麻辣風雲 (荃碧大廈) (已結業)

下午冇咩野做😌 去咗周圍搵嘢食，上網睇吓網紅推介，竟然搵到喺附近一間辣野，睇到啲相就流晒口水了😋門面幾靚，每張枱都好大好闊，我自己霸左一張枱✌🏻 瘋狂令我流口水嘅一定係呢一碟辣子雞！啲雞都大嚿，而且好入味，咬開即刻刺激到味蕾☺️ 好正，記得叫兩碗飯啦，送飯一流！😂炸饅頭就必叫必叫🤤 艘船好型呀！載着六個炸饅頭😍 我仲叫咗兩碟煉奶，因為炸饅頭實在炸得好好食！趁熱食係最好味，因為咬開就熱辣辣，暖胃添！黎食麻辣嘢又點少得酸菜魚，好大兜~! 好鍾意食酸野，呢度既酸菜魚唔太酸，好適中，有少少麻，但好到位，又係用黎送飯😆😆

今日男朋友話佢自己好想食川菜，所以我自己就喺社交平台度搵吓有啲乜嘢好介紹，之後比我搵咗呢一間喺荃灣嘅麻辣風雲❤️好多人介紹呢間餐廳，所以今日就帶咗男朋友過嚟食飯！食得麻辣嘢就梗係要食水煮魚啦，呢度嘅水煮魚好好食，首先呢度嘅湯底非常高質，麻辣嘅香味真係好濃烈，而且呢度嘅水煮魚嘅魚肉好滑！份量亦都好多！絕對抵食！另外重點推介嘅就係呢度嘅特色炸饅頭，呢度嘅炸饅頭就咁睇個賣相已經非常之有霸氣！除咗賣相吸引之外，呢度嘅饅頭亦都好好食，加埋煉奶一齊食真係好正，外脆內軟！真係食得出呢度嘅饅頭同出面嘅好唔同，入面係依然保持到饅頭嘅香味同埋好軟熟！

今日去咗麻辣風雲翻桌🤤 講起已經流晒口水，其實我唔知第一次嚟㗎啦，不過今次就帶我個外國返嚟嘅朋友試下正宗川菜👍🏻我個朋友喺門口已經見到好多宣傳嘅Menu，本身對佢嘅火鍋好有興趣，諗住試一試，但係最終都係揀左小菜食！先叫咗酸菜肥腸，口感好特別，啲腸炒到幾脆口～ 不過都係鍾意傳統少少👉🏻土豆絲！美味嘅麻辣香氣同味道隱藏住喺一條條嘅土豆絲中～睇埋相，根本就一啲都唔辣，但食落超級滋味🤤 我用嚟送咗兩碗飯㗎！另外就係炸饅頭，好似每台都有嗌，未食已經聽到好多人推介佢，果然！除咗出場嗰個震撼力之外，饅頭外脆內軟😍 新鮮滾熱辣啱啱就好，我仲點左好多煉奶食添🤪

好開心！！！搵到間好食既川菜😋 仲係食得好舒服好自在。我食嗰日比較多人，我喺外邊等位既時候，連等待區都幾舒暢，而且空氣流通，唔會迫，「掂」！入座第一時間叫咗酒飲🥰✌🏻 酒杯好正宗，好有feel😍 點咗酸菜炒肥腸，第一次食呢個配搭，估唔到味道都幾意外👍🏻 酸菜酸酸嘅味道配少少油份既肥腸，口感好特別😍 再來就係炸饅頭🌟 岀場感覺好有氣勢，嚇一嚇親，氣派好正👍🏻 突然感覺炸饅頭係招牌菜😌 食落有料到👏🏻 外脆內軟，回味無窮😋土豆絲係我最愛，好林身，辣味滲入土豆絲，好正，送飯最好🤤

#荃灣 @spicy_restaurant_hk我在外用餐是常事! 去荃灣開完會, 搵人陪我醫醫肚, 趕在6pm 前食個靚靚超早晚餐! 唔知點解朋友好喜愛食酸菜魚🤔, 但平時明明唔食酸菜....😒🥗前菜小食 @$9 ~ 中華沙律、菜圃! 🐟先來個酸菜魚吧 $268, 味道要少辣! 材料超豐富, 除咗有大量魚片, 仲有大豆芽菜、豆腐卜、寬粉、菇菇等! 魚完全唔腥, 魚肉軟滑爽口, 好新鮮! 味道不錯, 酸辣度剛剛好, 配料吸收湯汁, 好滿足! 🍞炸饅頭 $58 ~ 我最愛之一, 炸得唔油膩, 真正的外脆內軟, 作為甜食時最喜愛沾媡奶, 或者夾上我喜愛的回鍋肉, 堅正! 🥩川式回鍋肉 $108 ~ 份量超大, 滿滿的薄片腩肉, 唔肥爽口, 配上椰菜同食, 辣辣的好開胃! 🐥藥膳雞腳 $58 ~ 好好好入味, 濃濃的藥材味, 但唔嗆喉亦唔難聞,  雞腳軟爛易咬, 推介! 🥭再來杯凍鮮芒椰果玉露 $38  & 烏龍茶 $18/支! 完美的一個豐富一餐! 

聽過朋友介紹過麻辣風雲，但一直冇試過，咁岩經過荃灣搵個朋友，於是同佢一齊過嚟食餐飽✌🏻 我地叫咗炸饅頭、辣子雞、臘肉炒萵筍、花雕醉雞～ 我幾鍾意花雕醉雞，超級濃郁嘅花雕酒味，雞件唔係唉食，食得出係雞髀位，每啖肉都充滿着花雕酒味，肉質嫩滑爽口，好值得試👍🏼另外臘肉炒萵筍都好特別，識落好爽身，麻油香好重，好啱用來做開胃前菜！臘肉都好香，都算大片，萵筍嘅清新感配臘肉一齊食，感覺好爽口又清新，去掉油感！當然唔少得一定要介紹嘅就係呢一個炸饅頭，炸饅頭真係好好食，我自己真係好耐都冇食過，呢一個炸得好香，而且入面仲係非常軟熟！加埋嗰啲煉奶一齊食真係又邪惡又好食！

口痕痕想食酸辣魚，上網見到，幾有人氣既呢一間麻辣風雲!! 就咁望啲相就覺得幾好食，而且價錢一啲都唔貴，所以就今日約咗男朋友過嚟呢度食飯！果然真係試過就知好抵食，性價比幾高！一入門口，見到佢好有派頭，上樓梯間已經見到好多唔同嘅款式小菜！但係我都係鍾情於酸辣魚✌🏻 一上枱，真係幾大盆，而且份量好多，魚片唔會話好碎，食落啖啖肉同埋都幾滑👍🏼 真係好想撈飯食😆再黎就係土豆絲！分量超多，辣味浸入土豆絲𥚃面，完全越食越好味，越食啲辣味愈岀！又係送飯一流！😍整體來講，都算唔錯，而且環境夠大夠派頭，氣氛唔錯！食落都好開胃👍🏻

本人係十分之喜歡吃酸菜魚，之前見朋友post 社交平台有碟酸魚好似好好味，於是就問佢邊度食，佢就介紹左麻辣風雲俾我試。(補充:已經係十一月去食)叫左蒜泥白肉、麻辣雞腎、炸饅頭同埋主角酸菜魚。蒜泥白肉ok啦，朋友好鍾意佢啲蒜泥，我就還好。麻辣雞腎一般，以我ge認知雞腎應該係爽口，但呢碟食落去好腍，又唔夠辣。炸饅頭其實好難唔好食，但佢炸得好唔靚，啲皮裂晒，應該係炸過龍。到主角酸菜魚啦，可以自選麻、辣同酸度，朋友唔食得好麻，叫左小麻小酸中辣。都幾足料，有豆卜、薯粉果啲，但味道真係好一般。啲魚份量都足，但無咩特別。重點一啲都唔熱，只可以講係暖，同我之前係其他舖頭食嘅，真係差好遠。唔好嘥錢去試。其實真係好唔特別，唔會特登再去食。P.S.由於OpenRice 話我收取左優惠，要我修改食評，本人嚴重竹聲明，並沒有收取任何優惠，只係以普通消費者真金白銀去光顧。

我去過麻辣風雲品嚐過晚餐，知道品質有保證，尤其酸菜魚，環境又寬濶美觀，而我發現午餐有米線出品，都有驚喜啊！今次我品嚐了特別的香滑豆腐花米線🍜 ， 估唔到真係好match , 豆腐花好滑溜，豆味香濃，配以米線和配料滋味呀！而且有多款不同肉類、菜類、丸類、餃子等任自由配搭加配，還可以用優惠價追加小食呀！價錢又合理，又多新選擇，米線控要支持！品嚐美食之餘我仲見到佢哋已出盆菜，心思思下次幫襯下先！麻辣風雲地址：荃灣海壩街 114 號 1 樓

不嬲都鍾意食炸饅頭同埋酸菜魚，麻辣風雲一次過可以滿足晒兩個願望！荃灣分店都幾大間，就算平日夜晚都坐到滿晒，好受歡迎👏🏼店員服務好好，好熱情❤️落單係用QR code好方便~前菜小食$9/碟有中華沙律同埋菜甫，都幾開胃，不過一坐低就會擺咗喺度，默認要收錢的。如果唔喜歡嘅話可以叫店員收起～炸饅頭呢度嘅炸饅頭特別架勢，用一隻大木船裝住六隻炸饅頭，仲有乾冰不停噴煙添！饅頭炸到金黃色，外層鬆軟入面軟熟，重點就係一定要掉佢落啲煉奶度游水～酸菜魚可以自選酸度辣度～我地揀左小辣正常酸，份量都幾多，除咗魚肉之外配料有萵筍，酸菜，芫荽，豆卜，薯粉。魚片嫩滑新鮮又無骨，味道來講都算唔錯！涼拌萵荀$58一款唔錯嘅涼菜，清新爽口，不過如果會食酸菜魚嘅話就冇必要叫了，因為酸菜魚入邊就有。麻辣海蜇$58份量好多，不過味道不突出。蒜泥白肉$68生蒜味非常突出，嗰醬係微辣，食落好香口。

又嚟到荃灣搵好嘢食，聽講呢間麻辣風雲喺荃灣出晒名🤩 Menu好精緻，菜式多元化，食過嘅朋友都讚，建議必試酸菜魚🐟🥢 酸菜魚 $268可自選酸辣程度，食得辣嘅朋友可揀中辣🌶 大碗又足料，大量新鮮魚片、酸菜、萵筍、豆芽、豆卜同厚切薯粉，鮮魚湯底唔會油膩，冇骨魚片薄切夠軟滑，酸菜夠入味，啖啖麻香酸辣，相當惹味。🥢炸饅頭 $58充滿氣勢嘅小木船盛起6件即炸饅頭，船身仲有特別效果，有驚喜🤩金黃色饅頭外脆內軟，要剛蒸好再拎去炸先咁軟熟，點埋煉奶真係一流，雖然好肥但真係好好味呀😋 必點項目！🥢辣酒煮東風螺 $198東風螺約有廿幾粒，份量算多！辣酒汁底以麻味比較突出，而辣同酒味就冇咁重。🥢椒鹽雞軟骨 $98外層脆皮都算唔錯，椒鹽粉同炸蒜如果可以再多返啲就仲正😁🥥椰汁冰 $38椰汁香味，唔太甜🍺Asahi生啤 $75幫襯當日爆晒場，限時1.5小時都有少少趕。食物質素唔錯，擺盤有心思，啱晒我地打卡人士，建議飲品可以做多啲優惠，因為食辣嘢會好想Keep住飲嘢🤣

上月來過晚市，店家的酸菜魚及炸饅頭令我和朋友覺得非常回味，這一次特意再來試試午市的米線是否同出色😎，發現午市米線也可以加點炸饅頭，太好了，以為在晚市才會有的，當然就是馬上點啦！香滑豆腐花撈米線$38+肥腸+竹笙 +梳打水$4豆花微暖香滑，加上芫荽、炸醬、辣椒及酸菜等配料一同食用更顯滋味，口感相當豐富，點了小辣，覺得有辣香但不夠辣，個人認為喜歡吃辣的可以叫大辣或中辣。太極米線$48（已包兩餸）(轉薯粉）～必食+肥腸 +竹笙+牛肉餅$12 +凍檸茶$6一次過滿足想吃麻辣又想吃酸辣的朋友，首先要講講酸辣湯，非常濃郁出色，酸、甜？辣味都很平衡，絕對值得一試。反而麻辣湯較為單調，相比之下遜色了一點。牛肉餅很不錯值得一試👍🏼追加炸饅頭$36 ～必必必食是我最愛的炸饅頭😍雖然不像晚市擺盤震撼，而且只有四顆（當然也比較便宜），但味道同樣滋味，讓我再多說一次，炸饅頭跟坊間的真的很不一樣，外皮炸得非常酥脆，不是硬脆的那一種是酥脆，內裏麵包體仍然非常軟熟。沾上煉奶食用，簡直一絕。*這次還發現母校校友會的會員證有折扣🥳💛

【荃灣• 麻辣風雲】————————————————————————川菜店舖樓上鋪 座位闊落 唔會坐得迫 可能早食 所以都唔算話太多人🌟炸饅頭HKD58經典小食炸饅頭 必叫‼️ 之前食過次 都有叫木製船盛載炸饅頭 諸葛亮出場夠威風 入面放乾冰 打卡要趁快因為唔係度度都整得好食👍🏻 配埋煉奶一流香脆內軟金黃色 真係好鍾意食😋🌟酸菜魚HKD268「酸」「麻」「辣」分開三樣揀程度 口味更符合自己𪃭外加薯粉HKD30 酸菜魚點可以冇薯粉份量想像中大😵三個女人啱啱好配菜豐富：萵筍、豆卜、菇、大豆芽而且魚片無骨口感嫩滑 湯底大量酸菜其實食到停唔到口🤤鍾意食酸菜魚嘅朋友要試❤️🌟燒茄子HKD48店舖樓下新開餐廳「串里」可以寫紙叫串燒上嚟食燒茄子係串燒必叫👍🏻👍🏻 茄子面鋪滿好多蒜蓉食落口感好香口 陣陣蒜蓉味。餐廳環境：📸📸📸📸服務質素：😊😊😊😊食物味道：👅👅👅👅性價比：💰💰💰💰人均消費 HKD137（連加一）✨✨✨✨✨✨✨✨✨✨✨✨✨🏠 麻辣風雲📮 荃灣海壩街108-114號荃碧大廈1樓

家下晚餐嘅時間要搵餐廳食嘢真係幾煩惱🙈 喺公司附近搵到間幾好味幾舒服既餐廳，重點係食辣㗎😍 之前已經聽過好多人推介過呢間，有派頭味道又唔差，所以一直都好期待🤤 一入餐廳，見到佢都好多食物選擇，環境光猛，仲有好多好有特色嘅招牌菜😎我揀咗水煮牛，好香，面頭鋪滿左辣椒，感覺周邊空氣都洋溢着麻辣味！見到已經流晒口水。牛嘅份量好足，唔會剩係得辣椒而好少牛肉🤤 牛肉咬落去唔會好韌！撈飯食正😍第二樣試咗炸饅頭，好似係每個人過嚟都會叫😙 先講賣相，派頭果然有，岀場好有氣勢，係用船岀場，好有派頭。而炸饅頭好脆，咬開熱辣辣好滋味

心血來潮，嗰日晚飯嘅時間想食川菜，就約左我同事同我一齊去試吓呢間！環境好正，好有噱頭，食慾都大增，無論擺設、門面、Menu、以及後上既野食都好有氣勢，用心製作。我哋叫咗水煮牛，牛肉好嫩😍加上煮得好入味，食咗幾啖已經出晒汗，真係好滋味！鍾意食辣嘅一定要試吓！另外極度推介酸辣魚，份量非常多，魚片好大塊又好滑，湯底夠酸又有啲麻，好好味！唔算好辣，但係勝在啲魚片唔錯！魚肉嘅鮮味依然可以同酸菜魚嘅味道配合得啱啱好，而且連埋呢個湯底同埋魚肉一齊食嘅時候更加滋味！整體來講，呢一間餐廳我自己都非常推介，而且價錢一啲都唔貴，絕對係一間性價比好高嘅四川菜！