麻辣風雲 (荃碧大廈) (已結業)

麻辣風雲呢間餐廳平時好多人等位，佢特登放咗啲櫈喺門口比等候嘅人坐，我覺得呢件事係非常之抵讚！今日同埋男朋友屋企人嚟到呢間餐廳食咗好多嘢啊等我仲有為大家介紹吓啦！首先我哋叫咗一份水煮牛肉，呢份水煮牛肉係用咗牛肩肉去製成，牛肩肉嘅肉質比較有咬口，通常我會配埋湯底一同食用，香濃嘅麻辣味長流於口中。另外我哋仲叫咗一個酸菜炒肥腸，我男朋友媽咪同我講碟餸菜喺四川係非常之出名，但係唔係人人整得好食因為豬大腸當中會有腥臭味好難癖除，如果整得好食嘅人一定係花咗好多功夫。聽到咁樣我更加想嘗試下呢間餐廳係咪真係整得好食啦，果然豬奶腸真係冇乜臭味，反而仲多咗啲酸菜味添總括嚟講呢個菜都係炒得幾好㗎！另外仲叫咗麻辣雞翼尖同埋紅糖糍粑，兩樣作為小食都絕對係一個非常好嘅選擇！