點心到 MIX·大排檔

营业中

休息中

同friend喺旺角行完街唔知食咩好，求其入咗一間冰室，原來質素都唔錯😋⭐️韭菜鴨血$68⭐️飛天通菜煲$68⭐️冰鎮咕嚕肉$82⭐️黑金流沙包、卡通芋蓉包 $10/each⭐️白飯$12招牌冰鎮咕嚕肉最令我surprise，價錢唔貴，賣相靚仔，本身都以為淨係食個樣，變身其實味道都唔差，咕嚕肉唔算太肥，sauce 酸甜味恰到好處，而且估唔到用咗新鮮菠蘿！果然係招牌菜其他嘢都不過不失。韮菜無渣，鴨血口感嫩滑，而且非常入味。飛天通菜煲好有鑊氣，鹹香味濃而不膩。蒸包外觀精緻，但係個餡我自己覺得比酒樓做得冇咁出色。

去波鞋街睇鞋睇到肚餓，就去咗附近既「點心到MIX·大排檔」食野，估唔到點心同大排檔可以MIX埋 ，兩樣都係香港既特色。睇落依間野唔係開左好耐，裝修幾新幾靚，啲燈都夠光，座位寬敞，估唔到係食大排檔，價錢親民而且食物質素都唔錯。兩個人貪心少少叫左五樣野：「冰川話梅浸聖女果 」（$38）：未必所有朋友仔都知依樣係咩黎，簡單啲黎講係冰糖話梅浸車厘茄，本身已經好鍾意食，平時大排檔未見過有得食，所以無諗過會喺呢到會有，所以一見到就叫咗。浸完話梅嘅車厘茄酸酸甜甜，非常開胃，做前菜非常岩🤤「土匪牛肉 」（$78）：「土匪雞翼」就食得多啦，「土匪牛肉」又真係未食過。牛肉配上洋蔥同辣椒仔，但唔會太辣，而且好香口，鍾意土匪既朋友仔唔可以錯過！「花膠海鮮小米粥 」（$99）：雖然叫咗細鍋，但已經係3-4人份量。本身驚2個人食唔哂，但佢個粥唔會太稀太稠啱啱好，而且花膠同海鮮非常足料，朋友仔不知不覺就自己食左3碗，最後食曬。「鑊氣豉椒炒蜆」（ $89）：忽然想食炒蜆，就叫左依碟餸，呢碟炒蜆同個名一樣，夠鑊氣，上菜果時都仲熱辣辣，調味都好夠，唔會太咸，豆豉味都好香口，送飯既話應該會仲正👍🏻「豆豉鯪魚炒時蔬 - 油麥

4人入場試吓晚飯及點心！最衰沒有問清楚夜晚沒有點心，因此叫小菜，我只係問可否給水一杯、因為夜晚不能飲茶，職員聽啊一聲就去執枱，沒有理我！我唯有叫另一位，好彩給了水比我。講下食物先⋯九肚魚好魚腥味及好多粉炸、沙嗲牛肉煲水太多，而且不濃味、只是有顏色色深啡色沙嗲，牛肉粒抄過火肉質比較乾、冰震咕嚕肉⋯沒有驚起,抄蜆麻麻無肉食⋯最正常抄通菜及三碗白飯，但店內滿座，哈哈不明白，只能話小菜價錢不算貴吧！試一次已夠

今日想同朋友搵個可以坐得耐啲嘅地方傾吓偈於是乎就想去飲茶見呢間樓底都幾高枱又唔算擺到好密質質所以就入嚟試吓點心嘅款式都幾多而且價錢唔算貴最重要係唔使加一😂雖然朋友好細食但由於我食好多嘢所以一坐低就已經瘋狂叫嘢啦🤣食物嚟嘅速度唔算太快因為應該係即叫即蒸不過呢個等待嘅時間係值得嘅因為所有嘢都好熱😍非常好首先嚟嘅係鮮蝦腸粉啲蝦好大隻好彈牙！而且腸粉個皮好薄之後就係個炸明蝦角真係要提一提如果你叫炸嘢食嘅話要慢慢食因為真係好熱😂我哋發現佢全部有蝦類嘅食物啲蝦都好大隻好彈牙好新鮮雞札就不過不失啲雞冇雪味已經好好鹹水角都幾多餡即炸即食好好味燒賣同蝦餃一齊嚟嘅重點都係隻蝦好好食而且唔會蒸到爛晒蝦餃個皮亦都唔會過厚蜆蚧鯪魚球個鯪魚球係好食嘅唔會好多粉不過個蜆蚧汁就有啲特別🤔😂可能因為溝咗辣油最後係個黑金流沙包包皮好軟熟同埋真係好流沙！一啲固體都冇食完手指仲會有少少金粉🤣總括嚟講呢餐都幾抵食而且任坐唔會有人趕你走睇得出侍應人手唔算話好充足不過個個都有求必應亦都會主動收走枱上已經食完嘅碟👍🏿等個空間唔使咁迫

📍 餐廳：點心到 MIX·大排檔 (旺角)地址：旺角洗衣街39-55號金雞廣場地下1A,1B,1C號舖1️⃣晶瑩鮮蝦餃(2粒) $162️⃣原隻蝦燒賣(2粒) $163️⃣鮮竹牛肉球 $19 4️⃣沙律明蝦角 $285️⃣金沙脆皮銀蘿腸 $276️⃣籠仔金針雲耳雞飯 $387️⃣茶芥 $5/位成日經過呢間點心店，一直都想去試，結果今日就走咗入去下午茶，整體點心又真係唔錯，環境舒適，座位闊落，仲要無加一收費。鮮蝦餃同蝦燒賣，次次飲茶食點心都係必叫，完全無令我失望，蝦肉非常鮮甜，肉質爽口彈牙，而且可以叫2粒或4粒，相當Flexible。沙律明蝦角，必食推介👍👍👍新鮮即炸，香脆可口，入面仲有勁多蝦肉，配埋沙律醬一齊食真係好正。金沙脆皮銀蘿腸亦都係推介之一，腸粉包住油炸鬼，入面仲有清甜嘅蘿蔔絲，多重口感，一次過滿足晒鮮竹牛肉球，重芫茜味，啱晒我口味😋😋😋籠仔金針雲耳雞飯，雞肉夠嫩滑，米飯完全吸收晒荷葉嘅香味。份量真係比想像中嘅多，絕對夠兩個人食😎😎😎

雖然貌似一間茶餐廳，但實質係一間鑊氣小炒中菜crossover點心店， 晚市超級多人， 很多 大夥一圍圍聚餐椒鹽鮮魷($85) 熱辣辣充滿鑊氣， 炸皮香脆，內裏鮮魷口感爽口彈牙，不過炸皮唔夠貼身， 和鮮魷點分離紅燒乳鴿($48)比較瘦，肉質尚可，皮算脆飛天通菜煲($76)用砂鍋上，一打開蓋，已經感受到那股熱氣，味道有點辣，很濃很惹味黃金流沙包($10/個)個子小小，不過中間奶黃流心充盈， 一定要小心咬開，不然會燙嘴

之前係佐敦食過佢旗下一間點心店叫點心到 d點心好好味今次就嚟到旺角呢間旗艦店個名多左MIX ·大排檔當然有唔少小炒、大排檔菜式食中菜最重要就係夠鑊氣呢到碟碟餸都咁有鑊氣 價錢仲好抵食添款式又夠多 真係睇到👀眼花撩亂餐廳好光猛 裝修得好靚比佐敦個間更大 有好多卡位而且鋪頭好新 不愧為旗艦店茶價每位$5 無加一服務費架如果想同屋企人食中菜都非常推介呢間餐廳🔸沙拉骨 $75呢個係餐廳招牌菜呀！個沙拉骨超多蛋黃沙律醬呀😆真係愈邪惡嘅嘢食都係愈好味的☺️肉質唔鞋口，啖啖肉👍🏼個沙律醬真係完全同個排骨融為一體呀！🔸椒鹽九肚魚 $68一上檯見到舊舊都咁大舊，真係嚇親！本來以為咁大舊會好厚炸粉🤨因為平時餐廳食開嘅椒鹽九肚魚都係一條條，無咁大舊。咬開先發現原來粉薄脆口，做到咁大舊咁好神奇🤣好重椒鹽味，爽脆彈牙！🔸乾扁四季豆 $68個份量超多呀！有少少辣，配有碎肉，香口惹味。四季豆炒得夠乾身，好有鑊氣，而且唔會油淋淋，送飯一流🔸白飯 $12軟硬度正常，上檯時個飯仲係熱辣辣的。叫左一碗兩個人share！兩個人一齊食就岩岩好啦😆

食得西日多有時候都想叫餸食大排檔其實我都食架最鍾意叫沙拉骨，真係好耐冇食過啦，雖然肥死，但去大排檔真係忍唔住叫冰鎮咕嚕肉又係我既favourite,咕嚕肉要有冰鎮先好食，唔夠凍既唔好食，因為令唔到佢外面凍又脆既感覺，所以要做到好食一定一定要肉夠熱，冰夠凍。鹹魚雞粒炒飯呢個飯真幾香，除咗雞肉仲有翠玉瓜，味道唔會好濃但好食，雞肉份量都唔少。整體來講全部野都抵食同埋好大份，難怪座無虛席，2個人真係會飽到食唔曬。大排檔黎講佢做到間餐廳好有特色幾靚，可以打卡，所以呢到咩年紀既人都有

突然想食大排檔風味小菜，朋友提議去金雞廣場開咗間中菜點心店好有大排擋風味。入到去相當光猛，七點後已經坐滿客，待應都應接不暇，我們看到餐牌有推介，不妨試試。冰鎮咕嚕肉鎮店之寶，咕嚕肉炸完即用冰塊冷卻，從而可以鎖緊水份，令到肉汁外脆內嫩，外層冰涼酥脆，裏面肉還軟腍，甜酸醬好滋味，醬汁凝固住令到豬肉更脆，配白飯一流，十分開胃。保仔左宗堂雞煲🍲一上枱已聞到自家製秘製醬汁，香噴撲鼻，十分惹味，有少許辣，味道不錯酥炸羅漢齋卷咬落脆卜卜，底部放滿炒米，要趁熱食

旺角金雞附近開咗間新野，又有點心同小菜，平時經過都見佢排晒長龍，今日早咗收工就約埋朋友一齊去食，性價比高，食到超級飽，不過我哋有眼闊肚窄，叫咗勁多嘢食，本來仲想叫埋個甜品，因為實在太飽啦，唯有下次叫啦！⭕️秋葵野菌扒豆腐（自家制），個豆腐勁特別有綠色嘅豆腐，煎到脆脆地金黃色🤗配埋雜菌😋味道超好味⭕️川味水煮牛肉，唔會超級麻辣，同埋超多牛肉 ⭕️大肚婆炒飯，有蝦仁帶子叉燒，抄到粒粒金黃👍⭕️沙拉骨，甜甜酸酸超級開胃⭕️川芎白芷墩魚頭湯（盅），正宗老火湯，完全冇味姐，超好飲

非常滿意的點心放假通常都係早餐連中午一齊食，今日仲勁連埋下午茶一齊😂超級肚餓叫左7碟點心…..全部都好滿意，特別有幾款點心真係要讚一讚，推薦畀大家試下👍🏻👍🏻沙律明蝦角- 剛剛炸起，熱辣辣脆卜卜，好大舊，蝦肉超級飽滿，一d都唔輕手，好好食黑金流沙包- 流哂沙黑色奶皇包榴槤雪媚娘- 鐘意食榴槤既你極力推介你食呢個甜品。超級好食，出面係糯米糍皮，入面有一大舊榴槤肉，忌廉唔係好多，令一啖都有榴槤，真心推介

今日家長日，個仔唔洗返學，見佢啲口罩用到7788就去旺角口罩集中地買，順便行下街，至學生時代後都冇再行過！行完嗌肚餓就去搵野食。食物腐皮蝦卷 - 必食！呢個一上枱，呀仔就即刻問食得未🙈超級脆！聽到佢食岀chok chok 聲，唔油膩，好過食春卷🤣有一粒粒原隻蝦咁，好有蝦味！仲好彈牙😋黑金流沙包 - 必食個仔睇圖就即刻話要食呢個，唔要卡通包🙈因為呢個包真係好好食！連呀仔都話好食😋仲話要留一個俾爸爸試下👌🏻混醬腸粉 - 必食呢個本身係我嗌黎自己食，我唔知個仔原來都好鐘意食腸粉🤣呢個腸粉真係好滑😌多醬又係無敵😎個仔食咗我一半腸粉蜆芥鯪魚球 - 必食好大粒！大過乒乓波！好彈牙！1碟6粒。真係鯪魚味，好少地方可以食到😢小籠包有好睇佢巢皮咁..佢都做到有湯係入面唔流岀黎，小朋友食要提提佢，真係好熱！個汁好好味，仔仔食咗2舊😆環境地方好大，走廊都好闊落！不過今日閒日都好多人，要等下位。地方光猛企里！其他如果係特登黎食嘅，就要早啲啦！因為好受歡迎嘅點心，有機會賣晒或者要等！我想食個糯米包同炭燒火鴨絲包都賣晒😢

《點心到MIX・大排檔》旺角話說有一日經過，見到大排長龍🚶‍♂️🚶‍♂️🚶‍♂️見間舖頭咁光猛咁大好似幾好坐，所以就約朋友黎試下😅不過原來夜晚無點心，咁我地就直接試下小菜啦！🥰我地六點左右就到，所以可以安排到卡位比我地☺原來佢地都幾多招牌菜色，諗食咩都諗左好耐，因為好多選擇而且好吸引😆其實見到生炒糯米飯好想叫，但又驚太飽試唔到其他，唯有等下一次啦～＜招牌冰鎮咕嚕肉＞$88價錢又幾吸引喎！通常出面叫都一定過一百蚊😲賣相好靚仔，粒粒咕嚕肉都“立立令”，配左新鮮菠蘿同埋黃椒😋咕嚕肉唔算太肥，粒粒都係一口Size😌新鮮菠蘿好好食，果然係招牌菜＜自家製秋葵野菌豆腐＞$78我覺得這個好特別，入面由一片綠色加一片白色豆腐夾埋去炸，炸完後豆腐內仍然好滑好滑😋豆味都好明顯，野菌秋葵芡汁放面，好好食而且都幾飽肚＜沙律明蝦角＞$72一碟有6隻而且係大大隻型，入面有好多蝦肉，佢既炸皮有點似炸雲吞🤗總結：座位舒適闊落，定價唔貴而且高質，回食率超高😂好多選擇有排試

味道好，不太濃味，適合建康飲食。價錢公道。蝦餃菜苗餃，很好吃。濃湯鮮竹卷係健康食品喂，係素食。仲有個花膠海鮮小米粥，真係冇得頂。因為已經飽咗冇機會試過黃金流沙包，下次試。值得推薦。

放假整返個下午茶先😂係旺角行完街，經過見到呢間「點心到MIX大排檔」，就入去試一試啦😬環境都幾靚，似岩岩裝修完冇耐😊仲要係即叫即蒸😋卡通流心芋蓉包$24小編本身係唔鍾意食芋頭😂但呢個包同平時食果啲芋頭唔同🙈好味好多，加上賣相非常得意，食起嚟好似都開心啲🤣黑松露菜苗餃$28黑松露味好突出，個皮亦好薄，個餡都好正😋榴槤酥$28個酥皮好鬆脆！啲榴槤蓉亦好濃榴槤味😋正！馬拉榚$19好有細個果時食嘅風味，由細到大都好鍾意食馬拉榚🤤川芎白芷燉魚頭湯$40重頭戲黎啦，呢個魚頭湯一擺上枱就已經聞到果啲藥材味🤤小編個人覺得好香，一打開個蓋，啲味湧哂出黎😋又香又好味！