黑樺牛 (已結業)

最近好想喪食牛，咁岩見到尖沙咀呢間新開既黑樺牛，主打和牛放題，一於去試下！收費係每人$398任食120分鐘，有多款熊本黑樺和牛同埋佐賀水豚肉揀，岩晒我呢d肉食獸！湯底選擇非常之多，我地今次就揀左藥膳湯底。我地今次好好彩，原來9月30號前2人同行就可以免費有一客北海道大元貝牡蠣海鮮拼盤，大大隻蠔同扇貝，又飛美又juicy好正！！和牛有勁多唔同部位俾你揀，口感真係唔同，有D入口即溶，有D就有咬口，有D油脂重，塊塊都係切得好靚既薄片，滾幾秒就食得，完全食唔停。我就唔係食牛專家，但真係塊塊都勁重牛味，我本人都食左6大碟。飲品好神奇地竟然有楊枝甘露同巨峰乳酸沙冰，酸酸甜甜好開胃，甜品方面仲有雪糕波波，好滿足！

垃圾鋪頭 bk完位同我取消位 仲要冇解釋 咁樣做生意？仲叫人bk平日？仲要臨急先黎通知？咩鋪頭咁大牌 做生意做到咁 唔怪得之前要換老細 而家轉個名就黎呃人 咁都得？執笠啦你 垃圾

踏上一趟驚喜的饕宴之旅！日本熊本縣的黑樺牛牧場強勢登陸香港，竟然有超高質任食放題！一次過任食日本直送到港的A5和牛、日本佐賀名水豚，還有無限任飲自家製奶茶、蜂蜜柑橘冰紅茶、任食沙冰及雪糕，簡直就是值回票價！/ 食物 Food /「日本黑樺和牛火鍋放題」（120分鐘）我們選了日本薩摩雞花雕藥膳鍋，湯底非常足料，入面下了整整一隻薩摩雞，啖啖都能喝到中藥藥材的味道，完全就是我最喜歡的養生之選！其他湯底有火焰麻辣雞煲、台灣麻辣火山鍋、北海道豆乳玫瑰拉絲芝士鍋、野生竹笙松茸菌鍋、黑松露野生竹笙松茸菌鍋、鰹魚大根昆布鍋、黑樺祕製酸辣魚鍋，同樣非常吸引。餐廳用料非常矜貴，首先送上一碟原片A5熊本黑樺和牛肉眼。我們將原塊肉眼放人火鍋中，輕涮幾下，口感嫩滑，油香在口腔中緩緩飄散，讓人吃得如癡如醉。每道A5熊本黑樺和牛都各具特色，滿佈雪花紋，入口即溶，鮮味滿載！其中我最喜歡特上霜降小排，口感香滑幼嫩，牛香濃郁，滋味難忘，讓人吃了數回仍不自覺想要再點！之後送來的黑樺牧場精選層架造型精美，彷如酒店下午茶層架一樣，由上至下分別擺放黑樺牧場A5和牛花、肩胛梅花、日本佐賀名水豚梅花和手打丸。最適合大家舉起相機打卡！

上網見到呢間專食和牛嘅任食放題打邊爐，啲和牛睇落幾靚咁，所以一於去試吓😆佢哋有8款嘅鍋底，最後我哋揀咗台灣麻辣火山鍋。湯底料有蓮藕、木耳、鴨血、冬瓜上面鋪滿左一塊塊嘅和牛。之後職員淋上清酒再點火燃燒，散發好香嘅酒香味😍而個湯唔會好辣，同場唔食得好辣嘅朋友仔都接受到。另外，每檯奉上一盤海鮮拼盤、一碟A5和牛肉眼同埋一個黑樺牧場3層架。海鮮拼盤包括蠔、元貝、蝦。職員會淋上玫瑰酒，然後點火，再冚蓋焗20分鐘。打開蓋時，一陣陣酒香湧出來！而A5和牛肉眼超好食！好大塊，好多雪花，烚幾秒拎出嚟就ok啦，入口即溶😍最後，黑樺牧場3層架包括咗豚肉、牛肉同手打丸。手打丸真材實料，好好味😋A5熊本黑樺和牛包括有：上肩胛肉、牛前胸、特上降霜牛小排、牛小排、肩胛梅花、牛頸脊、千本筋、玉子後腰肉。不過今次玉子後腰肉賣晒😢，所以唯有下次啦！而其他和牛都好好味，油脂分布平均，入口即溶，牛味香濃😍望落去你真係見到和牛嘅質素係好好👍🏻除咗和牛之外，我哋仲叫咗醉玫瑰日本佐賀名水豚梅花肉同牛胸爽。呢個梅花肉食落口好香酒味仲有一陣玫瑰嘅香味，肉質好鮮嫩👍🏻👍🏻而牛胸爽真係好少地方先有，食落口好爽，一d都唔膩😋最後結尾緊係要食

好耐都無出去尖沙咀搵野食，就搵下有無咩新餐廳開左試下，就搵到呢間黑樺牛既日式放題。佢都有幾款湯底俾你揀，今次我地就揀左店長推介既北海道豆乳玫瑰芝士鍋，湯底既豆乳味好濃，幾夾佢地d牛，味道唔會太搶，更加食到牛既肉味。餐廳係用QR code落單，佢地提供既都係A5和牛，有特上霜降和牛，和牛頸脊，和牛上肩胛肉，水豚梅花肉，和牛千本筋等等，全部任叫真係超正。另外佢都有提供其他種類既食物，其中手打金鑽太極墨魚滑非常彈牙，墨魚滑亦非常鮮味，除左和牛以外佢都係可以一試。飲品方面佢有解膩既四季春青茶，喵喵奶茶同蜂蜜柑橘冰紅茶，全部都好開胃，保證可以食多幾塊和牛。

有消費卷當然要食餐高質《熊本A5黑樺和牛》，黑樺牛牧場和牛火鍋放題 每位＄398 (120分鐘），任食熊本A5高質黑樺和牛，好幸福😊😊喜歡這張餐紙列出各牛部位要煮幾耐，不妨一試。餐廳以Qrcode落單，小編簡了鰹魚大根昆布鍋作邊爐湯底，味道鮮甜。頭盤一： 黑樺牧場盛合：以三層架擺放精選刺身級牛肉，豬梅花同手打三色丸，蝦丸足料，墨丸口感紮實，雞肉丸有軟骨紫蘇碎。頭盤二：🌟🌟🌟黑樺牛肉眼：最喜歡的是大碟肉眼，肉質極滑溜😋頭盤三：即燒海鮮拼盤，點火焗十五分鐘，入口超鮮甜，絕無添加其他醬料已經好好味。靚靚高質素A5和牛😍分別點了牛頸脊、千本筋、上肩胛肉、後腰肉、牛肩梅花😋😋火灸芝士洋蔥炸薯即叫即炸，好味道😋

未去得日本又好掛住日本嘅高質和牛🇯🇵？話你知去尖沙咀都可以食到由熊本直送嘅A5黑樺和牛！餐廳所使用嘅日本和牛均為牧場自營🏯，知道和牛產地同來源，對食物質素都更有保證😋，而且任食嘅肉品部位選擇超多火鍋湯底幾創新，我地揀咗「北海道豆乳玫瑰芝士鍋」，口味特別又有玫瑰花造型🌹。飲品除咗有自家製楊枝甘露沙冰，仲有唎酒師駐場，清酒大優惠最啱小酌一下。廢話唔講咁多，即刻睇吓邊款和牛最好味⬇️————————————————👅 黑樺牧場和牛火鍋放題（$398+10%/位）🔸頭盤🔸👍🏻 黑樺牛肉眼：一開始會送上3份頭盤，每檯都只係的一物，食材格外珍貴🤩，最鍾意係最大碟嘅肉眼，自帶奶香，肉質好滑溜，火鍋食法會減低油膩感，每口都享受到高級感覺👍🏻黑樺牧場盛合：三層架唔係食下午茶嘅專利啦🤣食靚和牛都無違和感！陳列精選刺身級牛肉，豬梅花同手打三色丸，爽彈蝦丸好似蝦餃餡咁足料，墨丸口感紮實，雞肉丸有軟骨紫蘇碎，層次豐富，如果可以Encore就好~👍🏻海鮮拼盤：另一個電磁爐會整清酒焗海鮮🍶，包括日本生蠔、帆立貝同海蝦🦪，大概等15-20分鐘就食得，店員會檯邊服務為你拆殼添🔸和牛類🔸👍🏻A5熊本黑樺和牛特上霜降小排：牛

上網見到尖沙咀新開左一間A5和牛放題店，任食2小時都係$398一位😍就趁住weekend 帶埋同為食肉獸既細妹去試下去到坐低就可以揀左火鍋湯底先，我第一時間被北海道豆乳玫瑰芝士鍋吸引住，覺得好特別；湯底係用左日本北海道豆乳同鰹魚湯配上拉絲芝士，中間既巨型芝士豆乳玫瑰花十分適合打咭餐廳仲會每枱送上海鮮拼盤，有刺身級別既蠔、蝦同扇貝，店員仲細心提示大概蒸20分鐘就食得，到時仲會過黎熄火，唔怕會唔熟啦😆餐廳主打熊本A5 黑樺牛任食，由日本直送到店，有成8款咁多，餐廳係上碟既時候仲會好細心咁有張咭片介紹番牛既部位和牛牛紋雪花勁靚，同我係日本超市見到既高級牛一模一樣😍薄薄一片碌幾秒就食得，真正入口即溶，食落牛味濃野飲方面都唔求其，除左汽水仲有多款自家製既無糖冷泡茶、蜂蜜金橘茶，同埋楊枝甘露沙冰，夏天食最 fresh如有想飲酒餐廳仲有啤酒師駐場，可以加小小錢任飲啤酒同清酒😆

網上見到幾吸引，呢日就同屋企人黎試下順便慶祝生日黑樺牧場和牛火鍋放題 $398（120分鐘）任食，依家新店開張會送海鮮拼盤同和牛肉眼有唔同湯底選擇，再用QR CODE落單湯底揀左花雕日本薩摩雞藥膳鍋，湯底十分足料好夠味，雞件亦大件海鮮拼盤用既海鮮全部都係刺身等級，元貝，生蠔每隻都好肥美，店員更會加上玫瑰酒再火燒一下，煮熟後店員仲會仲會幫你開蠔黑樺牧場層架，精選既丸同肉丸每款3粒，粒粒真材實料，彈牙又好食A5和牛有8款牛小排、特上霜降小排、肩胛梅花、牛前胸、上肩胛肉玉子、後腰肉、牛頸脊同千本筋個人最愛和牛肉眼，入口即化另外牛頸脊油脂味超濃郁小食都有唔少款選擇，必食椒鹽炸蝦，即叫即炸，勁惹味飲品罐裝汽水同冷泡茶之外，更有平時少食自家製港式奶茶同楊枝甘露沙冰楊枝甘露沙冰，甜度適中，啱哂打邊爐甜品方面仲有雪糕 真係大滿足

今日朋友帶我去食好野😌呢間《黑樺牛》和牛火鍋放題，聽聞可以任食熊本A5黑樺和牛😃當然要去試吓啦！🐃 Menu選擇有好多⋯⋯特上霜降小排、和牛上肩胛肉、 和牛肩胛梅花、和牛牛前胸、和牛玉子後腰肉、和牛千本筋、等等．．，每款都係即點即切，高質素👍🏻👍🏻！🦐每枱都會贈送海鮮盤一客，加上玫瑰露酒 ，火炙乾焗就食得，味道特別鮮甜，日本直送果然不同，好好味👍🏻👍🏻！🐔 火焰麻辣雞煲，即場火焰加辣炒，味道的確惹味！🐓花雕日本薩摩雞藥膳鍋係一個好足料既湯底，用咗多種藥材同紹興酒，所以味道濃郁之餘，雞肉亦好入味👍🏻👍🏻！🍹飲品任飲有多款茶品的支裝飲品，而楊枝甘露沙冰更是必飲之選，酸酸甜甜滿口果肉，重可以加埋雪糕球，正！餐廳亦有唎酒師駐場，鍾意飲清酒嘅朋友不妨留意一吓🍶！

餐廳主打任食火鍋，有8個湯底任你揀。想食麻辣湯底，有台灣麻辣湯底，想食健康啲，有藥膳湯底，包羅萬有食材方面各類熊本A5黑樺和牛同佐賀名水豚肉都係任食，全部火鍋配料，熟食用餐廳專用網去落order飲品方面，餐廳有自家製楊枝甘露沙冰，可以喺上面加圓形雪糕，變成雪糕沙冰，仲有幾款特色冷泡茶，可以消消滯，亦有幾款罐裝飲品提供店舖會送一盆海鮮頭盤，每人有扇貝，生蠔和大蝦，店員會用酒燒焗熟佢，仲會好貼心咁切埋比你一入門口放左好多不同牌子嘅清酒，有啲仲做緊優惠，有興趣嘅話仲有酒師可以推介適合自己口味嘅清酒每人$398, 另收加一服務費

去咗嘆「熊本A5黑樺和牛任食火鍋」🥳店裏裝修雅致舒服，我哋坐喺大卡位，夠闊落，食得舒服。湯底選擇都幾有特色，揀咗「北海道豆乳玫瑰芝士鍋」～玫瑰模樣💗打卡靚，而且清清地充滿豆乳香，同啲和牛都幾夾。然後仲加送左一客海鮮燒～服務生會即場點火係枱上燒🥳燒到咁上下，冚蓋再焗一陣，每位有生蠔丶帶子丶蝦各一隻。生蠔都幾大隻，燒過之後都好鮮嫩～入口鮮甜美味。 而所有肉類丶配料丶小食都係QR code落單～點咗啲咩一目了然，夠晒方便。嚟到主要食和牛🥳呢度提供來自日本熊本嘅A5黑樺和牛，共有八款～包括：特上霜降小排丶牛小排丶上肩胛肉丶牛前胸丶牛頸脊等等。其中我最鍾意特上霜降小排，入口滑溜柔嫩，充滿脂香。另外小食選擇都幾多，推介椒鹽牡丹蝦，肉質爽彈，香脆入味～另外麻辣牛舌都唔錯～滿有麻香。自助區有各款飲品和CoCoberry雪糕球無限量供應，仲有自家製楊枝甘露沙冰可以自己斟～再加球雪糕上去就Perfect啦～沙冰入口香甜，打邊爐解熱就最啱啦～現場仲有唎酒師駐場，如果想飲清酒🍶仲有優惠。

我book左9，點知我見到咗後等咗20分鐘先入座。其實都可以接受，不過我地之前有兩個小姐喺度等，佢哋就慘啲等咗成個鐘。 去到開始點，總共有九款和牛食，咁我哋就每款都點咗諗住試下先。 點知上咗三款牛肉之後等咗成45分鐘，諗住再點單就當做催下佢，點知發現全部售罄！ 坐咗個半鐘到而家只係食咗三款牛肉，點咗嘅沒到，沒叫的牛頸脊就反而到咗3碟。（因為我同朋友都唔太鍾意食呢一款，有根） 總之就一句 好失望！！！！！！！

好撚正嘅放題火鍋店，個個湯底都好出色！強烈推薦，重有佢老細都開咗間燒肉🙊不得了…如果可以唔使4人同行先有特別嘢送就好啦🥲…講到尾…隻蠔真係唔食唔得，絕對超正！！力推環境方面，當日嘅抽氣好似有啲差，雞煲一嚟就攻晒成間鋪….整體上可以接受，如果間鋪再大啲就好…驚阿老細你維唔到皮🙊

8月19號係open rice度網上book左8月26號下午12點兩位，發訊息確認已訂位，但竟然係8月21號下午突收到訂座已被取消。。。話餐廳滿座，過左差唔多兩日突然話滿座取消我的訂座？？？？？究竟係咪玩法？open rice嘅問題？餐廳嘅問題？兩日先通知餐廳滿坐這神奇講法誰能滿意接受？這間餐廳永不會去