麻辣風雲 (荃碧大廈) (已結業)

我成日形容麻辣風雲呢間餐廳係川菜嘅大大佬，冠軍之選！我成日都會去荃灣呢間分店我認為呢間分店嘅服務員服務態度係最好！佢哋好貼身查詢我哋客人嘅需要同埋會為我哋安排好一切！今日同左家姐呀哥去光顧，佢地望完就叫左幾樣餸！首先係個個嚟到呢間餐廳都會嗌嘅酸菜魚！我哋好鍾意食呢度嘅酸菜魚㗎因為二百幾蚊就可以食到一隻咁大舊嘅酸菜魚，分量又多又好食！酸辣味比例剛好，不會有搶味嘅情況👍🏻另外仲叫咗秘製麻辣炒薯粉，呢個都係我哋平時食開，因為我哋覺得佢個薯粉炒得好好㗎唔會好濕潤，岩岩好，份量又足！除此之外今日仲叫咗雞翼尖同埋糍粑做小食，雞翼尖好夠麻好夠辣😆。糍粑好煙韌，終於明白點解大家都咁中意食！