麻辣風雲 (荃碧大廈) (已結業)

今日同男朋友兩個去行街 經過荃灣咁啱見到呢間食酸菜魚嘅店舖😋 一於去試吓佢先！呢度嘅座位好寬闊 我哋兩個人去都可以坐到一張好大嘅枱 枱面都好乾淨 唔會癡粒粒 抵讚！佢哋嘅餐具都好有古式風味☺️嚟到呢度一定要叫霸氣炸饅頭 店員拎嗰道小船出嚟 已經非常震撼左我哋 呢首小船打卡一流 雖然剩係得六舊饅頭！炸饅頭炸到金黃酥脆 外脆內軟嘅口感真係唔錯 食完好想再食呀！除此之外 呢度有一個小食一定要叫 霸王蝦球真係好正啊！炸到金黃酥脆 卜卜脆之外仲有辣味 雙重口感 唔好睇個價錢咁貴 因為真係好足料抵食 蝦球系用左新鮮蝦 爽口彈牙 隻隻都有我隻手掌咁大隻呀！