影片
更多
2022-08-25
423 浏览
未去得日本又好掛住日本嘅高質和牛🇯🇵？話你知去尖沙咀都可以食到由熊本直送嘅A5黑樺和牛！餐廳所使用嘅日本和牛均為牧場自營🏯，知道和牛產地同來源，對食物質素都更有保證😋，而且任食嘅肉品部位選擇超多火鍋湯底幾創新，我地揀咗「北海道豆乳玫瑰芝士鍋」，口味特別又有玫瑰花造型🌹。飲品除咗有自家製楊枝甘露沙冰，仲有唎酒師駐場，清酒大優惠最啱小酌一下。廢話唔講咁多，即刻睇吓邊款和牛最好味⬇️————————————————👅 黑樺牧場和牛火鍋放題（$398+10%/位）🔸頭盤🔸👍🏻 黑樺牛肉眼：一開始會送上3份頭盤，每檯都只係的一物，食材格外珍貴🤩，最鍾意係最大碟嘅肉眼，自帶奶香，肉質好滑溜，火鍋食法會減低油膩感，每口都享受到高級感覺👍🏻黑樺牧場盛合：三層架唔係食下午茶嘅專利啦🤣食靚和牛都無違和感！陳列精選刺身級牛肉，豬梅花同手打三色丸，爽彈蝦丸好似蝦餃餡咁足料，墨丸口感紮實，雞肉丸有軟骨紫蘇碎，層次豐富，如果可以Encore就好~👍🏻海鮮拼盤：另一個電磁爐會整清酒焗海鮮🍶，包括日本生蠔、帆立貝同海蝦🦪，大概等15-20分鐘就食得，店員會檯邊服務為你拆殼添🔸和牛類🔸👍🏻A5熊本黑樺和牛特上霜降小排：牛
火鍋湯底幾創新，我地揀咗「北海道豆乳玫瑰芝士鍋」，口味特別又有玫瑰花造型🌹。飲品除咗有自家製楊枝甘露沙冰，仲有唎酒師駐場，清酒大優惠最啱小酌一下。廢話唔講咁多，即刻睇吓邊款和牛最好味⬇️
————————————————
👅 黑樺牧場和牛火鍋放題（$398+10%/位）
🔸頭盤🔸
👍🏻 黑樺牛肉眼：一開始會送上3份頭盤，每檯都只係的一物，食材格外珍貴🤩，最鍾意係最大碟嘅肉眼，自帶奶香，肉質好滑溜，火鍋食法會減低油膩感，每口都享受到高級感覺
👍🏻黑樺牧場盛合：三層架唔係食下午茶嘅專利啦🤣食靚和牛都無違和感！陳列精選刺身級牛肉，豬梅花同手打三色丸，爽彈蝦丸好似蝦餃餡咁足料，墨丸口感紮實，雞肉丸有軟骨紫蘇碎，層次豐富，如果可以Encore就好~
👍🏻海鮮拼盤：另一個電磁爐會整清酒焗海鮮🍶，包括日本生蠔、帆立貝同海蝦🦪，大概等15-20分鐘就食得，店員會檯邊服務為你拆殼添
🔸和牛類🔸
👍🏻A5熊本黑樺和牛特上霜降小排：牛味同油脂最平衡😍
👍🏻A5熊本黑樺和牛牛小排：比霜降少啲油脂，同樣牛味濃郁，唔想食咁油膩可以揀呢款💓
👍🏻A5熊本黑樺和牛肩胛梅花：感覺肉味最甜，超多肉汁
👍🏻A5熊本黑樺和牛上肩胛肉：肉味相對無咁突出，如果鍾意食肥牛口感，呢一款會係你嘅選擇
👍🏻A5 熊本黑樺和牛牛頸脊：較爽口有勁
👍🏻A5熊本黑樺和牛玉子後腰肉：一粒日本蛋拌勻肉片再涮熟，滑蛋令牛肉滑啲甜啲，頗有港式滑蛋牛肉飯嘅感覺
👉🏻爽脆牛胸爽：肉如其名係食爽口，一股牛油味直衝腦門，比較肥膩淺嘗就好
🔸火鍋配菜類🔸
👍🏻黑樺原味和牛餃子：汁水豐盈，牛肉餡入口即化
👍🏻 手打金鑽太極墨滑：份量毫不客氣嘅蟹子同黑松露醬，自己撈勻墨滑🦑，爽彈之餘又有脆卜卜蟹子，正！
👍🏻 日本雞蛋：食牛肉點可以唔沾蛋汁呢？
.
🔸甜品類🔸
👉🏻雪糕：提供CocoBerry波波雪糕🍨，轉角位有一個雪糕配料角，可以發揮創意
.
🔸飲品類🔸
👉🏻沙冰：巨峰提子沙冰都常見，楊枝甘露沙冰就第一次見🥭，飲得出芒果同西柚味
👉🏻自製飲品：J生見到樽仔奶茶就雙眼發光，我更鍾意解膩嘅蜂蜜金橘冰紅茶同冷泡茶🍯
👉🏻罐裝飲品：汽水同果汁包羅萬有
————————————————
🚩總結：哞🐮來自熊本嘅高級和牛任食
————————————————
🌟注意：餐枱紙寫明每個牛肉部位可以涮幾多秒，不妨一試~
————————————————
📍 黑樺牛 (尖沙咀)
地址：尖沙咀堪富利士道6-6A號爵寓1樓
张贴
