黑門水產すいさん (棉登徑)

在2020年大家一直沒法出門，跟好友來到黑門水產，解解相思之苦黑門水產裝潢十分日本風，個人十分喜歡，令人有置身係日本既感覺愛琴海是一杯有芒果，檸檬，烏龍茶既酒精飲品，易入口，很不錯柚子檸檬梳打很fresh的飲品，令人精神爽利黑門龍蝦海鮮湯店員會放在火爐上加温，十分濃郁的龍蝦味，再配上其他海鮮食材，令濃湯更鮮味海膽蟹味噌甲羅燒也是店員幫忙燒，濃濃的甲羅燒配了梳打餅，中和了鹹味，後來我們要求了壽司飯，個人覺得反而更夾更有口感刺身併盤油甘魚刺身 入口油脂溶化，令人一口接一口花酒漬甘蝦刺身 甘蝦十分鮮甜活鮑魚刺 十分新鮮 脆口彈牙黑門帆立貝伴魚籽醬用紫菜包著進食，帆立貝鮮甜無比，伴上魚籽醬味覺更有層次黑門令大漁魚子醬脆脆包有海膽，魚子醬，吞拿魚蓉，魚籽，伴上脆脆包很鮮甜黑門三文魚加州反卷三文魚加州反卷包了滿滿材料的，絕不欺場，食完反卷我跟朋友也捧著肚離開環境服務食品也是一流，會再來

無得去日本，唯有去下日本水產食下水產當去轉日本啦，環境裝修同日本的居酒屋差不多，感覺真係似去了日本甲羅燒甲羅燒應該是每枱都必叫的食物之一，上完枱後店員會等大家影完相後放置每枱的爐燒熱佢，再配上餅乾一齊食，蟹殼上有海膽，飛魚子，加上一粒鵪鶉蛋，一路燒一路撈埋佢，蟹膏嘅香味撲鼻黑門令壽司黑門令壽司有三個壽司軍艦，上面有海膽甜蝦吞拿魚蓉，全部都係最愛的魚生，原來另外有個隱藏壽司係放係蟹殻入邊，但係海膽味道並不太鮮甜，有點失望鰻魚玉子燒玉子燒的蛋很軟熟，配上鰻魚都是平常天作之合的拍檔感覺上熟食比起魚生更為出色

叫左海膽丼同海鮮丼，雖然價錢偏貴，飯比較少，但係刺身質量ok，解凍做得ok，無腥味同雪味。餐廳唔大，座位都比較細同坐得迫，不過香港地寸金尺土，都體諒既。只不過服務態度真係好差，侍應講嘢好似命令人咁，我做客既講唔該仲多過佢地，就當你地工作辛苦，我都算，有樣真係唔忍得，就係趕客走。我明白用餐限時90分鐘，但食到50分鐘，侍應就同我講：“先生用餐時間差唔多，請你埋單。” ，然後我覆佢：“我而家先坐左50分鐘，仲有40分鐘喎，咁快比單我？”，然後侍應就話：“咁我放低張單比你望下先。” 嘩，係香港真係人無恥便無敵，趕客趕到咁，放題都無尼家餐廳咁誇張。無下次，都唔明點解咁多好評。

經常想吃一些比較高級的日本餐廳，今次來到了位於尖沙咀的黑門水產。我們點了各式各樣的壽司和海鮮料理。首先介紹黑門令大漁魚子醬脆脆包，魚子醬十分新鮮有濃濃的魚鮮味，配上新鮮彈牙爽口的刺身蝦和海膽。配上香脆法國麵包一口咬下去, 能夠在口中感受到不同海鮮的混合。黑門帆立貝伴魚子醬，這道菜是刺身，帆立貝本身十分新鮮，食下去有甘香清甜的味道。亦可選擇搭配魚子醬一起進食，在口中就會有多重的味道和口感。另外點了平目魚薄切刺身，師傅的刀工十分厲害，把魚刺身切到非常之薄，魚肉的顏色十分透澈，沒有任何魚腥味，令人想一口接一口地吃。黑門令蟹味噌甲羅燒，裏面有新鮮蟹肉蟹膏鵪鶉蛋，煮熟後配上香蔥進食，蟹膏的味道濃沃到在口腔裏揮之不去。黑門令龍蝦湯煮海鮮也十分推介，先說湯底，龍蝦湯味道濃沃配上新鮮的各類型海鮮，有帶子鮮蝦生蠔等等。新鮮的帶子還能食出一絲絲的感覺，口感彈牙爽脆的鮮牙配上龍蝦湯後味道更加昇華。黑松露白汁燒帆立貝，這間餐廳選用了不少高級的食材作原料，黑松露份量絕不吝嗇，差不多與帆立貝1:1比例。濃郁的黑松露配以白汁，令帆立貝的甜味昇華。最後還點了一道壽司盛盒，共11件，軍艦壽司的紫菜很脆。壽司飯都是醬油漬

呢餐飯由五月因為疫情一拖再拖，今日終於食到喇。餐廳係朋友揀嘅，食物質素同環境唔錯，果然係有用心選擇。枱距離細，枱亦都比較窄小，環境唔錯唔係坐得舒適舒服，係四周嘅佈置令人有處身於日本嘅感覺。由於座位比較緊張，我覺得傾計就一般，當日有客人生日，職員會點好蠟燭拎出嚟，餐廳亦會播出生日歌，氣氛都幾好。食物都係由朋友點嘅，好多謝佢嘅用心安排，我哋一邊食一邊傾都食咗三點鐘。客人用QR code自助點菜。海膽蟹味噌甲羅燒，赤鬼明太子蟹味噌甲羅燒，海膽嗰款有啲鹹，明太子嗰種有少少辣，味道幾好，不過梳打餅太少，最後食剩用嚟配炒飯食。黑門鰻魚玉子燒，味道可以，玉子再嫩滑啲會更好。赤鬼海老天反卷，用料豐富，蝦唔太脆。海膽炒飯，炒得都乾身，唔油，不過味道一般，海膽味突出。柚子生啤，甜甜哋嘅柚子混合埋好易入口。玫瑰梅酒，朋友點嘅，因為太甜所以比埋我飲。黑門令啤酒。

不嬲都覺得帛登徑有好多令人驚喜既餐廳，本身想試下食同一條街既烤肉，點知冇位，同為日本料理而且又係燒烤於是就入左依間餐廳喇一入到去第一感覺就係”嘩！係日本味道呀！”，唔單止係入面既裝修，第一下撲面而黎既係果種日本水產店烤甲殻類海鮮既味道氣氛就相當充足喇，但重要既都係野食鮑魚刺身相當新鮮，加左少量麻油係上面，雖然感覺更似韓式刺身，但係由於海產既新鮮度，都真係冇得頂白身魚新鮮度亦唔洗懷疑，酸汁調味十分恰當，唔會太重酸味蓋過白身魚味道生蠔都唔差，不過相比另外2樣刺身就相對冇太大特別，但以生蠔愛好者黎講，黎到點都食一隻嫁喇黎到依黎水產店，又點可以唔食甲羅燒，依個可以話係我人生中食過既甲羅燒入面數一數二既，由材料既比例到熟度既恰到好處，其實甲羅燒度度食既都係果幾樣野，但係如果食到每樣材料既味道，又互相冇搶走大家既鮮味，真係好難得淨係食海鮮未必飽，嗌左個明太子雞翼試下，熟度脆度都掌握得好好，味度就冇乜特別，水準之作水產店/居酒屋既壽司通常都只係為飽肚，本身對佢都冇乜期待，點知一食，唔單止飯已經調左味，上面簡單既配料令口感味道都更上一層樓食得日本料理，酒真係不可或缺(其實係酒鬼點埠唔要飲酒)，要我講依

成晚食物中規中矩，價錢略貴，但係感覺這些已經不是重點，重點一，圖中黃色醬樽，個侍應竟然成個嘴同我插晒落隻蠔度，180度撩曬（落汁）幫我地燒，衛生情況極度恐怖，我一直有留意個樽，佢只係放返原位，直到我哋走都冇抹過，估計都唔會抹！到下一手再用，但留意返，隻蠔係生，咁樣插曬落去燒，我難以想像個樽嘴有幾污糟，到幫我哋燒鮑魚，燒到黑晒乾晒，完全冇出聲，都算，動作極之粗魯（女仔）啲殼就咁飛落個兜度，但係個兜就放喺我老公心口前面，真係10分唔討好，重點佢燒鮑魚嘅過程，啲汁彈到我，完全一句對唔住都冇，我已經專登縮埋一邊，但佢動作仍然十分之大，完全冇理你，令人反感這一餐已經不是講食物質素的問題了！整體令人哋不舒服，完！當時我同老公都冇出過聲，覺得同佢地講都嘥氣，價錢中等，服務如譚仔，不會再光顧

行家想品嘗 "X四代" sake ,   自已買了一枝  1.8L .  當然要配日本菜.朋友上月去過黑門,   推薦食品及環境適合..  預早電話 booking 及問定開瓶費.   ($450 - 1.8L)   ,  可以接受啦.昨晚 7:00 pm 去到 ,  大約六成入座率.  經理安排座位後, 店員接手奉茶. 姐姐仔急急上茶後便忙於同其它店員  "傾計"...   (我已同她講 麻煩開酒) ... 可能 "傾計" 的 topic 更吸引..  或者我講嘢太細聲, 又或者枝  1.8L 不起眼. 完全冇咗件事.   只好再叫她一次安排. 攞起枝酒, 回頭同另一男店員.  大聲講  '喂,開酒呀 ! 你強項" 跟手同我講 " 要收開瓶費 wor"..  我回答   "OK"..  佢再同我講  "要$450 wor"  ,   (佢嗰講嘢 tone ...好似問緊我俾唔俾得起咁  !!!) 我回 "冇問題"...  (我一早 book 抬已問咗).....  佢又大聲叫 counter ,, "喂, 落張單 $450 先"......   乜用咁嘅方式 落單 ?? (佢地 ma

星期六放假最好便是和朋友找間餐廳吃午餐。這天我們便來到以浜燒海產着名的黑門水產。就坐後先點了海膽蟹味噌甲羅燒和牛油燒帆立貝。店員會即席幫食客燒好食物，保證新鮮。甲羅燒特別加入了海膽，能夠增加其鮮味。帆立貝相當大隻，肉質燒得剛好。黑門令大漁魚子醬脆脆包口感豐富，帶點鹹香。帆立貝伴魚子醬以紫菜包着，入口相當滿足。刺身分別有鮑魚刺身及花酒漬甘蝦刺身。前者肉質彈牙，後者則帶微微酒香。再來點了赤鬼海老天反卷，加入了明太子醬令味道更濃郁。熱食則有炸蠔及龍蝦湯煮海鮮。前者香脆美味，後者亦十分足料。

位於尖沙咀k11旁嘅黑門水產，位置方便，門口同店內嘅裝修都非常奪目，整間餐廳由牆身至天花都佈滿裝飾和照片，五光十色。午市時間人流唔算多，座位寛闊，有卡位，冇限時，又可以打卡，可以話係一個聚餐嘅好地方。.花酒漬甘蝦刺身6切（$88）呢個係餐廳嘅招牌菜，小妹亦係第一次聽呢個製法，感覺非常特別！花酒漬成的甜蝦散發淡淡嘅酒韻，配搭甜蝦本身的鮮甜味道，此獨特滋味實在令人不禁徘徊留戀。.油甘魚刺身4切（$88）新鮮厚切，滿滿魚脂香。.黑門令大漁魚子醬脆脆包（$78）呢道菜充滿層次感，一路食落去都好有驚喜，首先面頭有海膽，上面配有魚籽醬，魚子醬嘅鹹味已經足夠，可以唔使再落豉油；另外有蟹肉、三文魚籽、蟹子仲有香蔥炸蒜，下面鋪有一層份量額多的吞拿魚茸，再下面仲有比目魚裙邊；因為我唔係一啖咬落去咁樣食，係逐層食落去，食到吞拿魚茸先開始攞起個包食，所以漸漸食落去嘅時候係充滿驚喜嘅。.黑門帆立貝伴魚籽醬（$68）面頭有我最鍾意嘅海膽同埋三文魚籽，同樣地面頭魚籽醬嘅鹹味可以取代豉油，底下嘅紫菜一下夾著全部食物成舊食，紫菜都夠脆容易咬開，帆立貝肥美動人，加上其他配料，味道非常誘人。.赤鬼明太子蟹味噌甲羅燒（$78

年年黎到到呢個月份，一定會去返轉日本，可惜今年無望，魚生癮真係令人好難頂，朋友介紹尖沙咀呢間餐廳話可以帶返我去大阪黑門，急不及待捉埋老公一齊嚟試吓！一入餐廳係佢嘅裝修就已經好有日本feel，連poster吊飾都用円黎標價，感覺so good!呢度有唔少丼飯、刺身、燒物揀，仲有我最鍾意最鍾意嘅甲羅燒添啊，必點必點！再望下黑門三色丼 ，又係我最愛，一份唔該！吊咗咁耐癮，當然要點返啲刺身，點左真鯛、油金魚、同鮑魚！真鯛清鮮甜美，油甘魚肉柔嫩細滑，鮑魚片片薄切彈牙，款款都咁好食！甲羅燒同龍蝦海鮮湯由店員展示未煮嘅模樣，再入廚房幫客人處理，再拎出嚟嘅時候已經係香噴噴熱辣辣！餐廳特意配上餅乾，感覺上冇咁膩，但我都係鍾意一整羹放入口，感受濃厚蟹膏香味！黑門令龍蝦煮海鮮有肥嘟嘟嘅蠔肉，仲有彈牙嘅八爪魚，記得要配埋啖湯一齊食，極濃郁嘅龍蝦湯底，將海鮮味道帶上另一層次！黎得食日本野就要食到大滿足，就要多一份帆立貝伴魚子醬同大漁魚子醬脆脆包！帆立貝用紫菜包住，連同魚子醬一口送入口中！帶子散發著炙燒嘅香味，連同脆口嘅紫菜同矜貴嘅魚子醬食口感一流！魚子醬脆脆包呢個fusion菜夠特別，細細塊嘅脆脆包面，係大堆頭

兩口子過中秋節， 當然要食好啲，食中菜又怕多人，兩人不約而同想食日本菜， 上網找了一會， 見到尖沙咀棉登徑內的 口碑不錯，立即用APP BOOK 位。 打開大門， 店內裝潢如日式食店， 天花掛著漁網，牆壁貼上大大小小類型的海報，令客人有如置身日本一樣，享受美食。 打開餐牌， 種類超多， 唔想浪費時間唸，不如請店員發板。 不一會先上一人一個   黑門令，帆立貝伴魚子醬 $68我三兩下手勢將墊底的紫菜卷起， 包著大大粒帆立貝伴和魚子醬， 鮮味超爆登， 更多了魚籽醬的咸鮮，味道的層次相當豐富。 黑門令，大漁魚子醬脆脆包 $78法包底上放滿 海膽、魚籽醬、 蟹肉、 蟹籽、魚籽等， 聽到都知有幾豐富。 味道比我吃那款更複雜，更濃郁。  刺身深海池魚刺身$138池魚新鮮， 魚眼還是亮晶晶， 剌身切成我喜歡的厚度， 咬下去更有口感，且帶點爽口， 點小許豉油提鮮， 令鮮味更突出。 一半池魚是 大廚將魚刈成魚蓉再加入薑和蔥，薑的香味好清香， 好岩怕魚腥的人。  磯燒海膽蟹味增甲羅燒 $72店員會在客人面前燒甲羅， 幾分鐘時間就燒出油光閃閃的美食， 店員還叮囑食襯熱食啊。 蟹肉、 蟹膏，魚子，鵪鶉蛋 

疫情下，外出用膳都變得奢侈，今晚難得外出用膳，首選棉登徑的黑門，靜中帶旺，交通方便。刺身選了生帆立貝肉刺身6切，水潤豐盈的刺身，加上精緻的擺盤，入口嫩滑甜美，高水準。我倆都是生蠔愛好者，對岩手縣赤崎生蠔，又怎能錯過，生蠔肥美飽滿，肉質 creamy 帶點海水咸味，吃上一打也不會是難事。黑門令蟹味噌甲羅燒，甲羅燒這個玩意，將蟹膏的食法升華到精緻的層面，加入蟹籽、蔥花、蟹肉及鵪鶉蛋，賣相艷麗。材料攪拌好，放在燒上慢燒，剛剛熟的蟹膏保持濕潤柔軟，蟹膏香味撲鼻入魂，塗在香脆的蔥花餅乾上，超好味！黑門令龍蝦湯煮海鮮，湯底有滲透著蝦膏的獨特香味，加上一眾海鮮簇擁；小小的湯鍋，百花盛放，不論湯底或海鮮，都非常鮮味。蔥花吞拿魚腩卷，用上了赤醋伴壽司飯，醋香濃酸味淡，一口一件，好味道。接連三道菜式都主打魚子醬及海膽，分別伴以帶子、脆飽及烏冬。先來黑門帆立貝魚籽醬，老公喜愛帶子，這個便屬他的。我選了這個黑門令大漁漁子醬脆脆包，帶點法式情懷。入口味道豐富，已經分不出蝦籽還是魚子，只知道是極品一件，生怕久放會影響味道 😋😋，快食是重點🤭🤭黑門大漁稻庭烏冬，乾是鰹魚湯汁配冷烏冬，已足夠叫人吃掉一大碗！加進了鵪鶉

係網上看到圖片，餐廳好有日本風味，感覺唔錯，所以星期日和朋友2人去試下，約1330-1345之間和朋友2人到逹餐廳，進店前已看到門口掛了服務時間（日場到下午2點半），進店後問過店長（我估）是否2點半關門，對方解釋是2點半後不能點菜，但還可以坐，我地覺得時間係有啲趕，但還可以接受，所以決定係到食。1. 其實餐廳不算好大，但大小枱加埋起碼有15張以上，可能係星期日又不是晚餐時間，餐廳約有4，5枱客人，當時有位"服務小生"就安排我2人坐一張2人枱（但隔離就是2張2人枱拼成的4人枱，只係中間隔咗塊膠板），我即望四周環境，而家又沒人等位，又有咁多”吉”枱，點解會安排張細枱俾我地？？然後朋友就出聲問，我地可以坐隔離張4人枱嗎？因為可以放到手袋。"服務小生"話可以後，我2人坐底揀嘢食。2. 一開始先點了1隻鮑魚，4個刀貝，1個甲羅燒。。過咗陣，個”服務小生”就攞住碟鮑魚和刀貝埋來，問我要唔要影相先，我覺得好奇怪，心諗做咩無拿拿咁問？一陣你係我面前燒個時，我自己會影家啦～～咁我就話唔駛影，唔該，咁個”服務小生”就攞住碟嘢走咗。點知過多2,3分鐘後，個”服務小生”就攞住甲羅燒埋來，就同我講，呢個係我點嘅

本身係OpenRice訂咗夜晚6點食飯，寫左慶祝周年紀念，但去到安排嘅座位好窄，要同隔離位share同一張枱，只係有塊板隔一隔，坐得唔舒服。 另外，去到先知原來兩個人係冇得喺自己張枱上面有個爐燒啲海鮮，話要四個人先得，因為張枱唔夠大擺個爐。好失望，因為本身揀呢間餐廳係諗住可以自己燒，有得玩下。食物整體黎講真係普普通通，環境又唔係坐得舒服，最後加埋食左齊頭$800，冇叫到野飲，覺得性價比好低。仲有點咗海膽天婦羅，但竟然中間有兩條係辣椒，勁辣，又冇寫清楚，對d唔食得辣嘅人來講覺得好唔體貼又浪費。因為就咁睇個樣以為係d豆類嘅野，冇諗到係辣椒。總括而言，唔會再幫襯第二次。