麻辣風雲 (荃碧大廈) (已結業)

依家成日都工作，甚少返屋企食到住家飯，有時放飯時間係屋企附近，都唔敢返屋企食，怕唔夠時間～之前喺荃灣做野，遇到呢間麻辣風雲，感覺好似食住家飯咁，諗起都覺得正!! 嗰日同左幾個同事去試咗佢嘅酸辣魚🤤 佢嘅份量真係好多，一大盤，魚塊超級多，見到浸喺盤入邊嘅魚塊就已經流晒口水，湯底有少少酸少少辣少少麻嘅感覺，每一啖都刺激到味蕾，啲魚好嫩滑🤤流晒口水～再嚟就係花雕醉雞，呢個係我嘅之外，啲雞用花雕浸過，雞嘅香味完全發放出嚟，少少花雕令到雞肉有清新感😍其實佢仲有好多小菜，例如萵筍等等，叫碗飯，大家一齊share食，好似食緊住家飯咁，好開心！

約咗朋友聚聚，揀餐廳就係一個大煩惱！我朋友揀咗好耐決定帶我去食呢間叫麻辣風雲嘅川菜！一去到，覺得門面做得好靚，古色古香，感覺好高尚😂我哋叫咗水煮魚，酸菜炒肥腸，雞絲粉皮。先講雞絲粉皮，冇得頂，材料好足份量好多，連醬汁一齊食，超開胃！再嚟就係酸菜炒肥腸，我都係第一次聽呢個組合，酸菜酸酸甜甜，配合肥腸，口感好平衡之餘多層次👍🏻 醬汁好入味，令到肥腸味道濃郁👏🏻 係口感好特別嘅一道菜😎至於水煮魚，都係唔使多講～睇埋相已經贏咗，一大盤超級香，魚肉好鮮甜嫩滑，容易咬出而入口即溶，魚肉有一陣陣麻辣味，真係忍唔住追住食👍🏻 依家諗返起，都想翻桌，唔夠喉🤤

有時冇腳食飯，周圍搵嘢食都係我嘅煩惱，平時周圍去唔同地區做嘢，搵嘢食成為咗興趣，咁啱今日有一個人去lunch, 結果比我遇到麻辣風雲😛呢度嘅菜式琳琅滿目，我上網睇一體，最多人叫就係炸饅頭，我另外再叫咗酸菜炒肥腸😙 炸饅頭一出場，係威係勢，一睇就是老闆有花過心思係上菜方面！饅頭用船載出嚟，好有feel~! 新鮮出爐嘅炸饅頭真係令人難忘，外脆內軟，裏邊又唔乾身，好好味，我咁鍾意食炸饅頭，配埋煉奶，津津有味！呢度另外一個招牌就係酸菜炒肥腸，一上枱就香噴噴，食落好有鑊氣，肥腸數量都好多，好足料！一句講晒，好味！

♨️麻辣風雲荃灣海壩街114號一樓@spicy_restaurant_hk ❤️午市套餐好抵食，幾十蚊有個酸菜魚，食物質素唔錯，疫情下明顯樓面少咗人返工，好多嘢要靠自己🤣📌炸饅頭特登叫隻船嚟架勢一下，點知今日冇乾冰冇煙出😮‍💨，不過個饅頭炸得好食📌口水雞客飯今次比既部份全部都係雞胸，比較鞋📌麻辣夫妻肺片好鬼嘢味📌招牌酸菜魚啲魚夠滑又多，薯粉又正，性價比一流📌豆腐花鴨血薯粉豆腐花拼薯粉呢個組合好正，滑滑溜溜，一流📌 鮮芒椰果玉露食辣嘢點可以冇凍飲，呢杯好解渴，正食物：8/10抵食：8/10環境：8/10。。。#荃灣美食 #食在荃灣 #tsuenwanfood #香港美食 #美食日記 #美食推薦 #麻辣 #麻辣風雲 #spicy #hkig #hkigfood #hkfoodie #hkfoodstagram #hkfoodpic #hkfoodblog #hkfoodlover #hkfoodieblogger #hkfoodporn #foodie #foodiehk #foodporn #foodphotography #foodblogger #foodstagram #foodpic

🌟炸饅頭 $58 (9/10)呢個可以話係必食！一上枱超誇張 用船做裝飾再加上乾冰冒煙嘅效果 好igable📸😉除咗打卡 炸饅頭都好驚喜外層炸到香脆 內層依然保持到鬆軟而唔油膩點埋煉奶係絕配🤤🤤嗌6個先有呢隻船🤫4個無咖酸菜魚 $268 (8/10)魚片薄切 肉質滑而無骨 份量配料多唔額外加都已經有大量煙韌嘅寬薯粉🥰再配上豆卜 菇 芽菜 萵筍 酸菜 餸粉一流酸、麻、辣度可以分別自己揀湯底好香花辣味 有啲食上癮嘅感覺🤤水煮牛肉飯 $ (7/10)呢家真係好夠麻🥵牛肉煮得夠腍唔韌 不過量唔多蓮藕、木耳、芽芽爽口得黎吸晒湯汁 非常下飯🥰

男朋友突然想吃酸菜魚，上網找到這間在荃灣的酸菜魚，位置在荃灣，方便食完後又可以到附近逛街😎因為禁晚市堂食關係，我們4:30左右到達餐廳計劃食個 early dinner🍽這個時間不用等位便可即時入座，而且不收加一！上一層才是餐廳的範圍，裝修走一點中式古色古香的風格🏮環境整潔，地上不會有莫名的垃圾，而且桌椅亦沒有黏黏的感覺👍🏼我們兩人只點了一份酸菜魚：上枱時賣相十分精美，我們點了小麻小辣小酸，都不會太淡😋入面除了有無骨魚片和酸菜之外，還有紅薯寬粉、海鮮菇、萵筍、豆卜、芽菜等配料，兩個人吃完後各自有五六成飽，相信加白飯會更有飽足感🤤吃完不會覺得口渴，口腔內亦不會有陣久久不能揮發的川菜香料味😛ㅤㅤㅤㅤㅤㅤㅤㅤㅤ

上個月同左一個好耐冇見嘅小學同學相聚，太耐冇見，我地由以前成日糖黐豆到後期生疏咗好多！約咗好耐，終於可以見返，我已經期待好耐！我哋都超級鍾意食辣野，所以去咗麻辣風雲！呢度位置勁寬闊，兩個人嘅枱好似四個人咁闊，我哋叫到成枱都係菜，位置都比較充裕，感覺好滿足🤪 我最鍾意就係雞絲粉皮，粉皮好薄，咬落好彈牙，而且幾有口感😍 超級好味！而且勁大碟，超過兩個人嘅份量🌟另外仲叫咗好鍾意嘅炸饅頭！上網見呢一款菜式一定要叫，果然名不虛傳！炸饅頭外層好脆，裏面軟綿綿，好暖，讚好！

請老細食飯就梗係要食好啲啦，帶咗老細食傳統川菜，講起傳統川菜，一定要試麻辣風雲😎🤤 環境好吸引，周圍都佈置住好多古代感覺嘅精品～ 例如，櫥窗放咗好多古代用嚟飲酒嘅酒瓶~~! 好別緻，又有創意！請得老細食飯，就冇手下留情！招牌菜辣子雞必叫！真係好推介～辣子雞雞肉好嫩好滑身！唔會好多骨~ 雞肉肉質充滿着辣味~辣，但食得好滋味，辣味更加突顯雞嘅味道，正👍🏻辣椒雞嘅皮好脆，所以食辣好有口感，刺激到味蕾！另外我仲叫咗傳統嘅土豆絲，醉雞等等，其實整體來講都真係幾抵又好食食川菜又點少得雞絲粉皮，我最鍾意食佢嘅芝麻醬連青瓜🤣 粉皮好彈牙，又薄，連青瓜絲一齊食，一陣陣清新感😍

上星期同媽媽傾開計，佢話掛住家鄉川菜，好想去食，於是就帶咗佢去比較接近傳統味道嘅麻辣風雲！裏面佈置好華麗，感覺回到過去，牆上面見到好多唔同嘅嘢食，例如呢一款麻辣拼盤，睇落已經好吸引！上網睇，炸饅頭必叫！所以一坐低，就要求先上炸饅頭😂 出場好有排頭，成隻船裏面裝住六個饅頭😂超級得意！當然啦，饅頭都揸得恰到好處！而且，超級脆口👍🏼 媽媽就唔太好炸物🤣食辣嘢，又點少得酸辣魚？其實佢係麻辣比較多，一大盤上枱，已經好香！份量好多，兩個人食都有飽肚感，魚既麻味比較重🤤 係好鍾意嘅麻辣咁，所以令人食唔停搶着食👍🏻 媽媽仲形容係辣得過癮之餘，麻嘅感覺都好過癮✌🏻不過我都係鍾情於土豆絲，每次嚟都必叫！佢嘅麻辣感令人搶住想食得更多🤤 呢餐飯算幾開心，媽媽食得好過癮🤤

自費食評 自己買酸菜魚卷去食架Openrice可否推廣下我我都想有人搵我試食lol由於我兩個好朋友都係一月生日所以佢哋餐生日飯都夾埋左一齊食本身諗住一月尾先食啦點知無啦啦就又爆疫情禁堂食我哋太想食辣野同聚一聚嘅關係就係咁堂食之前最後一日臨急臨忙約咗呢餐飯麻辣風雲呢間黃店我都食過兩次今次就試咗新野呢個虎皮尖椒真係辣出一個新高度入邊啲紙如果唔去乾淨嘅話真係辣到飛起食呢碟野就好似抽獎咁一舊辣 一舊就完全唔辣 啱晒玩懲罰gamebtw係好食嘅🐟酸菜魚帶咗小酸大辣同中麻我哋都一致認為下次應該要勁辣呢碟唔算好辣 味道保持一貫水準👏🏻🐓辣子雞都係新試嘅朋友就覺得有少少鞋口唔夠嫩滑🥬手撕包菜我就覺得幾好味同夠辣🐚辣酒煮花螺個花螺好入味 朋友就覺得螺肉唔夠鮮甜如果再新鮮d會再好味d🤤🤤唔洗問 呢間會無限encore~~

呢排凍凍地, 所以好想食啲熱野, 就開始迷上咗酸菜魚, 不過食過幾間都麻麻地, 一係對我嚟講太辣, 一係就唔夠酸🤥 而今日就想同大家介紹呢間夠酸又唔太辣嘅酸菜魚, 麻辣風雲🤩 因為冇咗晚市堂食, 發現佢地嘅午市套餐都幾抵😍.酸菜魚 $88 (跟一碗白飯)想講佢地嘅份量一啲都唔少, 二個人都夠食🙈 加多一碗白飯嘅話😛 佢地嘅湯底冇話因為係午市就hea你, 真係超足料🤩 有好多花椒八角etc🤣 最jeng嘅係, 佢地有得自選酸度同辣度, 而我就揀咗大酸同小辣!! 湯底真係超酸🤩 辣度又啱啱好喎😚 送飯一流🙈🙈🙈 而佢地仲有好多酸菜係入面, 寬粉都唔少🤪 所以份量真係好多😂 而魚都幾滑🤨 都有8-10舊😛😛 絕對會encore!!.宮堡雞丁 $55都唔錯, 炒得幾香, 不過相比之下就冇酸菜魚咁驚喜啦🙈 但都不過不失, 抵食 lunch set🤪.P.S. 佢地嘅炸饅頭好似都不錯, 下次去試下先🤪 星期六日 lunch會加+10% service charge 但酸菜魚性價比真係抵到爛🤣.📍麻辣風雲荃灣海壩街108-114號荃碧大廈1樓銅鑼灣駱克道491-499號京都廣場5樓.(💛💛💛💛💛為滿

我平時好鍾意食麻辣嘢，今次嚟麻辣風雲就係想朝聖一下佢嘅小食😂 有門口已經見到一系列嘅poster，樣樣都好似好吸引！環境黎講，算好舒服，坐得舒服之餘食得都唔差🤣男朋友本身見到辣嘢都有少少卻步，但係呢一間連佢自己食過都覺得好食，亦都好推介，結果變咗我哋嘅飯堂🤣要推介佢嘅土豆絲，份量算多，好大碟，而辣味喺土豆絲中間散發出嚟，要咀嚼一陣，辣味先慢慢湧出來👍🏻超級好食！我男朋友最鍾意就係醉雞，佢話雞肉非常之嫩滑而且好新鮮，咬開食到濃濃酒味😍 煮得非常入味！而且生熟程度適中，唔會好似一般餐廳咁，會見到好多血塊！至於萵筍，我哋都試過好多次，清清地，感覺好健康，感覺唔會太有罪惡感😂

有冇諗過可以返到古代嘅客棧好似古代人咁樣食嘢？😂 近排去咗一間叫做麻辣風雲嘅呢間川菜餐廳✌🏻 真心講，環境佈置超有睇頭，真係好似客棧咁樣😂 好別出心裁！ 位置都好闊落，我哋兩個人去，就好似坐左四個人嘅空間👍🏻 係值得一讚，而且有私隱度🥰都係試啲招牌菜，邊講呢度嘅雞絲粉皮！其實食川菜都一定會叫黎試吓~ 我覺得都算唔錯，但講份量嘅話，就值得一讚啦！因為佢真係好足料，而且粉皮好彈牙，唔會煮到太林身~!我哋仲試咗酸菜炒肥腸～其實本身聽個名覺得有啲奇怪，膽粗粗就點嚟試吓，估唔到都有幾有新鮮感！炒肥腸呢個煮食方法本身都有保障，加上酸菜，喺味覺方面多咗一重口感，正！佢嘅長真係又肥又大嚿，真係冇偷工減料㗎👍🏻 用嚟送飯會好滋味🤤至於酸菜魚，就唔使多講，話明招牌，都真係有料到！

今日要去食🔸麻辣風雲🔸, 事緣 Dee 哥拍攝食辣嘢時有介紹過, 而且餐廳係ToNick 嘅恆仔💛 有份合資, 所以就bookmarked 等機會去試吓。餐廳裝修都比較古色古香, 座位與座位有足夠嘅距離, 感覺都幾開揚舒服。🥢 蒜泥白肉滿滿嘅蒜泥同芝麻舖喺白肉面層, 好香, 底層有青瓜絲墊住, 白肉肥瘦分明, 切得好薄, 夾曬所有配料一齊食, 好好食。🥢 陳醋手拍青瓜陳醋好酸呀, 可以用嚟解辣。🥢 炸饅頭望落去無乜特別, 不過食落真係好驚喜, 饅頭外皮炸得好香脆, 但係裡面好軟熟, 蘸點煉奶一齊食, 好味。🥢 水煮牛肉(小辣)望落去紅卜卜, 牛肉薄切, 肉質軟腍。配料有辣椒, 蓮藕片, 菇, 芽菜, 豆卜, 木耳, 最重要係有大量薯粉, 薯粉晶瑩剔透好煙靭, 其他配料吸曬水煮辣味, 好惹味。🥢 水煮魚(中辣)辣一級真係唔同Level, 會一邊食一邊流鼻水。一梳梳嘅魚肉, 肉質好嫩滑, 連皮一齊食都唔會覺得肥膩, 好適合餸飯食。餐廳整體食物都好好食, 職員都好有禮貌, 係值得再去食嘅一間川菜餐廳。

早幾日朋友突然之間話好想食四川菜，於是上網就搵吓搵吓去到呢一間麻辣風雲，於是就去咗同麻辣風雲再起風雲🤣門口簡簡單單，但一我入門口，覺得店內裝修好靚！而且一個大大隻嘅<<掂>>字！非常之有霸氣！水煮魚食得四川菜，當然唔少得一定要食嘅就梗係水煮魚啦，食得辣既真係必叫，好抵食！湯底好濃，份量又好大，放咗好多魚，件件都好大舊，食落好滑，好好味！臘肉炒萵荀臘肉既香味同鹹味配清淡既萵荀，感覺好清好fresh既感覺😍 好爽口！土豆絲好大碟既土豆絲，好入味，土豆絲間滲岀陣陣辣香，好啱用黎送飯食！而且，呢一度嘅土豆絲都非常爽口！整體來講，呢一間麻辣風雲嘅四川菜都幾正宗同埋幾出色，好值得推介！