黑門水產すいさん (棉登徑)

叫左海膽丼同海鮮丼，雖然價錢偏貴，飯比較少，但係刺身質量ok，解凍做得ok，無腥味同雪味。餐廳唔大，座位都比較細同坐得迫，不過香港地寸金尺土，都體諒既。只不過服務態度真係好差，侍應講嘢好似命令人咁，我做客既講唔該仲多過佢地，就當你地工作辛苦，我都算，有樣真係唔忍得，就係趕客走。我明白用餐限時90分鐘，但食到50分鐘，侍應就同我講：“先生用餐時間差唔多，請你埋單。” ，然後我覆佢：“我而家先坐左50分鐘，仲有40分鐘喎，咁快比單我？”，然後侍應就話：“咁我放低張單比你望下先。” 嘩，係香港真係人無恥便無敵，趕客趕到咁，放題都無尼家餐廳咁誇張。無下次，都唔明點解咁多好評。