黃枝記粥麵店 (已搬遷) 新店位置

六點幾o黎食晚飯. 人在中環, 想食健康清淡一點o既, 就算上次經驗好差, 都係o黎左呢道. 可能係同行外國朋友關係, 服務有禮, 周到.菜心ok, 煮得o岩o岩好, 咬落索索聲.鯪魚球湯麵: 好好. 今次真係食得出佢\o既麵g既特別風味, o係一種隱隱約約o既油香. 麵條並唔太爽彈, 偏幼, 但味道補蕃. 鯪魚球好鮮味好香. 份量對女士來說o岩o岩好.朋友食豬肝牛肉粥, 佢\話好好味, 但粥的確o係稀, 佢\食剩近三份一碗\"水\".埋單八十. 唔平, 偶一為之不妨.

lunch time 好多人, 不過好快有位. 座得有啲逼, 但起碼唔需要搭枱.我要咗一碟蝦子撈麵- $33 - 麵彈牙口感唔錯, 蝦子份量唔多但足夠. 唯獨麵底下啲菜好油.Friend叫咗lunch set, 雲吞湯麵+ 油菜- $32, 加杯奶茶加$8. 見到雲吞細細粒咁, 佢\話ok wor.整體質素係好, 但真係貴咗啲ok law.

第一次寫食評...就寫唔好既野...真係丫...尋日晏就落大雨...原本schedule 左去嘉咸街o個間cafe食...臨時就改左去黃枝記....貪佢近公司..唔駛臨雨..日日行過, 好似又幾出名, 仲以為好好食, 一坐低就叫左碗雲吞麵, 以為咁大路...一定ok啦..碗麵份量唔大, 一個女仔食剛剛好, 不過麵質稔得過份, 唔係咁o岩我胃口...真係食壽桃牌既杯麵都還好....而雲吞方面, 細細粒, 有4隻, 每粒都有隻幾蝦, 不過張雲吞皮好大張, 食完好似食左成張皮, 搵唔番隻蝦....而且好似太重調味料....濃得濟我同事個lo麵反而就ok喎....不過講到最可取既, 就係油菜喇, 碌得剛剛好...如果要我比三十幾蚊去食呢間既, 下次都係食杯麵好過~

今日落雨絲濕又去了黃枝記.試o左擔擔醬幼麵$24...竹升麵都幾好味!我都同意冇鹼水味!有D 辣,有D肉粒同辣椒粒青椒粒,成碗唔係傑撻撻個種.麵幼就幼,但我唔係好夠飽,要叫多個蘿白糕12蚊(得兩件).唔多蘿白絲,少料,粉多個種,下次唔會再叫,唔抵! 加o左8蚊有杯菊蜜...但好可憐,今日杯o野多冰又好淡.服務幾好,但有時出野食慢...有時半枝煙時間就有個麵,但隔離哥仔個招牌雲吞撈,我食完成支都未o黎!老實說,它的食物偏貴,若不計中環地點的問題.

明明o係去翠華o既, 經過呢度, 好邪咁我拉左個同事入去. 裝修非常得, 冷氣稍嫌凍. 叫左招牌蝦子撈麵- 又o係邪, 我呢個人明明鐘意食湯麵o既. 同事叫左豬肝豬腰湯麵.撈麵先來. 先試條菜- 涼o既? 再試麵. 蝦子o係好香, 好掂, 我同意, 但o係d麵, 淋pat pat 一坦油o係底唔在講, 食左兩啖, 我宣佈I can't stand it. 又凍又淋字字o既一團捆埋幾舊o既野實在唔能夠放入口, sorry. 成碟差唔多冇郁過放埋一邊. 三十三蚊付諸東流.同事個麵o黎左粥, 等多一陣先上番個麵. 真o係幾細碗下, 三十八蚊碗堝~ 不過入得口, 冇鹼水味, 但d麵完全o係淋o既一d都唔爽. 今日下晝開始胃痛, 痛到放工, 諗住食左飯會好d! 點知~

有錢最好食雲吞,無酒安能邀月飲其實這兩句說話我有D唔明, 有錢點解要食雲吞呢? 食其他o野唔好?這個星期因為病,近近o地食左兩次(所以一次過寫), 都覺得唔系太好味. 可能系我冇試食雲吞麵啦!上星期: 爽滑肉丸粥26蚊,肉丸一般, 帶蝦子味, 丸丸味道有點淡…今天吃了豬肝粥, 豬軟滑,剛剛好, 唔”UN”. 粥唔算好綿, 有時有一舊舊(應該用一PAT PAT形容) 癡埋. 同埋出野食慢了點@_@口渴可以試試菊蜜, 清清o地, 下次叫少冰應該仲正! 26蚊加8蚊凍飲=32蚊.

無酒按能邀月賞有錢最好食雲吞呢兩句係餐牌上面的字樣﹐如果我真係好有錢﹐我就唔使來呢度食雲吞喇﹐講到好巴閉咁﹗上個禮拜去完做瑜咖﹐最好食碗清淡的麵喇。一條直路行過來﹐想起呢間麵鋪﹐以佢的價錢和質素﹐晚上一定唔多人。不過有得挨的凳就冇晒﹐唯有坐冇得挨的凳﹐而我最憎就係冇得挨既凳。叫了最普通的雲吞麵($24)﹐菜心($16)。雲吞麵的麵真的很少﹐雲吞約只有四隻﹐每粒雲吞同湯圓差不多大。麵條不錯﹐沒有鹼水味﹐屬于較為淋身的。菜心好正﹐算幾大碟﹐菜亦新鮮﹐熟的程度適中。可能做完運動關係﹐食完都唔飽﹐唯有叫多個魚片粥($24)。相比起粉麵﹐粥品唔算貴﹐但就好唔惦﹐好稀和唔入味﹐魚片尤其敗筆﹐欠缺鮮味。我叫了走薑絲﹐因為我不吃薑的﹐但成碗粥搞到幾腥﹐但我去粥麵皇甚至新釗記叫走薑絲﹐都唔會咁腥的﹐非常差﹗

食左個雲吞麵餐同事們就食二人粥餐由於光顧之前帶有不少期望, 但結果是有點失望雲吞係幾好食, 成粒都好似係蝦咁, 但好似細粒左dd麵夾唔起, 因為一夾就成碗夾起晒麵質都幾好, 但32蚊再加8蚊凍飲, total 40蚊就有點物非所值, 而且都唔夠飽另外粥餐叫了肉絲炒麵, 不過不失, 好似酒樓果d好食d幸好這餐有人請, 否則我會覺得有點唔抵食我寧願食11蚊沾仔記了

今日同屋企人0係度食晏,我要雲吞麵,屋企人要擔擔醬麵.2碗都係24蚊.雲吞麵一般,雲吞有5-6粒,但蝦唔算特別好食,雲吞皮都係一般.麵係用蝦子麵,几好咬口.擔擔醬麵係粗麵,擔擔醬几好食,少少辣,但油0左dd,粗麵都ok.24蚊一碗麵,咁樣0既水準,我覺得麻麻地,貴0左d,但0係中環來說,叫ok啦...

朋友食過話幾好便試吓, 之後經常叫外賣.我本身唔多食蛋麵, 因為唔夠彈牙, 朋友就話只係一般蛋麵味, 有點失望.反而粥重啱食, 朋友愛蟹併雞粥($48), 我唔食蟹但望落黃澄澄幾好樣, 粽都ok幾多綠豆, 我鍾意燒鴨肉丸粥, 粉腸生菜都唔錯, 估唔到乾炒牛河幾夠鑊氣, 同豬扒包幾脆.餐牌冇寫但叫外賣發現有油條(當然送到來都難會很脆)同白粥(有味), 中環好小有油條食, 好過冇.

此店的其中一推介- 鮮蝦雲吞，雖然正如之前的食評內提及，是蝦多肉少，但其實每個雲吞內只有一隻蝦而已。不過，蝦肉都算爽口，幾新鮮。但與麥文記的比，拍馬都追不上!

當黃枝記重響銅鑼灣時幫親過﹐般左過來中環之後第一次來。麵條是較為腍身﹐不算爽口﹐雲吞一口一隻﹐蝦都幾新鮮﹐湯底不鹹﹐但太細碗﹐完全唔飽。油菜好爽口﹐但又係太細碟﹐總之食完好似冇食過野咁囉。裝修同服務都好好。

20041130 9pm去完party , 飲完happy hour. 同兩個女仔朋友搵o的o野咬下.3人吃-*我- 豬手麵($24) - 豬手一般, 都係西環有檔正o的, 麵就煮得淋得滯, 無咬口, 唔夠彈牙*朋友A- 燒鴨皮蛋粥- 朋友話保持水準wor*朋友L - 粉腸粥- 朋友L 就話呢度o的粉腸水準一般, 灣仔"靠得住"好味o的.*大家share - 北菇時菜- 北菇今次就麻麻地啦, 無前兩次咁好食, 同埋都係超細碟*大家share - 灼芥蘭x 1 - 清甜爽脆, 略嫌portion 較細.值得一讚上菜快左好多!ohoohaioiunganatakikayai再趕返公司, 繼續搏殺!

之前去澳門食過議事亭o個間，o個碗細蓉簡直驚為天人!今日晏晝就諗住o係中環店重溫美夢，點知係幾失望。本來午飯時間o係中環食o野要等位係正常不過o既事，不過佢o既食物質素令我覺得唔多值得等。同女友每人一個細蓉加碟菜，o野食o黎o既速度okay 。先食碗麵。入口第一o下就覺得... o的麵咁腍o既？？好似俾水浸o左好耐/煮得太耐咁o既口感，完全唔彈牙。成兜麵腍到好似黐埋一「住」咁，唔掂！係，佢係冇鹼水味，不過啖麵咁腍，有冇鹼水味已經冇分別喇。之後試雲吞，叫做幾好啦。有四粒，大小適中，蝦多肉少，咬落都幾爽口。唔錯。至於啖湯就比較普通o的，同其他麵店o既湯底差唔多。澳門店o既湯鮮甜o的，同埋飲得出真係冇乜味精。仲要平o的添!中環呢度碟菜就認真十分普通，無可奉告。見呢餐咁貴（六十幾蚊），即刻同女友講句「唔抵食!」老實講句，呢間黃枝記真係唔夠班頂大利清湯腩個靚舖!

今日早嚟，唔算多人，叫咗碗雲吞蝦子撈麵，要$38等得耐，麵有竟然有啲凍，但麵質幾好，雲吞一般，蝦子ok，湯過濃價錢貴，唔太值，無下次