雜菌秋葵玉子
超好食！菇爽，玉子滑，個汁送飯都流。
金銀蛋莧菜
肉碎蛋超大幅，唔會碎到啲蛋好似溶咗落湯度咁。不過主角就變咗係蛋，莧菜好似好少。
賣相好似差啲，應該都係因為外賣啫！味道好標準。
沙嗲肥牛粉絲煲
粉絲多，肥牛滑，多汁，送飯一流
半隻貴妃雞
雞味濃同夠滑溜。
欖菜四季豆
味道好，但欖菜可以多啲
清蒸沙巴龍躉仔
最鍾意係佢用咗白葱，同埋應該係真係即撈即劏，見佢有個大魚缸。外賣分開咗兩個盒。
總括而言，CP 值超高。7個人食都係$650到，應該係外賣有九折。白飯同白粥都係一蚊個，應該都係因為外賣盒收費，我哋叫咗5個飯，因為以為會好大個，不過其實份量有啲少，下次一定要叫人頭飯就fit !
另外要注意次次等外賣要至少30分鐘，唔知係咪因為要蒸魚，所以要預下時間。
