點心到 MIX·大排檔

营业中

休息中

飛天通菜煲唔夠香，得菜味，唔夠鑊氣，食咗兩啖就唔係太想食冰鎮咕嚕肉我覺得呢個係咁多個入邊最好食嘅。夠新鮮，即刻炸。食嗰陣時好熱，個皮唔厚，唔錯。用嘅豬肉係半肥瘦，所以夠淋，亦都有啲汁，夠Juice，呢個我整體幾喜歡食。不過要趁熱食，因為放得奈，係冰上就會太凍，好似食沙冰咁。椒鹽九肚魚呢個都幾好食，個皮都幾新鮮，幾脆，都薄身唔厚。九肚魚肉質都好食，整體炸得唔錯。豉椒炒蜆呢個我覺得炒得唔夠野味，唔夠香，食咗兩三舊，我又係冇乜點食。如果加有少少辣味會比較好食，整體唔夠鑊氣。貴妃雞普通水準，唔算「鞋」，有啲位都OK滑嘅。味道方面正常。黑金流沙包呢個真係有啲失望，因為佢標榜係招牌。但係流沙餡，太過水狀，做唔出好滑、慢慢流出黎嘅感覺，太稀，太似水嘅質感。而且沒有雞蛋或者鴨旦香，呢個真係做得麻麻地。整體來講，佢嘅座位都尚算舒服嘅，坐得唔逼夾，而且價錢真係非常之實惠，份量非常之多，我哋嗌左七個餸，買單都係$640 ，非常非常之抵食，四個人飽到不得了，都係每人$160 。雖然味道方面，有點兒味道參差，但係配合價錢、份量、環境舒適度，我覺得可以一試嘅。

早上起來(其實都已不早)忽然心血來潮想飲茶，但星期日上午的茶樓當然是水泄不通，於是就走到旺角吃這間提供點心的茶記(？)。☕️不過點心的號召力真心強大，上午10:45到達，也要到11:00才能進入。😂腐皮卷🦐腐皮卷是我吃點心的必然之選，外脆內嫩，加上少許醋，十分惹味。這裡的腐皮卷，表皮同樣十分油膩，什麼健康減肥的，就不要提了。叉燒腸粉🫔正常發揮的一道點心，叉燒用料恰如其分，不過腸粉較為厚身，需要多點豉油。黑金流沙包🍞流沙包d 流沙唔油，味道幾好，食完唔會覺得好膩，賣相亦不錯。燒賣🍥不得不吃的標誌性點心之二，可能是太多人點了，這是最遲上菜的。外形飽滿，是傳統的豬肉燒賣，上面有蝦，也不錯呢。蝦餃🍤不得不吃的標誌性點心之二，表皮不會太厚，大大粒，醮上少許辣油會更好味。總括而言，這間食店的食物質素是可以的，始終點心這類在工場預先製作好的食物應該是不會太難食的，不過也不要期望會好好味就是了。餐廳環境企理，適合想過過點心癮的朋友。😊

今日同friend去麥花臣球場運動，順便去隔離街嗰間大排檔點心到吃晚飯。保仔左宗堂雞煲：老闆特別推薦，味道還真不錯，一上檯熱辣辣嘅雞煲香味撲鼻而來，好惹味。雞肉用特製秘醬燜，不僅嫩滑又入味，加上少少辣，慫飯好正。沙爹粉絲金菇牛肉煲：大排檔就是不同，分量都好足，滿滿一大鍋，粉絲好入味，煙煙韌韌，而且沙爹味好正，加埋金菇，簡直絕配。我同friend都好鐘意食乾炒牛河，每次吃飯都必點。牛肉大舊，唔會硬，牛肉味濃郁，河粉彈牙，分量很足，又唔會多油，配上辣椒醬，成碟都食哂。

大排檔有時都幾有風味㗎，不過呢就可能坐得冇咁舒服啦，呢度就可以坐得舒服啲啦，所以就同朋友過嚟呢一個有室內冷氣仲坐得舒服嘅大排檔試吓。我哋叫咗唔少鑊氣小炒第一樣是鹹魚雞粒炒飯啦佢個鹹魚雞粒炒飯用咗翠玉瓜粒雞粒，仲有啲炒蛋炒得好香㗎。另外我哋要咗個清炒通菜，好貼心幫我哋指導可以一口食落去嘅咁就可以方便我哋食啦，仲有啲蒜頭豆豉真係好有味道啊。另外我哋仲叫咗呢個黑金流沙包同埋卡通芋蓉包,呢個卡通真係好cute個樣好似隻隻都唔同㗎😆😆另外呢個椒鹽鮮魷係即刻整嘅非常之新鮮同埋好熱辣辣😀

我哋一行四位朋友book左依間食晚飯人齊左就可以入座入到去佢比一般嘅大排檔餐廳光猛，枱都比較大張企理我哋叫咗四個小菜，佢啤酒又買三送一優惠，我哋嗌左四杯，同甜品叫咗楊枝甘露同埋黑金流沙包去之前睇食評見到有個黑豆腐，好似好吸引。但係去到個侍應話嗰啲係季節嘢食賣晒🥲 通菜都冇晒🥲魚香茄子煲佢入面有好多茄子，份量好多，同真係有魚肉。食嗰啲魚香茄子煲會有鹹魚味，成日都會比較鹹。依個就食唔出有鹹魚味，味道都唔會好鹹，送飯就啱啱好。冰鎮咕嚕肉我見到好多人都有叫依個，啱啱炸起真係好好食！冰鎮左之後啲醬汁係咕嚕肉表面凝固咗，令到咕嚕肉個皮好穌脆鬆化。不過佢嘅配菜菠蘿好少🥲但整體來講好好味西蘭花芥茉牛柳粒個賣相就好靚，但係食落又覺得一般，可能個芥末同牛柳粒個味道唔係好襯。但係個牛肉就幾好食，唔會overcook。西蘭花就冇咩特別啦我諗佢都係白烚嘅啫飛天芥蘭煲因為冇晒通菜所以就轉做芥蘭。我第一次食依個配搭，覺得啲芥蘭好難入味，好似得面頭個啲有味，其他似白烚加油，不過都幾健康甜品帶咗楊枝甘露同埋黑金流沙包，兩個都冇乜特別啦，同平時出面食嗰啲差唔多，只不過楊枝甘露叫做比出面平囉，過下口癮食甜品咁依家嘅我都可能

見門口咁多人排隊, 好奇心重既我, 當然要試下啦~👀冰鎮咕嚕肉 醬汁酸酸甜甜, 冰鎮令外皮十分脆, 而且外凍內熱, 好有趣既口感肉味好香，連骨但又肥膩, 肉質嫩滑, 正!👅椒鹽鮮魷鑊氣十足, 十分香口, 香料配合得好岩, 有少少咸又少少辣咁炸得好出色, D粉唔會太厚, 厚既係鮮魷肉的本身, 真係啖啖肉架😁麻辣雞煲超級惹味, 辣椒香口撲人, 但又唔會得個辣字入唔到口薑和紅蔥頭和蒜頭令整個味吊得更香!雞好滑, 送飯一流啊! 食完又食咁~當然唔少得野飲啦! 正常的餐飲佢地都有既~叫左凍檸茶同可樂~ 野飲勁快到, 好service!

點心到MX.大排檔 🍽行完街🛍諗住係附近搵間餐廳食個dinner🤔旺角選擇多的是😆 食咩好呢？💭經過洗衣街嗰頭，見到係金雞廣場地下開左間新餐廳食小菜、點心好似唔錯，1830左右唔洗排隊，於是入去試下啦😁餐廳裝潢新穎別緻，環境寬敞舒適❣️加上卡位既雲石紋枱影相打卡一流😍冰鎮咕嚕肉🧊🐷💲88咕嚕肉就食得多，而冰鎮既咕嚕肉就真係第一次食😮 一上枱見到賣相好靚，唔知味道又如何呢？雖然咕嚕肉炸完放係冰上，卻依然保持到外脆內軟既口感！👍🏻豬肉半肥瘦，口感鮮嫩！外冷內熱，冰爽酸甜🥰💦值得一試！紅燒乳鴿(1隻) ❤️‍🔥🕊💲48餐廳侍應推介乳鴿，叫一隻兩個人share啱啱好😋💦上枱影左陣相仲熱辣辣🤣 當中脆皮香口，肉質都幾鮮嫩😗 味道亦調配不錯，唔洗點鹽同醋都已經好夠味👍🏻👍🏻沙參肉竹燉土雞湯(1盅)🐓🫕💲38雖然平時喺屋企都會煲下湯飲下，出到街食飯見到有燉湯都會想試下😆 今次試下叫一盅一人份量既試下啦。燉湯味道鮮甜，配料份量都幾多！有沙參、肉竹、杞子、桂圓、土雞……👍🏻 沙參肉竹有養陰健脾、潤肺降燥之效。啱哂呢個天氣飲！🥰個人認為湯水無論四季咩季節都好都需要補一補黑金流沙包🖤💛💲10細細個好的骰🥰啱哂食

終於等到天氣開始凍番d，當然要整番個羊腩煲黎食啦。羊腩煲 $188佢個羊腩煲好好食，望到蘿蔔既顏色，就知道佢勁入味，羊腩煲既精華都係哂到。而且，羊腩都煮得好淋，完全冇食到一舊係難咬既，份量都不錯。除左羊腩，配料都唔少，舊舊都好入味。馬拉盞炒通菜 $66比我想像中大碟，炒得好夠鑊氣，味道唔錯，有小小微辣。沙參玉竹燉土雞湯 $38湯都幾足料，有沙參、玉竹、雞同圓肉，飲落去似係冇味精。一上枱就有一壺熱茶俾你洗餐具同飲用，每位茶芥都係$5位，唔算貴，埋單亦都冇加一。

旺角是香港最繁華熱鬧的地方之一，也是各種口味好吃的首選之地！今天和朋友來到旺角洗衣街金雞廣場點心到準備吃一些特色菜！旺角旗艦店店面挺大，環保木色的桌椅，明亮寬敞又時尚，讓人感覺很舒服，我們在窗邊餐臺坐下，順便欣賞街邊的夜景！秋葵野菌扒豆腐，據說是自家招牌菜！細滑酷似玉子豆腐，黃綠兩色完美搭配，皮脆內嫩相間無縫，入口即化，味道鮮美，加上秋葵及野菌勾芡襯托，不僅賣相迎人，更是獨一無二，極力推薦品嘗！幹蔥豆豉雞煲，份量十足，色澤油亮，香味濃郁，賣相迎人！雞塊、洋蔥、野菌與豆豉醬汁燒至肉嫩菜脆，入味下飯，非常好吃！清蒸遊水班，魚的份量足足有一斤，經過大廚火頭適時的清蒸，魚肉鮮嫩有彈性，入口細膩口感好！Overall三個菜品讓我覺得有酒店的質素，實在是驚喜、滿足的一餐！

點心MIX大排檔，顧名思義即係將點心店同埋大排檔嘅菜式同一時間呈現喺同一間舖頭。本身我係一個好鍾意食點心同埋小菜嘅人，見到咁嘅配搭第一時間就想黎試下。不過撞正晚飯時間，所以今次冇叫到點心，下次有機會再嚟試吓點心。🌟沙拉骨買相雖然普通，但係食落好有層次，金沙骨炸到外脆內軟，外面有好多沙律醬包圍。食落香口之餘仲好開胃。🌟麻辣雞煲呢度嘅麻辣雞煲都十分之惹味，食落唔算好辣，相信好多人都接受得到。好有大排檔嘅特色，個煲仲係滾晒咁樣上台。🌟金銀蛋時蔬食咗咁多熱氣野，食返啲皮蛋下火就啱晒。今次叫咗唐山菜，個湯做得好夠味道，唐生菜都好爽口。送白飯一流。

行經波鞋街抬高頭見到 「點心到MIX大排檔」個招牌。😎覺得個名幾得意就走入去試下啦，個裝修似港式茶餐廳咁。☺️我地叫咗5餸2湯1飲品。川芎白芷燉魚頭湯個湯一嚟到已經聞到好大陣川芎白芷味。沙參玉竹燉土雞湯好足料，個湯好清甜。燒汁虎皮尖椒配茄子原來係煎釀三寶 😂 有青色尖椒、紅色尖椒同茄子🍆。韭菜鴨血平時見係豬紅多，如果係韭菜鴨血嘅比較少見。飛天通菜煲成個煲上枱，熱辣辣，個醬汁冇咩辣味。冰鎮咕嚕肉將咕嚕肉直接鋪係冰上面，打完卡再食，個皮脆卜卜。椒鹽白飯魚炸粉少，魚肉多。凍奶茶紅豆冰甜度適中，唔算好甜，都幾多紅豆蓉。呢間餐廳唔需要加一服務費，抵食！😉

點心到 MIX·大排檔 (旺角)今日係旺角波鞋街附近睇波鞋，順便睇吓附近有咩食，經過見到呢間食點心好似都唔錯，決定入去食下，餐廳環境都好寬躺，而且上菜速度都好快，職員好有禮貌茶芥每位$5(不用加一)韭黃鮮蝦腸~$28鮮蝦腸，腸粉好滑嘅，放上枱後店員會幫你加豉油，腸粉入邊亦都會有大大粒鮮蝦，正上海小籠包~$26小籠包入邊好多汁，好驚佢穿咗，個皮亦唔算太厚，點啲醋食，正黑松露菜苗餃~$28呢個黑松露菜苗餃，我幾鍾意食，黑松露味不算太突出，但係我比較鍾意食有菜嘅餃，所以幾好食㗎晶瑩鮮蝦餃~$16蝦餃有兩粒，個皮唔算好厚，入邊都會有蝦肉幾爽口，唔錯，幾好食原隻蝦燒賣~$16原隻蝦燒賣有2粒，蝦肉好彈牙，啖啖肉，正黃金流沙包~$25鹹香流心嘅奶黃真係好好食，又唔會太膩，啱啱好，食完好滿足🤗點心到 MIX·大排檔 (旺角)🏠：旺角洗衣街39-55號金雞廣場地下1A,1B,1C號舖☎️：59684809

去完旺角買野, 原來金雞樓下開左間新野, 選擇幾多, 小炒都好多款!一行二人叫左3樣野食, 都係200幾蚊, 都幾抵食, 而且即叫即整, 夠熱辣辣!啫啫雞煲上枱果陣咋咋聲, 原來仲有豬潤架! 份量都幾多, 而且唔會好油, 以小炒黎講真係算整得幾好!!醬汁唔會太咸, 食完都唔覺口乾, 唔錯!另外金銀蛋浸菜又係大大份, 好多咸蛋皮蛋, I LIKE IT!見到好耐無食既XO醬羅白糕就叫左一份, 炒得都幾好食, 仲有大量芽菜, 值得一試!

約左朋友去旺角出街食晚餐，記得之前有另一個朋友講點心到MIX大排檔幾好味，咁去開旺角就去試試佢。我就去左金雞廣場到試，等位都算快安排好。上網睇過下人地介紹，咁去到見到佢環境都唔錯，係有花心思係裝修到既。我就叫左佢既小妙王，蛋白炒飯同個蠔餅，可以話樣樣都唔錯，食物既份量落足料。佢既野食款式都幾多，如果多人去食就可以試多幾款唔同既菜式，下次會去試下佢地其他既招牌菜。呢間餐廳地理都易去，員工都有禮貌，值得都去。

本身bk咗三位餐廳要求一定要掃安心出行完全冇得填紙門口收銀態度極度惡劣唔掃就唔洗食最後轉場去黃店阿木台灣麵要bk位既人諗清楚先未食已經成肚氣其實周圍仲有好多選擇