黃枝記粥麵店 (已搬遷) 新店位置

等了廿分鐘的招牌蝦籽撈麵，是少量蝦籽、兩條油菜、一塊竹昇麵餅及一碗大地魚湯的複合物。蝦籽非劉森記或旺角麵家般大粒粗糙，幼細而帶微焦的色澤，滲著微微鹹香，該是過濾過再炒香之物。將鹹蝦籽灑在混入少量熟油的竹昇麵上，幼麵未經「上色」處理，簡單地展現蝦籽鹹中帶香的樸實味道。太精緻了，還是喜歡劉森記那份粗獷鹹蝦籽滋味。

20070505一直都心思思濠江那岸的蝦子撈面，既然此店來自彼方，又擅長竹笙幼面，所以朋友建議之時，便一口答應。另外兩個朋友，一個是幹炒擔擔醬河，一個是黑椒牛肉炒河，看賣相都是不錯的，前者據說確有擔擔醬味，不過沒有試。我的蝦子撈面看起來最平實，但味道十分之正，蝦子很多，極鮮極美，與面底很夾。面底又真是沒有什麼鹼水味喔，或者是極淡，我吃不出啦。再加一碟芥蘭，蠔油分開上，火候不錯。值得一贊的是侍應姐姐態度非常好，很有禮貌，全程笑笑口，好到令我受寵若驚，好到不像老店慣有的樣子：）價錢真的不便宜，偶爾試試還是可以的啦。

佢外表成間老店, 又成日示範「奀下奀下」做麵, 以為點都有料到, 估唔到咁鬼差。上星期食一碗雲吞麵, 麵條一pet pet稔晒, 麵條又唔彈牙, 除左無梘水味是好處外, 簡直一無事處。簡單如辣椒醬都無放出黎, 佢點做廣東麵店架?

因壽星仔想吃黃枝記,沒有反對之餘地,中午乖乖地出去中環逼餐死.上次經驗之後,今次來吃店內另一主打,燒鴨粥.質感很杰如糊仔.燒鴨不甚入味,完全不行.友人點下的雲吞撈,麵條反而比上次的好.質感彈牙,不過仍有不多不少的鹼水味.雲吞仍舊地傳統,麵底下的芥蘭,揀手貨,爽且甜.豬肉同蝦肉份屬五五波.炸雲吞三隻,跟錦鹵汁上,當然沒有什麼八珍在汁內.雲吞炸得香脆,算過得去.這個蜆介鯪魚球,似是沾過麵包糠來炸.本身鯪魚球也叫彈牙有致.可是外層總是怪怪的.牛腩炒麵的牛腩屬柱候系,麵底炸得夠脆.牛腩亦稔熟.在中環消費,當然比平常吃的貴,但這是全港之心臟地帶,加上黃枝記三個大字,絕對有本事比外間的麵店收貴一點.對我而言,還是在大光燈,或七喜等街坊麵店,會吃得更加高興.

o係landmark附近番工，最近食粥的地方，就係呢間野。早餐鐘意食粥，去過中環黃枝記兩大次。兩次都係叫早餐(最尾numbero個個係食粥的)，選油菜。早餐呢d繁忙時候，整碗粥加油菜，需時15分鐘，但係成間舖得o個幾客，d亞姐o係度傾計都唔幫我"不"碗粥先，好過份。碗粥，好普通，無特別，中環黎講，同羅富記差成條街。碟生菜，睇住佢一個百佳買的保鮮紙西生菜掉落d水度碌，洗都唔洗下。服務員亞姐講東話唔正，收錢o個個亞伯，唔知係咪老闆，收銀時多謝都無句，收幾多錢又唔講，好似啞x左咁。最恐佈係第二次，o個個收銀亞伯，我比一百蚊，佢問我有無散紙？我話無。佢找完錢一野丟落收銀張度(應該係放落個收銀盤度的)，真係好x無品，我長毛o係度發誓，以後都唔會落黃技記度食野！

我聽聞佢地d手打麵最出名, 所以專程去試. 三個人叫咗”雲吞撈粗”,”柔魚炒麵”,”牛腩撈麵”,同”炸鯪魚球”. 佢地d麵都好彈牙, d雲吞比較細粒, 牛腩一般, 柔魚有d”銀”, 鯪魚球好彈口. 整體上同市面有d麵店水準相近. 但價錢較貴,因為係中區同裝修嘅關係! 不過坐係入面食麵真係好舒服, 冇幾多間麵店有咁舒適嘅環境. d服務都唔錯. 所以貴d我都會繼續幫親.未試過嘅不訪一試!

第一次上去，叫咗佢出名嘅雲吞面同魚球粥。碗面真係得。面係主角，好幼，但係好彈牙，最印象難忘係d面冇皂水味。好好。因為d面冇皂水味，所以d湯嘅蝦子同大地魚d鮮味飲得出，好香。雲吞相對普通，不過overall都會再encore.粥好綿，鯪魚球都彈牙，唔錯。下次要試佢嘅豉油皇蝦球炒面!

o尋晚放工後去中環上堂,來去結果都係走去黃枝記食雲吞麵.碗麵同想像中差唔多大小,有五粒唔大o既雲吞.D麵初時食第一口覺得都幼滑同有D彈牙,但食食下開始覺得D麵開始"淋";雲吞入面D蝦都彈牙,一口一粒;D湯好甜,肯定有味精!食完碗麵都係勉強夠飽咋!服務方面,可能六點幾唔多人卦,態度幾好幾有禮貌.不過廿幾蚊碗麵都係見識過就算!!

星期日中午身處中環當然不應吃翠華咁求其原來黃枝記已渡海來港數年先來一個蝦球炒麵蝦球鮮甜竹昇麵炒後仍然十分幼滑彈牙算是很少見好食的炒麵醬汁油點也是應該的墨丸河河粉硬左少少還是食招牌麵好了湯底是蝦子湯號稱無味精蝦子真的一堆堆地撒很香再加少少辣油味道和墨丸已很夾服務和食物都比起議事亭分店的匆匆忙忙感覺認真很多

星期六中午上完seminar﹐在趕去辦私事之前祇想快快的吃點什麼﹐路過見這裡環境還可以﹐就走了進去試試﹐完全不知道它的名氣。一點未到鋪面已經9 成滿﹐生意好像不錯啊﹗因為趕時間﹐一坐下就叫了平時食開的雲吞米加油菜(假日特價餐﹕$34)。在等候的時候慢慢看看餐牌和鋪面的裝修才知道這裡最出名是它的麵﹐當時真的覺得是蠢o左﹐不過都落了order 就算了。可能生意太好吧﹐都等了頗久才先來油菜﹐再等幾分鐘雲吞米才來。那碟菜心雖然我忘記了叫走油﹐但都不算太油﹐ok 的。只是菜本身有d 老﹐菜渣比較多。雲吞米都不錯﹐米粉不會煮得太“淋”﹐雲吞的原隻蝦亦好鮮好爽﹐不過我不太喜歡那蝦和豬肉分開的包法﹐一啖蝦一啖豬肉﹐感覺有點怪。而且應該有幾多味精﹐雖然冇飲湯但我食完都勁口渴。有特價還可以﹐平時的價錢在這樣的環境吃這個質數的食物對我來說是有點貴。下次應該都是假日才會再來試試它的竹壓麵。

坊間宜家好難揾到好味既粥,呢間既粥煮得算係唔錯,同埋好似即整既,熱辣辣,幾好!坐就唔係坐得好舒服,lunch過左12:30黎就實要等位,不過service都算幾ok.平均每次每人消費$50左右,都叫做化算

忽然想食蝦子撈麵。見反正要去中環一趟﹐理所當然地﹐去了黃枝記。星期日下午﹐未滿座但也不算冷清﹐始終有遊客支持﹐假日也不愁寂寞。兩個人﹐簡單地要了一個蝦子雲吞撈麵﹐及豬手撈麵連一碟油菜的套餐。蝦子撈麵未嘗其味先聞其香﹐蝦子色深夠乾身﹐入口帶甘香﹐絕非只有鹹味的次貨﹐麵條尚算爽口彈牙﹐完全沒有鹼水味嗎﹖也不是﹐只是輕微得令對鹼水相當敏感的人如我也不介意﹐絕對是可接受的。雲吞則的確很普通﹐還是大光燈好得多。只以蝦子撈麵條﹐口感還是乾了一點﹐感覺有點孤獨﹔把油菜的蠔油倒一點下去再撈﹐整碟麵即時“生猛”起來﹐口感變得較為順滑﹐且更香口。蝦子撈麵﹐還是要配一點點蠔油﹐才是完美。豬手撈也相當有水準﹐豬手炆得入味﹐也夠腍﹐口感豐腴軟滑﹐相當滿足。雖說風格不同﹐消費不同不應作比較﹐但以食味計﹐這個的確比以前在民園吃到的﹐是高出一班的。埋單九十多元﹐以兩碟麵一碟生菜計算﹐是頗富貴的消費。但如果以一餐計﹐又不算貴了。同一件事﹐不同看法﹐就有不同感受﹐人生往往就是如此眼見不少食評都狠批這老牌麵店﹐但自己吃過﹐覺得並不差。又一次證明﹐口味人人不同﹐還是要親身吃過才知虛實。

朋友介紹的, 今日0黎呢度叫0左個狀元及第粥.粥底幾綿, 豬雜算幾爽脆, 食落比其他食粥0既地方淡, 但食完一d 都唔口渴, 睇0黎人造味精比其他地方少好多. d 料之中最好食係兩粒肉丸!Overall 個人唔覺得特別outstanding, 不過都食得過. 有機會0黎試0下雲吞/撈麵先得.

老闆娘心血來潮請食飯。要o左最standard 既細用扣底多青（雲吞麵少麵多蔥），西生菜走油。最後...細用無扣底亦無多青（靚姐：「你要雲吞麵仲要少麵？D 麵已經夠少啦噃...。」），而西生菜走油變o左油另上。（後按：我都係第一次聽到有人標榜自己既雲吞麵出名少麵，同賣雲吞麵既竟然聽唔明乜野係細用）麵...如眾食友所言，比各大超級市場所買到既雞蛋麵（唔係蝦子麵！）仲要普通；雲吞比坊間既細粒（可能因為我只會o係沾仔記食「乒乓波雲吞」有關），幸而蝦係新鮮同爽既。如果唔係老闆娘請，我真係唔知點俾分。

點解咁多苦面????其實都幾好..我食浚魚球麵.尤其係個湯,好似食神話事計..好鮮呀.........我食麵一向都唔飲湯怕味精多,但係果日我就飲晒d湯,真係幾正.飲唔到有味精.麵質都可以啦,魚球冇溝粉.好滑,不過有小小骨.招呼好好,地方清潔,但係就真係好貴,攪到我唔想叫野飲,可能係咁我先飲晒d湯....