀豆腐，賣相特別上臺全是黑色的豆腐專，想不到入口非常美味，外脆內嫩的豆腐，非常好吃，至於左中棠雞煲，酸酸辣辣，非常惹味，這裏的餸菜很大碟，分量十足，兩個人食三個餸，可以不用吃飯也很飽，最後叫了甜品楊枝甘露，好有驚喜分量十足的楊枝甘露，整碗啲果肉芒果很多，這個晚飯食得非常滿足

上次朋友帶過我黎呢度食飯覺得非常唔錯，今次到我孝順下媽咪帶佢黎食佢最愛既中菜😉兩個人叫咗中式牛柳，馬拉盞炒莧菜，XO醬炒蘿蔔糕同埋一個白飯～中式牛柳份量足，賣相吸引👍牛柳肉質嫰滑夠淋，個汁酸酸甜甜勁開胃😋就連底下既洋蔥配埋啲汁都好好食😂馬拉盞炒莧菜一放低就聞到勁香😍薑蒜加埋啲瑤柱火腿同蝦米一齊炒超惹味🤤美中不足就係莧菜有輕微既渣😅XO醬炒蘿蔔糕偏淋一夾就散🙈但正正因為咁見到裡面超足料既完整蘿蔔絲😂呢隻XO醬唔辣但都幾惹味，唔會覺得油膩，食到一條條既蘿蔔糕同臘肉，幾有口感👍媽咪對呢餐都幾滿意，不論係環境定食物，下次要再帶佢黎過😊

七個人食飯叫八個餸啱啱好。雜菌秋葵玉子超好食！菇爽，玉子滑，個汁送飯都流。金銀蛋莧菜肉碎蛋超大幅，唔會碎到啲蛋好似溶咗落湯度咁。不過主角就變咗係蛋，莧菜好似好少。賣相好似差啲，應該都係因為外賣啫！味道好標準。沙嗲肥牛粉絲煲粉絲多，肥牛滑，多汁，送飯一流半隻貴妃雞雞味濃同夠滑溜。欖菜四季豆味道好，但欖菜可以多啲清蒸沙巴龍躉仔最鍾意係佢用咗白葱，同埋應該係真係即撈即劏，見佢有個大魚缸。外賣分開咗兩個盒。總括而言，CP 值超高。7個人食都係$650到，應該係外賣有九折。白飯同白粥都係一蚊個，應該都係因為外賣盒收費，我哋叫咗5個飯，因為以為會好大個，不過其實份量有啲少，下次一定要叫人頭飯就fit ! 另外要注意次次等外賣要至少30分鐘，唔知係咪因為要蒸魚，所以要預下時間。

☘️☘️假期約咗契女一家人嚟旺角嘅點心到食晏，我哋十一點到門外已經排左一條小龍，大概十個人左右。好在都排得快，等左大概十五分鐘左右，便有位了。☘️☘️我們被安排在靠門口的卡座，雖然位置有點小窄，但尚算舒服。例牌在點心紙上挑了喜歡吃的點心，就交給服務員落單。 等左一陣，點心就陸續上枱，都算幾快。而且質素都唔錯，整體在中上水平，可以一試！☘️☘️我朋友晚上來吃過飯，話佢哋啲小炒都唔錯，所以又加了個鑊氣小炒王同埋一個黃金鮮魷，因為契女鍾意食。雖然午市師傅同晚上大廚確實係有啲分別，不過尚算可以啦！

欖仁馬拉糕($19)：上枱嘅時候熱辣辣，欖仁份量稀少。糖分控制剛剛好。夠軟身可惜唔夠鬆。有點兒失望。醬皇金錢肚($25)：牛肚炆得夠淋又入味，豉椒嘅份量拿捏得好好。可惜只係得四舊，唔係好夠喉。墊底嘅白蘿蔔有三大嚿。冇揸但唔算清甜。又冇乜特別。潮州粉果($20)：細細隻一口一啖。材料豐富，食得出嘅粉葛、花生、芫荽、菜甫、豬肉碎、蝦米。粉果皮唔太厚，唔錯。籠仔鳳爪排骨飯($36)：排骨醃得入味，夠淋，肥瘦均勻亦都唔太多骨。鳳爪正常不錯。但其實主角係飯。個飯蒸得唔錯，有口感又唔爛，粒粒分明，配上鳳爪嘅豉椒汁相當唔錯。環境：燈光柔和，樓底夠高，枱與枱之間亦都唔算太密，亦都唔會太嘈吵。樓面算係乾淨企理。服務：姐姐們有問有答，亦都算係有禮貌。但係上菜非常混亂。首先我係叫咗馬拉糕。後來佢哋話賣晒，叫我哋改單。於是我哋便加單叉燒包。但係過了一會兒，姐姐們又奉上一籠馬拉糕。於是我哋唯有取消叉燒包。又過了一會，一籠叉燒包竟然又出現了。哈哈。我哋又要提姐姐叫佢拎走。改來改去，最後連我哋當初落單嘅蝦餃原來最後都冇上到。我都冇為意之下埋咗單先知。嬲咗。

約亞媽去旺角飲茶，亞媽最初話為何不去大酒樓，我話之後約左朋友在旺角，所以去了這間大排檔食點心，亞媽和我都覺得好食，坐又舒服，地點又方便叫了最出名的黑金流沙包，黑色包皮好有型，又香又軟熟，內裡的奶黃非常香之後再叫了炭燒山楂鴨絲包和鹹水角，包面好像菠蘿包的脆脆，內裡也好像叉燒包，但好食好多。鹹水角好少油又十分香脆再叫了金沙脆皮銀蘿腸粉，腸粉皮很薄，入面的油炸鬼也不太油膩，新鮮好脆卜卜。沙律明蝦角，炸到金黃色，內裡充滿了蝦薑蔥牛柏葉，好多汁又很有咬感，少少辣最後甜品是芒果楊枝甘露，一食已經解晒所有熱氣感覺，又冰凍，好味價錢合理，抵食有質素的下午茶。

是日出咗波鞋街買野,當完全冇頭緒食咩就見到金雞廣場正門有大大個招牌。 入面係一間超大超闊落嘅港式茶餐廳,見佢幾光猛咁就同老公一齊去試下啦。 睇佢哋menu都有好多自創料理,其實好多都想試,最後同老公叫咗兩菜一肉。 第一個蒜蓉蒸勝瓜,完全估唔到有驚喜 勝瓜超厚身,每食一淡都會爆水 加上店內嘅豉油不會太死鹹,清清地真係幾ok喎。 決定搵一日返屋企都自己試下整理 如果加埋粉絲應該會仲好食 自創迷之豆腐, 炸豆腐就食得多囉黑色嘅就真係未食過 !一上碟其實擺盤真係幾有心機 !而且佢個黑色粉漿厚身得黎㗎又唔會覺得過。我地估應該係加咗芝麻粉, 鹹鹹香香真係好好食!超級推介最後就雞煲啦,本身都冇特別期待。但其實出咗呢個樣又幾ok喎 !個味道有少少似菠蘿咕嚕肉, 偏酸甜但係又有後勁嘅辣 真心送飯一流正呀! 最後叫咗小店嘅招牌造型蒸包。本身好期待個芋頭蓉饅頭 不過芋頭用真係比較少。點心MAZ餸菜的真係好足夠,分分鐘加多兩碗白飯四個人食都得! 埋單都係200蚊旺角果然係飲食天堂