麻辣風雲 (荃碧大廈) (已結業)

識我嘅朋友或者睇開我寫食評嘅朋友都知道我係一個非常腌尖嘅人，好鬼嘴刁之餘仲要唔好食就真係唔會放落口。今日嚟到麻辣風雲依家餐廳竟然令我讚不絕口，因為佢所有嘢食都非常之好食我全部都食晒！首先為大家介紹嘅就係佢哋招牌菜式酸菜魚同埋水煮牛肩肉，魚肉非常新鮮，完全吸晒酸菜湯嘅味道。份量多之餘仲唔係好貴我覺得性價比超高！另外水煮牛肩肉我覺得佢哋好有誠意，因為真係用咗牛肩肉而唔係用肥牛。仲配搭埋寬粉同埋好多唔同嘅配料，全部都已經好入味好正㗎！除此之外仲有叫到炸饅頭同埋糖心蛋。炸饅頭係用一隻船去盛載，吸引到好多唔同嘅人去打卡而我也不例外。糖心蛋就用咗黑松露加配煙燻嘅過程去製造，兩者嘅味道非常之夾！

佢哋可能好奇怪點解我今日嚟到麻辣風雲淨係叫咗一啲小菜冇叫到酸菜魚嗰啲，唔講你唔知啊其實除咗酸菜魚同埋水煮牛之外呢間餐廳嘅其他小食都好好味㗎！今日叫咗火爆魷魚鬚！呢度嘅魷魚鬚炒得非常有心機㗎絕對唔係hea！首先因為佢哋用咗好多唔同嘅配菜去爆炒，除咗有一般用嚟炒魷魚嘅洋蔥之外仲有紅椒青椒等等。魷魚鬚非常彈牙、惹味。另外仲叫咗黑松露煙燻糖心蛋，呢個糖心蛋夠晒特別啊，因為已經有好重嘅黑松露味！煙燻嘅味道同黑松露味非常之夾。除此之外我哋仲叫咗一份炸饅頭，炸饅頭真係揸得每一面都係金黃色，非常脆口！最後有甜品就係紅糖糍粑啦！呢度嘅糍粑係非常之正宗，除咗賣相吸引之外仲要煙煙韌韌！

我成日都好鍾意食豬大腸㗎，但係有啲餐廳會整得唔好食成日都覺得佢有浸味而令到反胃好想嘔！聽日我見到麻辣風雲嘅Menu上面都有豬大腸，但係係用酸菜去炒製，我諗用酸菜炒應該會好好味所以就叫咗啦果然冇令我失望呀！仲叫咗一碟酸菜魚，唔可以用一碟嚟形容佢因為佢係一大兜一大碗！首先份量真係超級多，對得住個價錢性價比超高。仲要勁好味，強烈建議大家如果去呢間餐廳嘅話一定要叫！黑松露煙燻糖心蛋都係我嘅至愛嚟㗎，食過之後就真係返唔到轉頭，黑松露嘅味道溶於蛋黃之中，煙燻嘅味道都是不錯！另外仲叫咗麻辣雞翼尖呢個唔使我多講啦雞翼尖係超級超級超級好味！

我地5個人食，佢俾左間房我地，一入到去，我以為自己去左雀館，同埋佢都真係有牌打既，而間房有埋廁所，又有電視，其實唔錯。個雞絲粉皮幾好食，食唔到辣既人叫佢就岩啦😂個菊花蜜甜得滯，甜過維他菊花茶。乾炒四季豆味道唔差，唔算太辣。呢個炸饅頭簡直係打卡之選😂仲識噴煙，正呢個糍粑味道一般，唔夠煙韌。叫乾窩既時候要小心啲，因為佢係逐樣餸俾錢，叫下叫下就會變得好貴。而呢個乾窩既味道就一般，唔夠入味。佢既酸菜魚味道係唔差既，可以一試！啲魚絕對唔咪橡筋魚😂

一直留意左好耐嘅酸菜魚😍 終於有機會去試下🤤🤤🤤【招牌酸菜魚】$88自行選辣度酸度芫茜‼️ 呢度啲份量都好夠料 魚同酸菜都好夠 夠滑同夠入味！ 啖啖都係魚肉😍 加$12有寬粉 不過我地無加 入面有少量！我覺得以午餐嚟講 味道同價錢都幾合適【老干媽炒年糕】$58好中意食中式炒年糕！勁淋勁入味！仲配埋少少肉絲同蔬菜 口感仲更加有口感！🤤揀左小辣 但唔係太辣感覺～ 建議可以揀中辣應該有返少少辣味！【惹味雞軟骨】$38呢個係冷盤 夠晒辣同夠入味！ 😋🤤Rating: 7.5/10

麻辣風雲呢間餐廳平時好多人等位，佢特登放咗啲櫈喺門口比等候嘅人坐，我覺得呢件事係非常之抵讚！今日同埋男朋友屋企人嚟到呢間餐廳食咗好多嘢啊等我仲有為大家介紹吓啦！首先我哋叫咗一份水煮牛肉，呢份水煮牛肉係用咗牛肩肉去製成，牛肩肉嘅肉質比較有咬口，通常我會配埋湯底一同食用，香濃嘅麻辣味長流於口中。另外我哋仲叫咗一個酸菜炒肥腸，我男朋友媽咪同我講碟餸菜喺四川係非常之出名，但係唔係人人整得好食因為豬大腸當中會有腥臭味好難癖除，如果整得好食嘅人一定係花咗好多功夫。聽到咁樣我更加想嘗試下呢間餐廳係咪真係整得好食啦，果然豬奶腸真係冇乜臭味，反而仲多咗啲酸菜味添總括嚟講呢個菜都係炒得幾好㗎！另外仲叫咗麻辣雞翼尖同埋紅糖糍粑，兩樣作為小食都絕對係一個非常好嘅選擇！

今日跟着朋友去覓食，佢同我講要帶我去食川菜。老實咁講我咁大個女都未食過川菜家聽就聽得多但係真係冇食過！今日就叫咗一份水煮牛肉！我夾起嚟睇嘅時候好驚訝咁同朋友講唔係肥牛嚟㗎 ！點不知佢同我講話呢間餐廳唔會用肥牛咁hea！全部都係用牛肩肉。啲肉質會有咬口一啲㗎，廚子之外入邊仲有一啲配菜同埋寬粉同樣都係吸晒水煮湯底，的確令人讚不絕口！然後仲叫咗一份黑松露煙燻糖心蛋，糖心蛋我就真係成日喺拉麵店都會食嘅，但係有黑松露味嘅又真係未食過。今日試咗之後真係覺得平時食開嗰啲冇呢個咁好食呀！最後我哋兩個人仲膽粗粗叫咗一架饅頭船，船上有六隻巨型炸饅頭。我哋兩個頂住煉奶好快就食晒啦。

首先我喺呢度祝麻辣風雲生意興隆四季旺，呢句我喺佢哋個對聯到睇到！呢間餐廳充滿左中國古典風嘅設計風格同理念！餐廳格局都非常舒服同埋寬躺！今日一家人嚟食飯我哋就叫咗幾樣小菜等我為大家逐一介紹吓啦！酸菜魚:一大兜嘅酸菜魚果然唔少得巨量酸菜！酸菜魚同鰻魚都係毫不吝嗇咁樣供給客人，你睇佢二百幾蚊咁大包就知道佢哋餐廳真係好有心！對得住個價錢！對得住啲客！對得住自己！鮮魚片新鮮之餘仲要肉嫩冇腥臭味！麻辣雞翼尖:雞翼尖一直都係我嘅最愛，麻辣味完全入晒雞翼尖入邊，我係咁追住嚟食㗎，入到個口食到麻痹哂真係好正！炸饅頭:齋問題有六件嘅，我哋勁想叫多一份啦，我哋全部人都係咁搶着嚟食！因為真係勁好味😋嘢飲方面我哋一人一杯椰汁冰，佢呢度嘅椰汁冰夠晒解渴，甜而不膩。夏天飲就真係啱晒！

我成日都周圍同人哋宣揚我對麻辣風雲呢間川菜餐廳嘅喜愛！成日都介紹朋友嚟食㗎 ！如果佢再喺香港開多幾間唔同分店佈滿18區咁就好啦！今日我咋依舊食咗佢嘅酸菜魚！佢嘅酸菜魚自從我食過之後我就再冇喺其他地方食過啦，因為覺得佢真係好正宗！首先佢嘅酸辣味調配得好好👍🏻肉質鮮嫩不在話下，竟然佢係冇骨！！！然後再叫在炸饅頭，店員話俾我哋知原來要六隻饅頭先會有！為咗同我隻船打下卡影吓相我都叫咗！原來架船仲識得出煙㗎，店員話俾我知因為佢哋喺船隻嘅底部加入左乾冰所以會有冒煙嘅效果！最後叫埋糍粑做甜品是常識吧！我有糯米糍嗰種軟糯煙靭口感。唔係紅糖同埋黃豆粉確實係一個完美嘅結局。

我深深掛念想去食川菜，今日終於約到男朋友一齊去啦，我哋兩個都超級鍾意食辣嘢！可以稱得上係無辣不歡！一坐低梗係要叫返一個我最鍾意食嘅紅糖糍粑過下人先啦，佢哋嘅賣相非常吸引我上到枱已經忍唔住即刻夾黎食啦。好鍾意嗰種糯米做出嚟嘅煙韌感。配埋旁邊嘅糖漿同埋黃豆粉，非常讚！之後我仲叫咗佢哋嘅signature，就係炸饅頭，初頭都唔知原來炸饅頭咁好食㗎平時有饅頭我掂都唔掂！原來揸咗之後外面金黃酥脆食落外脆內軟，配埋煉奶甜絲絲嘅味道一試難忘！最後就係火爆魷魚鬚，呢個都係我今次第一次叫，突然之間覺得好耐冇食魷魚鬚見到Menu就叫咗啦。呢度嘅魷魚鬚用咗好多唔同嘅配菜去爆炒，炒得好香口，好夠鑊氣！

今日同媽咪嚟到一間號店嘅餐廳就係麻辣風雲，呢間餐廳係一間川菜餐廳。帶屋企人嚟之前我已經食過好幾次㗎啦👍🏻今日叫咗我嘅至愛火爆魷魚鬚，首先呢碟魷魚鬚係用咗紅椒青椒同埋洋蔥等嘅蔬菜爆炒！魷魚鬚足足過10條😍煙煙韌韌嘅感覺，好有咬口，魷魚鬚非常惹味！另外我同媽咪仲叫咗一個人氣之選，就係酸菜魚啦，呢度嘅酸菜魚可以自己揀幾辣幾酸，媽咪成日都話好想食，但係又唔食得辣！呢間舖頭就啱晒佢啦可以自選辣到！結果我阿媽不停地讚嘆呢度啲魚肉質好好，唔會有細骨。佢話下次要帶佢啲朋友一齊嚟！

成日都會去麻辣風雲嗰度食午餐或者晚餐但係就每一次都未試過佢嘅小菜，我決定今日晏晝就食佢哋嘅小菜當做午餐！首先叫咗火爆魷魚鬚，呢碟魷魚鬚用咗好多唔同嘅配菜去爆炒！魷魚鬚非常之彈牙！我數過啦差唔多起碼有20條！份量太多了吧！然後叫左霸王蝦球，勁多辣椒喺面頭，通常食開辣嘅朋友都知道見到辣椒就已經好開心！講返佢嘅黑頭先，佢啲蝦都好大隻㗎，他頭上嘅花粉唔會太厚，蝦肉結實彈牙！最後係麻辣雞翼尖！雞翼尖世一，我可以話係雞翼尖fans，因為超中意食！麻辣味係口中盤旋，辣得好過癮！煮得好入味，抵讚！

今日終於嚟咗麻辣風雲都食我最鍾意嘅川菜！今日都叫咗幾多嘢食㗎，等我為你地介紹吓啦！酸菜炒肥腸:唔知大家知唔知道大腸內部的脂肪匍經絡是大腸腥味嘅主要來源。我一直都好怕食，因為好臭㗎但係我另一半話好鍾意食大腸，話一定要叫！今次我都試吓啦幫唔到呢間餐廳嘅酸菜味可以完全覆蓋大腸嘅腥臭味！水煮牛肩肉：餐廳好有熱誠！因為唔係拎肥牛黎hea我！係厚薄適中嘅牛肩肉，唔會有筯！超爽口，除此之外，仲有湯底好香好辣。酸菜魚:人氣菜色都唔使我多講啦只能用好味好味好味來形容佢！首先佢嘅酸辣到調製得非常之好唔會有搶味嘅情況。魚肉鮮嫩無比！已經冇骨，所以冇野可以挑剔！炸饅頭:上到枱嘅時候嚇咗一下冇諗過係用一駕船去裝住呢啲饅頭！店員仲以為我哋加入乾冰係底下，等我哋打卡嘅時候仲會噴煙！玩味十足！

我成日形容麻辣風雲呢間餐廳係川菜嘅大大佬，冠軍之選！我成日都會去荃灣呢間分店我認為呢間分店嘅服務員服務態度係最好！佢哋好貼身查詢我哋客人嘅需要同埋會為我哋安排好一切！今日同左家姐呀哥去光顧，佢地望完就叫左幾樣餸！首先係個個嚟到呢間餐廳都會嗌嘅酸菜魚！我哋好鍾意食呢度嘅酸菜魚㗎因為二百幾蚊就可以食到一隻咁大舊嘅酸菜魚，分量又多又好食！酸辣味比例剛好，不會有搶味嘅情況👍🏻另外仲叫咗秘製麻辣炒薯粉，呢個都係我哋平時食開，因為我哋覺得佢個薯粉炒得好好㗎唔會好濕潤，岩岩好，份量又足！除此之外今日仲叫咗雞翼尖同埋糍粑做小食，雞翼尖好夠麻好夠辣😆。糍粑好煙韌，終於明白點解大家都咁中意食！

今日上網見到人哋拍Asmr，喺度食紅糖糍粑，睇到嗰種煙煙韌韌嘅感覺就即刻想試吓睇吓係咪真係咁好食。跟住我就想Online搵吓邊度有得食結果我搵到呢間川菜餐廳-麻辣風雲！糍粑賣相好吸引，加埋黃豆粉同糖漿簡直就係絕配，煙煙韌韌嘅口感讓我一次愛上！下次我一定會再叫！麻辣風雲之人氣首選炸饅頭！6件饅頭可以用船上，配搭埋煉奶甜絲絲嘅感覺令我流連忘返！霸王蝦球成為今日嘅MVP，因為我覺得呢間餐廳好老實竟然比咁大隻蝦！又炸得金黃酥脆！沙粉唔會好厚實，好有咬口之餘仲要鮮味十足！