黃枝記粥麵店 (已搬遷) 新店位置

今日食晏時去了, 12點8等左15分鐘左右, 終於有得食!叫了個雲吞湯面, 話哂都係招牌, 梗要試下, 可能之前期望太高.... 都唔係真係咁好者, d面又真係幾好香, 無鹼水味, 但實在好奀!咬極都唔斷... d雲吞就真係好一般, 西環10蚊雲吞面都好食兼大粒過佢\, 呢度仲賣成34蚊碗...唉....一次過... 下次咪制!

復活節假期第二天,嚴重超時收工已七點.相約友人九點大會堂電影節,無法子之下唯有速食算數.友人提議黃枝記,都係無法子.黃枝記出名在麵由大碌竹壓出來,由澳門開到過來,年前老銅分店吃過幾次,無甚特別.久違的雲吞麵,雲吞餡料分配適中,傳統做法.湯底頗清,但係麵條就唔多對勁.完全無彈牙口感,淋劈劈如普通超市都有得賣的所謂生麵王.蝦子撈麵個麵質唔使多講,身為箇中的靈魂蝦子,一點咸香味也沒有.撈麵本身如果麵質唔多得的話,也可望憑其他材料搭救.但係呢個真係無法子,藥石無靈.唔怪得假日下午八點呢個黃金時間,一樣無客.枉為名牌雲吞麵,我呸.PS:是日電影節,由日本仔執導法蘭西片"現代離婚故事",一對十幾年老夫老妻移居葡葡牙後回到巴黎,感情轉淡之下,正準備離婚....最後一幕,男主角送女主角上火車去波爾多,在月台相對無言.到底,女主角有無上車?佢地最後,能否破鏡重圓?又到大家睇完戲比大家諗下野的時候.唔好問我,連我都唔知.

見有不少劣評，但有2個同事食過都話唔錯，我又未試過，即管相信佢o地口味去試下。我o地食12點，時間尚早唔駛等位。我o地每人一碗粥，再加炒麵、干炒牛河、淨雲吞及淨水餃。粥底都幾綿，同事們就嫌太" 杰" ，不過我鍾意，最怕水汪汪的粥，我食完都唔會口渴，不過我食豬潤粥，d豬潤幾硬幾實，唔得爽，可能冇落野加工掛!肉絲炒麵-只是茨汁多了少少，不過炒得幾香，麵身又幾脆。而牛河太油啦，我冇食到。水餃比雲吞好，雲吞食唔出有蝦食，只食到一pat pat 野，普通的麵舖會好食過佢。而水餃就好清楚食到蝦、豬肉同木耳，味道算唔錯。其實都唔係講到咁差o者，雖然價錢唔平，份量唔大，但味道ok，可以接受的。

今日有d喉嚨痛....去食粥啦...叫左生滾田雞粥...好鮮味....去到呢d有名d舖頭...先至會安心食架田雞唔熟透做生虫架....呢度好好味....

同舊同事食飯,今次佢話事,揀左呢度;反正未試過香港店,又試下;上次係澳門食,食雲吞面;清清地,幾好味,但係未至於好正~今次我要左個雲吞牛腩面;朋友同我一樣,不過佢要撈面:面無乜"揀"水味,好~~雲吞有三粒,唔錯,反而個牛腩都好好味喎,又淰又入味,不過35蚊一碗,好似貴左少少喎..

見這麼多人說得咁差，但成日經過都咁多人等位，好奇心之下，同同事等位試下，我食雲吞麵ok, 雲吞有五粒，但我明明記得有評家話得四粒，問伙記說，從來未試過四粒，唔明d人點解咁寫？麵的確有d 淋，但有鮮甜麵味，別處食唔到，讚~~菜心一般水準。同事食肉丸魚球粥,話幾好食~埋單62元,在中環算幾抵~~服務值得一讚~~

完全唔明佢憑乜可以取得八個笑口分數。中環店我一次都未食過。反而銅鑼灣店我食過兩三次。但每一次都失望，所以立下宏願，黃枝記不結業，誓不入店。（澳門店除外，因為澳門有不少必食的美食，次次去都未有機會試佢正店）。每次食都一定食雲吞麵，麵永遠都係淋到比街頭爛貨仲要惡劣，好狗仔粉少少，要數全港食店最淋身的雲吞麵，佢稱皇，冇人夠瞻企出稱霸，佢的Target Customer應該主打冇牙的老人家。湯的確係好，是屬於一流貨色，雲吞一口一粒，蝦及肉混合很好，也是水準之上。由於麵實在失分嚴重，其他幾好都假，廿幾銀，我去正斗、麥奀好過。食第一次失望，當佢一時失手，之後再去過一兩次，都係一而再再而三令我失望，呢條過江虫真係洽我香港人唔識食。呢個質數都可以自誇為雲吞麵高手，唔洗出動正斗、麥奀、何洪。只用名氣不足的灣仔富城、深水劉森記都足以打謝佢。拆佢對聯為「無酒安能邀月飲，有錢最好食麥奀」，一於將「雲吞」改為「麥奀」押韻一。

再來午飯,這裏仍是好食的粉麵好去處,而且沒有上次回港遇著和上班一族爭位,下次都要星期日來,蝦子麵和水餃都仍保持水準.

麵質真係好滑,雖然唔係彈牙. 但係佢d幼麵咁幼,又彈牙o既話,咪好似海哲law!?湯底好香蝦子味.我估都係真材實料,煲o左好耐果隻.因為食完麵,我o地又冇再叫飲品都唔見口渴.好.雲吞唔係大大粒果d. 同意有食家意見,食雲吞唔係食蝦餃. 一口一粒就最好.我o地仲叫埋裹蒸糭.但只係一般.唔係平,但可能預o左係中環食,我認為價錢可以接受.

星期日中午，有假日餐牌。雲吞麵加油菜賣32元，要咖啡加6元﹔撈麵就要40元，加埋咖啡就46元了。菜要了菜心和通菜。湯麵好細碗，以為撈麵會多些，因為貴8元，怎知雲吞一樣是5粒，有欺騙之嫌。油菜好細好細碟，從未吃過咁細碟的油菜。味道尚可，但就物非所值了，以後不會再去。難怪客人不是太多。

雖然呢度o既麵出名, 不過我想compare 吓中環粥店o既肉丸粥, 就由此店出發...佢o既肉丸粥比較細碗, 女仔加多碟油菜做lunch就啱啦, 男o既就要多碗麵啦。講吓d肉丸, 一碗有6粒, 細細粒, 好香大地魚味, 係我暫時食到中環最好味o既肉丸, 粥都唔錯, 幾綿, 不過粥麵皇更綿。佢係好味, 不過食完好似有d口乾喎...值得一讚係佢地o既服務, 我同朋友另一日o係lunch繁忙時間去, 又要糖又要碗... 佢地都好有禮貌, 唔錯。

今日10左右諗住黎試試呢間老間,但一朝已人山人海,唯有買外賣,要左蝦子雲吞撈麵$25,麵的確吾錯!幼身,無鹼水味,亦算爽口!蝦米亦相當香.雲吞則麻麻地,肉及蝦吾夠鮮味!

The noodles are soft, not bouncy at all!The wontons are too small!The soup is not tasty, concentrated enough!The service is SUPER SLOW!The price is way way way too high for this kind of quality!I will never never ever go again!

啱啱開既都有好多人等位，家陣明顯少人咗好多。呢度話啲麵無用皂水，可能係咁既原因啲麵一啲都唔彈而且一pat咁，啲雲吞又唔係咁特別，所以應該唔會再去啦。

早幾日去中環返工, lunch 跟同事去了王枝記, 之前都聽過呢間食店個名, 好像有點歷史似的.見到個餐牌, 同我平時在大角咀食lunch比較是貴了點.沒有試他們的雲吞麵, 同事們吃完說很普通.我點了個魷魚炒麵, ok la, 但很多油...總括而言, 好像不太值...