麻辣風雲 (荃碧大廈) (已結業)

有冇諗過可以返到古代嘅客棧好似古代人咁樣食嘢？😂 近排去咗一間叫做麻辣風雲嘅呢間川菜餐廳✌🏻 真心講，環境佈置超有睇頭，真係好似客棧咁樣😂 好別出心裁！ 位置都好闊落，我哋兩個人去，就好似坐左四個人嘅空間👍🏻 係值得一讚，而且有私隱度🥰都係試啲招牌菜，邊講呢度嘅雞絲粉皮！其實食川菜都一定會叫黎試吓~ 我覺得都算唔錯，但講份量嘅話，就值得一讚啦！因為佢真係好足料，而且粉皮好彈牙，唔會煮到太林身~!我哋仲試咗酸菜炒肥腸～其實本身聽個名覺得有啲奇怪，膽粗粗就點嚟試吓，估唔到都有幾有新鮮感！炒肥腸呢個煮食方法本身都有保障，加上酸菜，喺味覺方面多咗一重口感，正！佢嘅長真係又肥又大嚿，真係冇偷工減料㗎👍🏻 用嚟送飯會好滋味🤤至於酸菜魚，就唔使多講，話明招牌，都真係有料到！